ന്യൂഡൽഹി:കേരളത്തിന് ഇത്തവണയും ‘എയിംസ്’ (All India Institute Of Medical Science) ഇല്ലെന്ന് കേന്ദ്രം.ഡോ. ജോണ്‍ ബ്രിട്ടാസ് എംപിയുടെ ചോദ്യത്തിനുള്ള മറുപടിയിലാണ് കേന്ദ്രം ഇക്കാര്യം വ്യക്തമാക്കിയത്.
പ്രധാനമന്ത്രി സ്വാസ്ഥ്യ സുരക്ഷാ യോജന (PMSSY) പദ്ധതി പ്രകാരം നാളിതുവരെ രാജ്യത്ത് 22 പുതിയ എയിംസുകള്‍ സ്ഥാപിക്കുന്നതിന് അനുമതി നല്‍കിയിട്ടുണ്ടെങ്കിലും കേരളത്തില്‍ എയിംസ് സ്ഥാപിക്കണമെന്ന സംസ്ഥാന ഗവണ്‍മെന്റിന്റെ ആവശ്യം PMSSYയുടെ നിലവിലെ ഘട്ടത്തില്‍ ഇല്ലെന്നായിരുന്നു മറുപടി.
പതിറ്റാണ്ടുകളായുള്ള കേരളത്തിന്റെ ആവശ്യമാണ് എയിംസ് അനുവദിക്കുക എന്നുള്ളത്. ഇതിനായി അനുയോജ്യമായ നാല് സ്ഥലങ്ങള്‍ കണ്ടെത്തി കേരള ഗവണ്‍മെന്റ് കേന്ദ്രത്തെ അറിയിക്കുകയും ചെയ്തിരുന്നു.
