ചന്ദനക്കടത്തും ആനക്കൊമ്പ് വ്യാപാരവും നടത്തിയിരുന്ന വീരപ്പനെ അടക്കം ചെയ്തിരിക്കുന്നത് തമിഴ്‌നാട്ടിലെ സേലം ജില്ലയിലെ മേട്ടൂര്‍ ഡാമിനരുകിലുള്ള മൂലക്കാട് എന്ന സ്ഥലത്താണ്.നൂറുകണക്കിന് ആനകളെ കൊന്ന് കൊമ്പ് കവര്‍ന്നതിനും ആയിരക്കണക്കിന് ടണ്‍ ചന്ദനത്തടി മുറിച്ചുവിറ്റതിനും സര്‍ക്കാര്‍ തേടിയിരുന്ന വീരപ്പനെ തമിഴ്നാട് ദൗത്യസേന 2004ല്‍ ഒക്ടോബര്‍ 18നാണ് ഏറ്റുമുട്ടലിലൂടെ വധിച്ചത്. തുടര്‍ന്ന് ഭൗതികശരീരം കാവേരി നദിക്കരയിലെ മൂലക്കാട് സംസ്കരിക്കുകയായിരുന്നു.
ഇതേസമയം തന്നെയാണ് കന്നഡ ചലച്ചിത്ര നടനായ രാജ് കുമാറിനെ തട്ടിക്കൊണ്ടുപോയി (2000 ജൂലൈ 30 ന്) വീരപ്പന് നാടിളക്കിയത്. 100 ദിവസത്തിന് ശേഷമാണ് വീരപ്പന് രാജ്കുമാറിനെ വിട്ടയച്ചത്. 100 കോടി രൂപ മോചനദ്രവ്യം വാങ്ങിയശേഷമാണ്‌ അദ്ദേഹത്തെ മോചിപ്പിച്ചതെന്നാണ്‌ പുറത്തുപ്രചരിച്ചിട്ടുള്ള കഥകള്‍.
പിന്നീട് 2004 ഒക്ടോബര്‍ 18നാണ് വീരപ്പനെ സത്യമംഗലം കാട്ടിനടുത്തുള്ള പ്രദേശത്തുവച്ച് തമിഴ്നാട് ദൗത്യസേന വെടിവച്ചു കൊന്നത്. മൂന്നു ദശകത്തിലേറെ ദക്ഷിണേന്ത്യയിലെ കാടുകളെ വിറപ്പിച്ച വീരപ്പന് യുഗത്തിന്റെ അവസാനമായിരുന്നു അത്.എന്നാല്‍, വീരപ്പന്റെ മരണം പല സംശയങ്ങളും ബാക്കിയാക്കി. ഇപ്പോഴും ഉത്തരം കണ്ടെത്താനാകാത്ത പല ചോദ്യങ്ങളും അവശേഷിപ്പിച്ചാണ് വീരപ്പന് മേട്ടൂർ ഡാമിനരികിലുള്ള മൂലക്കാട്ടില്‍
ധർമ്മപുരി ജില്ലയിലെ പാപ്പിറട്ടിപ്പട്ടിക്കടുത്ത് വച്ചാണ് ആ ഓപ്പറേഷൻ നടന്നത്. `ഓപ്പറേഷൻ കക്കൂൺ” എന്ന പേരിൽ അറിയപ്പെട്ട ആ നടപടിയിലാണ് തെക്കൻ സംസ്ഥാനങ്ങളെ വിറപ്പിച്ച കാട്ടുകൊള്ളക്കാരൻ വീരപ്പൻ കൊല്ലപ്പെട്ടത്. ഭരണനേട്ടമെന്ന് അന്നത്തെ തമിഴ്നാട് മുഖ്യമന്ത്രി ജയിലളിത തുറന്നു പറഞ്ഞ ഓപ്പറേഷൻ കക്കൂണിനെ കുറിച്ച് പല ഞെട്ടിപ്പിക്കുന്ന റിപ്പോർട്ടുകൾ വന്നിട്ടും ടാസ്‌ക് ഫോഴ്‌സിന്റെ ഭാഗത്തു നിന്നോ വീരപ്പനെ തിരയാൻ പോയവരിൽ നിന്നോ ഒരു പ്രതികരണവും ഉണ്ടായില്ലെന്നുള്ളതും കൗതുകകരമാണ്.
വീരപ്പൻവേട്ട
വാൾട്ടർ ദേവാരം എന്ന കുശാഗ്രബുദ്ധിക്കാരനായ പോലീസ് ഓഫീസർ തോറ്റയിടത്തുനിന്നുമാണ് വിജയകു
തൻ്റെ സന്ദേശങ്ങൾ അടങ്ങിയ ഓഡിയോ, വീഡിയോ കാസറ്റുകൾ പുറംലോകത്തേക്ക് അയക്കാനായിരുന്നു വീരപ്പന് താൽപര്യം. ഒരു കടലാസിൽ എഴുതിയത് വായിക്കാൻ വീരപ്പൻ ബുദ്ധിമുട്ടിയെന്ന വിവരങ്ങളും ചാരൻമാർ വഴി വിജയകുമാറിന് ലഭിച്ചിരുന്നു.ഇതോടെയാണ് വീരപ്പൻ്റെ കണ്ണിന് തകരാറുണ്ടെന്ന കാര്യം വിജയകുമാർ ഉറപ്പിച്ചത്. ഇതിനുശേഷമായിരുന്നു. വീരപ്പനെ പിടികൂടാനുള്ള തീരുമാനം കെെക്കൊണ്ടതും അതിനായുള്ള രംഗം വിജയകുമാർ ഒരുക്കിയതും.
കണ്ണ് ചികിൽസയ്ക്കായി വീരപ്പന് കാട്ടിൽ നിന്ന് ആശുപത്രിയിൽ വരേണ്ടി വരുമെന്ന് വിജയകുമാറിന് ഉറപ്പായിരുന്നു.അതിനായി വിജയകുമാർ ക്ഷമയോടെ കാത്തു.പരിസരത്തെ സകലമാന ആശുപത്രികളിലും തന്റെ വിശ്വസ്തരായ ആളുകളെ വിജയകുമാർ ഇതിനകം വിന്യസിച്ചിരുന്നു.ഒടുവിൽ ആശുപത്രിയിലേക്ക് വിവരം എത്തി. രോഗിക്ക് വരാൻ ആംബുലൻസ് വിട്ടുതരണം. സദാസമയവും ജാഗരൂകരായിരുന്ന ദൗത്യ സംഘത്തിന് ആ രോഗി വീരപ്പനാണെന്ന് മനസ്സിലാക്കാൻ യാതൊരു ബുദ്ധിമുട്ടുമില്ലായിരുന്നു. രോഗിക്കായി ആംബുലൻസ് പുറപ്പെട്ടു. പക്ഷേ ആ ആംബുലൻസ് അയച്ചത് ആശുപത്രിയായിരുന്നില്ല, ദൗത്യ സംഘമായിരുന്നു. ആ പ്രത്യേക ആംബുലൻസിൽ ‘എസ്‌കെഎസ് ഹോസ്പിറ്റൽ, സേലം’ എന്ന് എഴുതിയിരുന്നു.
ആ ആംബുലൻസിൽ ദൗത്യ സംഘത്തിൻ്റെ അംഗങ്ങളായ വെളിദുരൈയും ശരവണനും ഉണ്ടായിരുന്നു. ശരവണൻ ആയിരുന്നു ഡ്രൈവർ. അതേസമയം വീരപ്പനെ കണ്ടാൽ തിരിച്ചറിയാൻ കഴിയാത്ത അവസ്ഥയായിരുന്നു. വീരപ്പൻ തൻ്റെ ട്രേഡ് മാർക്ക് മീശ വെട്ടിക്കളഞ്ഞിരുന്നു. വെള്ള വസ്ത്രം ധരിച്ച് ഒരു സാധാരണക്കാരനെപ്പോലെയായിരുന്നു വീരപ്പൻ ആംബുലൻസിലിരുന്നത്.
ദൗത്യസംഘം മുൻകൂട്ടി നിശ്ചയിച്ച സ്ഥലത്ത് എത്തിയപ്പോൾ ആംബുലൻസ് ഡ്രൈവർ പെട്ടെന്ന് ബ്രേക്ക് ഇട്ടു. ഈ സമയത്ത് യാത്രക്കാരെല്ലാം സീറ്റിൽ നിന്ന് മുന്നോട്ടേക്ക് ആയുകയും ചിലരൊക്കെ താഴെ വീഴുകയും ചെയ്തു.വാഹനം ബ്രേക്കിട്ടയുടൻ സമീപത്ത് ഒളിച്ചിരുന്ന ടാസ്ക്ഫോഴ്സ് അംഗങ്ങൾ പെട്ടെന്ന് തന്നെ ഓപ്പറേഷന് റെഡിയായി. വീരപ്പൻ ആംബുലൻസിനുള്ളിൽ ഉണ്ടെന്നുള്ള സിഗന്ലായിരുന്നു ആ സഡൻബ്രേക്ക്. ഇതോടെ വിജയകുമാർ മെഗാഫോൺ കെെയിലെടുത്തു. `ഞങ്ങൾ നിങ്ങളെ വളഞ്ഞു കഴിഞ്ഞു. ആയുധങ്ങൾ താഴെ വെച്ച് കീഴടങ്ങു´- വിജയകുമാർ വിളിച്ചു പറഞ്ഞു.
എന്നാൽ ആംബുലൻസിനുള്ളിൽ നിന്ന് വെടിയുണ്ടകളായാണ് മറുപടിയുമായി തിരിച്ചെത്തിയത്. തുടർന്ന് ദൗത്യസംഘം നാലു ഭാഗത്തു നിന്നും ആംബുലൻസിനെ വളഞ്ഞ് വെടിവയ്ക്കുകയായിരുന്നു. അയാളുടെ മൂന്ന് കൂട്ടാളികളും ഇതോടൊപ്പം കൊല്ലപ്പെട്ടു.ഇവരെയും വീരപ്പന്റെ മൃതദേഹം സംസ്കരിച്ചതിന്റെ തൊട്ടടുത്തായി തന്നെയാണ് സംസ്കരിച്ചിരിക്കുന്നതും.
വീരപ്പന്റെ ഇടതുകണ്ണിൽ വെടിയുണ്ട തുളച്ചുകയറിയിരുന്നു. പുകയടങ്ങിയപ്പോഴും വീരപ്പൻ മരിച്ചുവെന്ന് ടാസ്‌ക് ഫോഴ്‌സ് സൈനികർക്ക് വിശ്വസിക്കാനായില്ല.വീരപ്പനാണ് മരിച്ചത് എന്ന് ഉറപ്പായതോടെ വിജയകുമാർ അപ്പോൾത്തന്നെ തമിഴ്നാട് മുഖ്യമന്ത്രി ജയലളിതയെ ഫോണിൽ വിളിച്ചു. മുഖ്യമന്ത്രിയുടെ സെക്രട്ടറി ഷീല ബാലകൃഷ്ണനാണ് ഫോൺ എടുത്തത്. “മാഡം ഉറങ്ങാൻ പോയി, നാളെ വിളിക്കൂ´´ എന്നായിരുന്നു മറുപടി.
എന്നാൽ കാര്യമറിഞ്ഞതോടെ വിജയകുമാറിൻ്റെ ആവശ്യം അംഗീകരിച്ചു. അടുത്ത നിമിഷം ഫോണിൽ ജയലളിത എത്തി. വീരപ്പന്റെ കഥ കഴിഞ്ഞു എന്ന വാർത്ത കേട്ടപ്പോൾ ജയലളിത വളരെ ആവേശത്തിലായി. വിജയകുമാറിനേയും ടീമിനെയും അഭിനന്ദിച്ചു. അതിനുശേഷം ഒരു കാര്യം കൂടി മുഖ്യമന്ത്രി വിജയകുമാറിനോടു പറഞ്ഞു:
“മുഖ്യമന്ത്രിയായി അധികാരമേറ്റതിന് ശേഷം താൻ കേൾക്കുന്ന ആദ്യത്തെ നല്ല വാർത്തയാണിത് !”
