ടെഹ്റാന്: ഹിജാബ് പ്രതിഷേധത്തിനിടെ ഇറാനിൽ രണ്ട് സുരക്ഷാ സേനാംഗങ്ങള് കൊല്ലപ്പെട്ടു.കഴിഞ്ഞ ദിവസമായിരുന്നു സംഭവം.
ഇതോടെ മഹ്സ അമിനിയുടെ മരണത്തിന് പിന്നാലെ ഇറാനില് ആരംഭിച്ച പ്രതിഷേധങ്ങളില് മരിച്ചവരുടെ എണ്ണം 185 ആയി.
ഇതില് 19 കുട്ടികളും ഉള്പ്പെടുന്നു. കുര്ദ് വംശജയായ 22 വയസുകാരി മഹ്സ അമിനി, സഹോദരനൊപ്പം ടെഹ്റാനിലെത്തിയപ്പോള് ഹിജാബ് ശരിയായി ധരിച്ചില്ലെന്നാരോപിച്ച് ഇറാനിലെ മതപൊലീസ് ഇവരെ ക്രൂരമായ മര്ദ്ദനത്തിന് വിധേയയാക്കിയിരുന്നു. മര്ദ്ദനത്തിന് പിന്നാലെ മഹ്സ മരണത്തിന് കീഴടങ്ങി. ഇതിന് പിന്നാലെയാണ് ഇറാനില് പ്രതിഷേധം ആരംഭിച്ചത്.