Month: September 2020

ആരോപണങ്ങളില്‍ ക്ഷോഭമല്ല, വ്യക്തമായ മറുപടിയാണ് വേണ്ടത്, മുഖ്യമന്ത്രിക്ക് രമേശ്  ചെന്നിത്തലയുടെ തുറന്ന കത്ത്

തിരുവനന്തപുരം:ഇപ്പോള്‍ പുറത്ത്  വന്ന സ്വര്‍ണ്ണക്കള്ളക്കടത്ത് മുതല്‍ ലൈഫ് മിഷന്‍  തട്ടിപ്പ് വരെയുള്ള  വീഴ്ചകളിലും, അഴിമതികളിലും   ക്ഷോഭമല്ല വ്യക്തമായ മറുപടിയാണ് മുഖ്യമന്ത്രിയുടെ ഭാഗത്ത് നിന്നുണ്ടാകേണ്ടതെന്ന്   പ്രതിപക്ഷ നേതാവ് രമേശ് ചെന്നിത്തല. മുഖ്യമന്ത്രി പിണറായി വിജയന് അയച്ച തുറന്ന കത്തിലാണ്  പ്രതിപക്ഷ നേതാവ് ഇക്കാര്യമാവശ്യപ്പെട്ടത്. കേരളത്തിന്റെ ചരിത്രത്തില്‍ എത്രയേറെ ആക്ഷേപങ്ങളും  ആരോപണങ്ങളും നേരിട്ട ഒരു സര്‍ക്കാര്‍ ഉണ്ടായിട്ടില്ല.   മുഖ്യമന്ത്രിയുടെ ഓഫീസിനെക്കുറിച്ച് ദേശദ്രോഹകുറ്റമുള്‍പ്പെടെ ചുമത്താവുന്ന  തരത്തിലുളള ആരോപണങ്ങളുണ്ടായി.  പാര്‍ട്ടി സെക്രട്ടറിയുടെ മകനെതിരെ  ഉണ്ടായതും  അതീവ  ഗുരുതരമായ ആരോപണങ്ങളാണുണ്ടായത്. ഇക്കാര്യങ്ങളിലെല്ലാം  മുഖ്യമന്ത്രിയില്‍ നിന്നും വ്യക്തമായ മറുപടിയാണ്  ജനങ്ങള്‍ ആവശ്യപ്പെടുന്നതെന്നും രമേശ് ചെന്നിത്തല  മുഖ്യമന്ത്രിക്കയച്ച തുറന്ന കത്തില്‍ പറയുന്നു. കത്തിന്റെ പൂര്‍ണ്ണരൂപം താഴെ മുഖ്യമന്ത്രിക്ക് തുറന്ന കത്ത് ——– പ്രിയപ്പെട്ട മുഖ്യമന്ത്രി, സര്‍ക്കാരിനെ അപകീര്‍ത്തിപ്പെടുത്താന്‍ മറ്റൊന്നും കിട്ടാതെ വന്നപ്പോള്‍ സാങ്കല്പികമായ കെട്ടുകഥകളുണ്ടാക്കി പ്രതിപക്ഷം  അപവാദം പ്രചരിപ്പിക്കുകയാണെന്നാണല്ലോ താങ്കള്‍ കഴിഞ്ഞ രണ്ടു ദിവസമായി പറഞ്ഞു കൊണ്ടിരിക്കുന്നത്.  സര്‍ക്കാരിനെതിരെ സംസ്ഥാന വ്യാപകമായി അലയടിക്കുന്ന പ്രതിഷേധക്കൊടുങ്കാറ്റില്‍ താങ്കള്‍ അസ്വസ്ഥനും…