പാലക്കാട്: തേങ്ങയിടാന്‍ തെങ്ങില്‍ കയറിയ യുവാവ് ഷോക്കേറ്റ് വീണു മരിച്ചു. കാപ്പുപറമ്പ് ചാച്ചിപ്പാടന്‍ അസ്‌കറാണ് (28) മരിച്ചത്. മണ്ണാര്‍ക്കാടാണ് ദാരുണ സംഭവമുണ്ടായത്. വൈദ്യുത ലൈനില്‍ നിന്ന് ഷോക്കേറ്റ് താഴെ വീഴുകയായിരുന്നു.
ശനിയാഴ്ച രാവിലെ കുമഞ്ചേരി ഉമ്മറിന്റെ വീട്ടുവളപ്പിലെ തെങ്ങില്‍ തേങ്ങിയിടാന്‍ കയറിയതായിരുന്നു അസ്‌കര്‍. വൈദ്യുത ലൈനില്‍ തട്ടിനില്‍ക്കുന്ന തെങ്ങിന്‍ പട്ടയില്‍ നിന്ന് ഷോക്കേറ്റ് താഴേക്ക് വീഴുകയായിരുന്നുവെന്ന് പോലീസ് പറഞ്ഞു. പരുക്കേറ്റ അസ്‌കറിനെ വട്ടമ്പലത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും വൈകിട്ട് നാലരയോടെ മരിക്കുകയായിരുന്നു.
