വേദനയില്ലാതെ കുത്തിവെക്കാവുന്ന സിറിഞ്ചുകൾ വികസിപ്പിച്ച് മലയാളി ഡോക്ടറും സംഘവും
കുത്തിവെപ്പ് സമയത്ത് തൊലിയുടെ അടിയിലുള്ള നാഡികളില് സിറിഞ്ച് കൊള്ളുമ്ബോഴാണ് വേദനയുണ്ടാകുന്നത്. മൈക്രോ നീഡില് തൊലിയുടെ തൊട്ടുതാഴെ വരെയേ എത്തുന്നുള്ളൂ. അതിനാലാണ് വേദനയില്ലാത്തത്. ദിവസേന ഒന്നിലധികം തവണ ഇൻസുലിൻ എടുക്കേണ്ടിവരുന്ന രോഗികള്ക്കും കൊച്ചുകുട്ടികള്ക്കും മൈക്രോനീഡില് ഉപകാരപ്പെടും.
ചെലവു കുറവായതിനാല് പുതിയ മാതൃക വിപണിയിലും സ്വീകാര്യമാകും. ആകൃതിയിലെ പ്രത്യേകതമൂലം 20 ശതമാനം കുറവ് മരുന്ന് മതിയെന്നതും നേട്ടമാണ്.നിബ് ഇല്ലാത്ത പേന എപ്രകാരമാണോ അതുപോലെയാണ് ഐ.ഐ.എസ്. വികസിപ്പിച്ച മൈക്രോനീഡില് മാതൃക.
ബെംഗളൂരു നാഷണല് എയറോസ്പേസ് ലബോറട്ടറിയില് സീനിയര് റിസര്ച്ച് അസോസിയേറ്റായ ഡോ. അനുവും ഈ ഗവേഷക സംഘത്തിലുണ്ട് എന്നത് കേരളത്തിനും അഭിമാനമാണ്. സൗത്ത് ഇന്ത്യൻ ബാങ്കില് നിന്നും വിരമിച്ച എം.ജെ. സൈമണിന്റെയും റോസമ്മയുടെയും മകളാണ് അനു.
എയര് ട്രാഫിക് കണ്ട്രോളറായി ജോലി ചെയ്യുന്ന ഭര്ത്താവ് രഞ്ജിത്ത് ജോര്ജ്, മക്കള് എന്നിവര്ക്കൊപ്പം ബെംഗളൂരുവിലാണ് താമസം. ഇന്റര്നാഷണല് ജേണല് ഓഫ് ഫാര്മസ്യൂട്ടിക്സില് ഇവരുടെ പഠനം പ്രസിദ്ധീകരിച്ചിട്ടുണ്ട്.
