പൊട്ടിത്തെറിച്ചത് പവര്ബാങ്കല്ല, തിരൂരില് വീട് കത്തിനശിച്ച സംഭവത്തില് വന്ട്വിറ്റ്; വീട്ടുടമ അറസ്റ്റില്
മലപ്പുറം: തിരൂരില് പവര് ബാങ്ക് പൊട്ടിത്തെറിച്ച് വീട് പൂര്ണമായി കത്തിയ സംഭവത്തില് വന് ട്വിസ്റ്റ്. അനധികൃത പടക്കശേഖരമാണ് പൊട്ടിത്തെറിച്ചതെന്ന് അന്വേഷണത്തില് കണ്ടെത്തി. ഇതോടെ വീട്ടുടമ തിരൂര് മുക്കിലപീടിക സ്വദേശി അബൂബക്കര് സിദ്ദീഖിനെ പൊലീസ് അറസ്റ്റ് ചെയ്തു.
കഴിഞ്ഞ ചൊവ്വാഴ്ചയാണ് വീട് പൂര്ണമായും കത്തിനശിച്ചത്.രാത്രി 10.30 ഓടെയാണ് അപകടം നടന്നത്. തീ പടരുന്നത് കണ്ട പരിസരവാസികളും നാട്ടുകാരും തീയണക്കുകയായിരുന്നു. തുടര്ന്ന് തിരൂര് ഫയര്ഫോഴ്സും സ്ഥലത്തെത്തിയിരുന്നു.
ചാര്ജ് ചെയ്യാന് വെച്ച പവര്ബാങ്ക് പൊട്ടിത്തെറിച്ച് തിരൂരില് ഓല മേഞ്ഞവീട് കത്തിനശിച്ചു
പവര്ബാങ്ക് ചാര്ജ് ചെയ്യാനായി വെച്ച് വീട്ടുകാര് പുറത്ത് പോയതിന് പിന്നാലെയാണ് അപകടമുണ്ടായതെന്നാണ് അന്ന് അബൂബക്കര് സിദ്ധിഖ് പറഞ്ഞത്. വീട്ടുപകരണങ്ങള്, അലമാരയില് സൂക്ഷിച്ചിരുന്ന രേഖകള്, വസ്ത്രങ്ങള്, തുടങ്ങിയവയെല്ലാം തീപിടിത്തത്തില് കത്തിനശിച്ചിരുന്നു.
