ഐഎസ്എല്ലിൽ കേരള ബ്ലാസ്റ്റേഴ്സിന് വലിയ പരാജയം. ജംഷഡ്പുർ എഫ്സിക്കെതിരെ എതിരില്ലാത്ത മൂന്ന് ഗോളുകളുടെ പരാജയമാണ് ബ്ലാസ്റ്റേഴ്സ് ഏറ്റുവാങ്ങിയത്. രണ്ട് പെനാൽറ്റികളാണ് കേരള ബ്ലാസ്റ്റേഴ്സിന് വില്ലനായത്.
ഇന്ന് ആദ്യ പകുതിയിൽ രണ്ട് ടീമുകൾക്കും കാര്യമായി അവസരങ്ങൾ സൃഷ്ടിക്കാൻ ആയില്ല. 45-ാം മിനിറ്റിലും 48-ാം മിനിറ്റിലും ലഭിച്ച പെനാൽറ്റികൾ ഗ്രെഗ് സ്റ്റുവർട്ട് ലക്ഷ്യം കണ്ടത്തോടെ കൊന്പൻമാരുടെ പോരാട്ടത്തിന്റെ വീര്യം ഇടിഞ്ഞു.
53-ാം മിനിറ്റിൽ ചിമ കേരളത്തിനുമേൽ അവസാന ആണിയും അടിച്ചു. ജയത്തോടെ ജംഷഡ്പുർ 25 പോയിന്റുമായി രണ്ടാം സ്ഥാനത്തെത്തി. 23 പോയിന്റുള്ള കേരളം അഞ്ചാം സ്ഥാനത്തേയ്ക്ക് താഴ്ന്നു.
