മലപ്പുറം: അടയ്ക്കാ മോഷണം നടത്തിയ സംഭവത്തില്‍ രണ്ടുപേരെ ചങ്ങരംകുളം പൊലീസ് പിടികൂടി. വയനാട് സുല്‍ത്താന്‍ ബത്തേരി നായക്കന്‍ പറമ്പത്ത് കെ ബഷീര്‍ (48), മലപ്പുറം മക്കരപറമ്പ് സ്വദേശിയായ പുളിമീത്തില്‍ അബ്ദുള്‍ ലത്തീഫ് (30) എന്നിവരെയാണ് അറസ്റ്റ് ചെയ്തത്.
ഇവരില്‍നിന്ന് 150 കിലോ അടയ്ക്ക പിടികൂടി. ചങ്ങരംകുളത്ത് നിന്ന് മോഷ്ടിച്ച് അടക്ക വില്‍ക്കാന്‍ അരീക്കോട്ടക്ക് കൊണ്ടുപോകുന്നതിനിടയിലാണ് പിടിയിലായത്. പ്രതികളെ പൊന്നാനി കോടതിയില്‍ ഹാജരാക്കി റിമാന്‍ഡ് ചെയ്തു.
