NEWS
രാഹുല്‍ ഗാന്ധിയെ അമേഠിയില്‍ നിന്ന് ഒടിച്ചു; ഇപ്പോൾ രാജ്യം മുഴുവന്‍ ഓടുകയാണ്: കേന്ദ്രമന്ത്രി സ്മൃതി ഇറാനി
ഷിംല: രാഹുല്‍ ഗാന്ധിയെ താനാണ് അമേഠിയില്‍ നിന്ന് ഓടിച്ചതെന്ന് കേന്ദ്രമന്ത്രി സ്മൃതി ഇറാനി.അന്നു
മുതല്‍ അദ്ദേഹം രാജ്യം മുഴുവന്‍ ഓടുകയാണെന്നും സ്മൃതി ഇറാനി പറഞ്ഞു.
ഭാരത് ജോഡോ യാത്രയെ പരിഹസിച്ചായിരുന്നു കേന്ദ്രമന്ത്രിയുടെ പരാമര്‍ശം. കഴിഞ്ഞ ലോക്സഭാ തിരഞ്ഞെടുപ്പില്‍ രാഹുല്‍ ഗാന്ധി തന്റെ സിറ്റിംഗ് സീറ്റായ അമേഠിയില്‍ ഇറാനിയോട് തോറ്റിരുന്നു.
ഹിമാചല്‍ പ്രദേശില്‍ നവംബര്‍ 12ന് നടക്കാനിരിക്കുന്ന തിരഞ്ഞെടുപ്പിന്റെ ഭാഗമായി രേണുകാജി നിയമസഭാ മണ്ഡലത്തിലെ പ്രചരണ റാലിയില്‍ പങ്കെടുത്ത് സംസാരിക്കവെയാണ് രാഹുലിനും ഭാരത് ജോഡോ യാത്രയ്‌ക്കുമെതിരെ കേന്ദ്രമന്ത്രി സ്മൃതി ഇറാനി വിമര്‍ശനമുന്നയിച്ചത്.
