ദുബായ്:യുഎഇയിലെ എമിറേറ്റ്‌സ് ഡ്രോ നറുക്കെടുപ്പില്‍ പ്രവാസി മലയാളിക്ക് 125,000 ദിര്‍ഹം (28,38,743 രൂപ) സമ്മാനമായി ലഭിച്ചു.
സൗദി അറേബ്യയിലെ ദമാമില്‍ താമസിക്കുന്ന മലയാളിയായ ജാക്‌സണ്‍ ജോസഫിനാണ് വന്‍ തുക സമ്മാനം സ്വന്തമാക്കിയത്. ലോജിസ്റ്റിക് മേഖലയിലാണ് ജാക്‌സണ്‍ ജോസഫ് ജോലി ചെയ്യുന്നത്. കഴിഞ്ഞയാഴ്ചയാണ് എമിറേറ്റ്‌സ് ഡ്രോ മെഗാ-7 പ്രൈസ് ലഭിച്ചത്. ഒറ്റനമ്ബറിന് ഇദ്ദേഹത്തിന് 100 മില്യണ്‍ ദിര്‍ഹം ഗ്രാന്‍ഡ് പ്രൈസ് നഷ്ടമാവുകയും ചെയ്തു.
അതേസമയം ഡ്യൂട്ടി ഫ്രീ മില്ലേനിയം മില്യണയര്‍ 438ാമത് നറുക്കെടുപ്പില്‍ മറ്റൊരു മലയാളി എട്ട് കോടി രൂപ സ്വന്തമാക്കി. ദുബായില്‍ ജോലി ചെയ്തുവരുന്ന നമശിവായം ഹരിഹരന്‍ ആണ് 10 ലക്ഷം ഡോളര്‍ (8,31,70,050 രൂപ) ഭാഗ്യസമ്മാനത്തിന് അര്‍ഹനായത്. ഒക്‌ടോബര്‍ 25ന് നടന്ന ദുബായ് ഡ്യൂട്ടി ഫ്രീ മില്ലേനിയം മില്യണയര്‍ 438ാമത് നറുക്കെടുപ്പിലാണ് 40 കാരനായ ഹരിഹരനെ ഭാഗ്യം തേടിയെത്തിയത്. 2890 നമ്ബര്‍ ടിക്കറ്റ് നമ്ബറിനാണ് സമ്മാനം ലഭിച്ചത്.
26 വര്‍ഷമായി യുഎഇയില്‍ പ്രവാസ ജീവിതം നയിക്കുന്ന ഇദ്ദേഹം സെര്‍കോ എന്ന സ്വകാര്യ കമ്ബനിയില്‍ സീനിയര്‍ ടെക്‌നീഷ്യനായി ജോലി ചെയ്യുകയാണ്. അഞ്ച് സുഹൃത്തുക്കള്‍ക്കൊപ്പമാണ് ഹരിഹരന്‍ ടിക്കറ്റ് എടുത്തത്.
