NEWS
-
കേരളത്തിലെ പാഠ്യപദ്ധതിയില് ഹെഡ്ഗേവറെയും സവര്ക്കറെയും ഉള്പ്പെടുത്തുമെന്നത് വ്യാമോഹം ; കെ. സുരേന്ദ്രന് നടത്തുന്നത് അസംബന്ധ പ്രസ്താവനകളെന്ന് വിദ്യാഭ്യാസമന്ത്രി
തിരുവനന്തപുരം: കേരളത്തിന്റെ വിദ്യാഭ്യാസനയത്തെക്കുറിച്ച് ബിജെപി നേതാവ് കെ. സുരേന്ദ്രന് നടത്തുന്നത് അസംബന്ധ പ്രസ്താവനകളെന്ന് വിദ്യാഭ്യാസമന്ത്രി വി.ശിവന്കുട്ടി. കേന്ദ്ര സര്ക്കാരിന്റെ പി എം ശ്രീ പദ്ധതിയില് കേരളം ഒപ്പുവെച്ചത് സംസ്ഥാനത്തെ സ്്കൂളുകളുടെ ഭൗതിക സാഹചര്യങ്ങള് മെച്ചപ്പെടുത്തുന്നതിനും അക്കാദമിക് നിലവാരം ഉയര്ത്തുന്നതിനുമുള്ള ഫണ്ട് വിനിയോഗിക്കാന് വേണ്ടിയാണെന്നും അല്ലാതെ കേരളത്തിന്റെ സിലബസ് കേന്ദ്ര സര്ക്കാരിന് അടിയറ വെക്കാനല്ലെന്നും പറഞ്ഞു. ചരിത്രത്തെ വളച്ചൊടിക്കാനും വിദ്യാഭ്യാസത്തെ വര്ഗീയവല്ക്കരിക്കാനുമുള്ള കേന്ദ്ര സര്ക്കാര് നീക്കങ്ങള് കേരളത്തില് വിലപ്പോവില്ല. കേരളത്തിലെ പാഠ്യപദ്ധതിയില് ആര്എസ്എസ് സ്ഥാപകന് ഹെഡ്ഗേവറെയും സവര്ക്കറെയും ഉള്പ്പെടുത്തുമെന്ന കെ. സുരേന്ദ്രന്റെ പ്രസ്താവന രാഷ്ട്രീയലക്ഷ്യം വെച്ചുള്ള വ്യാജപ്രചാരണം മാത്രമാണെന്ന് പറഞ്ഞു. കേരളത്തിന്റെ വിദ്യാഭ്യാസ നയത്തെക്കുറിച്ച് ബിജെപി നേതാവിന് ധാരണയില്ലാത്തതുകൊണ്ടാണ് അസംബന്ധ പ്രസ്താവനകള് നടത്തുന്നതെന്നും പറഞ്ഞു. പി എം ശ്രീ ധാരണാപത്രത്തില് ഒപ്പിട്ടതുകൊണ്ട് മാത്രം കേന്ദ്ര സിലബസ് കേരളത്തില് പഠിപ്പിക്കുമെന്ന് കരുതേണ്ട. സുരേന്ദ്രന് ആഗ്രഹിക്കുന്നതുപോലെ ഹെഡ്ഗേവറെയും സവര്ക്കറെയും കേരളത്തിലെ കുട്ടികളെ പഠിപ്പിക്കാന് സംസ്ഥാനം ഉദ്ദേശിക്കുന്നില്ല. കേരളത്തിന് സ്വന്തവും ശക്തവുമായ ഒരു പാഠ്യപദ്ധതിയും വിദ്യാഭ്യാസ കാഴ്ചപ്പാടുമുണ്ട്.…
Read More » -
ലൈംഗികാരോപണം നേരിട്ട മുന് ഡിവൈഎഫ്ഐ നേതാവിനെ ഏരിയാക്കമറ്റിയില് തിരിച്ചെടുത്തു ; സിപിഐഎം ജില്ലാ കമ്മിറ്റിയില് നിന്നും ബ്രാഞ്ച് കമ്മിറ്റിയിലേക്ക് തരം താഴ്ത്തിയ നേതാവ്
തൃശൂര്: ലൈംഗിക ആരോപണ പരാതിയെ തുടര്ന്ന് അച്ചടക്ക നടപടി നേരിട്ട മുന് ഡിവൈഎഫ്ഐ നേതാവിനെ ഏരിയ കമ്മറ്റിയിലേക്ക് തിരിച്ചെടുത്തു. ഒരു വര്ഷം മുമ്പ്് ഡിവൈഎഫ്ഐയുടെ വനിതാ നേതാവിന്റെ പരാതിയില് നടപടിയെടുത്ത വൈശാഖനെയാണ് കൊടകര ഏരിയ കമ്മറ്റിയിലേക്ക് തിരിച്ചെടുത്തത്. വൈശാഖനെ തിരിച്ചെടുക്കാനുള്ള നിര്ദേശം സംസ്ഥാനകമ്മറ്റി അംഗീകരിച്ചു. ഡിവൈഎഫ്ഐ വനിതാ നേതാവിന്റെ പരാതിയെ തുടര്ന്നാണ് സിപിഐഎം ജില്ലാ കമ്മിറ്റിയില് നിന്ന് വൈശാഖനെ തരംതാഴ്ത്തിയത്. ഇതിന്റെ പശ്ചാത്തലത്തില് ഡിവൈഎഫ്ഐയുടെ മുഴുവന് ചുമതലകളില് നിന്നും വൈശാഖനെ നീക്കിയിരുന്നു. ഗുരുതരമായ ആരോപണങ്ങളാണ് വനിതാ നേതാവ് വൈശാഖനെതിരേ ചൂണ്ടിക്കാട്ടിയത്. പിന്നാലെ സിപിഐഎം ജില്ലാ കമ്മിറ്റിയില് നിന്നും ബ്രാഞ്ച് കമ്മിറ്റിയിലേക്ക് തരം താഴ്ത്തി. പാര്ട്ടിയുടെ ചാനല് ചര്ച്ചകളില് അടക്കം പങ്കെടുത്തിരുന്ന വൈശാഖനെ പാനല് ലിസ്റ്റില് നിന്ന് തന്നെ ഒഴിവാക്കുകയും ചെയ്തിരുന്നു. ഇന്ന് ചേര്ന്ന ജില്ലാ സെക്രട്ടറിയേറ്റില് വൈശാഖനെ മടക്കി കൊണ്ടുവരാനുള്ള ഒരു നിര്ദ്ദേശം ഉയര്ന്നത്. സിപിഐഎമ്മിന്റെ ജില്ലാ സെക്രട്ടറി തന്നെയാണ് ഇത്തരമൊരു നിര്ദ്ദേശം മുന്നോട്ട് വച്ചത്. സിപിഐഎം ജില്ലാ സെക്രട്ടറി കൊടകര…
Read More » -
പിഎംശ്രീയില് നിന്നും പിന്മാറും വരെ എതിര്ക്കും ; സിപിഐയെ അനുനയിപ്പിക്കാന് മുഖ്യമന്ത്രി ഇടപെട്ടേക്കും ; എംഎന് ഗോവിന്ദന് സ്മാരകത്തില് എത്തി വിദ്യാഭ്യാസമന്ത്രിയുടെ കൂടിക്കാഴ്ച
തിരുവനന്തപുരം: പിഎം ശ്രീ പദ്ധതിയില് ഇടഞ്ഞ സിപിഐയെ അനുനയിപ്പിക്കാന് മുഖ്യമന്ത്രി ഇടപെട്ടേക്കും. നിലവില് വിദേശപര്യടനത്തിനായി പോയിരിക്കുന്ന മുഖ്യമന്ത്രി തിരിച്ചുവന്നാലുടന് ഇക്കാര്യത്തില് തീരുമാനം എടുക്കും. പ്രശ്ന പരിഹാരത്തിനായി ഇന്ന് വിദ്യാഭ്യാസമന്ത്രി വി.ശിവന്കുട്ടി സിപിഐ ആസ്ഥാനത്ത് ബിനോയ് വിശ്വവുമായി കൂടിക്കാഴ്ച നടത്തിയിരുന്നു. പി.എം.ശ്രീ പദ്ധതിയില് നിന്ന് സര്ക്കാര് പിന്നോട്ട് പോകുന്നത് വരെ സി.പി.ഐ മന്ത്രിമാര് മന്ത്രിസഭാ യോഗത്തില് നിന്ന് വിട്ടുനില്ക്കാന് സി.പി.ഐ സംസ്ഥാന സെക്രട്ടേറിയേറ്റ് തീരുമാനം എടുത്തിരുന്നു. ഈ സാഹചര്യത്തിലാണ് സിപിഐയെ അനുനയിപ്പിക്കാന് സി പിഎം ആലോചിക്കുന്നത്. ആവശ്യമെങ്കില് മന്ത്രിസഭയില് നിന്നും വിട്ടുനില്ക്കു ന്നതട ക്കമു ള്ള ചര്ച്ചകള് സിപിഐ നടത്തിക്കഴിഞ്ഞിട്ടുണ്ട്. കേന്ദ്രസര്ക്കാരിന്റെ പദ്ധതിയല്ല. ആര് എസ്എസ് നിലപാടുകള്ക്ക് വഴങ്ങിക്കൊടുക്കുന്നതാണ് പ്രശ്നമെന്നാണ് സിപിഐ പറയുന്നു. പ്രശ്നം ചര്ച്ച ചെയ്തു പരിഹരിക്കുമെന്നും സിപിഐ ഇടതുപക്ഷത്തെ പ്രധാനപാര്ട്ടി യാണെ ന്നും ഇന്നലെ സിപിഐഎം സംസ്ഥാന സെക്രട്ടറി എം.വി. ഗോവിന്ദന് വ്യക്തമാക്കിയിരുന്നു. പിഎം ശ്രീ പദ്ധതിയുടെ നിബന്ധനകള്ക്ക് സിപിഐഎം എന്നും എതിരാണെന്ന് എം വി ഗോവിന്ദന് പറഞ്ഞു. പലനിബന്ധനകളും…
Read More » -
നരേന്ദ്രമോദിയുടെ പണം വാങ്ങാന് പാര്ട്ടി കോണ്ഗ്രസ് പ്രമേയം വരെ ഉപേക്ഷിച്ചു ; സിപിഐഎമ്മിനെ കേരളത്തിലെ മതന്യൂനപക്ഷങ്ങള് എങ്ങനെ വിശ്വസിക്കുമെന്ന് സന്ദീപ്വാര്യര്
തിരുവനന്തപുരം: നരേന്ദ്രമോദിയുടെ പണം വാങ്ങാന് പാര്ട്ടി കോണ്ഗ്രസ് പ്രമേയം വരെ ഉപേക്ഷിക്കുന്ന സിപിഐഎമ്മിനെ കേരളത്തിലെ മതന്യൂനപക്ഷങ്ങള് എങ്ങനെ വിശ്വസിക്കുമെന്ന് കെപിസിസി ജനറല് സെക്രട്ടറി സന്ദീപ് വാര്യര്. പിഎം ശ്രീ പദ്ധതിയില് കേരളം ഒപ്പിട്ടതിനെതിന് പിന്നാലെ ഫേസ്ബുക്കിലൂടെയാണ് പ്രതികരണം. വിദ്യാഭ്യാസരംഗത്തെ ആര്എസ്എസ് അജണ്ടക്ക് സിപിഎം കൂട്ടുനില്ക്കുമ്പോള് പ്രതിരോധിക്കാന് സംസ്ഥാനത്ത് യുഡിഎഫ് മാത്രമേയുള്ളെന്നും അബദ്ധത്തില് പോലും ഇനി അരിവാളില് കുത്തരുതെന്നും കുറിപ്പില് പറഞ്ഞു. സംസ്ഥാന സര്ക്കാരിന്റെ നിലപാട് സര്ക്കാരിനെതിരേയുള്ള ആയുധമാക്കാനൊരുങ്ങുകയാണ് യുഡിഎഫ്. കെഎസ് യു സമരത്തിനൊരുങ്ങുന്നതായിട്ടാണ് വിവരം. പിഎം ശ്രീയില് കടുത്ത എതിര്പ്പ് തുടരുകയാണ്് സിപിഐ. ഡല്ഹി എകെജി ഭവനില് സിപിഐഎം ജനറല് സെക്രട്ടറി എംഎ ബേബിയുമായുള്ള കൂടിക്കാഴ്ചയ്ക്കുശേഷവും നിലപാടില് നിന്ന് പിന്നോട്ടില്ലെന്ന നിലപാടിലാണ് സിപിഐ. പദ്ധതിയില് ഒപ്പിട്ട നടപടി റദ്ദാക്കണമെന്ന് ആവശ്യപ്പെട്ടെന്നും സിപിഐ ജനറല് സെക്രട്ടറി ഡി രാജ വ്യക്തമാക്കി. സിപിഐഎം ഇതില് പുനരാലോചന നടത്തുമെന്നാണ് പ്രതീക്ഷിക്കുന്നത്. ദേശീയ വിദ്യാഭ്യാസ നയത്തിനെതിരെ ഇരുപാര്ട്ടികള്ക്കും ഒരേ നിലപാട് ആണെങ്കില് എങ്ങനെ കരാര് ഒപ്പിട്ടുവെന്നും ഡി…
Read More » -
കുര്ണൂല് ബസ് തീപിടിത്ത ദുരന്തം: 400 മൊബൈല് ഫോണുകള് സ്ഫോടനത്തിന്റെ തീവ്രത വര്ദ്ധിപ്പിച്ചു; 10-15 മിനിറ്റിനുള്ളില് ബസ് പൂര്ണ്ണമായും കത്തി നശിച്ചു, ഗുരുതരമായ സുരക്ഷാ വീഴ്ചകള്
ഹൈദരാബാദ്: വെള്ളിയാഴ്ച പുലര്ച്ചെ ഹൈദരാബാദില് നിന്ന് ബംഗളൂരുവിലേക്ക് പോയ ബസിന് തീപിടിച്ച സംഭവത്തില് കത്തിനശിച്ചത് ഏകദേശം 400 സ്മാര്ട്ട്ഫോണുകളെന്ന് റിപ്പോര്ട്ട്. ഏകദേശം 400 മൊബൈല് ഫോണുകളുടെ ലിഥിയം-അയണ് ബാറ്ററികള് തീപിടുത്തത്തിന്റെ തീവ്രത വര്ദ്ധിപ്പിക്കാന് കാരണമായെന്നും പ്രാഥമിക റിപ്പോര്ട്ടുകള് സൂചിപ്പിക്കുന്നു വാഹനത്തില് ഉണ്ടായിരുന്ന സ്മാര്ട്ട്ഫോണ് ബാറ്ററികള് തീവ്രത വര്ദ്ധിപ്പിക്കുകയും 10-15 മിനിറ്റിനുള്ളില് ബസ് പൂര്ണ്ണമായും കത്തി നശിച്ചതിനാല് ദുരന്തത്തിന്റെ തീവ്രത വലുതായിരുന്നു. ഒരു മോട്ടോര് സൈക്കിളില് ഇടിച്ച് കുറച്ച് ദൂരം വലിച്ചിഴച്ചതിനെത്തുടര്ന്ന് പെട്രോള് ചോര്ച്ചയുണ്ടായി ടയറുകള്ക്ക് തീപിടിച്ചതാണ് അപകടത്തിന് കാരണം. ബൈക്കിന്റെ ഇന്ധന ടാങ്ക് പൊട്ടിത്തെറിച്ചു. ഹൈദരാബാദ്-ബംഗളൂരു റൂട്ടിലെ കാവേരി ട്രാവല്സ് ബസ് തീപിടിത്തം സ്വകാര്യ ദീര്ഘദൂര ബസ് സര്വീസുകളിലെ ഗുരുതരമായ സുരക്ഷാ വീഴ്ചകള് തുറന്നുകാട്ടി. ആഡംബര രൂപത്തിനായി നിര്മ്മിച്ച ബസ്സുകളിലെ സുരക്ഷാ വീഴ്ചകള് വിദഗ്ദ്ധര് ചൂണ്ടിക്കാട്ടുന്നു പ്രവര്ത്തനരഹിതമായ എമര്ജന്സി എക്സിറ്റുകള്, സുഖസൗകര്യങ്ങള് അല്ലെങ്കില് ആഡംബര സവിശേഷതകള് കൂട്ടിച്ചേര്ക്കുന്നതിനായി ബസ്സുകളില് വരുത്തുന്ന അനധികൃത ഇലക്ട്രിക്കല് മാറ്റങ്ങള് എന്നിവയുമായി ഇവ ബന്ധപ്പെട്ടിരിക്കുന്നു. ഇത്തരം മാറ്റങ്ങള്…
Read More » -
ചികിസ്തയില് കിടക്കുന്ന രോഗിയെ കാണാന് ആശുപത്രിയില് എത്തിയ പുരുഷ സന്ദര്ശകനെ പീഡിപ്പിച്ചു ; ഇന്ത്യന് നഴ്സിന് സിംഗപ്പൂരില് ജയില്ശിക്ഷയും ചൂരല്പ്രയോഗവും
സിംഗപ്പൂര്: ചികിസ്തയില് കിടക്കുന്ന രോഗിയെ കാണാന് എത്തിയയാളെ പീഡിപ്പിച്ചെന്ന കേസില് സിംഗപ്പൂരില് ഇന്ത്യന് നഴ്സിന് ജയില്ശിക്ഷ. സിംഗപ്പൂര് പ്രീമിയം ആശുപത്രിയില് സ്റ്റാഫ് നഴ്സായി ജോലി ചെയ്യുന്ന എലിപ്പെ ശിവ നാഗു എന്ന 34 കാരി ഇന്ത്യന് പൗരന് ലൈംഗിക പീഡനക്കുറ്റം സമ്മതിച്ചതിനെ തുടര്ന്ന് ഒരു വര്ഷവും രണ്ട് മാസവും തടവും രണ്ട് ചൂരല് അടിയും ശിക്ഷ വിധിച്ചു. ജൂണില് റാഫിള്സ് ആശുപത്രിയില് ഒരു പുരുഷ സന്ദര്ശകനെ ലൈംഗികമായി പീഡിപ്പിച്ചതായി 34 കാരിസമ്മതിച്ചു. 2025 ജൂണ് 21 ന് റിപ്പോര്ട്ട് ചെയ്യപ്പെട്ട സംഭവത്തില് രണ്ട് ദിവസത്തിന് ശേഷം എലിപ്പിനെ അറസ്റ്റ് ചെയ്തു. വെള്ളിയാഴ്ച കോടതി എലിപ്പിന് ഒരു വര്ഷവും രണ്ട് മാസവും തടവും രണ്ട് ചൂരല് പ്രഹരവും വിധിച്ചിരിക്കുകയാണ്. കുറ്റകൃത്യത്തിന് തൊട്ടുപിന്നാലെ നഴ്സിംഗ് ജോലിയില് നിന്നും സസ്പെന്റ് ചെയ്തിട്ടുണ്ട്. ജൂണ് 18 ന് ഇര നോര്ത്ത് ബ്രിഡ്ജ് റോഡിലെ ആശുപത്രിയില് തന്റെ മുത്തച്ഛനെ സന്ദര്ശിക്കാന് എത്തിയിരുന്നു യുവാവ്. എന്നാല് ഇരയെ ‘അണുവിമുക്തമാക്കാന്’ സഹായിക്കാം…
Read More » -
കേരളത്തില് സവര്ക്കറും ഹെഡ്ഗേവാറും പഠന വിഷയമാകും; ഇഷ്ടമില്ലാത്തവര് പഠിക്കേണ്ട; ദേശീയ വിദ്യാഭ്യാസ നയം കേരളത്തില് പൂര്ണമായും നടപ്പാക്കുമെന്നും സുരേന്ദ്രന്
തിരുവനന്തപുരം: ദേശീയ വിദ്യാഭ്യാസ നയത്തിന്റെ ഭാഗമായുള്ള പിഎം ശ്രീ പദ്ധതിയിൽ കോണ്ഗ്രസ് തിരസ്കരിച്ച എല്ലാ ചരിത്രവും പഠിപ്പിക്കുമെന്ന് ബിജെപി മുന് സംസ്ഥാന അധ്യക്ഷന് കെ.സുരേന്ദ്രന്. സവര്ക്കറും ഹെഡ്ഗെവാറും പഠനവിഷയമാകും. ഇതൊക്കെ പഠിക്കാൻ ഇഷ്ടമില്ലാത്തവര് പഠിക്കേണ്ട. പി.എം ശ്രീയില് ഒപ്പുവച്ചെങ്കില് എല്ലാ വ്യവസ്ഥയും ഉള്പ്പെടും. പണംവാങ്ങി വ്യവസ്ഥകള് നടപ്പാക്കാതെ ഇരിക്കാമെന്ന് കരുതേണ്ട. ദേശീയ വിദ്യാഭ്യാസ നയം ഇനി പൂര്ണമായ അര്ഥത്തിൽ കേരളത്തിൽ നടപ്പാക്കും. കരിക്കുലം പരിഷ്കരണത്തിലും കേന്ദ്ര ഇടപെടലുണ്ടാകുമെന്നും സുരേന്ദ്രന് പറഞ്ഞു. പിഎം ശ്രീ പദ്ധതിയില് ഒപ്പുവച്ചതില് എന്തെങ്കിലും ഡീൽ ഉണ്ടോയെന്ന് മുഖ്യമന്ത്രി പിണറായി വിജയൻ തന്നെ പറയട്ടെയെന്ന് കെ.സുരേന്ദ്രന്. കേന്ദ്രവുമായി എന്തെങ്കിലും ഡീൽ ഉണ്ടോ എന്ന് എനിക്കറിയില്ല. കരാർ ഒപ്പിട്ടത് സിപിഎമ്മിൽ മുഖ്യമന്ത്രിയും വിദ്യാഭ്യാസമന്ത്രിയും മാത്രമാണ് അറിഞ്ഞത്. സിപിഎമ്മിലെ മറ്റു മന്ത്രിമാര് പോലും അറിഞ്ഞില്ല. ദേശീയ വിദ്യാഭ്യാസ നയത്തിന്റെ പ്രാധാന്യം വിദ്യാഭ്യാസമന്ത്രി ശിവൻകുട്ടിക്ക് മനസിലായി. അതുപോലെ പിണറായി വിജയനും മനസ്സിലാകുമെന്ന് കരുതുന്നെന്നും സുരേന്ദ്രന് പറഞ്ഞു. പിഎം ശ്രീയില് കടുത്ത എതിര്പ്പുയര്ത്തിയ സിപിഐഎയും…
Read More » -
വെടിനിര്ത്തല് നിരീക്ഷണം, ഇന്റര്നാഷണല് സൈന്യത്തെ രൂപീകരിക്കല്: യുഎസ് സൈന്യം പണി തുടങ്ങി; വേഗത്തില് നടപടിയില്ലെങ്കില് വീണ്ടും യുദ്ധമെന്ന് ഇസ്രയേല്; ഹമാസ് ആയുധം ഉപേക്ഷിച്ചില്ലെങ്കില് കടുത്ത നടപടി; ഡ്രോണ് നിരീക്ഷണം ആരംഭിച്ചു
ടെല് അവീവ്: ഗാസയിലെ ദുര്ബലമായ വെടിനിര്ത്തല് നിരീക്ഷിക്കാനും സുരക്ഷയ്ക്കായി രാജ്യാന്തര സൈന്യത്തെ രൂപീകരിക്കാനും ലക്ഷ്യമിട്ട് അമേരിക്കന് സൈന്യം ഇസ്രയേലില്. ഇസ്രയേലിലെ കാര്ഗോ ഹബ്ബായി ഉപയോഗിക്കുന്ന കെട്ടിടമാണ് യുഎസ് സൈന്യം താവളമാക്കിയത്. ഗതാഗതം, പദ്ധതിയൊരുക്കല്, സുരക്ഷ, എന്ജിനീയറിംഗ് എന്നിവയില് വിദഗ്ധരായ 200 പേര് അടങ്ങുന്ന ട്രൂപ്പാണ് വെടിനിര്ത്തല് നിരീക്ഷിക്കുന്നത്. ഗാസയിലേക്കുള്ള സഹായവും സുരക്ഷയും ഇവര് മേല്നോട്ടം വഹിക്കും. ഗാസയിലെ കിര്യാത് ഗാട്ട് എന്ന സ്ഥലത്തെ കെട്ടിടത്തില്നിന്നാകും സിവില്-മിലിട്ടറി ഏകോപനമുണ്ടാകുക. ഇസ്രയേലി, ബ്രിട്ടീഷ്, കനേഡിയന് സൈനികരെയും ഇവിടെ പാര്പ്പിക്കും. ഗാസയില് ട്രംപിന്റെ നേതൃത്വത്തില് കൊണ്ടുവന്ന സമാധാന കരാറിന്റെ മുഖ്യ ഭാഗങ്ങളിലൊന്ന് രാജ്യാന്തര സൈന്യത്തെ സുരക്ഷയ്ക്കായി നിയോഗിക്കുമെന്നതാണ്. യുഎസ് സ്വന്തം സൈന്യത്തെ ഗാസയിലേക്ക് അയയ്ക്കില്ല. പകരം ഈജിപ്റ്റ്, ഇന്ഡോനേഷ്യ, ഗള്ഫ് രാജ്യങ്ങള് എന്നിവിടങ്ങളില്നിന്നുള്ള സൈനികരെ പരിശീലിപ്പിച്ചു തയാറാക്കും. എന്നാല്, ഇസ്രയേല് ആഗ്രഹിക്കുന്നതുപോലെ സൈനിക സംവിധാനം തയാറാക്കാന് ഈ രാജ്യങ്ങള് തയാറാകുമോ എന്നതില് ഇപ്പോഴും ആശങ്കയുണ്ട്. ‘സൈന്യത്തെ തയാറാക്കുകയെന്നത് സംഘര്ഷം തുടരുന്നത് അവസാനിപ്പിക്കാന് അത്യാവശ്യമാണെ’ന്നു ഇസ്രയേല് മുന്…
Read More » -
നാണക്കേട്: ഓസ്ട്രേലിയന് വനിതാ ക്രിക്കറ്റ് താരങ്ങളെ പിന്തുടര്ന്ന് അപമാനിച്ച് യുവാവ്; അറസ്റ്റ് ചെയ്ത് ഇന്ഡോര് പോലീസ്; ഇരയായത് ലോകകപ്പില് കളിക്കുന്ന താരങ്ങള്
ഇന്ഡോര്: ഓസ്ട്രേലിയന് വനിതാ ക്രിക്കറ്റ് താരങ്ങള്ക്കുനേരെ യുവാവിന്റെ ആക്രമണം. മധ്യപ്രദേശിലെ ഇന്ഡോറില് കഫേയില്നിന്നു മടങ്ങുന്നതിനിടെയാണ് ബൈക്കില് പിന്തുടര്ന്നെത്തിയ യുവാവ് രണ്ടു താരങ്ങളെ അപമാനിക്കാന് ശ്രമിച്ചത്. വ്യാഴാഴ്ച രാവിലെ പതിനൊന്നോടെയാണ് സംഭവം. താരങ്ങളും മാനേജ്മെന്റും പോലീസില് പരാതി നല്കിയതോടെയാണു വിവരം പുറത്തറിഞ്ഞത്. ഓസ്ട്രേലിയന് സെക്യൂരിറ്റി ടീമിന്റെ പക്കല്നിന്നു പരാതി ലഭിച്ചെന്നും രണ്ടു വനിതാ താരങ്ങള്ക്കെതിരേ മോശം പെരുമാറ്റമുണ്ടായെന്നും പോലീസ് പറഞ്ഞു. വ്യാഴാഴ്ച രാത്രിതന്നെ കേസ് രജിസ്റ്റര് ചെയ്തു. യുവാവിനെ അറസ്റ്റ് ചെയ്തെന്നും ചോദ്യം ചെയ്യല് തുടരുകയാണെന്നും ഇന്ഡോര് പോലീസ് പറഞ്ഞു. ഒരിക്കലും നടക്കാന് പാടില്ലാത്ത സംഭവമാണിതെന്നും കര്ശനമായ നടപടിയെടുക്കണമെന്നും മധ്യപ്രദേശ് ക്രിക്കറ്റ് അസോസിയേഷന് (എംപിസിഎ) പറഞ്ഞു. വരും ദിവസങ്ങളില് കളിക്കാരുടെ യാത്രയെക്കുറിച്ചു പദ്ധതി തയാറാക്കുമെന്നും ഇവര് പറഞ്ഞു. ഐസിസി വനിതാ ലോകകപ്പില് കളിക്കുന്ന ഓസ്ട്രേിലിയന് ടീമില് ഉള്പ്പെട്ടവരാണ് രണ്ടുപേരും. മറ്റു ടീം അംഗങ്ങള്ക്കൊപ്പം റാഡിസണ് ബ്ലൂ ഹോട്ടലിലാണ് ഇവരുടെ താമസം.
Read More » -
മെസിയുടെ കളികാണാന് ഇനിയും കാത്തിരിക്കണം; മത്സരത്തിന് ഫിഫയുടെ അനുമതിയില്ല; ഫിഫ പ്രതിനിധി വേദി സന്ദര്ശിക്കുന്നതിനു മുമ്പ് കളിയുടെ തീയതി തീരുമാനിച്ചതു വിനയായി; അടുത്ത വിന്ഡോയില് ശ്രമിക്കുമെന്ന് മുഖ്യ സ്പോണ്സര്
കൊച്ചി: ഫുട്ബോളിന്റെ മിശിഹയുടെ കളി നേരിട്ടുകാണാന് മലയാളികള് ഇനിയും കാത്തിരിക്കണം. കൊച്ചിയില് നടക്കാനിരിക്കുന്ന കളി മാറ്റിവച്ചെന്നും ഫിഫയുടെ അനുമതി ലഭിച്ചില്ലെന്നും റിപ്പോര്ട്ട്. നവംബറില് അര്ജന്റീനന് ടീമിന്റെ ഏക മത്സരം അങ്കോളയിലായിരിക്കുമെന്ന് അര്ജന്റീനന് ഫുട്ബോള് അസോസിയേഷനും സ്ഥിരീകരിച്ചു. പിന്നാലെ മല്സരം നടത്താന് ഫിഫ അനുമതി ലഭിച്ചില്ലെന്ന് മുഖ്യ സ്പോണ്സറായ റിപ്പോര്ട്ടര് ബ്രോഡ്കാസ്റ്റിങ് എം.ഡി. ആന്റോ അഗസ്റ്റിന് വ്യക്തമാക്കി. നവംബറില് അര്ജന്റീന കളിക്കുന്നത് ഒരേയൊരു സൗഹൃദ മത്സരം. അത് നവംബര് 14 ന് അഗോളയില്. ഇത് ശരിവച്ച് അര്ജന്റീന ഫുട്ബോള് അസോസിയേഷന്റെ സ്ഥിരീകരണം. കൊച്ചിയില് അര്ജന്റീനയുടെ എതിരാളി ആകേണ്ടിയിരുന്ന ഓസ്ട്രേലിയക്ക് നവംബറില് ഉള്ളത് രണ്ട് മത്സരങ്ങള്. ആദ്യത്തേത് നംവംബര് 14ന്. എതിരാളി വെനസ്വലേ. രണ്ടാം മത്സരം നവംബര് 18ന്. എതിരാളി കൊളംബിയ. വേദി അമേരിക്കയും. രാജ്യാന്തര സൗഹൃദ മത്സര നടത്തിപ്പിനെക്കുറിച്ചോ, നിയമാവലിയെക്കുറിച്ചോ സ്പോണ്സര്ക്ക് ഒരുധാരണയുമില്ലെന്ന് വ്യക്തമാക്കുന്നതാണ് ഫിഫ അനുമതി ലഭിച്ചില്ലെന്ന സ്പോണ്സറുടെ സമ്മതമെന്നും ആരോപണമുണ്ട്. ഫിഫ പ്രതിനിധി മത്സര വേദി സന്ദര്ശിക്കുന്നതിന് മുമ്പേ സ്പോണ്സര്…
Read More »