കൊച്ചി: സംസ്ഥാനത്ത് മുല്ലപ്പൂവിന് പൊന്നും വില. ഞായറാഴ്ച ഒരുമുഴം മുല്ലപ്പൂ വിറ്റത് 200 രൂപയ്ക്ക്.കിലോയ്ക്ക് 6000 രൂപയായിരുന്നു വില.
മുൻപും ശൈത്യകാലത്ത് വില കൂടുമായിരുന്നുവെങ്കിലും ഇത്തരത്തില്‍ വില ഉയരുന്നത് ആദ്യമാണ്.നവംബറില്‍ 500-600 രൂപയായിരുന്നു കൂടിയ വില. ഡിസംബർ ആദ്യത്തോടെയാണ് വില കൂടിത്തുടങ്ങിയതും ഇപ്പോൾ ആറായിരത്തിലെത്തുന്നതും.
പ്രധാന ഉത്പാദനകേന്ദ്രങ്ങളായ കോയമ്ബത്തൂർ, സത്യമംഗലം, മധുര, തെങ്കാശി തുടങ്ങിയ പലയിടത്തും കൊടുംശൈത്യം കാരണം വൻതോതില്‍ മൊട്ടുകള്‍ കരിഞ്ഞതാണ് പ്രശ്‌നം.
കഴിഞ്ഞയാഴ്ച ഒരു താമരപ്പൂവിന് 20 രൂപയായിരുന്നത് ശനി, ഞായർ ദിവസങ്ങളില്‍ 40 രൂപവരെയായി. ജമന്തിപ്പൂവിന് കിലോഗ്രാമിന് 350 രൂപയാണ് വില.
