LIFE
-
ഇസ്രയേലിലേക്കുള്ള മിസൈലില് ‘ഇന്ത്യക്ക് നന്ദി’; കൈപ്പടയില് എഴുതി ഇറാന് വ്യോമസേന; ദൃശ്യങ്ങള് പുറത്തുവിട്ട് കോണ്സുല് ജനറല്; സമൂഹമാധ്യമങ്ങളില് വന് പ്രചാരണം
ന്യൂഡല്ഹി: ഇസ്രയേലിനെ ലക്ഷ്യംവച്ചുള്ള മിസൈലിനു മുകളില് ‘ഇന്ത്യയ്ക്ക് നന്ദി’യെന്ന് കൈപ്പടയിലെഴുതി ഇറാന്. ദൃശ്യങ്ങള് മുംൈബ കോണ്സുല് ജനറലും ഇറാനിയന് സ്റ്റേറ്റ് മീഡിയയും പുറത്തുവിട്ടു. വിക്ഷേപണത്തിനു മുന്പായി ഇറാന് വ്യോമസേനാ ഉദ്യോഗസ്ഥനാണ് നീലനിറത്തിലുള്ള മഷിയില് ‘താങ്ക്യൂ ടു പീപ്പിള് ഓഫ് ഇന്ത്യ’എന്നെഴുതിയത്. ദൃശ്യങ്ങള് സമൂഹമാധ്യമങ്ങളിലൂടെ ഉള്പ്പെടെ പ്രചരിക്കുകയാണ്. സമാനമായ രീതിയിലുള്ള സന്ദേശം സ്പെയിന്, പാക്കിസ്ഥാന്, ജര്മനി എന്നീ രാജ്യങ്ങളുടെ പേരിലും എഴുതിയതായി റിപ്പോര്ട്ടുകള് സൂചിപ്പിക്കുന്നു. ഇറാനിയന് നെറ്റ്വര്ക്ക് പ്രസ് റിപ്പോര്ട്ട് ചെയ്യുന്നതനുസരിച്ച് അമേരിക്കന് കേന്ദ്രങ്ങളേയും ഇസ്രയേലിനേയും ലക്ഷ്യംവച്ചുള്ള ഇറാന്റെ ഏറ്റവും ഒടുവിലത്തെ സൈനിക നടപടിയുടെ ഭാഗമായാണ് ഈ സന്ദേശം പുറത്തുവിട്ടത്. നടപടിയുടെ 83-ാം തരംഗമായി വിശേഷിപ്പിക്കപ്പെടുന്ന ‘ഓപ്പറേഷൻ ട്രൂ പ്രോമിസ് 4’ ന്റെ ഭാഗമായാണ് ഈ നീക്കം. അഷ്ദോദിലെ എണ്ണ സംഭരണ കേന്ദ്രങ്ങൾ, മോദിയിന് സമീപമുള്ള സൈനിക താവളങ്ങൾ, യുഎസ് സൈനിക വിവര കൈമാറ്റ കേന്ദ്രം എന്നിവയും ഇറാന് ലക്ഷ്യംവച്ചവയില് ഉൾപ്പെടുന്നു. ഈ സൈനിക നടപടിയുടെ ഭാഗമായി യുഎസ് താവളങ്ങളായ അൽ-ദഫ്ര (Al-Dhafra),…
Read More » -
സംവാദത്തിന് ക്ഷണിച്ച് വി. ശിവന്കുട്ടി; തീയതിയും കുറിച്ചു; മറ്റൊരു ദിവസമാകാമെന്ന് രാജീവ് ചന്ദ്രശേഖര്
തിരുവനന്തപുരം: നേമത്തെ വികസനപ്രവര്ത്തനങ്ങളെക്കുറിച്ച് എന്.ഡി.എ. സ്ഥാനാര്ഥി രാജീവ് ചന്ദ്രശേഖറിനെ പരസ്യസംവാദത്തിന് വെല്ലുവിളിച്ച് മന്ത്രി വി.ശിവന്കുട്ടി. രാജീവ് ചന്ദ്രശേഖര് തയ്യാറാണെങ്കില് 29-ന് രാവിലെ 10 മുതല് ഉച്ചവരെ പൂജപ്പുര മൈതാനത്ത് സംവാദം നടത്താമെന്ന് വി.ശിവന്കുട്ടി പത്രസമ്മേളനത്തില് പറഞ്ഞു. എന്നാല്, 29ന് പ്രധാനമന്ത്രി കേരളത്തില് എത്തുന്നതിനാല് ആ ദിവസം പറ്റില്ലെന്ന് രാജീവ് ചന്ദ്രശേഖര് പറഞ്ഞു. ഇത് മുന്കൂട്ടി കണ്ടാണ് ശിവന്കുട്ടി സംവാദത്തിനു ക്ഷണിച്ചത്. 29-ന് സംവാദത്തിനു ക്ഷണിച്ചത് ശിവന്കുട്ടിയുടെ അടവാണെന്നും മറ്റൊരു ദിവസമാകാമെന്നുമായിരുന്നു രാജീവ് ചന്ദ്രശേഖറിന്റെ മറുപടി. നേമത്ത് നിലവിലെ എം.എല്.എ. വികസന പ്രവര്ത്തനങ്ങളൊന്നും നടത്തിയിട്ടില്ലെന്ന് രാജീവ് ചന്ദ്രശേഖര് നേരത്തേ പറഞ്ഞിരുന്നു. തുടര്ന്നാണ് കഴിഞ്ഞ അഞ്ചുവര്ഷത്തെയും ബി.ജെ.പി. കാലത്തെയും വികസനങ്ങള് താരതമ്യപ്പെടുത്തി മന്ത്രി പത്രസമ്മേളനം നടത്തിയത്. ഇതിനിടെയാണ് സംവാദത്തിനു വെല്ലുവിളിച്ചത്. ശിവന്കുട്ടി ആളുകളെ വിഡ്ഢിയാക്കുകയാണ്. മറ്റൊരുദിവസം തീരുമാനിച്ചാല് തീര്ച്ചയായും വികസനസംവാദത്തിന് തയ്യാറാണെന്നും രാജീവ് ചന്ദ്രശേഖര് പറഞ്ഞു.
Read More » -
ഈ യുദ്ധം അവസാനിപ്പിക്കാന് ഇന്ത്യക്കു കഴിയും, പാകിസ്താനുമായി ചര്ച്ചയില്ലെന്നും ഇറാന്; ‘ട്രംപിനെ പരമോന്നത നേതാവാകാന് ക്ഷണിച്ച വിവരം അറിഞ്ഞത് ഡല്ഹിയിലെ കുട്ടികള് പറഞ്ഞിട്ട്’; പരിഹാസവുമായി മോജ്തബയുടെ ഇന്ത്യന് പ്രതിനിധി
ന്യൂഡല്ഹി: ഇറാനെതിരെ അമേരിക്കയും ഇസ്രയേലും നടത്തുന്ന യുദ്ധം അവസാനിപ്പിക്കാന് ഇന്ത്യയ്ക്ക് സാധിക്കുമെന്ന് ഇറാന്. പാക്കിസ്ഥാനുമായി ഇറാന് ഒരു ചര്ച്ചയും നടത്തിയിട്ടില്ലെന്നും അക്കാര്യം പാക്കിസ്ഥാനിലെ അംബാസിഡര് തന്നെ നിഷേധിച്ചിട്ടുണ്ടെന്നും ഇറാന് പരമോന്നത നേതാവ് മുജ്തബ ഖമനയിയുടെ ഇന്ത്യയിലെ പ്രതിനിധി അബ്ദുല് മജീദ് ഹക്കിം ഇലാഹി. ടൈംസ് ഓഫ് ഇന്ത്യയ്ക്ക് അനുവദിച്ച പ്രത്യേക അഭിമുഖത്തിലാണ് ഇലാഹിയുടെ വെളിപ്പെടുത്തല്. ഇറാന് ഒരിക്കലും ആണവായുധം ഉണ്ടാക്കില്ലെന്നും ഇറാന്റെ പക്കല് ആണവായുധം ഇല്ലെന്നും അത് ഇറാന്റെ ലക്ഷ്യമേയല്ലെന്നും അദ്ദേഹം ആവര്ത്തിച്ചു. ‘പരമോന്നത നേതാവ് ആണവായുധത്തിനെതിരെ ഫത്വ പുറപ്പെടുവിച്ചിട്ടുണ്ട്. ആണവായുധം നിരോധിതമാണെന്നാണ് അദ്ദേഹം പറഞ്ഞിരിക്കുന്നത്. അത് വിലക്കപ്പെട്ടതാണ്. അതുകൊണ്ട് ഇറാന്റെ പക്കല് അതില്ല. ഞങ്ങള് ഒരുകാലത്തും അതുണ്ടാക്കാനും പോകുന്നില്ല’- ഇലാഹി ഇറാന്റെ നിലപാട് ആവര്ത്തിച്ചു. യുദ്ധം തുടങ്ങിയ രാജ്യങ്ങളാണ് യുദ്ധം അവസാനിപ്പിക്കേണ്ടത്. ഇറാന് അതില് പ്രത്യേകിച്ച് ഒന്നും ചെയ്യാനില്ല. രാജ്യത്തിനും പരമാധികാരത്തിനും ജനങ്ങള്ക്കും മേലുണ്ടായ കടന്നുകയറ്റത്തെയും ആക്രമണത്തെയും ചെറുക്കുക ഇറാന്റെ ഉത്തരവാദിത്തമാണെന്നും അദ്ദേഹം കൂട്ടിച്ചേര്ത്തു. അതേസമയം, യുദ്ധം അവസാനിപ്പിക്കാന് പാക്കിസ്ഥാന്റെ…
Read More » -
വെടിനിര്ത്തി തടിയൂരാന് പറ്റില്ല; ‘കരാറുണ്ടാക്കുമ്പോള് ഇറാന് വിലപേശില്ലെന്ന് ഉറപ്പാക്കണം; മിസൈല്, ഡ്രോണ് ആക്രമണങ്ങള് ഉണ്ടാകരുത്; ഹോര്മൂസ് വച്ച് കളിക്കരുത്’; ട്രംപിന് കര്ശന നിര്ദേശം നല്കി ഗള്ഫ് രാജ്യങ്ങള്; ഇറാനെതിരേ ഒറ്റക്കെട്ട്
ദുബായ്: ഇറാനുമായുള്ള കരാര് യുദ്ധം അവസാനിപ്പിക്കാന് മാത്രമായിരിക്കരുതെന്നും ഇറാന്റെ മിസൈല്, ഡ്രോണ് ശേഷികളെ സ്ഥിരമായി നിയന്ത്രിക്കുന്നതാകണമെന്നും, ആഗോള ഊര്ജ്ജ വിതരണത്തെ ഇനി ഒരിക്കലും ‘ആയുധമാക്കില്ല’ എന്ന് ഉറപ്പാക്കണമെന്നും വീണ്ടും ആവശ്യപ്പെട്ടു ഗള്ഫ് അറബ് രാജ്യങ്ങള്. ലോകത്തെ എണ്ണയുടെയും ദ്രാവക പ്രകൃതിവാതകത്തിന്റെയും (എല്എന്ജി) വിതരണത്തിന്റെ ഏകദേശം 20 ശതമാനവും കടന്നുപോകുന്ന ഹോര്മുസ് കടലിടുക്ക് വീണ്ടും തുറക്കാന് ഇറാനു നല്കിയ സമയപരിധി യുഎസ് പ്രസിഡന്റ് ഡൊണാള്ഡ് ട്രംപ് നീട്ടിയിട്ടുണ്ട്. അല്ലാത്തപക്ഷം ഇറാന്റെ ഊര്ജ്ജ പ്ലാന്റുകള് നശിപ്പിക്കപ്പെടുമെന്ന മുന്നറിയിപ്പും നല്കിയിട്ടുണ്ട്. ഇറാന് യുദ്ധം എങ്ങനെ അവസാനിക്കുമെന്നല്ല, മറിച്ച് അതിനുശേഷം എങ്ങനെയുള്ള ഒരു പ്രാദേശിക ക്രമമായിരിക്കും നിലവില് വരിക എന്നതാണ് ഗള്ഫ് നയതന്ത്രജ്ഞര് നേരിടുന്ന പ്രധാന ചോദ്യമെന്ന് നാല് ഗള്ഫ് സോഴ്സുകള് പറഞ്ഞതായി റോയിട്ടേഴ്സ് റിപ്പോര്ട്ട് ചെയ്തു. വെറുമൊരു വെടിനിര്ത്തല് ‘മതിയാകില്ല’ ഇസ്ലാമിക് റിപ്പബ്ലിക് തങ്ങള്ക്ക് ചര്ച്ചയിലൂടെ പരിഹരിക്കാവുന്ന വഴികളൊന്നും (off-ramp) ബാക്കി വെച്ചിട്ടില്ലെന്ന് ഗള്ഫ് രാജ്യങ്ങള് വാഷിംഗ്ടണുമായി നടത്തിയ സ്വകാര്യ കൂടിക്കാഴ്ചകളില് വ്യക്തമാക്കിയിട്ടുണ്ട്. യുഎസ്-ഇസ്രായേല് യുദ്ധത്തിനിടയില്…
Read More » -
‘അമേരിക്കയ്ക്കും ഇസ്രയേലിനും തകര്ക്കാന് കഴിഞ്ഞത് ഇറാന്റെ മൂന്നിലൊന്ന് മിസൈല് ശേഖരം മാത്രം’; ട്രംപ് മറച്ചുവച്ച യുഎസ് ഇന്റലിജന്സ് റിപ്പോര്ട്ട് പുറത്ത്; ഭൂമിക്കടിയില് എത്രയെന്നത് ഇപ്പോഴും അജ്ഞാതം; 30 ശതമാനം കണ്ടെത്തുക പ്രയാസമെന്ന് സമ്മതിച്ച് ഇസ്രയേലും
വാഷിംഗ്ടണ്: ഇറാനെതിരായ യുഎസിന്റെയും ഇസ്രായേലിന്റെയും യുദ്ധം ഒരു മാസം പിന്നിടുമ്പോള്, ഇറാന്റെ വിപുലമായ മിസൈല് ശേഖരത്തിന്റെ ഏകദേശം മൂന്നിലൊന്ന് മാത്രമാണു നശിപ്പിക്കപ്പെട്ടതെന്ന് യുഎസ് ഇന്റലിജന്സ്. അതില് കൂടുതല് ഉറപ്പിച്ചു പറയാന് കഴിയില്ലെന്ന് രഹസ്യാന്വേഷണ വിഭാഗവുമായി ബന്ധപ്പെട്ട അഞ്ചുപേര് വെളിപ്പെടുത്തിയെന്ന് റോയിട്ടേഴ്സ് റിപ്പോര്ട്ട് ചെയ്തു. മറ്റൊരു മൂന്നിലൊന്നിന്റെ അവസ്ഥ അത്ര വ്യക്തമല്ലെങ്കിലും, ബോംബാക്രമണങ്ങള് ആ മിസൈലുകളെ ഭൂഗര്ഭ തുരങ്കങ്ങളിലും ബങ്കറുകളിലുംവച്ച് തകര്ക്കുകയോ കുഴിച്ചുമൂടുകയോ ചെയ്തിരിക്കാന് സാധ്യതയുണ്ടെന്നും സ്രോതസുകള് പറഞ്ഞു. ഇറാന്റെ ഡ്രോണ് ശേഷിയുടെ കാര്യത്തിലും രഹസ്യാന്വേഷണ റിപ്പോര്ട്ട് സമാനമാണെന്നും, മൂന്നിലൊന്ന് നശിപ്പിക്കപ്പെട്ടുവെന്ന കാര്യത്തില് ഒരുപരിധിവരെ ഉറപ്പുണ്ടെന്നും ഒരു സോഴ്സ് പറഞ്ഞു. ഇറാന്റെ മിക്ക മിസൈലുകളും നശിപ്പിക്കപ്പെട്ടിട്ടുണ്ടെങ്കിലും ടെഹ്റാനില് ഇപ്പോഴും ഗണ്യമായ മിസൈല് ശേഖരം അവശേഷിക്കുന്നുണ്ടെന്നും യുദ്ധം നിര്ത്തിയാല് തകര്ന്നതോ കുഴിച്ചുമൂടപ്പെട്ടതോ ആയ ചില മിസൈലുകള് വീണ്ടെടുക്കാന് അവര്ക്ക് കഴിഞ്ഞേക്കുമെന്നും ഇന്റലിജന്സ് പറയുന്നു. ഇറാന്റെ പക്കല് ‘വളരെ കുറച്ച് റോക്കറ്റുകള് മാത്രമേ ബാക്കിയുള്ളൂ’ എന്ന പ്രസിഡന്റ് ഡൊണാള്ഡ് ട്രംപിന്റെ പ്രസ്താവനയ്ക്കു വിരുദ്ധമാണു രഹസ്യാന്വേഷണ റിപ്പോര്ട്ട്.…
Read More » -
ശബരിമല യുവതീ പ്രവേശനം : സുപ്രീം കോടതി വിധിക്കെതിരെ കേന്ദ്രസർക്കാർ രംഗത്തിറങ്ങുന്നു; ‘മതാചാരങ്ങളിൽ ഇടപെടാനുള്ള അധികാരം കോടതികൾക്കില്ല‘
ന്യൂഡൽഹി: ശബരിമലയിൽ യുവതീ പ്രവേശനം അനുവദിച്ച സുപ്രീം കോടതി വിധിക്കെതിരെ ശക്തമായ നിലപാട് സ്വീകരിക്കാൻ കേന്ദ്ര സർക്കാർ തയ്യാറെടുക്കുന്നു. മതാചാരങ്ങളിൽ ഇടപെടാനുള്ള അധികാരം കോടതികൾക്കില്ലെന്ന വാദമാണ് കേന്ദ്രം മുന്നോട്ടുവയ്ക്കാൻ പോകുന്നത്. ഭരണഘടനയുടെ 25(1) അനുച്ഛേദം പ്രകാരം ഒരു മതവിഭാഗത്തിന്റെ ആചാരങ്ങളിൽ വ്യക്തികൾക്ക് മാറ്റം വരുത്താനുള്ള അവകാശമില്ലെന്നും സർക്കാർ കോടതിയെ അറിയിക്കും. ശബരിമല കേസുമായി ബന്ധപ്പെട്ട് രൂപീകരിച്ച ഒമ്പതംഗ ഭരണഘടനാ ബെഞ്ചിന് മുമ്പാകെ കേന്ദ്രം ഇതുവരെ എഴുത്തുപരമായ വാദം സമർപ്പിച്ചിട്ടില്ല. എന്നാൽ 2019-ൽ തന്നെ ബെഞ്ച് ഉയർത്തിയ ചോദ്യങ്ങൾക്ക് അനുസരിച്ച് തയ്യാറാക്കിയ വാദങ്ങൾ അടിസ്ഥാനമാക്കി സോളിസിറ്റർ ജനറൽ തുഷാർ മേത്ത വാദം അവതരിപ്പിക്കുമെന്നാണ് സൂചന. കേന്ദ്രത്തിന്റെ പ്രധാന വാദങ്ങളിൽ ഒന്നായി, മതാചാരങ്ങളുടെ ശരിതെറ്റുകൾ നിർണ്ണയിക്കുന്നത് കോടതികളുടെ പരിധിയിൽപ്പെടില്ലെന്നതാണ്. ഒരു ആചാരം മതത്തിന്റെ അവിഭാജ്യഘടകമാണോയെന്ന് പരിശോധിക്കാൻ കോടതികൾക്ക് അധികാരമില്ലെന്നും, പകരം ആ ആചാരം വിശ്വാസികൾ ആത്മാർത്ഥമായി പിന്തുടരുന്നുണ്ടോയെന്ന് മാത്രം പരിശോധിക്കാമെന്നുമാണ് നിലപാട്. ഷിരൂർ മഠം കേസിലെ ഭരണഘടനാ ബെഞ്ചിന്റെ വിധിയും ഇതിന് ഉദാഹരണമായി ചൂണ്ടിക്കാണിക്കും.…
Read More » -
എണ്ണക്കമ്പനികള് ലാഭം കൊയ്തപ്പോള് ജനത്തെ മറന്നു; നഷ്ടത്തിലായപ്പോള് കേന്ദ്രം വേണ്ടെന്ന് വയ്ക്കുന്നത് 1.5 ലക്ഷം കോടി!; നടപടി നയാര വിലകൂട്ടിയതിന് പിന്നാലെ; ക്രൂഡ് വില വര്ധനയില് തെരഞ്ഞെടുപ്പ് കാലത്ത് മുതലക്കണ്ണീര്
ന്യൂഡല്ഹി: പെട്രോളിനുള്ള എക്സൈസ് നികുതി കേന്ദ്ര സര്ക്കാര് കുറച്ചത് എണ്ണക്കമ്പനികളുടെ നഷ്ടം കുറയ്ക്കാന്. നേരത്തേ, ക്രൂഡ് ഓയിലിന് വന് വിലക്കുറവുണ്ടായിട്ടും ആനുപാതികമായ കുറവു വരുത്താന് തായറാകാതിരുന്ന സര്ക്കാരാണ് ഇപ്പോള് യുദ്ധത്തെത്തുടര്ന്നുള്ള എണ്ണക്കമ്പനികളുടെ സാമ്പത്തിക ബാധ്യത കുറയ്ക്കാനുള്ള നീക്കവുമായി രംഗത്തുവന്നത്. ക്രൂഡ് വില ആറുമാസംമുമ്പ് 66 മുതല് 70 ഡോളര് വരെയായിരുന്നപ്പോള് കേന്ദ്രസര്ക്കാര് ജനത്തിന്റെ ഭാരം കുറയ്ക്കാന് ഒന്നും ചെയ്തില്ല. ഇപ്പോള് 100-105 ഡോളറാണ് വില. ഇപ്പോള് നിരവധി സംസ്ഥാനങ്ങളിലെ തെരഞ്ഞെടുപ്പിനെ ബാധിക്കുമെന്ന് മുന്നില് കണ്ടാണ് നടപടിയെന്നും ആരോപണമുണ്ട്. ആഗോളതലത്തില് അസംസ്കൃത എണ്ണയുടെയും ഇന്ധനത്തിന്റെയും വില കുതിച്ചുയരുന്നത് എണ്ണ വിപണന കമ്പനികളുടെ (OMCs) സാമ്പത്തിക ഭദ്രതയെ ബാധിക്കുന്ന പശ്ചാത്തലത്തില്, പെട്രോളിന്റെയും ഡീസലിന്റെയും പ്രത്യേക അധിക എക്സൈസ് ഡ്യൂട്ടി (SAED) ലിറ്ററിന് 10 രൂപ വീതമാണ് കുറച്ചത്. ആഗോള വിലക്കയറ്റത്തിനിടയിലും രാജ്യത്തെ റീട്ടെയില് വില നിയന്ത്രിക്കാനാണ് ഈ നീക്കം. ആഭ്യന്തര വിപണിയില് ഇന്ധന ലഭ്യത ഉറപ്പാക്കുന്നതിനായി ഡീസലിന്റെയും ഏവിയേഷന് ടര്ബൈന് ഇന്ധനത്തിന്റെയും (ATF) കയറ്റുമതിക്ക്…
Read More » -
കശ്മീര് താഴ്വരയില് ഇറാന്റെ പേരില് വന്തോതില് പണപ്പിരിവ്; ദുരുപയോഗം ചെയ്യപ്പെടുമെന്ന് രഹസ്യാന്വേഷണ ഏജന്സികള്; ഇടനിലക്കാരുടെ വിവരങ്ങള് പുറത്ത്; ക്രൗഡ് ഫണ്ടിംഗ് മുതല് വീടു തോറുമുള്ള പിരിവു വരെ; ആഭരണങ്ങള്ക്ക് കണക്കില്ല
കശ്മീര്: ഇറാന് വേണ്ടി കശ്മീര് താഴ്വരയില് വന്തോതില് പണപ്പിരിവ് നടക്കുന്നെന്നു വിവരം. ഈ ഫണ്ട് ഇന്ത്യ വിരുദ്ധ പ്രവര്ത്തനങ്ങള്ക്കായി വഴിതിരിച്ചുവിടാനും ദുരുപയോഗം ചെയ്യപ്പെടാനും സാധ്യതയുണ്ടെന്ന് രഹസ്യാന്വേഷണ ഏജന്സികള്. മാനുഷിക ആവശ്യങ്ങള്ക്കായി സംഭാവന നല്കാന് ഇറാനിയന് എംബസി ആഹ്വാനം ചെയ്തതിന് പിന്നാലെ ഇതുവരെ 17.91 കോടി രൂപയാണ് സമാഹരിച്ചത്. ഇതില് ബദ്ഗാമില്നിന്ന് മാത്രം 9.5 കോടി രൂപ ലഭിച്ചു. ഇടനിലക്കാരുടെ ശൃംഖലയും സംശയാസ്പദമായ നിരവധി സംഘടനകളും ഈ പണത്തിന്റെ വലിയൊരു ഭാഗം വ്യക്തിഗത ലാഭത്തിനോ താഴ്വരയിലെ വിഘടനവാദ പ്രവര്ത്തനങ്ങള്ക്കോ വേണ്ടി തട്ടിയെടുക്കുന്നുണ്ടെന്ന് സ്റ്റേറ്റ് ഇന്വെസ്റ്റിഗേറ്റീവ് ഏജന്സി (എസ്ഐഎ) സംശയിക്കുന്നു. ‘പണക്കാരും പാവപ്പെട്ടവരും ഉള്പ്പെടെ ഭൂരിഭാഗം ആളുകളും നല്ല മനസോടെയാണ് സംഭാവന നല്കുന്നത്. നേരിട്ട് ഇറാനിയന് എംബസിയില് പണം നല്കുന്നവര് ആശങ്കപ്പെടേണ്ടതില്ല, കാരണം അത് ഇറാനിലെത്തും. എന്നാല്, പല ഇടനിലക്കാരും സംശയാസ്പദമായ സംഘടനകളും പണമായി ഫണ്ട് ശേഖരിക്കുന്നുണ്ട്, ഇത് എംബസിയില് എത്തിയേക്കില്ല’- ഏജന്സി ഉദ്യോഗസ്ഥരില് ഒരാള് പറഞ്ഞു. സംശയാസ്പദമായ വ്യക്തികളുടെ വിവരങ്ങള് പുറത്ത് ഫണ്ട്…
Read More » -
ആകാശം ഭരിച്ചാല് യുദ്ധം ജയിക്കുമോ? വിയറ്റ്നാമിലും ഇറാഖിലും കൊസോവോയിലും തുടങ്ങിവച്ചത് ഇതേ വീരവാദം; തോറ്റമ്പിയത് ചരിത്രം! സാങ്കേതിക വിദ്യയെന്ന മിഥ്യാ ധാരണ; 105 വര്ഷം പഴക്കമുള്ള യുദ്ധമുറ; ഹിറ്റ്ലര് മുതല് ഹെഗ്സെത്ത് വരെ; ‘ദി കമാന്ഡ് ഓഫ് ദി എയര്’ പറയുന്നത്
ന്യൂയോര്ക്ക്: ഡൊണാള്ഡ് ട്രംപിന്റെ ഇറാന് സൈനിക തന്ത്രത്തിന്റെയും അദ്ദേഹത്തിന്റെ പ്രതിരോധ സെക്രട്ടറി പീറ്റ് ഹെഗ്സെത്തിന്റെ ആക്രമണാത്മകമായ പ്രസംഗങ്ങളുടെയും വേരുകള് തേടുക എന്നതിനര്ത്ഥം 105 വര്ഷം പുറകോട്ട് നോക്കുക എന്നാണ്. ഫാസിസ്റ്റ് യുഗത്തിന് തുടക്കമിട്ടുകൊണ്ട് ബെനിറ്റോ മുസ്സോളിനിയും അദ്ദേഹത്തിന്റെ ‘ബ്ലാക്ക് ഷര്ട്ടുകളും’ റോമിലേക്ക് മാര്ച്ച് ചെയ്യുന്നതിന് ഒരു വര്ഷം മുമ്പ്, അതായത് 1921-ല്, ജിയുലിയോ ഡൗഹെറ്റ് എന്ന ഇറ്റാലിയന് ജനറല് ‘ദ കമാന്ഡ് ഓഫ് ദി എയര്’ (The Command of the Air) പ്രസിദ്ധീകരിച്ചു. പുസ്തകം യുദ്ധമുറയില് വിപ്ലവം തന്നെ നിര്ദ്ദേശിച്ചു. ഭാവിയിലെ വിജയം എന്നത് ഒന്നാം ലോകമഹായുദ്ധത്തിലെ മടുപ്പിക്കുന്ന കിടങ്ങുകളിലെ പോരാട്ടത്തിലൂടെയാകില്ലെന്ന് അദ്ദേഹം പറഞ്ഞു. പകരം, അത് വലിയ തോതിലുള്ള വ്യോമാക്രമണങ്ങളിലൂടെയായിരിക്കും. ‘പോരാളികളെ മാത്രമല്ല, സാധാരണക്കാരെയും സിവിലിയന് അടിസ്ഥാന സൗകര്യങ്ങളെയും ലോജിസ്റ്റിക്സിനെയും ലക്ഷ്യം വയ്ക്കണം. കിടങ്ങ് തകര്ക്കുന്നതിനേക്കാള് വളരെ പ്രധാനമാണ് റെയില്വേ സ്റ്റേഷന്, ബേക്കറി, യുദ്ധ പ്ലാന്റ് എന്നിവ നശിപ്പിക്കുകയോ വിതരണ നിരകള്ക്കോ നീങ്ങുന്ന ട്രെയിനുകള്ക്കോ നേരെ വെടിയുതിര്ക്കുകയോ ചെയ്യുക…
Read More » -
പെട്രോളിന്റെയും ഡീസലിന്റെയും എക്സൈസ് ഡ്യൂട്ടി വെട്ടിക്കുറച്ച് കേന്ദ്രം; പെട്രോള് 13ല് നിന്ന് 3 ആയി; ഡീസല് നികുതി പൂജ്യം; റീട്ടെയ്ല് വില്പനയില് വിലക്കുറവുണ്ടായേക്കും; ഗതാഗത ചെലവ് കുറയ്ക്കും, സാധനങ്ങളുടെ വില കുറയും
ന്യൂഡല്ഹി: പെട്രോളിന്റെയും ഡീസലിന്റെയും എക്സൈസ് ഡ്യൂട്ടി കേന്ദ്രം വെട്ടിക്കുറച്ചു. പെട്രോളിന്റെ എക്സൈസ് ഡ്യൂട്ടി ലിറ്ററിന് 13 രൂപയില് നിന്ന് 3 രൂപയായും, ഡീസലിന്റേത് മുന്പത്തെ 10 രൂപയില് നിന്ന് പൂജ്യമായും കുറച്ചു. കുറഞ്ഞ എക്സൈസ് നിരക്കിന്റെ ഗുണഫലങ്ങള് ഉടന് തന്നെ ഉപഭോക്താക്കളിലേക്ക് എത്തിയേക്കാം. എന്നിരുന്നാലും, ഇന്ധനത്തിന്റെ റീട്ടെയില് നിരക്കുകള് കുറയ്ക്കുന്നതിനെക്കുറിച്ച് ഔദ്യോഗിക പ്രഖ്യാപനങ്ങളൊന്നും ഇതുവരെ ഉണ്ടായിട്ടില്ല, കൂടാതെ ഈ കുറവ് കേന്ദ്രത്തിന് എത്രത്തോളം ചിലവ് വരുത്തുമെന്ന കാര്യത്തിലും ഇതുവരെ വ്യക്തതയില്ല. പെട്രോള്, ഡീസല് എക്സൈസ് ഡ്യൂട്ടി കുറയ്ക്കുന്നത് നിങ്ങളെ സംബന്ധിച്ചിടത്തോളം എന്താണ് അര്ത്ഥമാക്കുന്നത്? പെട്രോളിന്റെയും ഡീസലിന്റെയും എക്സൈസ് ഡ്യൂട്ടി കുറയ്ക്കുക എന്നതിനര്ത്ഥം വില്ക്കുന്ന ഓരോ ലിറ്റര് ഇന്ധനത്തിനും സര്ക്കാര് കുറഞ്ഞ നികുതിയാണ് ഈടാക്കുന്നത് എന്നാണ്. ഇത് ഇന്ധനത്തിന്റെ അടിസ്ഥാന വിലയെ നേരിട്ട് കുറയ്ക്കുന്നു. റീട്ടെയില് ഉപഭോക്താക്കളെ സംബന്ധിച്ചിടത്തോളം, ഇന്ധന വിലകള് സര്ക്കാര് നിശ്ചയിക്കുന്ന നികുതി ഘടകങ്ങളുമായി അടുത്ത ബന്ധമുള്ളതിനാല്, ഇത് സാധാരണയായി ഇന്ധന പമ്പുകളില് ഉടന് തന്നെ വില കുറയാന് കാരണമാകുന്നു.…
Read More »