കൊച്ചി: അയോധ്യയില്‍ ബയോടോയ്ലറ്റുകള്‍ നിർമ്മിച്ച്‌ കേരളത്തില്‍ നിന്നുള്ള കമ്ബനി. അയോധ്യയിലെ രാമക്ഷേത്ര സന്ദർശനത്തിനെത്തുന്നവർക്കായി സരയൂതീരത്താണ് കേരളത്തില്‍നിന്നുള്ള കമ്ബനി ബയോടോയ്ലറ്റുകള്‍ നിർമ്മിച്ചത്.
ഏറ്റുമാനൂർ ആസ്ഥാനമായ ഇന്ത്യൻ സെൻട്രിഫ്യൂജ് എൻജിനിയറിങ് സൊലൂഷൻസ് (ഐ.സി.എഫ്.) ആണ് സ്വച്ഛ് ഭാരത് മിഷന്റെ കീഴില്‍ കരാർ ഏറ്റെടുത്ത് അഞ്ഞൂറോളം ബയോടോയ്ലറ്റുകള്‍ നിർമ്മിച്ചത്.
60 ദിവസത്തിനുള്ളില്‍ നിർമ്മാണം പൂർത്തിയാക്കി. ഇവയുടെ 24 മണിക്കൂർ മേല്‍നോട്ടവും അടുത്ത ഒരുവർഷത്തേക്കുള്ള അറ്റകുറ്റപ്പണിയും കമ്ബനിയുടെ ഉത്തരവാദിത്വമാണെന്ന് ഐ.സി.എഫ്. മാനേജിങ് ഡയറക്ടർ ശംഭുനാഥ് ശശികുമാർ പറഞ്ഞു. 2013 മുതല്‍ ശബരിമലയിലെ ശുചീകരണ ആവശ്യങ്ങള്‍ക്കും കമ്ബനി ഉത്പന്നങ്ങളെത്തിക്കുന്നുണ്ട്.
