പാലപ്പത്തിന്റെ നിറമാണ്! ആ ഡയലോഗ് എഴുതിയത് നന്ദിനിയെ കണ്ടപ്പോള്‍; രണ്ടു പതിറ്റാണ്ടിനിപ്പുറം അവര്‍ വീണ്ടും കണ്ടു മുട്ടിയപ്പോള്‍
വാര്‍ത്തകളിലെ താരമാണ് സുരേഷ് ഗോപി. ഒന്നിടവിട്ട് ഒന്നായി സുരേഷ് ഗോപിയെ കുറിച്ച് വാര്‍ത്തകള്‍ വന്നുകൊണ്ടേയിരിക്കുന്നു. ഇലക്ഷന്‍ പ്രചരണത്തില്‍ തുടങ്ങി, മാധ്യമ പ്രവര്‍ത്തകയോട് മോശമായി പെരുമാറി, ഗരുഡന്‍ മൂവി റിലീസ്, പ്രസ്സ് മീറ്റ് എന്നിങ്ങനെ വാര്‍ത്തകളും വീഡിയോകളുമായി സുരേഷ് ഗോപി നിറഞ്ഞു നില്‍ക്കുകയാണ്. ഇപ്പോള്‍ മൈല്‍സ്റ്റോണ്‍ മേക്കേഴ്സ് സുരേഷ് ഗോപിയുടെ സിനിമാ ജീവിതം ആഘോഷിക്കുകയാണ്. അതിന്റെ ഭാഗമായി നടന്റെ പഴയ നായികയെ ഷോയില്‍ കൊണ്ടുവന്നു.
പിന്നീട് നന്ദിനിയും സുരേഷ് ഗോപിയും ഒരുപാട് ഓര്‍മകള്‍ പങ്കുവച്ചു. ലേലം സിനിമയിലെ ചില അനുഭവങ്ങളും, ഓര്‍മകളും എല്ലാം അതില്‍ പെടുന്നു. അന്നും സുരേഷേട്ടന്‍ നന്നായി സംസാരിക്കുമായിരുന്നു. അന്നത്തേതിലും ഇന്ന് അല്പം പക്വതയുള്ളതായി തോന്നുന്നു എന്നാണ് നന്ദിനി പറഞ്ഞത്. ‘എനിക്ക് പക്വത വന്നു എന്ന് സ്വയം തോന്നുന്നില്ല. പക്ഷെ ഒരുപാട് കാര്യങ്ങള്‍ എനിക്ക് ചുറ്റും നടക്കുന്നത് കൊണ്ട്, ഇപ്പോള്‍ ഒരു ഷൂല്‍ഡ് എന്നെ കവര്‍ ചെയ്ത് നില്‍ക്കുന്നുണ്ട്. അതുകൊണ്ട് നന്ദിനിക്ക് അങ്ങനെ തോന്നുന്നതായിരിക്കും എന്നാണ് സുരേഷ് ഗോപി പറഞ്ഞത്.
നന്ദിനിയ്ക്ക് ഇപ്പോഴും മാറ്റമില്ല. അന്ന് സിനിമയില്‍ ഒരു ‘പാലപ്പത്തിന്റെ നിറമാണ്’ എന്ന് നന്ദിനിയെ നോക്കി പറയുന്ന ഒറു രംഗമുണ്ട്. അത് നന്ദിനിയെ കണ്ടതിന് ശേഷം രണ്‍ജി പണിക്കര്‍ എഴുതിച്ചേര്‍ത്ത നിറമാണത്രെ. താന്‍ ഇതുവരെ പാലപ്പം കഴിച്ചിട്ടില്ല എന്ന് തന്റെ പഴയ നടി പറഞ്ഞപ്പോള്‍, അത് വാങ്ങി കൊടുക്കാനും, വാരികൊടുക്കാനും സുരേഷ് ഗോപി തയ്യാറായി. ലേലം സിനിമയുടെ ലൊക്കേഷനില്‍ വച്ച് നന്ദിനിയ്ക്ക് ഒരുപാട് ഭക്ഷണം വാങ്ങി കൊടുത്തതായും സുരേഷ് ഗോപി പറയുന്നുണ്ട്. അന്നും നന്ദിനി വെജിറ്റേറിയനായിരുന്നു എന്ന് സുരേഷ് ഗോപി ഇപ്പോഴും ഓര്‍ക്കുന്നു. തന്നെ ആദ്യമായി കണ്ടപ്പോള്‍ ‘സുന്ദരിയാണ്’ എന്ന് സുരേഷ് ഗോപി പറഞ്ഞതൊക്കെ നന്ദിനിക്കും ഓര്‍മയുണ്ട്.
ലേലം സിനിമയ്ക്ക് ശേഷം പിന്നീട് ഇരുവരും വീണ്ടും കണ്ടിരുന്നു. അത് പത്ത് – പന്ത്രണ്ട് വര്‍ഷങ്ങള്‍ക്ക് മുന്‍പായിരുന്നു. എന്തോ ഒരു പരിപാടിയ്ക്ക്് വേണ്ടി നന്ദിനി കേരളത്തിലെത്തിയപ്പോള്‍ സുരേഷ് ഗോപിയുടെ വീട്ടില്‍ പോയിരുന്നു എന്നും, അന്ന് കണ്ട് സംസാരിച്ചിരുന്നു എന്നും രണ്ട് പേരും പറയുന്നു.
