Careers
-
പത്താം ക്ലാസ് പൂര്‍ത്തിയാക്കിയവര്‍ക്ക് കേന്ദ്ര സേനകളില്‍ ഉയര്‍ന്ന ജോലി
പത്താം ക്ലാസ് പൂര്‍ത്തിയാക്കിയവര്‍ക്ക് കേന്ദ്ര സേനകളില്‍ ഉയര്‍ന്ന ജോലി നേടാൻ അവസരം.തെരഞ്ഞെടുക്കപ്പെടുന്നവര്‍ക്ക് കേന്ദ്ര സര്‍വ്വീസില്‍ മറ്റെല്ലാ ആനുകൂല്യങ്ങള്‍ക്കും അവസരമുണ്ടായിരിക്കും. പുതിയ നോട്ടിഫിക്കേഷന്‍ പ്രകാരം 26146 ഒഴിവുകളിലേക്കാണ് വിജ്ഞാപനം പുറത്ത് വിട്ടിട്ടുള്ളത്. ഡിസംബര്‍ 31നുള്ളില്‍ അപേക്ഷിക്കേണ്ടതുണ്ട്. ബോര്‍ഡര്‍ സെക്യൂരിറ്റി ഫോഴ്‌സ് (BSF), സെന്‍ട്രല്‍ ഇന്‍ഡസ്ട്രിയല്‍ സെക്യൂരിറ്റി ഫോഴ്‌സ് (CISF), സെന്‍ട്രല്‍ റിസര്‍വ്വ് പൊലിസ് ഫോഴ്‌സ് (CRPF), ഇന്തോ-ടിബറ്റന്‍ ബോര്‍ഡര്‍ ഫോഴ്‌സ് (ITBP), സശസ്ത്ര സീമാ ബെല്‍ (SSB), സെക്രട്ടറിയേറ്റ് സെക്യൂരിറ്റി ഫോഴ്‌സ് (SSF), ആസാം റൈഫിള്‍സ് (AR), നര്‍ക്കോട്ടിക്‌സ് കണ്‍ട്രോള്‍ ബ്യൂറോ (NCB) എന്നിവയിലേക്ക് ജനറല്‍ ഡ്യൂട്ടി കോണ്‍സ്റ്റബിള്‍ നിയമനങ്ങളാണ് നടക്കുന്നത്. BSF 6174, CISF 11025, CRPF 3337, SSB 635, ITBP 3189, ASSAM RIFLES 1490, SSF 296 എന്നിങ്ങനെയാണ് ഓരോ സേനകളിലേക്കുമുള്ള ഒഴിവുകള്‍. വിദ്യാഭ്യാസ യോഗ്യത അംഗീകൃത ബോര്‍ഡിന് കീഴില്‍ പത്താം ക്ലാസ് പൂര്‍ത്തിയാക്കിയവര്‍ക്ക് അപേക്ഷിക്കാം. പ്രായപരിധി 18 വയസ് മുതല്‍ 23 വയസ് വരെ പ്രായമുള്ളവര്‍ക്ക് അപേക്ഷിക്കാം.…
Read More » -
സൈബർ തട്ടിപ്പ്: സൈബർ വോളണ്ടിയർ നിയമനത്തിന് അപേക്ഷിക്കാം
ഓൺലൈൻ സാമ്പത്തികത്തട്ടിപ്പുകൾ വർദ്ധിക്കുന്ന പശ്ചാത്തലത്തിൽ പൊതുജനങ്ങൾക്ക് സൈബർ സുരക്ഷാ അവബോധം പകരുന്നതിന് പോലീസ് സ്റ്റേഷൻ തലത്തിൽ സൈബർ വോളണ്ടിയർമാരെ നിയോഗിക്കുന്നു. www.cybercrime.gov.in എന്ന നാഷണൽ സൈബർ ക്രൈം റിപ്പോർട്ടിംഗ് പോർട്ടൽ മുഖേനയാണ് സൈബർ വോളണ്ടിയറായി നിയമിതരാകാൻ അപേക്ഷിക്കേണ്ടത്. ഈ വെബ്‌സൈറ്റിൽ സൈബർ വോളണ്ടിയർ എന്ന വിഭാഗത്തിൽ രജിസ്ട്രേഷൻ ആസ് എ വോളണ്ടിയർ എന്ന ലിങ്കിൽ ക്ലിക്ക് ചെയ്ത് അപേക്ഷിക്കാം. സൈബർ അവയർനെസ്സ് പ്രമോട്ടർ എന്ന വിഭാഗത്തിലാണ് അപേക്ഷിക്കേണ്ടത്. ഫോട്ടോ, തിരിച്ചറിയൽ രേഖ, ബയോഡേറ്റ, വിദ്യാഭ്യാസ യോഗ്യത തെളിയിക്കുന്ന രേഖ മുതലായവ സമർപ്പിക്കണം. രജിസ്ട്രേഷനോ നിയമനത്തിനോ പ്രത്യേക ഫീസില്ല. സൈബർ വോളണ്ടിയറായി ജോലി ചെയ്യുന്നതിന് പ്രതിഫലവും ഉണ്ടാകില്ല. തിരഞ്ഞെടുക്കപ്പെടുന്ന വോളണ്ടിയർമാർക്ക് പരിശീലനം നല്‍കിയ ശേഷം സ്കൂള്‍, കോളേജ് വിദ്യാര്‍ത്ഥികൾക്കും സാധാരണക്കാർക്കും സൈബർ സുരക്ഷാ അവബോധം പകരാൻ ഇവരുടെ സേവനം വിനിയോഗിക്കും. ജില്ലാ ക്രൈം റിക്കാർഡ്സ് ബ്യൂറോയിലെ ഡി.വൈ.എസ്.പിമാർ പദ്ധതിയുടെ നോഡൽ ഓഫീസറും സൈബർ പോലീസ് സ്റ്റേഷനിലെ സ്റ്റേഷൻ ഹൗസ് ഓഫീസർമാർ അസിസ്റ്റന്റ് നോഡൽ…
Read More » -
ഹയർ സെക്കൻഡറി ടീച്ചർ ഒഴിവ്: ശമ്പളം 55,200-1,153,00, ഭിന്നശേഷിക്കാർക്ക് അവസരം, അപേക്ഷിക്കേണ്ടത് ഇങ്ങനെ
പത്തനംതിട്ട: പത്തനംതിട്ട ജില്ലയിലെ ഒരു എയ്ഡഡ് ഹയർ സെക്കൻഡറി സ്കൂളിൽ ഹയർ സെക്കൻഡറി ടീച്ചർ ഒഴിവ്. ബോട്ടണി തസ്തികയിൽ ഭിന്നശേഷി-കാഴ്ച പരിമിതർക്ക് സംവരണം ചെയ്തിരിക്കുന്ന സീനിയർ അധ്യാപകയുടെ സ്ഥിര ഒഴിവാണുള്ളത്. എം.എസ്.സി ബോട്ടണി, ബി.എഡ്, സെറ്റ് യോഗ്യതയുള്ളവർക്ക് ജോലിക്കായി അപേക്ഷിക്കാം. ശമ്പള സ്കെയിൽ: 55200-115300. പ്രായപരിധി: 01.01.2023ന് 40 വയസ് കവിയാൻ പാടില്ല (നിയമാനുസൃത വയസിളവ് ബാധകം). അർഹരായവർ പ്രായം, വിദ്യാഭ്യാസ യോഗ്യത എന്നിവ തെളിയിക്കുന്നതിനുള്ള അസൽ സർട്ടിഫിക്കറ്റുകളുമായി ഡിസംബർ 27നകം ബന്ധപ്പെട്ട പ്രൊഫഷണൽ ആൻഡ് എക്സിക്യൂട്ടീവ് എംപ്ലോയ്മെന്റ് എക്സ്ചേഞ്ചിലോ അടുത്തുള്ള ടൗൺ എംപ്ലോയ്മെന്റ് എക്സ്ചേഞ്ചിലോ നേരിട്ട് ഹാജരാകണം. നിലവിൽ ജോലി ചെയ്തുകൊണ്ടിരിക്കുന്നവർ ബന്ധപ്പെട്ട മേധാവിയിൽ നിന്നുള്ള എൻ.ഒ.സി ഹാജരാക്കണം.
Read More » -
സേനകളില്‍ ജോലി ആഗ്രഹിക്കുന്നവര്‍ക്ക് വമ്ബന്‍ അവസരം;പ്ലസ് ടുകാര്‍ക്ക് അപേക്ഷിക്കാം; 400 ഒഴിവുകള്‍
ആർമി ജോലികള്‍ സ്വപ്‌നം കാണുന്നവര്‍ക്ക് വമ്ബന്‍ അവസരം. നാഷണല്‍ ഡിഫന്‍സ് അക്കാദമിയും, നാവല്‍ അക്കാദമിയും ചേര്‍ന്ന് പുതുതായി 400 ഓളം തസ്തികകളിലേക്ക് റിക്രൂട്ട്‌മെന്റ് വിളിച്ചു. യു.പി.എസ്.സി വഴിയാണ് നിയമനം. മിനിമം പ്ലസ് ടു യോഗ്യതയുള്ളവര്‍ക്ക് അപേക്ഷിക്കാം. നല്ല ശമ്ബളത്തില്‍ ഇന്ത്യന്‍ സേനകളില്‍ സ്ഥിര സര്‍ക്കാര്‍ ജോലി ആഗ്രഹിക്കുന്നവര്‍ ഈയവസരം പാഴാക്കരുത്. ജനുവരി 9 ആണ് അപേക്ഷ സമര്‍പ്പിക്കേണ്ട അവസാന തീയതി. യു.പി.എസ്.സി നടത്തുന്ന എന്‍.ഡി.എ റിക്രൂട്ട്‌മെന്റിലേക്ക് ഓണ്‍ലൈനായാണ് അപേക്ഷിക്കേണ്ടത്. അതിനായി ഔദ്യോഗിക വെബ്‌സൈറ്റായ https://upsc.gov.in/ സന്ദര്‍ശിക്കുക. അപേക്ഷിക്കുന്നതിന് മുമ്ബ് ഔദ്യോഗിക വിജ്ഞാപനം പൂര്‍ണ്ണമായും വായിച്ച്‌ മനസിലാക്കാന്‍ ശ്രദ്ധിക്കുക. വിജ്ഞാപനം ലഭിക്കുന്നതിനായി ഇവിടെ ക്ലിക് ചെയ്യുക.
Read More » -
പുനലൂരിൽ ടെക്‌നിക്കല്‍ അസ്സിസ്റ്റന്റ് നിയമനം; ഇപ്പോൾ അപേക്ഷിക്കാം
പുനലൂര്‍: മെയിന്റനന്‍സ് ട്രിബ്യൂണലില്‍ ടെക്‌നിക്കല്‍ അസിസ്റ്റന്‍ഡ് തസ്തികയിലേക്ക് കരാര്‍ നിയമനം. നിയമനകാലാവധി : ഒരു വര്‍ഷം. പ്രായപരിധി 18-35. യോഗ്യത: അംഗീകൃത സര്‍വ്വകലാശാലബിരുദം എം എസ് ഡബ്ല്യൂ യോഗ്യതയുള്ളവര്‍ക്കും പ്രവൃത്തിപരിചയമുള്ളവര്‍ക്കും മുന്‍ഗണന. വേഡ് പ്രോസസിങില്‍ (മലയാളം,ഇംഗ്ലീഷ്) സര്‍ക്കാര്‍ അംഗീകൃത കോഴ്‌സ് പാസായിരിക്കണം. ഒറിജിനല്‍ രേഖകള്‍, ബയോഡേറ്റാ, യോഗ്യതാ രേഖകളുടെ പകര്‍പ്പുകള്‍ സഹിതം ഡിസംബര്‍ 28ന് ഉച്ചയ്ക്ക് രണ്ടിന് ജില്ലാ പ്രൊബേഷന്‍ ഓഫീസില്‍ ഹാജരാകണം. വിവരങ്ങള്‍ക്ക് : ജില്ലാ സാമൂഹ്യനീതി ഓഫീസ്. ഫോണ്‍- 0474-2790971.
Read More » -
റയിൽവേയിൽ 3015 ഒഴിവുകള്‍; ഓണ്‍ലൈനായി അപേക്ഷിക്കാനുള്ള അവസാന തീയതി ജനുവരി 14
ജബല്‍പുര്‍: വെസ്റ്റ് സെൻട്രല്‍ റെയില്‍വേയുടെ വിവിധ ഡിവിഷനുകളിലായി 3015 അപ്രന്റിസ് ഒഴിവുകൾ. ജനുവരി 14 മുൻപ് ഓണ്‍ലൈനായി അപേക്ഷിക്കണം. വിദ്യാഭ്യാസ യോഗ്യത 50% മാര്‍ക്കോടെ പത്താം ക്ലാസ് വിജയം.പ്രായപരിധി 15-24. വിശദവിവരങ്ങള്‍ക്ക് www.wcr.indianrailways.gov.in എന്ന ഒഫീഷ്യല്‍ സൈറ്റ് സന്ദര്‍ശിക്കാവുന്നതാണ്.
Read More » -
ഇന്റലിജൻസ് ബ്യൂറോയില്‍ 226 ഒഴിവുകൾ; ഡിസംബര്‍ 23 മുതല്‍ അപേക്ഷ സമര്‍പ്പിക്കാം
ഇന്റലിജൻസ് ബ്യൂറോയില്‍ ജോലി നേടാന്‍ അവസരം. 226 ഒഴിവുകളാണുള്ളത്.ഡിസംബര്‍ 23 മുതല്‍ അപേക്ഷ സമര്‍പ്പിക്കാം. കംപ്യൂട്ടര്‍ സയൻസ് ആന്‍ഡ് ഇൻഫര്‍മേഷൻ ടെക്‌നോളജി, ഇലക്‌ട്രോണിക്‌സ് ആന്‍ഡ് കമ്മ്യൂണിക്കേഷൻ വിഭാഗങ്ങളില്‍ വൈദഗ്ധ്യമുള്ള ഉദ്യോഗാര്‍ത്ഥികള്‍ക്ക് അപേക്ഷ സമര്‍പ്പിക്കാം. 18 മുതല്‍ 27 വയസ്സ് വരെ പ്രായമുള്ളവരായിരിക്കണം. 44900 മുതല്‍ 142400 വരെയായിരിക്കും ശമ്ബളം.കൂടുതല്‍ വിവരങ്ങള്‍ക്ക് mha.gov.in എന്ന ഔദ്യോഗിക വെബ്സൈറ്റ് സന്ദര്‍ശിക്കുക. അപേക്ഷാ സമര്‍പ്പിക്കാനുള്ള അവസാന തീയതി 2024 ജനുവരി 12 ആണ്.
Read More » -
ഏഴാം ക്ലാസ് പാസാണോ,പി.എസ്.സി വിളിക്കുന്നു
വിവിധ സര്‍ക്കാര്‍ വകുപ്പുകളില്‍ ലാസ്റ്റ് ഗ്രേഡ് സര്‍വന്റ് തസ്തികയിലേക്ക് കേരള പബ്ലിക് സര്‍വിസ് കമീഷൻ അപേക്ഷ ക്ഷണിച്ചു. ഓണ്‍ലൈനായി ജനുവരി 17 വരെ അപേക്ഷിക്കാം. ജില്ലാടിസ്ഥാനത്തിലാണ് നിയമനം.ഏതെങ്കിലുമൊരു ജില്ലയിലേക്ക് മാത്രമേ അപേക്ഷിക്കാവൂ. പി.എസ്.സി ടെസ്റ്റ് നടത്തി ഓരോ ജില്ലക്കും പ്രത്യേകം റാങ്ക്‍ലിസ്റ്റ് തയാറാക്കും. യോഗ്യതകള്‍: ഏഴാം ക്ലാസ് പാസ്; ബിരുദമുള്ളവരാകരുത്. പ്രായപരിധി 18-36. 2.1.1987നും 1.1.2005നും മധ്യേ ജനിച്ചവരാകണം.ശമ്ബളനിരക്ക് 23,000-50,200 രൂപ. യോഗ്യതയുള്ളവര്‍ www.keralapsc.gov.in വഴി ഒറ്റത്തവണ രജിസ്ട്രേഷൻ നടത്തി ഓണ്‍ലൈനായി അപേക്ഷിക്കണം. വിശദവിവരങ്ങളടങ്ങിയ വിജ്ഞാപനം ഡിസംബര്‍ 15ലെ അസാധാരണ ഗസറ്റിലും പി.എസ്.സിയുടെ ഔദ്യോഗിക വെബ്സൈറ്റിലുമുണ്ട്.(www.keralapsc.gov.in)
Read More » -
പത്താം ക്ലാസുകാരേ… ലാസ്റ്റ് ഗ്രേഡാകാൻ പിഎസ്‍സി വിളിക്കുന്നു…. മറ്റ് വിജ്ഞാപനങ്ങൾ ഉടൻ…
തിരുവനന്തപുരം: വിവിധ വകുപ്പുകളിൽ ലാസ്റ്റ് ഗ്രേഡ് സെർവന്റ്, കൃഷിവകുപ്പിൽ അഗ്രികൾച്ചറൽ അസിസ്റ്റന്റ് തസ്തികകളടക്കം 46 കാറ്റഗറികളിലേക്ക് വിജ്ഞാപനം പ്രസിദ്ധീകരിച്ചു. ജനുവരി 17 ആണ് അപേക്ഷ സമർപ്പിക്കാനുള്ള അവസാന തീയതി. പ്രൈമറി സ്കൂൾ അധ്യാപകരാകാനും പിഎസ്‍സി അവസരമൊരുക്കുന്നു. എൽപി, യുപി സ്കൂൾ ടീച്ചർ തസ്തികകളടക്കം 35 കാറ്റഗറികളിലേക്ക് അപേക്ഷകൾ ക്ഷണിച്ചു കൊണ്ട് ഡിസംബർ 30 ന് വിജ്ഞാപനം പ്രസിദ്ധീകരിക്കും. എൽഎസ്ജിഐ സെക്രട്ടറി (ബ്ലോക്ക് പഞ്ചായത്ത് സെക്രട്ടറി, പഞ്ചായത്ത് സെക്രട്ടറി എന്നീ തസ്തികകൾ യോജിപ്പിച്ചത്) ആദ്യ വിജ്ഞാപനം ഡിസംബർ 29 ന്റെ ഗസറ്റിൽ പ്രസിദ്ധീകരിക്കും. ബിരുദമാണ് അപേക്ഷ സമർപ്പിക്കാനുള്ള അടിസ്ഥാന യോഗ്യത. സബ് ഇൻസ്പെക്ടർ ഓഫ് പൊലീസ്, സിവിൽ പൊലീസ് ഓഫീസർ, വുമൺ പൊലീസ് ഓഫീസർ, സെക്രട്ടറിയേറ്റ്/ പിഎസ്‍സി ഓഫീസ് അറ്റൻഡന്റ് തസ്തികകളുടെ വിജ്ഞാപനം ഡിസംബർ 29 ന്റെ ഗസറ്റിൽ പ്രസിദ്ധീകരിക്കും.
Read More » -
കേരള പൊലീസിൽ 42 വനിതാ കൗണ്‍സലര്‍മാരെ നിയമിക്കുന്നു; നിങ്ങൾക്കും അപേക്ഷിക്കാം
തിരുവനന്തപുരം:സംസ്ഥാനത്തെ 20 പോലീസ് ജില്ലകളിലും തിരുവനന്തപുരത്തെ സംസ്ഥാന വനിതാസെല്ലിലും 42 വനിതാ കൗണ്‍സലര്‍മാരെ താല്‍ക്കാലിക അടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു. ജനുവരി മുതല്‍ മൂന്നുമാസത്തേയ്ക്കാണ് നിയമനം. എം.എസ്.ഡബ്ള്യു, സൈക്കോളജിയില്‍ ബിരുദാനന്തര ബിരുദം, കൗണ്‍സലിംഗ്, സൈക്കോതെറാപ്പിയിൽ പി.ജി.ഡിപ്‌ളോമ എന്നീ യോഗ്യതയുള്ള 20നും 50 നും ഇടയില്‍ പ്രായമുള്ള വനിതകള്‍ക്ക് അപേക്ഷിക്കാം. ബയോഡേറ്റ സഹിതമുള്ള അപേക്ഷ ഡിസംബര്‍ 22ന് മുൻപ് അതത് ജില്ലാ പോലീസ് മേധാവിമാര്‍ക്ക് നല്‍കണം. സംസ്ഥാന വനിതാസെല്ലിലെ നിയമനത്തിന് അസിസ്റ്റന്റ് ഇൻസ്‌പെക്ടര്‍ ജനറല്‍, സ്റ്റേറ്റ് വിമൻ ആന്റ് ചില്‍ഡ്രൻ സെല്‍, കണ്ണേറ്റുമുക്ക്, തൈക്കാട്, തിരുവനന്തപുരം 14 എന്ന വിലാസത്തിലാണ് അപേക്ഷക്കേണ്ടത്. ഫോണ്‍: 0471 2338100. ഇമെയില്‍: [email protected]
Read More »