സോനിപത്ത്:ഹരിയാനയിലെ സോനിപത്തില്‍ നെല്‍കര്‍ഷകര്‍ക്കൊപ്പം വിത്തെറിഞ്ഞ് രാഹുല്‍ ഗാന്ധി. ഹിമാചല്‍ പ്രദേശിലേക്കുള്ള യാത്രാമധ്യേ വയലില്‍ പണിയെടുക്കുന്ന കര്‍ഷകരെ കണ്ട് രാഹുല്‍ ഗാന്ധിയുടെ വാഹനവ്യൂഹം നിര്‍ത്തുകയായിരുന്നു.
ശനിയാഴ്ച രാവിലെയാണ് രാഹുല്‍ ഗാന്ധി ഡല്‍ഹിയില്‍ നിന്ന് ഷിംലയിലേക്ക് പുറപ്പെട്ടത്. സോനിപത്തിലെ ബറോഡയിലെത്തിയപ്പോള്‍ വയലില്‍ പണിയെടുക്കുന്ന കര്‍ഷകരെ കണ്ട് വാഹനവ്യൂഹം നിര്‍ത്തുകയായിരുന്നു. രാഹുല്‍ മദീന ഗ്രാമത്തിലെ വയലുകളില്‍ എത്തി കര്‍ഷകരുമായും തൊഴിലാളികളുമായും സംവദിക്കുകയും വിളയെ കുറിച്ച്‌ അന്വേഷിക്കുകയും ചെയ്തു.
സ്വന്തമായി ട്രാക്ടര്‍ ഓടിച്ച രാഹുല്‍ കര്‍ഷകര്‍ക്കൊപ്പം സമയം ചിലവഴിക്കുകയും അവരുടെ പ്രശ്നങ്ങള്‍ ചോദിച്ചറിയുകയും ചെയ്തശേഷമാണ് യാത്ര തുടർന്നത്.
