Kerala
-
റെന്റ് എ കാര് തിരിച്ചു ചോദിച്ചത് പിടിച്ചില്ല; ഉടമയെ ബോണറ്റില് കിടത്തി ഓടിച്ചത് അഞ്ചു കിലോമീറ്റര്; രക്ഷിച്ചതു നാട്ടുകാര് ചേര്ന്ന് കാര് തടഞ്ഞ്; പ്രതി തിരൂര് സ്വദേശി ബക്കര് അറസ്റ്റില്
എരുമപ്പെട്ടി: വാടകയ്ക്കു കൊടുത്ത കാര് തിരിച്ചുവാങ്ങാനെത്തിയ യുവാവിനെ കാറിടിച്ചു കൊലപ്പെടുത്താന് ശ്രമം. രക്ഷപ്പെടാന് കാറിന്റെ ബോണറ്റില് പിടിച്ചുതൂങ്ങിയ ആലുവ പാനായിക്കുളം സ്വദേശി കൊടിയന് വീട്ടില് സോളമനുമായി കാര് സഞ്ചരിച്ച അഞ്ചുകിലോമീറ്ററോളം ദൂരം. ഇന്നു രാവിലെയാണ് എരുമപ്പെട്ടിയില് ഞെട്ടിക്കുന്ന സംഭവമുണ്ടായത്. നാട്ടുകാരും ഓട്ടോ ഡ്രൈവര്മാരും ചേര്ന്ന് കാര് തടഞ്ഞ് യുവാവിനെ രക്ഷപ്പെടുത്തി. കാര് ഓടിച്ച തൃശൂര് തിരൂര് പോട്ടോര് സ്വദേശി നാലകത്ത് വീട്ടിന് ബക്കറിനെ എരുമപ്പെട്ടി പോലീസ് അറസ്റ്റ് ചെയ്തു. ഒക്ടോബര് 20 നാണ് ബക്കര് വിവാഹ ആവശ്യത്തിനാണെന്ന് പറഞ്ഞ് സോളമന്റെ കാര് വാടകയ്ക്ക് എടുത്തത്. പിന്നീട് കാര് തിരികെ നല്കിയില്ല. സോളമന് ബിനാനിപുരം പോലീസില് പരാതി നല്കിയിരുന്നു. കാറിന്റെ ജിപിഎസ് ലൊക്കേഷന് നോക്കി അന്വേഷണം നടത്തിവരുന്നതിനിടയില് കാര് എരുമപ്പെട്ടി വെള്ളറക്കാട് പ്രദേശത്ത് കാണുകയും തടയുകയും ചെയ്തു. ഇതിനിടയിലാണ് കാര് മുന്നോട്ട് എടുത്ത് സോളാറിനെ ഇടിച്ചുതെറിപ്പിക്കാന് ശ്രമിച്ചത്. രക്ഷപ്പെടാന് വേണ്ടി സല്മാന് കാറിന്റെ ബോണറ്റിലേക്ക് ചാടി കയറി വൈപ്പറില് തൂങ്ങിപ്പിടിച്ച് കിടന്നു. എന്നാല്…
Read More » -
തൃശൂര് കോര്പറേഷനില് ബിജെപിയില് ഗ്രൂപ്പ് പോര്; രാജീവ് ചന്ദ്രശേഖരന് പ്രഖ്യാപിച്ച വനിതാ സ്ഥാനാര്ഥിയെ അവസാന നിമിഷം വെട്ടി; പ്രവര്ത്തകരുടെ എതിര്പ്പെന്നു വിശദീകരണം; വെട്ടിമാറ്റിയത് മേയര് സ്ഥാനത്തേക്കു പരിഗണിച്ചയാളെ
തൃശൂര്: കടുത്ത എതിര്പ്പിനെത്തുടര്ന്നു കുട്ടന്കുളങ്ങര ഡിവിഷനില് പ്രഖ്യാപിച്ച സ്ഥാനാര്ഥിയെ പിന്വലിച്ച് ബിജെപി. ഡോ. വി. ആതിര മത്സരിക്കുമെന്നായിരുന്നു പ്രഖ്യാപനമെങ്കിലും വ്യാപക പ്രതിഷേധം ഉയര്ന്നതോടെയാണ് എം. ശ്രീവിദ്യയെ സ്ഥാനാര്ഥിയാക്കിയത്. ആതിര അസൗകര്യം അറിയിച്ചതിനെത്തുടര്ന്നാണു മറ്റൊരാളെ മത്സരിപ്പിക്കുന്നതെന്നാണ് വിശദീകരണം. കേന്ദ്രമന്ത്രി സുരേഷ് ഗോപിയുടെ നോമിനിയെന്ന നിലയിലാണ് ഡോ. വി. ആതിരയെ കുട്ടന്കുളങ്ങരയില് അവതരിപ്പിച്ചത്. സുരേഷ് ഗോപി പങ്കെടുത്ത യോഗത്തിലും മേയര് സ്ഥാനാര്ഥിയെന്ന നിലയില് ആതിരയെ പുകഴ്ത്തി രംഗത്തുവന്നു. എന്നാല്, പൂങ്കുന്നം ഡിവിന്റെ പ്രതിനിധിയായപ്പോള് പ്രകടനം മോശമായെന്നും കുളമാക്കിയെന്നുമാണു പ്രവര്ത്തകരുടെ ആരോപണം. ഉദയനഗര് റോഡിന്റെ തകര്ച്ചയിലടക്കം നടപടിയെടുത്തില്ലെന്നും പ്രവര്ത്തകര് ആരോപിച്ചു. തൊട്ടടുത്ത ഡിവിഷനുകളിലെ ബിജെപി സ്ഥാനാര്ഥികളും ഇവര്ക്കെതിരേ അതൃപ്തി അറിയിച്ചിട്ടുണ്ട്. കുട്ടന്കുളങ്ങരയില് സ്ഥാനാര്ഥിയെന്ന നിലയില് എത്തിയപ്പോള് പ്രവര്ത്തകരുടെ നേതൃത്വത്തില് തടഞ്ഞതും വന് വിവാദമായിരുന്നു. കുട്ടന്കുളങ്ങര ഡിവിഷനില് നിലവിലെ കൗണ്സിലറോട് അഭിപ്രായം തേടുക പോലും ചെയ്യാതെ 2020ല് ബി. ഗോപാലകൃഷ്ണനെ മേയര് സ്ഥാനാര്ഥിയെന്ന നിലയില് രംഗത്തിറക്കിയെങ്കിലും വന് തോല്വി നേരിട്ടു. കൈയിലുണ്ടായിരുന്ന ഡിവിഷന് നഷ്ടപ്പെടുകയും ചെയ്തു. ഇതു…
Read More » -
കടകംപള്ളിയിലേക്ക് സ്വര്ണ്ണക്കൊള്ള അന്വേഷണമെത്തുന്നു; വെട്ടിലായി സിപിഎം; ഒരു ബന്ധവുമില്ലെന്ന് കടകംപള്ളി സുരേന്ദ്രന്; എസ്ഐടി ചോദ്യം ചെയ്യാന് സാധ്യതയേറി
തിരുവനന്തപുരം: ശബരിമല സ്വര്ണക്കൊള്ളയുമായി ബന്ധപ്പെട്ട് മുന് മന്ത്രി കടകംപള്ളി സുരേന്ദ്രനെ ചോദ്യം ചെയ്തേക്കും. അറസ്റ്റിലായ മുന് ദേവസ്വം ബോര്ഡ് പ്രസിഡന്റ് പത്മകുമാറിന്റെ മൊഴിയുടെ അടിസ്ഥാനത്തില് ആണ് നീക്കം. അതേസമയം, സ്വര്ണക്കൊള്ളയുമായി തനിക്ക് യാതൊരു ബന്ധവുമില്ലെന്ന് കടകംപള്ളി സുരേന്ദ്രന് പറഞ്ഞു. ദേവസ്വം ബോര്ഡിന്റേത് സ്വതന്ത്ര തീരുമാനമാണ്. അത് സര്ക്കാര് അറിയണമെന്നില്ല. ഇതുസംബന്ധിച്ച ഒരു ഫയലും തന്റെ മുന്നില് വന്നിട്ടില്ലെന്നും മന്ത്രി പറഞ്ഞു. അതിനിടെ ശബരിമല സ്വര്ണക്കൊള്ളയില് റിമാന്ഡിലായ മുന് ദേവസ്വം ബോര്ഡ് പ്രസിഡന്റ് എ.പത്മകുമാറിനെ കസ്റ്റഡിയില് വാങ്ങും. അന്വേഷണ സംഘം തിങ്കളാഴ്ച റിപ്പോര്ട്ട് നല്കും. പത്മകുമാറിന് തിരിച്ചടിയായത് ദേവസ്വം ബോര്ഡ് ആസ്ഥാനത്ത് നിന്നും പിടിച്ചെടുത്ത രേഖകളും ഉദ്യോഗസ്ഥ മൊഴിയുമാണ്. റിമാന്ഡ് റിപ്പോര്ട്ടിലും പത്മകുമാറിന്റെ ഇടപെടല് പ്രത്യേക അന്വേഷണ സംഘം വ്യക്തമാക്കി. നിര്ണായക തെളിവുകള് നിരത്തിയുള്ള ചോദ്യം ചെയ്യലിനൊടുവില് ഇന്നലെ ഉച്ചയ്ക്ക് ശേഷം 3.30ഓടെയാണ് അറസ്റ്റ് രേഖപ്പെടുത്തിയത്. രാഷ്ട്രീയ പ്രത്യാഘാതങ്ങളുണ്ടാക്കുന്ന നടപടിയായതിനാല് പ്രത്യേക സംഘവും കരുതലോടെയാണ് അറസ്റ്റിന് മുന്പ് കരുക്കള് നീക്കിയത്. റിമാന്ഡ് റിപ്പോര്ട്ടിലും…
Read More » -
തൃശൂര് രാഗം തീയറ്റര് നടത്തിപ്പുകാരന് കുത്തേറ്റ സംഭവം ; അന്വേഷണം ക്വട്ടേഷന് സംഘങ്ങളിലേക്ക് ; കുത്തേറ്റത് ഇന്നലെ രാത്രി ; ഡ്രൈവര്ക്കും കുത്തേറ്റു
തൃശൂര്: തൃശൂര് രാഗം തീയറ്റര് നടത്തിപ്പുകാരന് കുത്തേറ്റ സംഭവത്തില് പോലീസ് അന്വേഷണം ഊര്ജിതമാക്കി. ക്വട്ടേഷന് സംഘങ്ങളെ കേന്ദ്രീകരിച്ചാണ് അന്വേഷണം മുന്നോട്ടുപോകുന്നത്. സാമ്പത്തിക ഇടപാടുകളെ സംബന്ധിച്ച തര്ക്കമാണ് ആക്രമണത്തിന് പിന്നിലെന്നാണ് സൂചന. രാഗം തിയേറ്ററിന്റെ നടത്തിപ്പുകാരന് സുനിലിനും ഡ്രൈവര് അനീഷിനുമാണ് ഇന്നലെ രാത്രി കുത്തേറ്റത്. വെളപ്പായയിലെ വീടിന് മുന്പില് വെച്ചായിരുന്നു സംഭവം. ഗേറ്റ് തുറക്കുന്നതിനായി കാറില് നിന്നിറങ്ങിയപ്പോഴായിരുന്നു ആക്രമണം ഉണ്ടായത്. മൂന്നംഗ ഗുണ്ടാ സംഘമാണ് സുനിലിനെ കുത്തിയത്. ഡ്രൈവര് അനീഷിനും വെട്ടേറ്റു. കാറിന്റെ ചില്ല് തകര്ത്തു. കാറിനകത്തിരുന്ന സുനിലിന്റെ കാലിനാണ് പരിക്ക്. ഡ്രൈവര് അനീഷിന്റെ കൈയിലും പരിക്കേറ്റിട്ടുണ്ട്.
Read More » -
പാക്കിസ്ഥാനില് നിന്ന് ഡ്രോണ് ഉപയോഗിച്ച് ഇന്ത്യയിലേക്ക് ആയുധക്കടത്ത് കൂടി ; രാജ്യസുരക്ഷയ്ക്ക് അതിതീവ്ര അപകടം ; ലോക്കല് ഗുണ്ടാസംഘങ്ങള്ക്ക് വരെ പാക് ബന്ധങ്ങള് ; ഡിസംബര് ആറ് സുരക്ഷിതമായി മറികടക്കാന് രാജ്യമെങ്ങും അതീവ ജാഗ്രതയും കനത്ത സുരക്ഷയും
ന്യൂഡല്ഹി: പാക്കിസ്ഥാനില് നിന്ന് ഡ്രോണ് ഉപയോഗിച്ച് ഇന്ത്യയിലേക്കുള്ള ആയുധക്കടത്ത് കൂടുന്നു. പഞ്ചാബില് നിന്ന് കഴിഞ്ഞ ദിവസം പിടികൂടിയ ആയുധങ്ങള് ഡ്രോണ് വഴി പാക്കിസ്ഥാനില് നിന്നും എത്തിയതാണെന്ന് സ്ഥിരീകരിച്ചിട്ടുണ്ട്. പോലീസുമായുള്ള ഏറ്റുമുട്ടലില് കൊല്ലപ്പെട്ട ഗുണ്ടാനേതാവിന്റെ കൈവശമാണ് പാക് നിര്മിത ആയുധങ്ങള് കണ്ടെത്തിയത്. നേരത്തെയും പഞ്ചാബ് അതിര്ത്തിയില് നിന്ന് ഇത്തരത്തില് ഡ്രോണ് വഴി എത്തിച്ച ആയുധങ്ങള് പിടികൂടിയിരുന്നു. ഇന്ത്യന് ഗ്രാമങ്ങളിലെ ഗുണ്ടാ സംഘങ്ങള്ക്കു വരെ തോക്കും അനുബന്ധ ആയുധങ്ങളും പാക്കിസ്ഥാന് എത്തിച്ചുകൊടുക്കുന്നുവെന്നത് ഞെട്ടിപ്പിക്കുന്ന സംഭവമാണ്. നേരത്തെ തീവ്രവാദ പ്രവര്ത്തനങ്ങളില് ഏര്പ്പെട്ടിരിക്കുന്നവര്ക്ക് പാക്കിസ്ഥാനില് നിന്നും മറ്റും ആയുധങ്ങള് ലഭിക്കാറുണ്ടായിരുന്നുവെങ്കിലും ഇന്ത്യയിലെ ചെറിയ ഗുണ്ടാ സംഘങ്ങള്ക്ക് വരെ പാക് ആയുധങ്ങളെത്തുന്നുവെന്നത് രാജ്യസുരക്ഷയ്ക്ക് തന്നെ വലിയ അപകടമാണെന്ന് ചൂണ്ടികാണിക്കപ്പെടുന്നു. കാശ്മീരിലും ഡ്രോണ് വഴി ആയുധങ്ങള് തീവ്രവാദികള്ക്ക് എത്തിച്ചുകൊടുത്ത സംഭവങ്ങള് റിപ്പോര്ട്ടു ചെയ്തിരുന്നു. മയക്കുമരുന്ന് കടത്തിന് ഡ്രോണ് ഉപയോഗിക്കുന്നത് വ്യാപകമായതിനു പിന്നാലെയാണ് ദേശവിരുദ്ധ പ്രവര്ത്തനങ്ങള്ക്ക് ഡ്രോണ് പാക്കിസ്ഥാന് ഉപയോഗിക്കുന്നത്. ആയുധങ്ങള് പല കഷ്ണങ്ങളായാണ് ഡ്രോണ് വഴി ഇന്ത്യയിലേക്കും ആവശ്യമുള്ള രാജ്യങ്ങളിലേക്കും…
Read More » -
ശബരിമല സ്വര്ണക്കൊള്ള കേസില് ദേവസ്വം ബോര്ഡ് മുന് പ്രസിഡന്റ് എ പത്മകുമാര് ഒടുവില് ജയിലിലേക്ക് ; അറസ്റ്റിന് പിന്നാലെ കൊല്ലം വിജിലന്സ് കോടതി 14 ദിവസത്തേക്ക് റിമാന്ഡ് ചെയ്തു
തിരുവനന്തപുരം: ശബരിമല സ്വര്ണക്കൊള്ള കേസില് ദേവസ്വം ബോര്ഡ് മുന് പ്രസിഡന്റ് എ പത്മകുമാര് ജയിലിലേക്ക്. കൊല്ലം വിജിലന്സ് കോടതി 14 ദിവസത്തേക്കാണ് റിമാന്ഡ് ചെയ്തിരിക്കുന്നത്. തിരുവനന്തപുരം ക്രൈംബ്രാഞ്ച് ഓഫീസ് ആസ്ഥാനത്ത് വെച്ച് നടന്ന ചോദ്യം ചെയ്യലിന് പിന്നാലെയാണ് എ പത്മകുമാറിന്റെ അറസ്റ്റ് രേഖപ്പെടുത്തിയത്. എ പത്മകുമാറിനെ തിരുവനന്തപുരം സ്പെഷ്യല് സബ് ജയിലിലേക്ക് കൊണ്ടുപോയി. ഇന്ന് ഉച്ചയോടെയായിരുന്നു എ പത്മകുമാറിന്റെ അറസ്റ്റ് രേഖപ്പെടുത്തിയത്. എ പത്മകുമാറിനെ വൈദ്യപരിശോധനയ്ക്ക് ശേഷം കൊല്ലം വിജിലന്സ് കോടതിയില് ഹാജരാക്കി. എഡിജിപി എച്ച് വെങ്കിടേഷിന്റെ നേതൃത്വത്തിലാണ് പത്മകുമാറിനെ ചോദ്യംചെയ്തത്. കേസിലെ മറ്റൊരു പ്രതിയായ മുന് ദേവസ്വം ബോര്ഡ് അധ്യക്ഷന് എന് വാസുവിനെയും കസ്റ്റഡിയില് വാങ്ങിയിരുന്നു. ഇരുവരെയും ഒരുമിച്ചിരുത്തിയും ചോദ്യം ചെയ്തിരുന്നു. ശബരിമലയിലെ സ്വര്ണക്കൊള്ള പത്മകുമാറിന്റെ അറിവോടെയാണെന്നാണ് പ്രത്യേക അന്വേഷണസംഘത്തിന്റെ കണ്ടെത്തല്. സ്പോണ്സര് ഉണ്ണികൃഷ്ണന് പോറ്റിക്ക് പത്മകുമാര് എല്ലാ ഒത്താശയും നല്കി. പത്മകുമാറിന്റെ നിര്ദേശത്തിലാണ് മഹ്സറില് ചെമ്പ് തകിടുകള് എന്ന് രേഖപ്പെടുത്തിയത്. ഉണ്ണികൃഷ്ണന് പോറ്റിയും പത്മകുമാറും തമ്മില് സാമ്പത്തിക ഇടപാടുകള്…
Read More » -
സ്വര്ണ്ണക്കൊള്ളയെക്കുറിച്ച് അറിഞ്ഞിരുന്നെങ്കില് അനുമതി നല്കുമായിരുന്നില്ലെന്ന് പത്മകുമാര് ; ഫയല്നീക്കം നടന്നത് പോറ്റി സര്ക്കാരിന് നല്കിയ അപേക്ഷയിലെന്നും മൊഴി ; കടകംപള്ളിക്ക് കുരുക്കായി മാറുന്നു
തിരുവനന്തപുരം: ശബരിമല സ്വര്ണ്ണക്കൊള്ളക്കേസില് എ പത്മകുമാറിന്റെ മൊഴി മുന് ദേവസ്വംമന്ത്രിയായ കടകംപള്ളി സുരേന്ദ്രന് കുരുക്കായി മാറുമോ? എസ്എടി യുടെ അന്വേഷണത്തില് ഉണ്ണികൃഷ്ണന് പോറ്റി സര്ക്കാരിന് നല്കിയ അപേക്ഷയിലാണ് ഫയല്നീക്കം നടന്നതെന്ന എ പത്മകുമാറിന്റെ മൊഴി കടകംപള്ളിക്ക് തിരിച്ചടിയാകുമെന്നാണ് വിലയിരുത്തല്. കേസില് ഇന്ന് അറസ്റ്റിലായ എ പത്മകുമാര് പ്രത്യേക അന്വേഷണസംഘത്തിന് നല്കിയ മൊഴിയിലാണ് ഈ വിവരമുള്ളത്. സ്വര്ണ്ണ ക്കൊള്ളയെക്കുറിച്ച് അറിഞ്ഞിരുന്നെങ്കില് അനുമതി നല്കുമായിരുന്നില്ലെന്ന് പത്മകുമാര് ചോദ്യം ചെയ്യലില് വ്യക്തമാക്കി. സ്വര്ണ്ണപ്പാളി അറ്റകുറ്റപ്പണിക്കായി കൊണ്ടുപോകാനായി പോറ്റി ആദ്യം അപേക്ഷ നല്കിയത് സര്ക്കാരിലാണ്. അപേക്ഷ ദേവസ്വം ബോര്ഡിലേക്ക് എത്തുകയായിരുന്നു. ഫയല്നീക്കം നടത്തിയതെല്ലാം ഉദ്യോഗസ്ഥരാണെന്നും പത്മകുമാര് നല്കിയ മൊഴിയില് പറയുന്നു. ആ അപേക്ഷയിന്മേലാണ് ദേവസ്വം ബോര്ഡ് ഉദ്യോഗസ്ഥരും ഭരണസിമിതിയും താന് അടക്കമുള്ള ആളുകളും തുടര്നടപടി സ്വീകരിച്ചത്. അന്നത്തെ ദേവസ്വം മന്ത്രിയായ കടകംപള്ളി സുരേന്ദ്രന് അടക്കമുള്ളവര് അറിയാതെ അപേക്ഷ ദേവസ്വം ബോര്ഡിലേക്ക് എത്തില്ലെന്നാണ് വിലയിരുത്തല്. സ്വര്ണ്ണക്കൊള്ളയെക്കുറിച്ച് അറിഞ്ഞിരുന്നില്ല. അറിഞ്ഞിരുന്നെങ്കില് അനുമതി നല്കുമായിരുന്നില്ലെന്നും നാല് മണിക്കൂര് നീണ്ട ചോദ്യം ചെയ്യലിനിടെ…
Read More » -
പിണറായി സര്ക്കാര് അറിയാതെ സംസ്ഥാനത്ത് ഒരു ഫയല് നീക്കം പോലും നടക്കില്ല ; അറസ്റ്റ് നടന്നത് ബിജെപി ഉള്പ്പെടെയുള്ള പാര്ട്ടികളുടേയും മാധ്യമങ്ങളുടേയും സമ്മര്ദം കൊണ്ടെന്ന് രാജീവ് ചന്ദ്രശേഖര്
തിരുവനന്തപുരം: പിണറായി സര്ക്കാര് അറിയാതെ സംസ്ഥാനത്ത് ഒരു ഫയല് നീക്കം പോലും നടക്കില്ലെന്നും ഒരു ഈച്ചപോലും സര്ക്കാര് അറിയാതെ അനങ്ങില്ലെന്ന് വരുമ്പോള് നാലര കിലോ സ്വര്ണ മോഷണം സര്ക്കാര് അറിഞ്ഞില്ലെന്നത് സാമാന്യ ബുദ്ധിക്ക് ദഹിക്കുന്നതല്ലെന്നും ബിജെപി നേതാവ് രാജീവ് ചന്ദ്രശേഖര്. ശബരിമല സ്വര്ണക്കൊള്ളയ്ക്ക് പിന്നിലുള്ള രാഷ്ട്രീയ നേതൃത്വത്തെ കണ്ടെത്താന് എസ്ഐടിക്ക് കഴിയുന്നില്ലെങ്കില് കേന്ദ്ര അന്വേഷണ ഏജന്സികളെ എത്തിക്കണമെന്നും പറഞ്ഞു. ബിജെപി ഉള്പ്പെടെയുള്ള പാര്ട്ടികളുടേയും മാധ്യമങ്ങളുടേയും സമ്മര്ദം കൊണ്ടാണ് പ്രത്യേക അന്വേഷണം ഈ അറസ്റ്റ് വരെ എത്തിയത്. ഇതില് നിന്ന് പിന്നോക്കം പോകരുതെന്നും എസ്ഐടി കൂടുതല് മുന്നോട്ടുപോകണമെന്നും കൂട്ടിച്ചേര്ത്തു. ശബരിമല സ്വര്ണമോഷണത്തിന് പിന്നില് രാഷ്ട്രീയ നേതൃത്വത്തിന് പങ്കുണ്ടെന്ന് തങ്ങളും ജനങ്ങളും വിശ്വസിക്കുന്നുണ്ടെന്നും പറഞ്ഞു. ശബരിമല സ്വര്ണക്കൊള്ളയുടെ മുഖ്യ ആസൂത്രകന് എ പത്മകുമാറാണെന്നാണ് എസ്ഐടിയുടെ കണ്ടെത്തല്. ശബരിമല സ്വര്ണക്കൊള്ളയില് തിരുവിതാംകൂര് ദേവസ്വം ബോര്ഡ് മുന് പ്രസിഡന്റ് എ പത്മകുമാര് പ്രത്യേക അന്വേഷണ സംഘത്തിന് മുന്നില് രാവിലെ ചോദ്യം ചെയ്യലിന് ഹാജരായിരുന്നു. തിരുവനന്തപുരത്തെ രഹസ്യ കേന്ദ്രത്തിലായിരുന്നു…
Read More » -
ഒന്നാം പിണറായി സര്ക്കാരിന്റെ കാലത്ത് സ്വര്ണക്കള്ളക്കടത്ത് ; ഇപ്പോള് ശബരിമലയിലെ സ്വര്ണം അടിച്ചു മാറ്റല് ; സിപിഐഎം നേതാക്കന്മാര്ക്ക് സ്വര്ണ്ണത്തോട് വലിയ കൊതിയാണ് ; അയ്യപ്പനെ തൊട്ടാല് മന്ത്രിമാര് സഹിതം ജയിലിലാകും
പത്തനംതിട്ട: അയ്യപ്പനെ തൊട്ടുകളിച്ചവരാരും രക്ഷപ്പെടാന് പോകുന്നില്ലെന്നും മന്ത്രിമാരടക്കം ജയിലില് പോകുമെന്നും മുന് പ്രതിപക്ഷ നേതാവും കോണ്ഗ്രസിന്റെ മുതിര്ന്ന നേതാവുമായ രമേശ് ചെന്നിത്തല. ശബരിമലയിലെ സ്വര്ണം അടിച്ചുമാറ്റിയതിന് പിന്നില് സിപിഐഎമ്മിന്റെ ഉന്നത നേതാക്കന്മാരാണെന്ന് തങ്ങള് നേരത്തെ പറഞ്ഞതാണെന്നും മന്ത്രിമാര് അടക്കം ഇതിന് പിന്നിലുണ്ടെന്നും ഇവരെല്ലാം ജയിലില് പോകുമെന്നും രമേശ് ചെന്നിത്തല വ്യക്തമാക്കി. കുറ്റാരോപിതനാണെന്ന് എം വി ഗോവിന്ദന് പറയുന്നത് കേട്ടു. എസ്ഐടിക്ക് ബോധ്യപ്പെട്ടത് കൊണ്ടല്ലേ അറസ്റ്റ് ചെയ്തത്. ഇനിയ അറിയേണ്ടത് മന്ത്രിമാരുടെ കാര്യമാണ്. അവരും അധികം വൈകാതെ അറസ്റ്റിലാകും. പോറ്റിയെ പോറ്റി വളര്ത്തിയത് ആരാണെന്ന് ഇപ്പോള് എല്ലാവര്ക്കും ബോധ്യപ്പെട്ടല്ലോ. സിപിഐഎം നേതാക്കന്മാര് സ്വര്ണത്തോട് വലിയ താത്പര്യമുള്ളവരാണെന്ന് രണ്ട് സംഭവങ്ങള് തെളിയിച്ചിരിക്കുന്നെന്നും ഒന്നാം പിണറായി സര്ക്കാരിന്റെ കാലത്ത് സ്വര്ണ്ണക്കടത്തായിരുന്നെങ്കില് രണ്ടാം പിണറായി സര്ക്കാരിന്റെ കാലത്ത് ശബരിമല സ്വര്ണ്ണക്കടത്താണെന്നും രമേശ് ചെന്നിത്തല പറഞ്ഞു. പോറ്റിയുമായി ഗൂഢാലോചന നടത്തി ശബരിമലയിലെ സ്വര്ണം അടിച്ചുമാറ്റിയ ആളുകളെ ശിക്ഷിക്കുക തന്നെ വേണമെന്നും രണ്ട് ദേവസ്വം ബോര്ഡ് പ്രസിഡന്റുമാരായ മാര്ക്സിസ്റ്റ് നേതാക്കന്മാര്…
Read More » -
ശബരിമലയിലെ സ്വര്ണക്കെള്ള: രണ്ടു മുന് ദേവസ്വം അദ്ധ്യക്ഷന്മാര് അറസ്റ്റിലായി ; അന്വേഷണം കടകംപള്ളിയിലേക്ക് എത്തുമോയെന്നും ആശങ്ക ; സിപിഐഎം കടുത്ത പ്രതിരോധത്തില്
പത്തനംതിട്ട: ആഗോള അയ്യപ്പസംഗമം നടത്തി ശബരിമല അയ്യപ്പ വിശ്വാസികളെ കൂടി കൂടെ നിര്ത്താന് ശ്രമിച്ച സിപിഐം തദ്ദേശ തെരഞ്ഞെടുപ്പും പിന്നാലെ നിയമസഭാ തെരഞ്ഞെടു പ്പും മുന്നില് നില്ക്കുമ്പോള് പ്രതിരോധത്തില്. സ്വര്ണ്ണക്കൊള്ളയില് പത്തനംതിട്ടയില് പാര്ട്ടിയുടെ മുഖമെന്ന് കരുതാവുന്ന എ പത്മകുമാര് അറസ്റ്റിലായതോടെ ഇനിയാര് എന്ന അങ്കലാപ്പിലായിരിക്കുകയാണ്. ഹൈക്കോടതി നിയോഗിച്ച പ്രത്യേക അന്വേഷണസംഘം ആണെന്നതാണ് വലിയ തിരിച്ചടി. തിരുവിതാംകൂര് ദേവസ്വം ബോര്ഡ് അധ്യക്ഷന്മാരായിരുന്ന എന് വാസു, എ പത്മകുമാര് എന്നിവര് അറസ്റ്റിലായതാണ് സിപിഐഎമ്മിനും സംസ്ഥാന സര്ക്കാരിനും തലവേദനയായി മാറിയത്. എ പത്മകുമാര് മുന് എംഎല്എയും പത്തനംതിട്ടയിലെ സിപിഐഎമ്മിന്റെ പ്രമുഖ നേതാവുമാണ്. മുന് ദേവസ്വം ബോര്ഡ് അധ്യക്ഷന് എന് വാസുവിന് പിന്നാലെ പത്മകുമാര് കൂടി അറസ്റ്റ് ചെയ്യപ്പെട്ടതോടെ സിപിഐഎമ്മിന് മറുപടി പറയാന് കണ്ടെത്തേണ്ട സാഹചര്യമാണ്. പത്മകുമാര് തിരുവിതാംകൂര് ദേവസ്വം ബോര്ഡ് അധ്യക്ഷനായിരിക്കെ എന് വാസു ദേവസ്വം ബോര്ഡ് കമ്മീഷണറായിരുന്നു.സിപിഐഎം നേതാക്കളുടെ ഇഷ്ടക്കാരനെന്ന വാസു പിന്നീട് ദേവസ്വം അധ്യക്ഷനുമായി. ശബരിമലയിലെ സ്വര്ണപ്പാളികള് ചെമ്പ്പാളിയാക്കിയത് ഇവരുടെ ബുദ്ധിയാണെന്നാണ് അന്വേഷണസംഘം…
Read More »