Pravasi
-
സൗദിയില്‍ കാണാതായ മലയാളിയുടെ മൃതദേഹം ദിലം ജനറല്‍ ആശുപത്രി മോര്‍ച്ചറിയില്‍
റിയാദ്: സൗദിയില്‍ കാണാതായ മലയാളിയുടെ മൃതദേഹം ദിലം ജനറല്‍ ആശുപത്രി മോര്‍ച്ചറിയില്‍ കണ്ടെത്തി. കൊല്ലം അമ്ബലം കുന്ന് സ്വദേശി സഫീര്‍ അബ്ദുല്‍ മനാഫി (29) ന്റെ മൃതദേഹമാണ് അല്‍ഖര്‍ജിനടുത്ത ദിലം ജനറല്‍ ആശുപത്രി മോര്‍ച്ചറിയില്‍ കണ്ടെത്തിയത്. കാണാതായ സഫീറിനു വേണ്ടി സുഹൃത്തുക്കളും ബന്ധുക്കളും അന്വേഷണം നടത്തിവരുന്നതിനിടെയാണ് ദിലം ജനറല്‍ ആശുപത്രിയില്‍ മൃതദേഹമുണ്ടെന്ന വിവരം ലഭിച്ചത്.ഫെബ്രുവരി നാലു മുതലാണ് ഇയാളെ കാണാതായത്. ദിലം റോഡില്‍ വച്ച്‌ സഫീര്‍ സഞ്ചരിച്ച കാർ മറ്റൊരുവാഹനത്തില്‍ കൂട്ടിയിടിച്ച് മരണം സംഭവിക്കുകയായിരുന്നു എന്നാണ് ലഭിക്കുന്ന വിവരം.
Read More » -
കുടുംബം നാട്ടിലേക്ക് മടങ്ങിയതിന് പിന്നാലെ സൗദിയിലെ താമസസ്ഥലത്ത് മലയാളി യുവാവിനെ മരിച്ച നിലയില്‍ കണ്ടെത്തി
ദമ്മാം: സൗദി അറേബ്യയിലെ നാബിയയില്‍ മലയാളി യുവാവിനെ മരിച്ച നിലയില്‍ കണ്ടെത്തി. കണ്ണൂർ ഇരിക്കൂർ വയക്കാംകോട് സ്വദേശി മുഹമ്മദിന്റെ മകൻ ഷംസാദ് മേനോത്തി(32)നെയാണ് താമസസ്ഥലത്ത് മരിച്ച നിലയില്‍ കണ്ടെത്തിയത്. കുടുംബവുമൊത്ത് ദമ്മാം ഖത്തീഫില്‍ താമസിച്ചു വരികയായിരുന്നു. ഒരാഴ്ച മുമ്ബാണ് കുടുംബം നാട്ടിലേക്ക് മടങ്ങിയത്. നാറാത്ത് സ്വദേശി ആദിലയാണ് ഭാര്യ. രണ്ട് കുട്ടികളുണ്ട്. പത്ത് വർഷമായി ദമ്മാമില്‍ ഡ്രൈവർ ജോലി ചെയ്തു വരികയാണ്
Read More » -
അബുദാബി മഹാക്ഷേത്ര സമര്‍പ്പണം ഇന്ന്
അബുദാബി: ബാപ്‌സ് ഹിന്ദു ക്ഷേത്രത്തിന്റെ ഉദ്ഘാടനം പ്രധാനമന്ത്രി നരേന്ദ്രമോദി ഇന്ന് അബുദാബിയിൽ നിർവഹിക്കും. അബുദാബി -ദുബായ് ഹൈവേയില്‍ അബു മുറൈഖയിലെ കുന്നിൻമുകളില്‍ പൂർണമായും കല്ലിലാണ് ക്ഷേത്രനിർമ്മാണം. യു.എ.ഇയിലെ രണ്ടാമത്തെ ഹിന്ദു ക്ഷേത്രമാണിത്. മാർച്ച്‌ ഒന്നു മുതലാണ് പൊതുജനത്തിന് പ്രവേശനം. പ്രത്യേകതകൾ നിർമ്മാണച്ചെലവ് 400 ദശലക്ഷം ദിർഹം (ഏകദേശം 700 കോടി രൂപ) 7 ഗോപുരങ്ങള്‍; 7 എമിറേറ്റുകള്‍ ഉയരം: 32.92 മീറ്റർ (108 അടി), നീളം 79.86 മീറ്റർ (262 അടി), വീതി 54.86 മീറ്റർ (180 അടി). ക്ഷേത്രസമുച്ചയം 55,000 ചതുരശ്ര മീറ്റർ സ്ഥലത്ത് ക്ഷേത്രത്തിലെ ഏഴ് ഗോപുരങ്ങള്‍ യു.എ.ഇയിലെ എമിറേറ്റുകളെ പ്രതിനിധീകരിക്കുന്നു രൂപകല്പനയില്‍ അറേബ്യൻ, ഇസ്ലാമിക് വാസ്തുവിദ്യയും. അയോദ്ധ്യ രാമക്ഷേത്രം പോലെ സ്റ്റീല്‍ ഉപയോഗിച്ചില്ല. നിർമ്മാണം രാജസ്ഥാനിലെ ഭരത്പൂരില്‍ നിന്നുള്ള കല്ലുകള്‍ (റെഡ്‌സ്‌റ്റോണും സാൻഡ് സ്റ്റോണും) ഉപയോഗിച്ച്‌ രാജസ്ഥാനില്‍ കൊത്തുപണി പൂർത്തിയാക്കിയ ശേഷം ദുബായിലെത്തിച്ച്‌ കൂട്ടിച്ചേർത്തു. തറയില്‍ ഇറ്റാലിയൻ മാർബിള്‍ 402…
Read More » -
മുന്നറിയിപ്പ് ലംഘിച്ച്‌ വാദിയില്‍ ഇറങ്ങി; ഒമാനിൽ 36 പേര് പിടിയില്‍
മസ്കറ്റ്: അധികൃതരുടെ മുന്നറിയിപ്പ് ലംഘിച്ച്‌ വാദിയില്‍ ഇറങ്ങിയ 36 പേരെ റോയല്‍ ഒമാൻ പൊലീസ് അറസ്റ്റ് ചെയ്തു. ദാഖിലിയ ഗവർണറേറ്റിലെ വിവിധ വാദികളില്‍ ഇറങ്ങിയവരെയാണ് പൊലീസ് പിടിക്കൂടിയത്. ഇവർക്കെതിരായ നിയമനടപടികള്‍ പൂർത്തീകരിച്ച്‌ വരികയാണെന്ന് റോയല്‍ ഒമാൻ പൊലീസ് അറിയിച്ചു. ഇബ്രിലെ വാദിയില്‍ വാഹനത്തില്‍ കുടുങ്ങിയ ഏഴംഗ കുടുംബത്തെ സിവില്‍ ഡിഫൻസ് ആൻഡ് ആംബുലൻസ് അതോറിറ്റി രക്ഷിച്ചു. സിനാവിലെയും, ലിവയിലെയും വാദികളില്‍പെട്ട രണ്ടുപേരെയും രക്ഷിച്ചു. എല്ലാവരുടെയും ആരോഗ്യ നില തൃപ്തികരമാണെന്ന് അധികൃതർ വ്യക്തമാക്കി.കഴിഞ്ഞ ദിവസം വാദിയിൽ വാഹനം കുടുങ്ങി ഒരു മലയാളി ഉൾപ്പെടെ മൊത്തം ആറ് പേർ ഒമാനിൽ മരണപ്പെട്ടിരുന്നു.
Read More » -
മഴക്കെടുതിയിൽ യുഎഇ; ഒട്ടേറെ വാഹനങ്ങളും വീടുകളും തകര്‍ന്നു
അബുദാബി: മഴക്കെടുതിയിൽ നടുങ്ങി യുണൈറ്റഡ് അറബ് എമിരേറ്റ്സ്.കലിതുള്ളി പെയ്ത മഴയില്‍ യുഎഇയുടെ പല ഭാഗങ്ങളും വെള്ളത്തിലായി. ശക്തമായ കാറ്റിന്റെയും മിന്നലിന്റെയും ആലിപ്പഴ വർഷത്തിന്റെയും അകമ്ബടിയോടെയായിരുന്നു മഴ. ഓഫിസുകളിലേക്കുള്ളവർ മണിക്കൂറുകളോളം വെള്ളക്കെട്ടില്‍ കുടുങ്ങി.ആലിപ്പഴ വർഷത്തില്‍ ഒട്ടേറെ വാഹനങ്ങളും ഡിസ്പ്ലേ ബോർഡുകളും തകർന്നു. കെട്ടിടങ്ങളുടെ ചില്ലുകള്‍ വിണ്ടുകീറി. ശക്തമായ കാറ്റില്‍ സ്ഥാപനങ്ങളുടെ ബോർഡുകളും നിർമാണ കേന്ദ്രത്തിലെ ആള്‍മറകളും റോ‍ഡിലെ ബാരിക്കേഡുകളും പറന്നുപോയി. ഇവ വെള്ളത്തിലൂടെ ഒഴുകിയെത്തി ചിലയിടങ്ങളില്‍ മാർഗതടസ്സമുണ്ടാക്കി. ഡിഷ് ആന്റിനകള്‍ ഒടിഞ്ഞുവീണു. മരങ്ങള്‍ കടപുഴകി. പലയിടങ്ങളിലെയും കാർ ഷെഡുകളും തകർന്നു. അബുദാബി മോഡല്‍ സ്കൂള്‍ അങ്കണത്തില്‍ ഷെഡ് തകർന്നുവീണ് വാഹനങ്ങള്‍ക്കു നാശവുമുണ്ടായി. ജനല്‍ അടയ്ക്കാൻ മറന്നവരുടെ ഫ്ലാറ്റിനകത്തേക്ക് വീശിയടിച്ച കാറ്റില്‍ സീലിങ് ഇളകിവീണു. അബുദാബി, ഷാർജ, അജ്മാൻ ഉള്‍പ്പെടെ ചില ഭാഗങ്ങളില്‍ വൈദ്യുതി ബന്ധം നിലച്ചു. വെള്ളക്കെട്ടില്‍ വാഹനങ്ങളുടെ എൻജിനില്‍ വെള്ളം കയറി പ്രവർത്തനരഹിതമായി. അല്‍ഐൻ, അബുദാബി, ഷാർജ അജ്മാൻ, ഉമ്മുല്‍ഖുവൈൻ എന്നിവിടങ്ങളിലാണ് വെള്ളക്കെട്ട് രൂക്ഷമായത്. പ്രവർത്തന രഹിതമായ വാഹനങ്ങളെ കെട്ടിവലിച്ച്‌ ഗാരിജിലേക്ക്…
Read More » -
ഒമാനിൽ ഒഴുക്കില്‍പ്പെട്ട് മലയാളി മരിച്ചു
മസ്കറ്റ്: ഒമാനില്‍ കനത്തമഴയില്‍ മലയാളി ഒഴുക്കില്‍പ്പെട്ട് മരിച്ചു.ആലപ്പുഴ അരൂക്കുറ്റി സ്വദേശി നടുവത്ത് നഗർ, തറാത്തോട്ടത്ത് അബ്ദുല്‍ വാഹിദ് ആണ് മരിച്ചത്. ബർക്കയിലെ സ്വകാര്യസ്ഥാപനത്തില്‍ ആണ് ജോലി ചെയ്തിരുന്നത്. ജോലി ആവശ്യാർത്ഥം വാഹനവുമായി സൂറില്‍ പോയി തിരിച്ചു വരുന്ന സമയത്ത് ഇബ്രക്കടുത്തുവെച്ചാണ് അപകടം സംഭവിച്ചത്. അബ്ദുള്ള വാഹിദിന്റെ കൂടെ ഒരു സ്വദേശിയും ഉണ്ടായിരുന്നു. അദ്ദേഹം രക്ഷപ്പെട്ടു അതേസമയം, കനത്തമഴയില്‍ ഒമാനിൽ ഇതുവരെ അഞ്ചു മരണം സ്ഥിരീകരിച്ചിട്ടുണ്ട്. ഒമാനിലെ ഇസ്‌കിയില്‍ ഇന്നലെ വൈകിട്ട് ഉണ്ടായ അപകടത്തില്‍ 4 പേരുമായി വന്ന വാഹനം വാദിയിലേക്ക് മറിഞ്ഞ് ഒരു സ്ത്രീ മരണപ്പെട്ടിരുന്നു.കൂടാതെ ഇന്നലെ മൂന്ന് കുട്ടികളും ഒഴുക്കില്‍പെട്ടിരുന്നു. ഇവരുടെ മൃതദേഹവും കണ്ടെത്തിയിട്ടുണ്ട്.
Read More » -
കനത്ത മഴ: ദുബായ് ഗ്ലോബല്‍ വില്ലേജ് അടച്ചിടും
ദുബായ്: രാജ്യത്ത് തുടരുന്ന ശക്തമായ മഴ കാരണം ദുബായുടെ വ്യാപാര-കലാ-സാംസ്കാരിക കേന്ദ്രമായ ഗ്ലോബല്‍ വില്ലേജ് ഇന്ന് (ഫെബ്രു 12) അടച്ചിടുമെന്ന് അധികൃതർ അറിയിച്ചു. പ്രതികൂല കാലാവസ്ഥ കാരണം അതിഥികളുടെ സുരക്ഷ ഉറപ്പാക്കുന്നതിനായാണ് ഗ്ലോബല്‍ വില്ലേജ് അടച്ചിടുന്നതെന്ന് അധികൃതർ അറിയിച്ചു. അതേസമയം ദേശീയ കാലാവസ്ഥ നിരീക്ഷണ കേന്ദ്രം രാജ്യവ്യാപകമായി ശക്തമായ മഴ പ്രവചിച്ച സാഹചര്യത്തില്‍ സ്കൂള്‍, യൂനിവേഴ്സിറ്റി, നഴ്സറി ഉള്‍പ്പെടെ എല്ലാ വിദ്യാഭ്യാസ സ്ഥാപനങ്ങളും വിദ്യാർഥികള്‍ക്ക് ഓണ്‍ലൈൻ പഠന സൗകര്യം ഏർപ്പെടുത്തിയിട്ടുണ്ട്.വീടിന് വെളിയിൽ ഇറങ്ങരുതെന്നാണ് നിർദ്ദേശം.
Read More » -
കനത്ത മഴ; ഒമാനില്‍ ഒഴുക്കില്‍പ്പെട്ട 3 കുട്ടികളില്‍ 2 പേരുടെ മൃതദേഹം കിട്ടി; യുഎഇയിൽ മുന്നറിയിപ്പ്
മസ്കറ്റ്: ഒമാനില്‍ കനത്ത മഴയില്‍ ഒഴുക്കില്‍പ്പെട്ട 3 കുട്ടികളില്‍ 2 പേരുടെ മൃതദേഹം കിട്ടി. മറ്റൊരു കുട്ടിക്കായി തിരച്ചില്‍ നടത്തുകയാണെന്ന് സിവില്‍ ഡിഫന്‍സ് അറിയിച്ചു.അല്‍ റുസ്താക്ക് ഗവര്‍ണറേറ്റില്‍ വാദി ബാനി ഗാഫിറിലാണ് അപകടമുണ്ടായത്. ദാഹിറ ഗവര്‍ണറേറ്റിലെ യാങ്കില്‍ വിലായത്തില്‍ വെള്ളപ്പാച്ചിലില്‍ വാഹനം കുടുങ്ങി ഒരാളെ കാണാതായിരുന്നു. ഇതേ സ്ഥലത്ത് 6 പേരെ സിവില്‍ ഡിഫന്‍സ് രക്ഷിക്കുകയും ചെയ്തു. ശക്തമായ ഇടിമിന്നലോട് കൂടിയ മഴ ഇന്നു രാത്രിയും നാളെ പുലര്‍ച്ചെയും പെയ്യാന്‍ സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രങ്ങളുടെ അറിയിപ്പ്. അതേസമയം യുഎഇയില്‍ കനത്ത മഴ തുടരുന്ന സാഹചര്യത്തില്‍ മുന്നറിയിപ്പുമായി ആഭ്യന്തര മന്ത്രാലയം.പൊതുജനങ്ങളോട് വീടിനുള്ളില്‍ തന്നെ തുടരാനും അത്യാവശ്യമല്ലാതെ പുറത്തേക്ക് പോകരുതെന്നും ആവശ്യപ്പെട്ടിട്ടുണ്ട്. രാജ്യത്ത് മിക്കയിടത്തും ശക്തമായ മഴ പെയ്യുന്നതിനാല്‍ എല്ലാവരും ജാഗ്രത പാലിക്കണമെന്ന് ആഭ്യന്തര മന്ത്രാലയം മൊബൈല്‍ ഫോണുകളില്‍ അടിയന്തര മുന്നറിയിപ്പ് സന്ദേശം അയച്ചു.സ്വകാര്യ കമ്ബനികളടക്കം വര്‍ക് ഫ്രം ഹോമിന് നിര്‍ദേശിച്ചിട്ടുണ്ട്. സ്‌കൂളുകളില്‍ വിദൂര പഠനമാണ് ക്രമീകരിച്ചിരിക്കുന്നത്. ഇതുസംബന്ധിച്ച്‌ ഇന്നലെ തന്നെ അധികൃതര്‍ നിര്‍ദേശങ്ങള്‍…
Read More » -
15 ശതമാനം ഫീസ് വർദ്ധിപ്പിച്ച് യുഎഇ എക്സ്ചേഞ്ച്
അബുദബി: പ്രവാസികള്‍ക്ക് നാട്ടിലേക്ക് പണം അയക്കുന്നതിനായുള്ള ഫീസ് കുത്തനെ വർധിപ്പിച്ച് യുഎഇ എക്സ്ചേഞ്ച്. 15 ശതമാനമായിരിക്കും ഫീസ് വര്‍ധിപ്പിക്കുക. അഞ്ച് വര്‍ഷത്തിനിടെ ആദ്യമായാണ് ഫീസ് വര്‍ധിപ്പിക്കുന്നത്. 2024 ജനുവരി മൂന്നിന് സ്റ്റാറ്റിസ്റ്റയുടെ റിപ്പോർട്ട് പ്രകാരം യുഎഇയില്‍ നിന്ന് ഇന്ത്യ, ഈജിപ്ത്, പാകിസ്ഥാന്‍, ബംഗ്ലാദേശ്, ഫിലിപ്പീന്‍സ് എന്നീ രാജ്യങ്ങളിലേക്കാണ് ഏറ്റവും അധികം പണം അയക്കുന്ന‌ത് യുഎഇ എക്സ്ചേഞ്ചുകൾ വഴിയാണ്. യുഎഇയിലെ ഇതുമായി ബന്ധപ്പെട്ട എക്സ്ചേഞ്ച് ഹൗസുകള്‍ക്ക് ഓപ്ഷണല്‍ സ്ട്രാറ്റജിക് ഫീസ് ക്രമീകരണം നടപ്പിലാക്കാന്‍ അനുമതി ലഭിച്ചതായി ഫോറിന്‍ എക്സ്ചേഞ്ച് ആന്‍ഡ് റെമിറ്റന്‍സ് ഗ്രൂപ്പാണ് പ്രഖ്യാപിച്ചത്. ബന്ധപ്പെട്ട അധികാരികളുമായി ചേര്‍ന്ന് ഈ രംഗത്തെ വിപണി സാഹചര്യങ്ങള്‍ വിലയിരുത്തിയ ശേഷം ഇത്തരമൊരു തീരുമാനത്തിലേക്ക് നീങ്ങിയതെന്നും ഫോറിന്‍ എക്സ്ചേഞ്ച് ആന്‍ഡ് റെമിറ്റന്‍സ് പുറത്തിറക്കിയ പ്രസ്താവനയില്‍ പറയുന്നു.
Read More » -
അബുദാബി അന്താരാഷ്‌ട്ര വിമാനത്താവളത്തിന്റെ പേര് മാറ്റി; ഇനി മുതല്‍ സായിദ് അന്താരാഷ്‌ട്ര വിമാനത്താവളം
അബുദാബി: യുഎഇയുടെ തലസ്ഥാന നഗരിയിലെ അന്താരാഷ്‌ട്ര വിമാനത്താവളമായ അബുദാബി ഇന്റർനാഷണൽ എയർപോർട്ട് ഇനി സായിദ് ഇന്റർനാഷണല്‍ എയർപോർട്ട് എന്ന് അറിയപ്പെടും.പേര് മാറ്റാനുള്ള തീരുമാനം ഇന്നലെ പ്രാബല്യത്തില്‍ വന്നു. യുഎഇയുടെ സ്ഥാപക പിതാവായ ഷെയ്ഖ് സായിദ് ബിൻ സുല്‍ത്താൻ അല്‍ നഹ്യാനോടുള്ള ആദര സൂചകമായാണ് വിമാനത്താവളത്തിന്റെ പേര് മാറ്റിയത്. യുഎഇ സ്ഥാപക പിതാവിന്റെ സ്മരണയില്‍ അബുദാബിയിലെ ഏറ്റവും വലിയ വിമാനത്താവളത്തിന്റെ പേര് മാറ്റുന്നതില്‍ അതിയായ സന്തോഷമുണ്ടെന്ന് അബുദാബി എയർപോർട്ട് ബോർഡ് ചെയർമാൻ ഷെയ്ഖ് മുഹമ്മദ് ബിൻ ഹമദ് ബിൻ തഹ്‌നൂൻ അല്‍ നഹ്യാൻ പറഞ്ഞു. വിമാനത്താവളത്തിന്റെ പേര് സായിദ് ഇന്റർനാഷണല്‍ എയർപോർട്ട് എന്ന് മാറ്റാൻ തീരുമാനിച്ച്‌ കൊണ്ട് യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അല്‍ നഹ്യാൻ കഴിഞ്ഞ നവംബറില്‍ ഉത്തരവിറക്കിയിരുന്നു.വിമാനത്താവളത്തിന്റെ പുതിയ ലോഗോ ഇതിന്റെ ഭാഗമായി അനാച്ഛാദനം ചെയ്തു.
Read More »