![](https://newsthen.com/wp-content/uploads/2024/02/Screenshot_2024-02-11-12-18-08-93_a71c66a550bc09ef2792e9ddf4b16f7a2.jpg)
കഴിഞ്ഞയാഴ്ച ഹോങ്കോങ് സ്റ്റേഡിയം വേദിയായ പ്രദർശനമത്സരത്തില് മെസ്സിയെ പ്രതീക്ഷിച്ച് ആയിരക്കണക്കിനു പേരാണ് ഗാലറിയിലെത്തിയത്. എന്നാല്, സൂപ്പർ താരം മയാമി ഇലവനിലില്ലായിരുന്നു. ഇതോടെ ആരാധകരും പ്രാദേശിക ഭരണകൂടവും പ്രതിഷേധമുയർത്തി. ടിക്കറ്റ് നിരക്കിന്റെ പകുതി തിരിച്ചുനല്കാമെന്ന് പ്രഖ്യാപിച്ചിരിക്കുകയാണ് സംഘാടകർ.
![Signature-ad](https://newsthen.com/wp-content/uploads/2024/06/signature.jpg)
മാർച്ച് 18 മുതല് 26 വരെയാണ് ലോക ചാമ്ബ്യന്മാർ ചൈനയില് പര്യടനം നടത്താനിരുന്നത്. എന്നാല്, അയല്രാജ്യമായ ഹോങ്കോങ്ങിലുണ്ടായ സംഭവവികാസങ്ങള് ആശങ്കയുയർത്തിയിട്ടുണ്ട്. നിലവിലെ സാഹചര്യത്തില് മത്സരവുമായി മുന്നോട്ടുപോവുന്നത് അപക്വമായിരിക്കുമെന്ന് ഹാങ്ചോ സ്പോർട്സ് ബ്യൂറോ അറിയിച്ചു.
ഹാങ്ചോയിലേതിനു പിന്നാലെ ബെയ്ജിങ്ങില് നടത്താനിരുന്ന അർജന്റീന-ഐവറി കോസ്റ്റ് മത്സരവും ഉപേക്ഷിക്കാനാണ് സാധ്യത. ഹോങ്കോങ് ഇലവനെതിരെ മെസ്സി കളിക്കാതിരുന്നത് പരിക്കുമൂലമാണെന്നായിരുന്നു വിശദീകരണം. എന്നാല്, രണ്ടു ദിവസത്തിനുശേഷം ജപ്പാനില് വിസ്സെല് കോബിനെതിരെ ക്ലബ് സൗഹൃദമത്സരത്തില് മയാമിക്കായി അരമണിക്കൂറോളം മെസ്സി പന്തുതട്ടുകയും ചെയ്തു. ഇതാണ് ഹോങ്കോങ്ങിലെ ആരാധകരെ കൂടുതല് ചൊടിപ്പിച്ചത്.