പത്തംതിട്ട: മദ്യപിച്ച് ബഹളം വച്ചതിനെ തുടര്‍ന്നു ശബരിമല ഡ്യൂട്ടിക്കെത്തിയ എസ്‌ഐയെ തിരിച്ചയച്ചു. എംഎസ്പി ക്യാമ്പിലെ എസ്‌ഐ പത്മകുമാറിനെയാണ് തിരിച്ചയച്ചത്. പത്തനംതിട്ട നിലയ്ക്കലാണ് സംഭവം. പരാതിയെ തുടര്‍ന്നു എസ്‌ഐയെ വൈദ്യ പരിശോധനയ്ക്ക് വിധേയനാക്കി. പരിശോധനയില്‍ ഉദ്യോഗസ്ഥന്‍ മദ്യപിച്ചതായി കണ്ടെത്തി.
ഇന്നലെ രാത്രി 12 മണിയോടെയാണ് സംഭവം. ഉദ്യോ?ഗസ്ഥനെതിരെ വകുപ്പുതല നടപടിയുണ്ടായേക്കും.
മദ്യപിച്ചെത്തിയ ഒരാള്‍ ബഹളമുണ്ടാക്കുന്നുവെന്ന് ഇന്നലെ രാത്രിയോടെ ഹോട്ടലുകാരാണ് പൊലീസ് ഉദ്യോ?ഗസ്ഥരെ വിളിച്ചറിയിച്ചത്. തുടര്‍ന്നു പൊലീസെത്തി എസ്‌ഐയെ കസ്റ്റഡിയില്‍ എടുത്തു. പിന്നാലെയാണ് പിടികൂടിയ ആള്‍ പൊലീസാണെന്നു മനസിലായത്.
വൈദ്യ പരിശോധനയില്‍ മദ്യപിച്ചതായി തെളിഞ്ഞതോടെയാണ് ഇയാളെ രാത്രി തന്നെ ഡ്യൂട്ടിയില്‍ നിന്നു ഒഴിവാക്കി മടക്കി അയച്ചത്. സംഭവത്തെക്കുറിച്ച് ഡിജിപിക്ക് റിപ്പോര്‍ട്ട് നല്‍കി.
