Month: March 2023
-
Kerala
ജനങ്ങൾക്ക് സമരം ചെയ്യാൻ അവകാശം ഉണ്ട്, അരിക്കൊമ്പൻ സമരത്തെ തള്ളി പറയുന്നില്ല: മന്ത്രി എ.കെ. ശശീന്ദ്രൻ
തിരുവനന്തപുരം: അരിക്കൊമ്പൻ സമരത്തെ തള്ളി പറയുന്നില്ലെന്ന് വനം മന്ത്രി എ കെ ശശീന്ദ്രൻ. ജനങ്ങൾക്ക് സമരം ചെയ്യാൻ അവകാശം ഉണ്ട്. ജനങ്ങളുടെ ആശങ്ക പരിഹരിക്കാൻ സർക്കാർ എല്ലാം ചെയ്യും, സമരം സർക്കാരിനെതിരെ തിരിക്കരുതെന്നും മന്ത്രി പറഞ്ഞു. ഇന്നു തന്നെ നിയമപരമായ തുടർ നീക്കങ്ങൾ തുടങ്ങും. ഇന്നലത്തെ കോടതി നടപടി അപ്രതീക്ഷിതമായിരുന്നു. കോടതി നടപടിയാണ് നിലവിലെ സ്ഥിതി സങ്കീർണ്ണമാക്കിയത്. വിദഗ്ദ സമിതി ഉടൻ ഇടുക്കി സന്ദർശിക്കണമെന്നും അദ്ദേഹം പറഞ്ഞു. ഇടുക്കിയില്‍ ചിന്നക്കനാൽ, ശാന്തൻപാറ പഞ്ചായത്തുകളിൽ നാശം വിതക്കുന്ന അരിക്കൊമ്പനെ പിടികൂടുന്നതുമായി ബന്ധപ്പെട്ട കോടതി പരാമർശങ്ങളെ തുടർന്ന് ദേവികുളം, ഉടുമ്പൻചോല താലൂക്കുകളിലെ 10 പഞ്ചായത്തുകളിൽ ജനകീയ സമിതി ആഹ്വാനം ചെയ്ത ഹർത്താൽ തുടരുകയാണ്. രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. ചിന്നക്കനാലിലും പവർഹൗസിലും പൂപ്പാറയിലും കൊച്ചി ധനുഷ് കോടി ദേശീയപാത ഉപരോധിക്കുന്നതടക്കമുള്ള പ്രതിഷേധ പരിപാടികൾ നടക്കുന്നുണ്ട്. മദപ്പാടുള്ളതിനാൽ അരിക്കൊമ്പനെ നിരീക്ഷിക്കാനും ശല്യം തുടർന്നാൽ മയക്ക് വെടിവെച്ച് റേഡിയോ കോളർ ഘടിപ്പിക്കാനുമാണ് കോടതി…
Read More » -
Crime
സ്വത്ത് തർക്കം; അതിഥി തൊഴിലാളികൾ തമ്മിൽ ഏറ്റുമുട്ടി, ആറു വയസുകാരൻ വെട്ടേറ്റ് മരിച്ചു
തൃശ്ശൂര്‍: മുപ്ലിയത്ത് അതിഥി തൊഴിലാളികൾ തമ്മിലുള്ള ഏറ്റുമുട്ടലിനിടെ ആറു വയസുകാരൻ വെട്ടേറ്റ് മരിച്ചു. അതിഥി തൊഴിലാളിയുടെ മകനായ നാജുർ ഇസ്ലാം ആണ് മരിച്ചത്. അമ്മ നജ്മക്ക് ഗുരുതരമായി വെട്ടേറ്റു. അമ്മാവൻ ജമാലുവിനെ പൊലീസ് കസ്റ്റഡിയിൽ എടുത്തിട്ടുണ്ട്. സ്വത്ത് തർക്കമാണ് കൊലപാതകത്തിൽ കലാശിച്ചതെന്നാണ് സൂചന.
Read More » -
Kerala
ആർക്കാണിത്ര ധൃതി……? വന്ദേ ഭാരത് കേരളത്തിനില്ല
കൊച്ചി:വന്ദേഭാരത് കേരളത്തിന്റെ മുക്കിലും മൂലയിലും ചറപറാ ഓടിക്കും. അതോടെ സിൽവർ ലൈൻ,കെ റയിൽ എന്നിവ അപ്രസക്തമാകും.അതിനാൽ കേരളത്തിൽ കെ റയിൽ വേണ്ട എന്നു പറഞ്ഞത് കേന്ദ്ര സഹമന്ത്രി വി മുരളീധരൻ ആയിരുന്നു.നാലുമണിക്കൂർ കൊണ്ട് തിരുവനന്തപുരത്തു നിന്നും മംഗലാപുരത്തെത്താൻ ആർക്കാണിത്ര ധൃതി എന്ന് ചോദിച്ചത് തൃക്കാക്കര നിയോജക മണ്ഡലത്തിന്റെ ഇപ്പോഴത്തെ എംഎൽഎ ഉമ തോമസ് ആയിരുന്നു.ഇപ്പോൾ കെ റയിലുമില്ല,വന്ദേഭാരതുമില്ലാത്ത അവസ്ഥ ! പരിഷ്കൃത സമൂഹത്തിന് യാത്രാസമയം ലാഭിക്കാനുതകുന്ന ആധുനിക യാത്ര സൗകര്യങ്ങൾ അനിവാര്യമാണ്.അവിടെ ആർക്കാണിത്ര ധൃതി എന്ന് ചോദ്യമല്ല വേണ്ടത്.രാജ്യത്ത് ഇത്തരം വികസനങ്ങൾ നടക്കുമ്പോൾ തന്നെ അത്തരം വികസനം ഇടതുപക്ഷം ഭരിക്കുന്നു എന്ന ഒറ്റ കാരണത്താൽ കേരളത്തിൽ ഉണ്ടാകരുത് എന്നാഗ്രഹിക്കുന്നവർ ഒരിക്കലും ജനപക്ഷത്ത് അല്ലെന്നു തന്നെ പറയേണ്ടിവരും.അത് ഏത് രാഷ്ട്രീയ പാർട്ടിയിലായിരുന്നാലും. ഇടതുപക്ഷത്തെ സംബന്ധിച്ച് തങ്ങൾ പ്രകടന പത്രികയില്‍ വാഗ്ദാനം ചെയ്തതാണ് നടപ്പാക്കുവാന്‍ ശ്രമിക്കുന്നത് എന്നു പറയുമ്പോള്‍ അതില്‍ ഒരു ഹിഡന്‍ അജണ്ടയും ആരോപിക്കുക സാധ്യമല്ല. പ്രബുദ്ധരായ കേരള ജനത വികസനം ആഗ്രഹിക്കുന്നു എന്നും…
Read More » -
Kerala
കൊല്ലം എസ്.എൻ കോളജ് പ്രിൻസിപ്പൽ നിഷ തറയിൽ നയം വ്യക്തമാക്കുന്നു: ‘വിദ്യാർത്ഥികളെ സദാചാരം പഠിപ്പിക്കുന്ന നിയമാവലി ഇറക്കിയത് ഞാനല്ല’
‘ഒരു കാരണവശാലും ആണ്‍കുട്ടികളും പെണ്‍കുട്ടികളും അടുത്ത് ഇരിക്കരുത്, ഫോട്ടോ എടുക്കരുത്, വസ്ത്രധാരണത്തിൽ ശ്രദ്ധ പുലർത്തണം, വിനോദ യാത്രാ വാഹനത്തിൽ പെൺകുട്ടികൾക്കായി മുൻവശത്ത് സീറ്റ് സംവരണം, പെൺകുട്ടികൾ ഒറ്റയ്ക്ക് സഞ്ചരിക്കരുത്, നിശ്ചിത സമയം കഴിഞ്ഞാൽ പെൺകുട്ടികളുടെ മുറികൾ പുറത്തുനിന്നും പൂട്ടും’ തുടങ്ങി 11 നിർദേശങ്ങളടങ്ങിയ സർക്കുലറാണ് വിനോദയാത്രയ്ക്ക് പോയ കൊല്ലം എസ്.എൻ കോളജ് വിദ്യാർഥികൾക്ക് വിതരണം ചെയ്തത്. ഇവ ലംഘിച്ചാൽ കർശന നടപടി ഉണ്ടാകുമെന്ന് മുന്നറിയിപ്പുമുണ്ടായിരുന്നു. വിദ്യാർഥികൾ വിനോദയാത്രയ്ക്കു പോകുമ്പോൾ പാലിക്കേണ്ട മാർഗനിർദ്ദേശങ്ങൾ എന്ന പേരിൽ പ്രചരിച്ച ഈ നിയമാവലി സമൂഹമാധ്യമങ്ങളിൽ കടുത്ത വിമർശനത്തിന് കാരണമായി. ഇതിനിടെ ഈ സർക്കുലറുമായി ബന്ധപ്പെട്ട് കോളജ് മാനേജ്മെന്റിനോ പ്രിൻസിപ്പലിനോ യാതൊരു ഉത്തരവാദിത്തവുമില്ല എന്ന വിശദീകരണവുമായി പ്രിൻസിപ്പൽ നിഷ തറയിൽ രംഗത്തെത്തി. ‘‘എസ്എൻ കോളജിൽനിന്ന് സർക്കുലർ ഇറക്കണമെങ്കിൽ അത് പ്രിൻസിപ്പലായ ഞാനാണ് ചെയ്യേണ്ടത്. ഞാൻ ഒരു സർക്കുലർ ഇറക്കുമ്പോൾ അത് എന്റെ ലെറ്റർ പാഡിലായിരിക്കും. അതിൽ എന്റെ ഒപ്പു കാണും. സീലും കാണും. ഇങ്ങനെയൊന്നും കാണാത്ത ഒരു…
Read More » -
Local
കലക്ടറുടെ വാഹനത്തിന് എതിരെവന്നു; ഡ്രൈവറുടെ ലൈസൻസ് റദ്ദാക്കി ആർടിഒ
കൊച്ചി:ജില്ലാ കളക്ടറുടെ വാഹനത്തിന് തടസ്സം സൃഷ്ടിച്ച വാഹനത്തിന്റെ ഡ്രൈവറുടെ ലൈസൻസ് റദ്ദാക്കി ആർടിഒ.കാര്‍ ഓടിച്ചിരുന്ന കാക്കനാട് പടമുകള്‍ സ്വദേശി മുഹമ്മദ് റമീസിന്റെ ഡ്രൈവിങ് ലൈസന്‍സാണ് ആറു മാസത്തേക്ക് സസ്‌പെന്‍ഡ് ചെയ്തത്. കഴിഞ്ഞ ദിവസം സീപോര്‍ട്ട്-എയര്‍പോര്‍ട്ട് റോഡില്‍ കളക്ടറേറ്റ് സിഗ്‌നല്‍ ജങ്ഷനു സമീപമായിരുന്നു സംഭവം.കളമശ്ശേരി ഭാഗത്തുനിന്ന് വന്ന കളക്ടര്‍ എന്‍.എസ്.കെ. ഉമേഷിന്റെ കാര്‍ കളക്ടറേറ്റ് സിഗ്‌നല്‍ ജങ്ഷന്‍ വഴി ഫ്രീ ലെഫ്റ്റ് എടുത്ത് സിവില്‍ സ്റ്റേഷനിലേക്ക് വരുകയായിരുന്നു.ഈ സമയം ഇന്‍ഫോപാര്‍ക്ക് ഭാഗത്തുനിന്ന് വരുകയായിരുന്ന കാര്‍ സിഗ്‌നല്‍ ജങ്ഷനിലെ തിരക്ക് മറികടന്ന് കളക്ടറുടെ കാറിന് എതിരേ വന്നു.കളക്ടറുടെ ഡ്രൈവര്‍ ഹോണടിച്ച് മുന്നറിയിപ്പ് നല്‍കിയിട്ടും വാഹനം കടന്നുപോകാന്‍ വഴിനല്‍കാതെ തടസ്സം സൃഷ്ടിക്കുകയായിരുന്നു. ഇതോടെ കളക്ടര്‍ നടുറോഡില്‍ കുരുങ്ങി.കളക്ടറേറ്റില്‍നിന്ന് വിവരം ലഭിച്ചതിനെ തുടര്‍ന്ന് എറണാകുളം ആര്‍.ടി.ഒ. വാഹന നമ്പര്‍ തപ്പി ഡ്രൈവറെ പിടികൂടുകയായിരുന്നു.
Read More » -
Kerala
കഴിഞ്ഞ വർഷം ഇതേ സ്ഥലത്ത് ഇടിമിന്നലിൽ തെങ്ങ് കരിഞ്ഞു; ഇത്തവണയെടുത്തത് രണ്ടു ജീവൻ
മുണ്ടക്കയം: മഴയില്ലാത്ത നേരത്തെത്തിയ ഇടിമിന്നൽ കവർന്നത് രണ്ടു ജീവൻ.തടത്തേൽ സുനിലും സഹോദരീ ഭർത്താവ് രമേശുമാണ് മരിച്ചത്കഴിഞ്ഞ വർഷം ഇതേ സ്ഥലത്തുണ്ടായ ഇടിമിന്നലിൽ തെങ്ങ് കരിഞ്ഞിരുന്നു.ഒരു കൊക്കോ മരവും ഉണങ്ങി. ഇന്നലെ വൈകിട്ട് 5 മണിയോടെയാണ് നാടിനെ നടുക്കിയ ദുരന്തം.മുണ്ടക്കയം കപ്പിലാമൂട്ടിലായിരുന്നു സംഭവം.4 മണി മുതൽ മഴയ്ക്ക് സാധ്യതയുള്ള അന്തരീക്ഷമായിരുന്നു.എന്നാൽ പിന്നീട് വെയിൽ തെളിയുകയും ചെയ്തിരുന്നു.പിന്നാലെയാണ് ഇടിമിന്നൽ ഉണ്ടായത്.സ്ഥലം അളക്കുന്ന ജോലിയിൽ ഏർപ്പെട്ടിരിക്കുകയായിരുന്നു സുനിലും രമേശും. ഇരുവരുടെയും മൃതദേഹങ്ങൾ ഇന്ന് പോസ്റ്റ്മോർട്ടം നടത്തി ബന്ധുക്കൾക്ക് വിട്ടുനൽകും.
Read More » -
Kerala
കുടുംബ കോടതിയില്‍ 10 വര്‍ഷമായി കേസ്, അമ്മായിഅമ്മയെ വെട്ടി കൊന്ന മരുമകന്‍ സ്വന്തം ഭാര്യയെയും വെട്ടി; ശേഷം ആത്മഹത്യക്കു ശ്രമിച്ചു
മരുമകന്‍ അമ്മായിഅമ്മയെ വെട്ടി കൊലപ്പെടുത്തി. പിന്നീട് സ്വന്തം ഭാര്യയെയും ഇയാള്‍ വെട്ടിക്കൊല്ലാൻ ശ്രമിച്ചു. അരുവിക്കര അഴീക്കോട് വളപ്പെട്ടി സ്വദേശി താഹിറ (67) ആണ് കൊല്ലപ്പെട്ടത്. കൊലയാളിയായ മരുമകന്‍ അലി അക്ബർ പിന്നീട് ദേഹത്ത് തീ കൊളുത്തി ആത്മഹത്യയ്ക്ക് ശ്രമിച്ചു. അലി അക്ബറെ ഗുരുതര നിലയില്‍ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. അലി അക്ബറുടെ ഭാര്യയും മെഡിക്കല്‍ കോളേജ് ആശുപത്രിയില്‍ ഐസിയുവിലാണ്. ഇന്ന് പുലർച്ചെ 4.30നാണ് സംഭവം. കുടുംബ പ്രശ്‌നമാണ് കാരണം. 10 വര്‍ഷമായി കുടുംബ കോടതിയില്‍ കേസ് നടന്നു വരികയാണ്. അരുവിക്കര പൊലീസ് കേസെടുത്തു.
Read More » -
Local
ഹണി ട്രാപ്പിൽ അകപ്പെടുത്തി പണവും മൊബൈൽ ഫോണും കവർന്നു, ഒളവിലം സ്വദേശിയായ യുവാവ് പിടിയിൽ
വടകര: തില്ലങ്കേരി സ്വദേശിയായ യുവാവിനെ ഹണി ട്രാപ്പിൽ പെടുത്തി പണവും മൊബൈൽ ഫോണും കവർന്ന ഒളവിലം പള്ളിക്കുനി സ്വദേശിയായ യുവാവിനെ ചോമ്പാല പോലീസ് പിടികൂടി. പള്ളിക്കുനി, വരായലിൽ വീട്ടിൽ ജംഷീദ് വി.പി എന്നയാളാണ് പിടിയിലായത്. നാദാപുരം കൺട്രോൾ റൂം സി.ഐ ശിവൻ ചോടത്തിന്റെ നേതൃത്വത്തിൽ എസ്.ഐ രഞ്ജിത്ത്. എം.കെ, സിവിൽ പോലീസ് ഓഫീസർമാരായ സജിത്ത്.പി ടി, സജിത്ത് കുമാർ, സുമേഷ് എന്നിവർ ചേർന്നാണ് പ്രതിയെ പിടികൂടിയത്. പ്രതിയായ ജംഷീദ് അയാളുടെ സഹോദരന്റെ ഭാര്യയുടെ നമ്പർ ഉപയോഗിച്ചാണ് പരാതിക്കാരനായ തില്ലങ്കേരി സ്വദേശിയായ സഫ്‌വാൻ എന്നയാളെ ഹണി ട്രാപ്പിൽ പെടുത്തിയത്. അറസ്റ്റ് ചെയ്ത പ്രതിയെ വടകര മജിസ്‌ട്രേറ്റ് കോടതിയിൽ ഹാജരാക്കി.
Read More » -
Food
കട്ടന്‍ചായക്കു മുട്ടൻ ഗുണങ്ങൾ, പക്ഷേ അമിതമായാല്‍ കട്ടൻ ചായയും ദോഷകരം
മിതമായ അളവില്‍ കട്ടന്‍ചായ ആരോഗ്യകരമാണ്. എന്നാല്‍ അമിതമായാല്‍ അത് നിരവധി ആരോഗ്യപ്രശ്നങ്ങള്‍ക്കു കാരണമാകും. മിതമായ അളവില്‍, അതായത് ദിവസം ഏതാണ്ട് 4 കപ്പ് വരെ, കട്ടന്‍ചായ കുടിക്കുന്നത് സുരക്ഷിതമാണ്. ഇതില്‍ കഫീന്‍ കൂടിയ അളവില്‍ അടങ്ങിയിരിക്കുന്നതിനാല്‍ അളവ് കൂടിയാല്‍ ദോഷകരമാണ്. കട്ടന്‍ചായ അമിതമായാല്‍ ചെറിയ തലവേദന മുതല്‍ ക്രമരഹിതമായ ഹൃദയമിടിപ്പിനും ഹൃദയസംബന്ധമായ രോഗങ്ങള്‍ക്കും വരെ കാരണമായേക്കാം. കട്ടന്‍ചായയില്‍ ധാരാളം ടാനിനുകള്‍ ഉണ്ട്. ഇതാണ് ചായയ്ക്ക് കടുത്ത നിറവും രൂക്ഷഗന്ധവും നല്‍കുന്നത്. കട്ടന്‍ചായ കൂടുതല്‍ കുടിച്ചാല്‍ ഇത് ശരീരത്തിലെ ഇരുമ്പിന്റെ ആഗിരണം തടയും. ഇരുമ്പിന്റെ അഭാവം വിളര്‍ച്ചയ്ക്കു കാരണമാകും. കൂടാതെ, വര്‍ധിച്ച ഹൃദയമിടിപ്പിനും ശരിയായ മര്‍ദ്ദത്തില്‍ ഹൃദയത്തിന് രക്തം പമ്പു ചെയ്യാന്‍ സാധിക്കാത്തതു മൂലമുള്ള ഹൃദയത്തകരാറിനും കാരണമാകും. കൂടിയ അളവില്‍ പതിവായി ചായ കുടിക്കുന്നത് ദഹനപ്രശ്നങ്ങള്‍ക്കു കാരണമാകും. വയറുവേദന, ഗ്യാസ്ട്രബിള്‍, ഓക്കാനം, ഛര്‍ദി, ഉദരത്തിലെ മറ്റ് അസ്വസ്ഥതകള്‍ എന്നിവയെല്ലാം ഉണ്ടാകാം. 10 ഗ്രാമിലധികം കഫീന്‍ അടങ്ങിയ കട്ടന്‍ചായ കൂടിയ അളവില്‍ കുടിക്കുന്നത് സുരക്ഷിതമല്ലെന്ന്…
Read More » -
Health
‘ചൂടുവെള്ളം’ ശാരീരികാരോഗ്യത്തിന് ഏറെ ഗുണകരം, വെറുംവയറ്റിലെ വെള്ളം കുടിയോ…? അറിയാം ‘വെള്ളം കുടി’യുടെ ഗുണദോഷങ്ങൾ
കാര്യം ലളിതമാണ്. പക്ഷേ പലരും പരിഗണിക്കാറില്ല. ചൂടുവെള്ളത്തിൻ്റെ മഹത്വം ഇപ്പോഴാണ്‌ തിരിച്ചറിഞ്ഞത്. ശാരീരികമായ പല അസ്വസ്ഥതകള്‍ക്കും ചൂടുവെള്ളം കുടിക്കുന്നത് പരിഹാരമാണെന്ന് വൈദ്യശാസ്ത്രം പറയുന്നു. സാധാരണ ചുമയേയും ജലദോഷത്തേയും നേരിടാന്‍ ചൂടുവെള്ളത്തിനു കഴിയും. തൊണ്ടവേദനക്കും ചൂടുവെള്ളം ഉത്തമ പരിഹാരമാണ്. സ്ത്രീകൾക്ക് ആര്‍ത്തവ ദിവസങ്ങളില്‍ അതിരാവിലെ ഒരു ഗ്ലാസ് ചൂടുവെള്ളം കുടിക്കുന്നത് വേദന കുറയ്ക്കാന്‍ സഹായിക്കും. വയറിലെ മസിലുകള്‍ക്ക് ആയാസം പകരാന്‍ ചൂടുവെള്ളത്തിന് കഴിയും. ഇതിലൂടെ വേദനയും കുറയും. പോഷകങ്ങളെ വളരെ വേഗത്തില്‍ വിതരണം ചെയ്യാന്‍ സഹായിക്കുന്നു. മലബന്ധം അകറ്റുന്നു. ശരീരത്തിലെ വിഷാംശങ്ങളെ നീക്കി ഡീടോക്സിഫൈ ചെയ്യാന്‍ ചൂടുവെള്ളം സഹായിക്കുന്നു. ഭക്ഷണശേഷം ചൂടുവെള്ള കുടിക്കുന്നത് ഭക്ഷണത്തെ വേഗം വിഘടിപ്പിച്ച് ദഹനം എളുപ്പമാക്കാന്‍ സഹായിക്കുന്നു. ദഹനസമയത്ത് നഷ്ടപ്പെടുന്ന ഫ്ലൂയിഡുകളെ വീണ്ടും നിറച്ച് ശരീരത്തിലെ ജലാംശം നിലനിര്‍ത്താനും ഭക്ഷണം കഴിഞ്ഞ് ചൂടുവെള്ളം കുടിക്കുന്നതിലൂടെ സാധ്യമാകും. ഭക്ഷണശേഷം ചൂടുവെള്ളം കുടിക്കുന്നത് ശരീരഭാരം കുറയ്ക്കാന്‍ സഹായിക്കും. കൂടാതെ ഭക്ഷണത്തിനു മുന്‍പ് ചൂടുവെള്ളം കുടിക്കുന്നത് ഉപാപചയപ്രവര്‍ത്തനങ്ങളെ 32 ശതമാനം വര്‍ധിപ്പിക്കും…
Read More »