അയോധ്യയിൽ അൻസാരിയെ ജയിപ്പിച്ച ‘ഹിന്ദു ജിഹാദ്’ ?

അയോധ്യയിലെ മുൻസിപ്പൽ തെരഞ്ഞെടുപ്പിൽ ഹിന്ദു ഭൂരിപക്ഷ ഗ്രാമത്തിലായിരുന്നു മുസ്‌ലിം സ്വതന്ത്ര സ്ഥാനാർഥിയുടെ ഈ അപ്രതീക്ഷിത ജയം. രാമജന്മഭൂമി ക്ഷേത്ര പ്രസ്ഥാനത്തിന്റെ പ്രധാന വ്യക്തിത്വത്തിന്റെ പേരിലുള്ള രാം അഭിറാം ദാസ് വാർഡിലാണ് സ്വതന്ത്ര സ്ഥാനാർഥിയായി മത്സരിച്ച് സുൽത്താൻ അൻസാരി വിജയിച്ചത്.

തെരഞ്ഞെടുപ്പിൽ ആകെ പോൾ ചെയ്ത 2388 വോട്ടിൽ 42 ശതമാനം വോട്ടുകൾ നേടിയായിരുന്നു അൻസാരിയുടെ വിജയം.മറ്റൊരു സ്വതന്ത്രസ്ഥാനാർഥിയായ നാഗേന്ദ്ര മാഞ്ചിയെ 442 വോട്ടുകൾക്കാണ് അൻസാരി പരാജയപ്പെടുത്തിയത്. ബി.ജെ.പിക്ക് മൂന്നാം സ്ഥാനമാണ് ഇവിടെ ലഭിച്ചത്.