തൃശൂര്‍: വീടിന്റെ ടിവി സ്റ്റാന്റിനടിയില്‍ വിരുന്നുകാരനായെത്തിയത് പടുകൂറ്റന്‍ രാജവെമ്പാല. അതിരപ്പിള്ളിയിലാണ് സംഭവം. മലയാറ്റൂര്‍ ഡിവിഷനിലെ പിസികെ ലായത്തിന്റെ 6-ാം ബ്ലോക്കില്‍ ഷീലപൗലോസ് താടിക്കാരന്റെ വീട്ടിലെ ടി വി സ്റ്റാന്റിന്റെ അടിയിലാണ് രാജവെമ്പാലയെ കണ്ടത്.
പാമ്പിനെ കണ്ടതിനു പിന്നാലെ വീട്ടുകാര്‍ വനംവകുപ്പിനെ വിവരം അറിയിച്ചു. അതിരപ്പിള്ളി റേഞ്ചിലെ ഏഴാറ്റുമുഖം ഫോറസ്റ്റ് സ്റ്റേഷനിലെ ആര്‍ആര്‍ടി ടീം അംഗങ്ങളായ ആല്‍ബിന്‍ ആന്റണി പിആര്‍ഒ, സാബു ജെബി എസ്എഫ്ഒ, സനീഷ് ബിഎഫ്ഒ, വര്‍ഗീസ് എന്നിവര്‍ ചേര്‍ന്നാണ് ഇതിനെ ചാക്കിലാക്കിയത്. പിന്നീട് കാട്ടില്‍ വിട്ടു.
