തൃശൂര്: ചാലക്കുടി പോട്ട ഫെഡറല് ബാങ്കില് ജീവനക്കാരെ ബന്ദിയാക്കി കവര്ച്ച. 15 ലക്ഷത്തോളം രൂപയാണ് ക്യാഷ് കൗണ്ടറില്നിന്നു കവര്ന്നത്. മുഖംമൂടി ധരിച്ചെത്തിയ ആളാണ് മോഷണം നടത്തിയതെന്നാണ് വിവരം. ഉച്ചയോടെ ജീവനക്കാര് ഭക്ഷണം കഴിക്കാന് ഒരുങ്ങുമ്പോഴായിരുന്നു കവര്ച്ച. ബൈക്കിലെത്തിയ മോഷ്ടാവ് കസേര ഉപയോഗിച്ച് കാഷ് കൗണ്ടറിന്റെ ഗ്ലാസ് തല്ലിത്തകര്ത്താണ് പണം അപഹരിച്ചത്. ശേഷം കത്തി കാട്ടി ജീവനക്കാരെ ഭീഷണിപ്പെടുത്തിയെന്നു എസ്പി ബി. കൃഷ്ണകുമാര് പറഞ്ഞു.
തുടര്ന്നു കയ്യില് കിട്ടിയ കറന്സികള് എടുത്ത ശേഷം രക്ഷപെടുകയായിരുന്നു. തിരക്കേറിയ ജംക്ഷനില് പട്ടാപ്പകലായിരുന്നു കവര്ച്ച. പണം അപഹരിച്ച ശേഷം ഇയാള് സ്കൂട്ടറില് കയറി സ്ഥലം വിടുകയായിരുന്നു. ചാലക്കുടി പൊലീസ് സ്ഥലത്തെത്തി അന്വേഷണം തുടങ്ങി. ബാങ്കില് ആ സമയം എട്ടു ജീവനക്കാരാണ് ഉണ്ടായിരുന്നത്.
