![](https://newsthen.com/wp-content/uploads/2023/07/nedumbassery-airport.jpg)
കൊച്ചി: നെടുമ്പാശേരി വിമാനത്താവളത്തില് ബോംബ് ഭീഷണി. റണ്വേയിലേക്ക് നീങ്ങിയ ഇന്ഡിഗോ വിമാനം തിരിച്ചുവിളിച്ചു. യാത്രക്കാരെയും ലഗേജും പൂര്ണമായി ഇറക്കി. ബോംബ് സ്ക്വാഡ് പരിശോധന നടത്തി.
രാവിലെ 10.40ന് പുറപ്പെടേണ്ട കൊച്ചി ബംഗളൂരു വിമാനത്തില് ബോംബ് വച്ചിട്ടുണ്ടെന്നായിരുന്നു വിമാനത്താവള അധികൃതര്ക്ക് ലഭിച്ച അജ്ഞാതസന്ദേശം. വിമാനം റണ്വേയിലേക്ക് നീങ്ങിയ ശേഷമാണ് സന്ദേശം എത്തിയത്. തുടര്ന്ന് വിമാനം തിരിച്ചുവിളിച്ച് ബോംബ് സ്ക്വാഡ് പരിശോധന നടത്തുകയായിരുന്നു.
![Signature-ad](https://newsthen.com/wp-content/uploads/2024/06/signature.jpg)
നിലവില് ഒന്നും കണ്ടെത്തിയിട്ടില്ല. പരിശോധന പൂര്ത്തിയാക്കിയ ശേഷം സര്വീസ് പുനരാരംഭിക്കുമെന്ന് ഇന്ഡിഗോ അധികൃതര് അറിയിച്ചു.