കോട്ടയം: ടിക്കറ്റ് പരിശോധകയെന്ന വ്യാജേന ട്രെയിനില്‍ കണ്ടെത്തിയ യുവതി പിടിയില്‍. റെയില്‍വെ പൊലീസാണ് യുവതിയെ അറസ്റ്റ് ചെയ്തത്. കൊല്ലം കാഞ്ഞവേലി സ്വദേശി റംലത്ത് (42) ആണ് പിടിയിലായത്. തിരുവനന്തപുരം- നിലമ്പൂര്‍ രാജ്യറാണി എക്‌സ്പ്രസില്‍ ഇന്നലെ പുലര്‍ച്ചെയാണ് സംഭവം.
ട്രെയിന്‍ കായംകുളത്ത് എത്തിയപ്പോള്‍ ടിക്കറ്റ് പരിശോധകയുടെ വേഷവും റെയില്‍വേയുടെ തിരിച്ചറില്‍ കാര്‍ഡും ധരിച്ച യുവതിയെ ടിടിഇ അജയകുമാര്‍ കണ്ടു. സംശയം തോന്നി ചോദ്യം ചെയ്തപ്പോഴാണ് തട്ടിപ്പ് പുറത്തായത്.
ട്രെയിന്‍ കോട്ടയത്ത് എത്തിയപ്പോള്‍ എസ്എച്ഒ റെജി പി ജോസഫിന്റെ നേതൃത്വത്തില്‍ റംലത്തിനെ കസ്റ്റഡിയില്‍ എടുത്തു. ഇവരെ കോടതി റിമാന്‍ഡ് ചെയ്തു.
