ആലപ്പുഴ: നൂറിന്റെ നിറവിൽ മുതിര്‍ന്ന സിപിഎം നേതാവും മുന്‍ മുഖ്യമന്ത്രിയുമായ വി എസ് അച്യുതാനന്ദൻ.
1923 ഒക്ടോബര്‍ 20 ന് അനിഴം നക്ഷത്രത്തില്‍ മണ്ണഞ്ചേരി പടിഞ്ഞാറ് മാലൂര്‍ തോപ്പില്‍ വീട്ടിലാണ് വി എസ് അച്യുതാനന്ദന്റെ ജനനം.
സിപിഐ കേന്ദ്രക്കമ്മിറ്റിയില്‍ നിന്നും ഇറങ്ങിപ്പോയി സിപിഎം രൂപീകരിച്ച 32 പേരില്‍ ഇന്നു ജീവിച്ചിരിക്കുന്ന ഏക നേതാവാണ് വി എസ് അച്യുതാനന്ദൻ.
വിഎസിന്റെ നൂറാം ജന്മദിനത്തോട് അനുബന്ധിച്ച്‌ അദ്ദേഹത്തിന്റെ പ്രവര്‍ത്തനങ്ങളും മറ്റും ഉള്‍ക്കൊള്ളുന്ന പ്രത്യേക പുസ്തകം സിപിഎം പുറത്തിറക്കും.
2006 മുതൽ 2011 വരെ കേരളത്തിന്റെ മുഖ്യമന്ത്രിയായിരുന്നു വിഎസ്. 82-ആം വയസ്സിൽ ആ പദവി ഏറ്റെടുത്ത ഏറ്റവും പ്രായം കൂടിയ വ്യക്തിയുമായിരുന്നു അദ്ദേഹം.
