Pravasi
-
യുഎഇയില്നിന്ന് ഇന്ത്യയിലേക്കുള്ള ടിക്കറ്റിന് ഇളവ് പ്രഖ്യാപിച്ച് എയര് ഇന്ത്യ
ദുബൈ: സ്വാതന്ത്ര്യദിനം പ്രമാണിച്ച് യുഎഇയില്നിന്ന് ഇന്ത്യയിലേക്കുള്ള ടിക്കറ്റ് നിരക്കില് ഇളവുമായി എയര് ഇന്ത്യ. യുഎഇയില് നിന്ന് ഇന്ത്യയിലേക്കുള്ള ടിക്കറ്റ് നിരക്ക് 330 ദിര്ഹമാക്കി. 35 കിലോയാണ് ബാഗേജ് അലവന്സ്. ഈ മാസം 21 വരെ ഈ നിരക്കില് ടിക്കറ്റ് ലഭിക്കും. ഒക്ടോബര് 15 വരെ യാത്ര ചെയ്യാം. അതേസമയം നേരിട്ടുള്ള വിമാനങ്ങള്ക്കാണ് ഈ നിരക്ക് ബാധകമാകുകയെന്ന് അധികൃതര് അറിയിച്ചു. എയര് ഇന്ത്യയുടെ സ്വാതന്ത്ര്യദിന ഓഫര് പ്രകാരം സൗദി അറേബ്യയില് നിന്ന് ഇന്ത്യയിലേക്ക് 500 റിയാലാണ് ടിക്കറ്റ് നിരക്ക്. ഒമാനില് നിന്ന് ഇന്ത്യയിലേക്ക് 36.1 ഒമാന് റിയാലും കുവൈത്തില് നിന്ന് ഇന്ത്യയിലേക്ക് 36.65 കുവൈത്ത് ദിനാറുമാണ് ടിക്കറ്റ് നിരക്കെന്ന് എയര് ഇന്ത്യ സോഷ്യല് മീഡിയയില് അറിയിച്ചു. അതേസമയം സൗദിയ ടിക്കറ്റുകള്ക്ക് 40 ശതമാനം വരെ ഓഫര് പ്രഖ്യാപിച്ചു. സെപ്തംബര് 15 മുതല് ഒക്ടോബര് 15 വരെയുള്ള ദിവസങ്ങളില് യാത്ര ചെയ്യുന്നതിനായി ഈ മാസം ഏഴു മുതല് 12 വരെ ബുക്ക് ചെയ്യുന്ന ടിക്കറ്റുകളാണ്…
Read More » -
40 ശതമാനം വരെ ഓഫര് നിരക്കില് സൗദിയ ടിക്കറ്റ്
റിയാദ്: സൗദിയ ടിക്കറ്റുകള്ക്ക് 40 ശതമാനം വരെ ഓഫര് പ്രഖ്യാപിച്ചു. സെപ്തംബര് 15 മുതല് ഒക്ടോബര് 15 വരെയുള്ള ദിവസങ്ങളില് യാത്ര ചെയ്യുന്നതിനായി ഈ മാസം ഏഴു മുതല് 12 വരെ ബുക്ക് ചെയ്യുന്ന ടിക്കറ്റുകളാണ് ഓഫര് നിരക്കില് ലഭിക്കുക. യൂറോപ്പിലെയും അമേരിക്കയിലെയും നിരവധി നഗരങ്ങളിലേക്കും സൗദിയിലെ തെരഞ്ഞെടുത്ത നഗരങ്ങളിലേക്കുമുള്ള ടിക്കറ്റുകള് ഓഫര് നിരക്കില് ലഭിക്കും. സൗദി ദേശീയ ദിനം, സൗദി ടൂറിസം അതോറിറ്റിയുടെ സൗദി സമ്മര് പ്രോഗ്രാം, അല്ഉലയിലെ വിവിധ വിനോദ, സാംസ്കാരിക പരിപാടികള് എന്നിവ ഉള്പ്പെടെ സൗദിയിലെ വിവിധ പ്രവിശ്യകളില് നടക്കുന്ന വിനോദ, സാംസ്കാരിക, ടൂറിസം പരിപാടികളിലേക്ക് ലോകരാജ്യങ്ങളില് നിന്നും സൗദിയിലെ വിവിധ നഗരങ്ങളില് നിന്നും വിനോദസഞ്ചാരികളെ ആകര്ഷിക്കാന് ലക്ഷ്യമിട്ടാണ് സൗദിയ പ്രൊമോഷനല് ഓഫര് പ്രഖ്യാപിച്ചത്. സൗദിയയുടെ വെബ്സൈറ്റ് വഴിയും ആപ്പുകള് വഴിയും ടിക്കറ്റ് ബുക്ക് ചെയ്യുന്നവര്ക്ക് ഓഫര് പ്രയോജനപ്പെടുത്താനാകും. അതേസമയം യുഎഇയില് നിന്ന് ഇന്ത്യയിലേക്കുള്ള ടിക്കറ്റ് നിരക്കില് എയര് ഇന്ത്യ ഇളവ് പ്രഖ്യാപിച്ചിട്ടുണ്ട്. സ്വാതന്ത്ര്യദിനം പ്രമാണിച്ചാണിത്. യുഎഇയില്…
Read More » -
റിയാദ് എയര്പ്പോര്ട്ട് വിവരങ്ങള് ഇനി വാട്സ് ആപ്പിലൂടെയും അറിയാം; രാവിലെ എട്ട് മുതല് രാത്രി 11.59 വരെ വാട്സ് ആപ് സേവനം ലഭിക്കും
റിയാദ്: വാട്സ് ആപ്പിലൂടെ റിയാദ് കിങ് ഖാലിദ് ഇന്റര്നാഷനല് എയര്പോര്ട്ടിലെ വിവരങ്ങള് അറിയാന് സൗകര്യം. വാട്സ് ആപ്പിലൂടെ അന്വേഷണം നടത്തുന്ന യാത്രക്കാര്ക്ക് ഉടനടി മറുപടി ലഭിക്കും. വരുന്നതും പോകുന്നതുമടക്കം വിമാന സര്വിസുകളുടെ എല്ലാ വിവരങ്ങളും ഇങ്ങനെ അറിയാന് സാധിക്കും. ഈ സേവനത്തിലൂടെ വിമാന ടിക്കറ്റ് ബുക്ക് ചെയ്യാനും സൗകര്യമുണ്ട്. വിമാനങ്ങളെ കുറിച്ചുള്ള അറിയിപ്പുകളും ഇതിലൂടെ ലഭ്യമാവും. വിമാനത്താവളത്തിലെ സൗകര്യങ്ങള്, ഷോപ്പുകള്, റെസ്റ്റോറന്റുകള്, പാര്ക്കിങ് സ്ഥലങ്ങള്, രാജ്യത്തെ മറ്റ് വിമാനത്താവളങ്ങള് എന്നിവയെക്കുറിച്ചുള്ള വിവരങ്ങളും അറിയാം. നഷ്ടപ്പെട്ട ബാഗേജ് റിപ്പോര്ട്ട് ചെയ്യാനും വിമാനത്താവളത്തില് നിന്നുള്ള മറ്റു സേവനങ്ങള് ലഭിക്കാനും ഇതു സഹായിക്കും. ഭിന്നശേഷിക്കാര്ക്ക് ആവശ്യമായ സഹാവും ഇതിലൂടെ ലഭിക്കും. +966 9200 20090 എന്ന നമ്പറിലാണ് റിയാദ് എയപ്പോര്ട്ട് വാട്സ് ആപ്പ് സേവനം ലഭിക്കുക. രാവിലെ എട്ട് മുതല് രാത്രി 11.59 വരെ വാട്സ് ആപ് സേവനം ലഭിക്കും.
Read More » -
സഹപ്രവര്ത്തകനെ വാട്സ്ആപ്പിലൂടെ തെറിവിളിച്ചു; പ്രവാസി യുവാവ് 10,000 ദിര്ഹം നഷ്ടപരിഹാരം നല്കാന് വിധി
അല് ഐന്: സഹപ്രവര്ത്തകനെ വാട്സ്ആപ് സന്ദേശത്തിലൂടെ അസഭ്യം പറഞ്ഞ പ്രവാസി യുവാവ് 10,000 ദിര്ഹം നഷ്ടപരിഹാരം നല്കണമെന്ന് കോടതി വിധി. ഒപ്പം ജോലി ചെയ്യുന്ന സഹപ്രവര്ത്തകന് വാട്സ്ആപിലൂടെ തനിക്ക് അയച്ച വോയിസ് മെസേജ് തന്നെ അപമാനിക്കുന്നതും അസഭ്യവും ഭീഷണിപ്പെടുത്തുന്നതുമാണെന്ന് കാട്ടി 30 വയസില് താഴെ പ്രായമുള്ള അറബ് വംശജനാണ് പരാതിയുമായി കോടതിയെ സമീപിച്ചത്. തനിക്ക് നേരിടേണ്ടി വന്ന മാനസിക പ്രയാസങ്ങള്ക്ക് നഷ്ടപരിഹാരമായി 50,000 ദിര്ഹം വേണമെന്നായിരുന്നു പരാതിയിലെ ആവശ്യം. സഹപ്രവര്ത്തകനില് നിന്ന് ഇത്തരമൊരു സന്ദേശം ലഭിച്ചത് തനിക്ക് വലിയ മാസിക ആഘാതമുണ്ടാക്കിയെന്നും ഇയാള് പരാതിയില് ആരോപിച്ചു. പ്രതി അയച്ച സന്ദേശങ്ങള് പരാതിയോടൊപ്പം തെളിവായി കോടതിയില് ഹാജരാക്കുകയും ചെയ്തു. ഇരുഭാഗത്തെയും വാദങ്ങള് കേട്ട ശേഷം, ഓണ്ലൈന് നിയമങ്ങളുടെ ലംഘനം കണക്കിലെടുത്തും പരാതിക്കാരനുണ്ടായ മാനസിക പ്രയാസത്തിനു നഷ്ടപരിഹാരമായും പ്രതി, 10,000 ദിര്ഹം നഷ്ടപരിഹാരം നല്കണമെന്ന് യുഎഇയിലെ അല് ഐന് പ്രാഥമിക കോടതി ശിക്ഷ വിധിക്കുകയായിരുന്നു. പ്രതിയായ യുവാവ് പരാതിക്കാരന് അയച്ച വാട്സ്ആപ് വോയിസ് മെസേജ്,…
Read More » -
8000 പ്രവാസികളുടെ ഡ്രൈവിങ് ലൈസന്സുകള് പിന്വലിച്ചു
കുവൈത്ത് സിറ്റി: കുവൈത്തില് ഈ വര്ഷത്തിന്റെ ആദ്യ പകുതിയില് 8000 പ്രവാസികളുടെ ഡ്രൈവിങ് ലൈസന്സുകള് റദ്ദാക്കിയതായി ട്രാഫിക് ജനറല് ഡയറക്ടറേറ്റ് അറിയിച്ചു. ഡ്രൈവിങ് ലൈസന്സ് അനുവദിച്ചപ്പോഴുള്ള മാനദണ്ഡങ്ങള് പാലിക്കുന്നില്ലെന്ന് പിന്നീട് കണ്ടെത്തിയതിന്റെ അടിസ്ഥാനത്തിലാണ് നടപടി. അതേസമയം 50 കുവൈത്തി പൗരന്മാരുടെ ഡ്രൈവിങ് ലൈസന്സുകളും തടഞ്ഞുവെച്ചിട്ടുണ്ട്. കാഴ്ച, മാനസിക ആരോഗ്യം എന്നിവ സംബന്ധിച്ചുള്ള വൈകല്യങ്ങള് കാരണമായാണ് സ്വദേശികള്ക്കെതിരായ നടപടി. പ്രവാസികള്ക്ക് ഡ്രൈവിങ് ലൈസന്സ് അനുവദിക്കുന്നതിന് മാനദണ്ഡങ്ങളായി കണക്കാക്കുന്ന ശമ്പളം, ജോലി, സര്വകലാശാലാ ബിരുദം തുടങ്ങിയവ പരിശോധിച്ചാണ് ലൈസന്സ് റദ്ദാക്കിയത്. ഡ്രൈവിങ് ലൈസന്സ് നേടിയ ശേഷം ജോലി ചെയ്യുന്ന തസ്തികകളില് മാറ്റം വന്നവരുടെയും ശമ്പളത്തില് കുറവ് വന്നവരുടെയും ഡ്രൈവിങ് ലൈസന്സുകള് സ്വമേധയാ റദ്ദാക്കപ്പെടും. കുവൈത്തില് ഡ്രൈവിങ് ലൈസന്സുകള് അനുവദിക്കുന്നതിനുള്ള നിബന്ധനകള് കര്ശനമാക്കാന് ആഭ്യന്തര മന്ത്രാലയം നിര്ദേശിച്ചതായി പ്രാദേശിക മാധ്യമങ്ങള് റിപ്പോര്ട്ട് ചെയ്തു. ലൈസന്സ് അനുവദിക്കാനായി നിജപ്പെടുത്തിയിട്ടുള്ള നിബന്ധനകള് പാലിക്കുന്നവര്ക്ക് മാത്രം ലൈസന്സ് അനുവദിച്ചാല് മതിയെന്നാണ് നിര്ദേശം. ഇതിനായി വിവിധ മന്ത്രാലയങ്ങളുടെ പക്കലുള്ള വിവരങ്ങള് പരസ്പരം…
Read More » -
സര്ക്കാര് സ്കൂളുകളില് പെണ്കുട്ടികളുടെ യൂണിഫോം പാന്റ് ആക്കി യുഎഇ
അബുദാബി: സര്ക്കാര് സ്കൂളുകളിലെ യൂണിഫോമുകളില് മാറ്റം വരുത്തി യു.എ.ഇ. കിന്ഡര് ഗാര്ട്ടന് കുട്ടികളുടെ യൂണിഫോമിലാണ് മാറ്റം വരുത്തിയത്. പുതിയ നിര്ദ്ദേശപ്രകാരം പെണ്കുട്ടികള്ക്ക് പാന്റ്സും വെള്ള ഷര്ട്ടുമാണ് വേഷം. ഷര്ട്ടില് ലോഗോയും ഉണ്ടാകും. ഒരാഴ്ച മുമ്പ് പുറത്തിറക്കിയ യൂണിഫോമുമായി ബന്ധപ്പെട്ട് രക്ഷിതാക്കളുടെ അഭിപ്രായം കണക്കിലെടുത്താണ് പരിഷ്കരണം. നേരത്തെ പുറത്തിറക്കിയ യൂണിഫോമില് പെണ്കുട്ടികള്ക്ക് സ്കേര്ട്ടും വെള്ള ടീ ഷര്ട്ടുമായിരുന്നു വേഷം. പുതിയ യൂണിഫോമില് ആണ്കുട്ടികള്ക്ക് ടൈ നിര്ബന്ധമില്ല. 29 ദിര്ഹത്തിന്റെ ഷര്ട്ടും 32 ദിര്ഹത്തിന്റെ പാന്റ്സുമാണ് പെണ്കുട്ടികളുടെ യൂണിഫോം. 29 ദിര്ഹത്തിന്റെ റ്റീ ഷര്ട്ടും 43 ദിര്ഹത്തിന്റെ പാന്റ്സും ഉള്പ്പെടുന്നതാണ് സ്പോര്ട്സ് യൂണിഫോം. ആണ്കുട്ടികള്ക്ക് 10 ദിര്ഹത്തിന്റെ ടൈ യൂണിഫോമില് ഉള്പ്പെടുത്തിയിരുന്നെങ്കിലും രക്ഷിതാക്കളുടെ അഭിപ്രായം പരിഗണിച്ച് ഒഴിവാക്കി. تنوه مؤسسة التعليم المدرسي بأنها تلقت بعض الملاحظات من أولياء الأمور والميدان على الزي المدرسي الجديد الخاص برياض الأطفال للبنات، وتفيد بأنه تم توجيه المورد للاستجابة…
Read More » -
യു.എ.ഇയില് മസാജ് വാഗ്ദാനം ചെയ്ത് ആളുകളെ വിളിച്ചുവരുത്തി കത്തിമുനയില് നിര്ത്തി കൊള്ള; അഞ്ച് പ്രവാസികള് അറസ്റ്റില്
ഷാര്ജ: യുഎഇയില് മസാജ് സേവനങ്ങള് വാഗ്ദാനം ചെയ്ത് ആളുകളെ വിളിച്ചുവരുത്തിയശേഷം ഭീഷണിപ്പെടുത്തി പണം തട്ടിയിരുന്ന അഞ്ചംഗ സംഘം പിടിയില്. വ്യാജ മസാജ് പാര്ലര് നടത്തി കൊള്ളയടിച്ചിരുന്ന സംഘത്തെ ഷാര്ജ പൊലീസാണ് അറസ്റ്റ് ചെയ്തത്. റോള പ്രദേശത്ത് പ്രതികളിലൊരാള് ഇത്തരത്തില് ബിസിനസ് കാര്ഡുകള് വിതരണം ചെയ്യുന്നുണ്ടെന്ന വിവരത്തെ തുടര്ന്ന് പൊലീസ് എത്തുകയായിരുന്നെന്ന് ഷാര്ജ പൊലീസ് സിഐഡി വിഭാഗം ഡയറക്ടര് കേണല് ഒമര് അബു സഊദ് പറഞ്ഞു. മസാജ്, സ്പാ, തെറാപ്പി സേവനങ്ങള് വാഗ്ദാനം ചെയ്യുന്ന കാര്ഡുകള് ഇവര് വിതരണം ചെയ്തിരുന്നു. കര്ഡ്കണ്ട് മസാജിനായി എത്തുന്നവരെ കത്തികാണിച്ച് ഭീഷണിപ്പെടുത്തി അവരില് നിന്ന് പണം തട്ടിയെടുക്കുകയാണ് സംഘം ചെയ്തിരുന്നത്. സംഭവത്തില് പരാതികള് ഉയര്ന്നതോടെ അന്വേഷണത്തിനായി നിയോഗിച്ച പ്രത്യേക സുരക്ഷാ സംഘം പ്രതിയുടെ താമസസ്ഥലം കണ്ടെത്തി. അവിടെ നടത്തിയ പരിശോധനയില് നിരവധി ബിസിനസ് കാര്ഡുകള് കണ്ടെത്തി. പലതരത്തിലും വലിപ്പത്തിലുമുള്ള കത്തികളും ഇവിടെ നിന്ന് കണ്ടെത്തി. പിന്നീട് നടത്തിയ അന്വേഷണത്തിലാണ് മറ്റ് പ്രതികളെ കുറിച്ചും വിവരം ലഭിച്ചത്. തുടര്ന്ന്…
Read More » -
യുഎഇയില് കെട്ടിടത്തില് നിന്ന് വീണ് പ്രവാസി മലയാളി യുവാവ് മരിച്ചു
അബുദാബി: അബുദാബിയില് കെട്ടിടത്തിന് മുകളില് നിന്ന് വീണ് പ്രവാസി മലയാളി യുവാവ് മരിച്ചു. കാസര്കോട് പാണത്തൂര് പനത്തടി സ്വദേശിയായ മുഹമ്മദ് ശമീം (24) ആണ് മരിച്ചത്. അബുദാബി സിറ്റി വിമാനത്താവളത്തിനടുത്ത് പലചരക്ക് കടയില് ജോലി ചെയ്ത് വരികയായിരുന്നു. ഞായറാഴ്ച പുലര്ച്ചെ മൂന്ന് മണിയോടെയാണ് സംഭവം. ജോലി കഴിഞ്ഞ ശേഷം താമസസ്ഥലത്ത് എത്തിയപ്പോഴാണ് അപകടം സംഭവിച്ചതെന്നാണ് വിവരം. അവധിക്ക് നാട്ടില് പോയ ശേഷം ഒരു വര്ഷം മുമ്പാണ് അബുദാബിയില് തിരിച്ചെത്തിയത്. പിതാവ്: നസീര്, മാതാവ്: സുലൈഖ, സഹോദരി: ഫാത്വിമത് ശംന.
Read More » -
പലതവണ മുന്നറിയിപ്പ് നല്കിയിട്ടും നിയമലംഘനം തുടര്ന്നു; അബുദാബിയിലെ പ്രമുഖ റെസ്റ്റോറന്റിന് പൂട്ടിട്ട് അധികൃതര്
അബുദാബി: പലതവണ മുന്നറിയിപ്പ് നല്കിയിട്ടും നിയമലംഘനം തുടര്ന്ന അബുദാബിയിലെ റെസ്റ്റോറന്റ് അധികൃതര് അടച്ചുപൂട്ടി. പ്രമുഖരായ ഹതം റെസ്റ്റോറന്റിന്റെ ഔട്ട്ലറ്റാണ് അടച്ചിടാന് നിര്ദേശം നല്കിയിരിക്കുന്നത്. നിരവധി ഭക്ഷ്യസുരക്ഷാ നിയമലംഘനങ്ങള് കണ്ടെത്തിയതോടെയാണ് നടപടി. സുല്ത്താന് ബിന് സായിദ് ദി ഫസ്റ്റ് സ്ട്രീറ്റിലെ (മുറൂര് റോഡ്) ഔട്ട്ലറ്റിന് പലതവണ മുന്നറിയിപ്പ് നല്കിയിട്ടും നിയമലംഘനം തുടര്ന്നതോടെയാണ് അടച്ചിടാന് നിര്ദ്ദേശം നല്കിയതെന്ന് അബുദാബി അഗ്രികള്ച്ചര് ആന്ഡ് ഫുഡ് സേഫ്റ്റി അതോറിറ്റി അറിയിച്ചു. ആവശ്യമായ കീടനിയന്ത്രണ നിലവാരമില്ലെന്നതാണ് പ്രധാനമായും കണ്ടെത്തിയ പ്രശ്നം. നിയമലംഘനങ്ങള് പരിഹരിച്ച് നിയമാനുസൃതമാക്കിയാല് ഒരിക്കല് കൂടി പരിശോധന നടത്തി റെസ്റ്റോറന്റ് തുറക്കാന് അനുവാദം നല്കും. നിയമലംഘനം കണ്ടെത്തിയാല് അവ പരിഹരിക്കാന് ഔട്ട്ലറ്റുകള്ക്ക് സമയം നല്കും. പക്ഷേ മുന്നറിയിപ്പ് അവഗണിച്ചാല് നടപടി നേരിടേണ്ടി വരും. ഭക്ഷ്യസുരക്ഷാ ലംഘനങ്ങള് കണ്ടെത്തിയാല് അബുദാബി സര്ക്കാരിന്റെ കോണ്ടാക്ട് സെന്റര് നമ്പരായ 800555ല് വിളിച്ച് അറിയിക്കണമെന്ന് അധികൃതര് ആവശ്യപ്പെട്ടു.
Read More » -
നേരിട്ടിറങ്ങി തൊഴില്മന്ത്രി; ഉച്ചവിശ്രമനിയമം ലംഘിച്ച് തൊഴിലാളികളെ പണിയെടുപ്പിക്കുന്നവരെ പിടികൂടാന് കര്ശന നടപടികളുമായി ബഹ്റൈന്
മനാമ: ബഹ്റൈനില് ഉച്ചവിശ്രമനിയമ ലംഘകര്ക്കെതിരേ നടപടികള് കര്ശനമാക്കി തൊഴില് മന്ത്രാലയം. ഉച്ചവിശ്രമ നിയമം ലംഘിച്ച 16 കമ്പനികളെ കണ്ടെത്തിയതായി തൊഴില് മന്ത്രാലയം അറിയിച്ചു. നിയമലംഘകരെ കണ്ടെത്താന് തൊഴില് മന്ത്രി ജമീല് ഹുമൈദാന് നേരിട്ട് രാജ്യത്തെ വിവിധ പ്രദേശങ്ങളിലുള്ള തൊഴില് സ്ഥലങ്ങളില് അപ്രതീക്ഷിത പരിശോധനകള് നടത്തി. രാജ്യത്തെ സ്വകാര്യ മേഖലയില് ഉച്ചവിശ്രമ നിബന്ധനകള് പൂര്ണമായും പാലിക്കപ്പെടുന്നുണ്ടെന്ന് ഉറപ്പുവരുത്താന് ലക്ഷ്യമിട്ടായിരുന്നു തൊഴില് മന്ത്രിയുടെ നേരിട്ടുള്ള പരിശോധനകള്. ബഹ്റൈനില് ജൂലൈ ഒന്നിന് ആംരഭിച്ച ഉച്ചവിശ്രമ നിയമം ഓഗസ്റ്റ് അവസാനം വരെ നിലനില്ക്കും. ഉച്ചയ്ക്ക് 12 മുതല് വൈകുന്നേരം നാല് മണി വരെ തുറസായ സ്ഥലങ്ങളില് നേരിട്ട് സൂര്യപ്രകാശം ഏല്ക്കുന്ന തരത്തിലുള്ള ജോലികള്ക്കാണ് നിയമപ്രകാരം വിലക്കേര്പ്പെടുത്തിയിരിക്കുന്നത്. വേനല്ചൂട് ശക്തമാവുന്ന സാഹചര്യത്തില് തൊഴിലാളികള്ക്ക് ഉഷ്ണ സംബന്ധമായ ശാരീരിക പ്രയാസങ്ങള് ഉണ്ടാവാതിരിക്കാനും അവരുടെ സുരക്ഷ കണക്കിലെടുത്തുമാണ് ഈ നിയമം എല്ലാ ഗള്ഫ് രാജ്യങ്ങളും നടപ്പാക്കുന്നത്. ഉച്ചവിശ്രമ നിയമലംഘകരെ കണ്ടെത്താന് ഇതുവരെ 6,608 പരിശോധനകള് ബഹ്റൈന് തൊഴില് മന്ത്രാലയം നടത്തിക്കഴിഞ്ഞു. നിയമം…
Read More »