പറമ്ബിക്കുളം ആളിയാര്‍ കരാര്‍ പ്രകാരം കേരളത്തിന്‌ അര്‍ഹതപ്പെട്ട വെള്ളം തമിഴ്‌നാട്‌ നല്‍കാത്തതാണ്‌ മറ്റൊരു പ്രശ്‌നം. രണ്ടു ടി.എം.സി. വെള്ളംകൂടി തമിഴ്‌നാട്‌ നല്‍കിയാലേ അണക്കെട്ട്‌ നിറയൂ. അതിനുശേഷം വരുന്ന വെള്ളമാണ്‌ വൈദ്യുതി ഉല്‍പ്പാദനത്തിന്‌ ഉപയോഗിക്കേണ്ടത്‌. അത്‌ നടക്കുമെന്ന പ്രതീക്ഷ ഇപ്പോഴില്ല.
ഇപ്പോള്‍ ഇടുക്കിയിലടക്കം കേരളത്തിലെ പ്രധാനപ്പെട്ട നാല്‌ ജലവൈദ്യുതപദ്ധതികളിലും 39% ല്‍ താഴെയാണ്‌ വെള്ളം.
സംസ്‌ഥാനത്ത്‌ ഏറ്റവും കുറവ്‌ മഴ ലഭിച്ചതും ഇടുക്കിയിലാണ്‌. കാര്യങ്ങള്‍ ഈ നിലയ്‌ക്കു പോയാല്‍, നിയന്ത്രണങ്ങളും ചാര്‍ജ്‌ വര്‍ധനയും വേണ്ടിവരുമെന്ന്‌ മന്ത്രി കെ. കൃഷ്‌ണന്‍കുട്ടി വ്യക്‌തമാക്കിയിരുന്നു. ലോഡ്‌ ഷെഡിങ്‌ വേണോ എന്നതില്‍ മുഖ്യമന്ത്രിയാകും അന്തിമതീരുമാനം കൈക്കൊള്ളുക. ഈ മാസം 21ന്‌ ബോര്‍ഡിന്റെ വിലയിരുത്തല്‍ വന്നശേഷമേ തീരുമാനമെടുക്കൂ.അതെന്തായാലും പുതുപ്പള്ളി ഉപതിരഞ്ഞെടുപ്പ് കഴിയുന്നതുവരെ നടപ്പാക്കില്ലെന്നാണ് വിവരം.
