കൊല്ലം:സംസ്ഥാന സ്‌കൂൾ കലോത്സവം അരങ്ങുതകർക്കവെ വെയിലത്തും തളരാതെ കർമ്മനിരതരായി കുട്ടിപ്പോലീസ് സംഘം.
കലോത്സവ വേദികളിലും പരിസരങ്ങളിലും മതിയായ സുരക്ഷയും മറ്റു സജ്ജീകരണങ്ങളും ഒരുക്കുന്നതിന് 34 സ്‌കൂളുകളിൽ നിന്നാണ് പ്രത്യേക പരിശീലനം ലഭിച്ച സ്റ്റുഡൻറ് പോലീസ് സംഘത്തെ വിന്യസിച്ചിരുന്നത്. ക്രമസമാധാന പാലനം, ഗതാഗത നിയന്ത്രണം, വേദിയിലും പരിസരപ്രദേശത്തുമുള്ള സജ്ജീകരണങ്ങൾ, കുട്ടികൾക്കും രക്ഷിതാക്കൾക്കും വേണ്ട സഹായങ്ങൾ തുടങ്ങി കലോത്സവത്തിന്റെ സമസ്ത മേഖലയിലും പൂർണ്ണസമർപ്പണത്തോടെയുള്ള സേവനമായിരുന്നു SPC കേഡറ്റുകൾ കാഴ്ചവച്ചത്.
സിറ്റി പോലീസ് കമ്മീഷണർ വിവേക് കുമാറിന്റെ മേൽനോട്ടത്തിലായിരുന്നു കുട്ടിപ്പോലീസിൻ്റെ പ്രവർത്തനങ്ങൾ.
#keralapolice
