സ്വര്‍ണക്കടുവ, ഓംശാന്തി ഓശാന, അരികില്‍ ഒരാള്‍ തുടങ്ങിയ ചിത്രങ്ങളിലൂടെ ശ്രദ്ധിക്കപ്പെട്ട നടിയാണ് പൂജിതാ മേനോന്‍. ഇപ്പോഴിതാ താരം ഇന്‍സ്റ്റഗ്രാമില്‍ പങ്കുവെച്ച ഒരു വീഡിയോയാണ് സോഷ്യല്‍ മീഡിയയില്‍ വൈറലാകുന്നത്. കടുവയോടൊപ്പം പൂജിത നടക്കുന്നതാണ് ഈ വീഡിയോയിലുള്ളത്.
‘ക്യാറ്റ് വാക്ക് വിത്ത് ബിഗ് ക്യാറ്റ്’ എന്ന ക്യാപ്ഷനോടെയാണ് പൂജിത വീഡിയോ പങ്കുവെച്ചത്. ‘എന്തൊരു അനുഭവമായിരുന്നു അത്. ശ്വാസമടക്കിപ്പിടിച്ച് ഒരു കടുവയ്ക്കൊപ്പം ഇത്ര എളുപ്പത്തില്‍ നടക്കാന്‍ കഴിയുമെന്ന് ഒരിക്കലും ചിന്തിച്ചിരുന്നില്ല, ഹാഷിമിന് നന്ദി. നിങ്ങളുടെ പ്രചോദനമില്ലെങ്കില്‍ ഇത് സാധ്യമാകുമായിരുന്നില്ല’-പൂജിത ഇന്‍സ്റ്റഗ്രാമില്‍ കുറിച്ചു.
പട്ടായയില്‍ അവധി ആഘോഷിക്കാന്‍ എത്തിയപ്പോഴാണ് പൂജിത കടുവയ്ക്കൊപ്പം നടന്നത്. ഈ വീഡിയോക്ക് താഴെ രസകരമായ പല കമന്റുകളുമുണ്ട്.
View this post on Instagram
ടെലിവിഷന്‍ അവതാരകയായാണ് പൂജിത കരിയര്‍ തുടങ്ങിയത്. 2013-ല്‍ പുറത്തിറങ്ങിയ ‘നീ കൊ ഞാന്‍ ചാ’ എന്ന ചിത്രത്തിലൂടെ നായികയായി സിനിമയില്‍ അരങ്ങേറ്റം കുറിച്ചു. ഇപ്പോള്‍ മോഡലിങ്ങിലും ടെലിവിഷന്‍ മേഖലയിലും സജീവമാണ് പൂജിത.
