’20-ാം ഓവറിൽ സഞ്ജു എന്നോട് ഒന്നേ ആവശ്യപ്പെട്ടുള്ളു, ആ ഓവറിലെ ആറ് പന്തുകളും എനിക്ക് തന്നെ നേരിടണം, ആ ആത്മവിശ്വാസത്തിന് മുന്നിൽ എനിക്ക് സമ്മതം മൂളാനേ കഴിഞ്ഞുള്ളൂ’… സഞ്ജുവിന്റെ ഗെയിം പ്ലാനിനെ വാഴ്ത്തി സഹതാരം അക്കീൽ ഹൊസൈൻ
മുംബൈ: ഐപിഎൽ എൽ ക്ലാസിക്കോ പോരാട്ടത്തിൽ ചെന്നൈ സൂപ്പർ കിംഗ്സിൻറെ മലയാളി താരം സഞ്ജു സാസണിൻറെ ഗെയിം പ്ലാനിനേയും അവന്റെ ഗെയിം കാൽക്കുലേഷനിനേയും വാനോളം പുഴ്ത്തി സഹതാരം അക്കീൽ ഹൊസൈൻ. സഞ്ജുവിൻറെ കൃത്യമായ കണക്കുകൂട്ടലുകളുടെ ഫലം കൂടിയായിരുന്നു ചെന്നൈ സ്കോർ 200 കടക്കാൻ കാരണമായതെന്നും അക്കീൽ ഹൊസൈൻ പറഞ്ഞു. ഒരു ഘട്ടത്തിൽ വിക്കറ്റുകൾ തുടരെ വീണപ്പോൾ ചെന്നൈയുടെ സ്കോർ 160-170 ൽ ഒതുങ്ങുമായിരുന്നുവെന്നും എന്നാൽ സഞ്ജുവിൻറെ ക്രീസിലെ സാന്നിധ്യമാണ് കളി 200 കടത്തിയതെന്നും അക്കീൽ പറഞ്ഞു.
അക്കീൽ പറയുന്നതിങ്ങനെ- സഞ്ജു അസാമാന്യമായ ഗെയിം അവയർനെസുള്ള താരമാണ്. മുംബൈയുടെ പക്കൽ അഞ്ച് പ്രധാന ബൗളർമാർ മാത്രമേ ഉണ്ടായിരുന്നുള്ളൂ. അതിനാൽ അവസാന ഓവറുകളിൽ അവർക്ക് പുതിയൊരു ഒരു ബൗളറെ പന്തേൽപ്പിക്കേണ്ടിവരുമെന്ന് വരുമെന്ന് സഞ്ജു മുൻകൂട്ടി കണ്ടു. മുംബൈയുടെ ആ ആറാം ബൗളറെ കൃത്യമായി ലക്ഷ്യം വെച്ചാണ് സഞ്ജു ബാറ്റ് വീശിയത്. വിക്കറ്റുകൾ വീഴുമ്പോഴും സമ്മർദ്ദത്തിന് അടിപ്പെടാതെ സഞ്ജു നടത്തിയ കൃത്യമായ കണക്കുകൂട്ടലാണ് ചെന്നൈയെ 207-ൽ എത്തിച്ചതെന്നും അക്കീൽ ഹൊസൈൻ പറഞ്ഞു. ഇന്നിംഗ്സിലെ അവസാന ഓവറിൽ സഞ്ജു കാണിച്ച ആത്മവിശ്വാസം തന്നെ അത്ഭുതപ്പെടുത്തി.
അതുപോലെ സെഞ്ചുറിക്ക് തൊട്ടടുത്ത് നിൽക്കെ സഞ്ജു അക്കീലിനോട് പറഞ്ഞത് 20-ാം ഓവർ ആ ഓവറിലെ ആറ് പന്തുകളും എനിക്ക് തന്നെ നേരിടണമെന്നായിരുന്നു. പരമാവധി റൺസ് കണ്ടെത്തുകയായിരുന്നു അദ്ദേഹത്തിൻറെ ലക്ഷ്യം. ആ ആത്മവിശ്വാസത്തിന് മുന്നിൽ എനിക്ക് സമ്മതം മൂളാനേ കഴിഞ്ഞുള്ളൂ. അദ്ദേഹം പറഞ്ഞത് പോലെ തന്നെ സംഭവിക്കുകയും ചെയ്തുവെന്നും അക്കീൽ വ്യക്തമാക്കി. ആ ഇന്നിംഗ്സിലെ അവസാന ഓവറിൽ സഞ്ജു കാണിച്ച ആത്മവിശ്വാസം തന്നെ അത്ഭുതപ്പെടുത്തിയെന്നും അക്കീൽ പറഞ്ഞുവെക്കുന്നു.
AKEAL TALKS ABOUT THE IMPORTANCE OF SANJU SAMSON’s GAME AWARENESS:
“At one point, if we kept losing wickets, we could have fell short. We could have scored anyway around 160 or 170 so Sanju staying there right till the end and being calculated as well. He knew that they only… pic.twitter.com/fi2DwEGyjV
— Johns. (@CricCrazyJohns) April 24, 2026
