Kerala
-
രണ്ടരമാസത്തെ ആശുപത്രി ജീവിതത്തിന് ശേഷം അഫാന് വീണ്ടും ജയിലിലേക്ക് ; പൂജപ്പുര സെന്ട്രല് ജയിലില് തൂങ്ങിമരിക്കാന് നോക്കി ; പരമാവധിശിക്ഷ ഉറപ്പാക്കാന് പോലീസിന്റെ നീക്കം
തിരുവനന്തപുരം: രണ്ടരമാസത്തെ ആശുപത്രി ജീവിതത്തിന് ശേഷം വെഞ്ഞാറമൂട് കൂട്ടക്കൊലപാതക കേസ് പ്രതി അഫാന് ആശുപത്രി വിട്ടു. ആത്മഹത്യയ്ക്ക് ശ്രമിച്ച അഫാന് തിരുവനന്തപുരം മെഡിക്കല് കോളജില് ചികിത്സയിലായിരുന്നു. ജൂണ് 25നാണ് അഫാന് പൂജപ്പുര സെന്ട്രല് ജയിലില് ജീവനൊടുക്കാന് ശ്രമിച്ചത്.വേഗത്തില് കുറ്റപത്രം സമര്പ്പിച്ച് വിചാരണ നടപടികള് തുടങ്ങാനിരിക്കെയാണ് ആത്മഹത്യാശ്രമം. അതുകൊണ്ടുതന്നെ ആത്മഹത്യാശ്രമം വിചാരണ നടപടികള്ക്ക് മേല് വലിയ പ്രതിസന്ധി സൃഷ്ടിച്ചിരുന്നു. ജയിലില് തൂങ്ങി മരിക്കാന് ശ്രമിച്ച അഫാനെ ജയില് അധികൃതര് ആശുപത്രിയില് എത്തിക്കുകയായിരുന്നു. ആശുപത്രിയില് നിന്ന് പ്രതിയെ പൂജപ്പുര സെന്ട്രല് ജയില് സെല്ലിലേക്ക് മാറ്റി. സെല്ലില് പ്രത്യേക നിരീക്ഷണമാണ് ഏര്പ്പെടുത്തിയിരിക്കുന്നത്. കൂട്ടകൊലപാതകക്കേസില് ഒരേയൊരു പ്രതി മാത്രമുള്ളതിനാല് പരമാവധി ശിക്ഷ പ്രതി അഫാന് ഉറപ്പിക്കാനുള്ള എല്ലാ നീക്കങ്ങളും പൊലീസ് നടത്തിയിരുന്നു. 750 പേജുകള് ഉള്ള കുറ്റപത്രത്തില് 130 സാക്ഷികള് ഉണ്ട്.മാതാവിനെയും സഹോദരനെയും കൊലപ്പെടുത്തി ആത്മഹത്യ ചെയ്യാനായിരുന്നു പ്രതി അഫാന്റെ നീക്കമെന്ന് കുറ്റപത്രത്തില് ചൂണ്ടിക്കാണിക്കുന്നു. ഫര്സാനയോട് വൈരാഗ്യം എന്നും കണ്ടെത്തി. പണയംവെക്കാന് നല്കിയ സ്വര്ണം തിരികെ ചോദിച്ചതാണ്…
Read More » -
പാലാരിവട്ടം പാലം തകര്ന്നുവീഴാതെ തന്നെ കേസെടുക്കണമെന്ന് പറഞ്ഞവരാണ് ; ഇപ്പോള് തകര്ന്ന പാലങ്ങളുടെ എണ്ണം മൂന്നായി, ആളു മരിച്ചിട്ടും മന്ത്രിക്കെതിരേ കേസില്ലേയെന്ന് പിണറായിയോട് വി.ഡി സതീശന്
തിരുവനന്തപുരം: യുഡിഎഫ് കാലത്ത് പാലാരിവട്ടത്ത് തകര്ന്നു വീഴാത്ത പാലത്തിന്റെ പേരില് അന്നത്തെ പൊതുമരാമത്ത് മന്ത്രിയെ കേസില് കുടുക്കി ജയിലില് അടയ്ക്കാന് നോക്കിയവര് ഇപ്പോള് പാലം തകര്ന്നുവീഴുമ്പോള് കേസെടുക്കുമോയെന്ന് പ്രതിപക്ഷ നേതാവ്. പാലാരിവട്ടം പാലത്തെ പഞ്ചവടിപ്പാലമെന്ന് ആക്ഷേപിച്ചവര് ഭരിക്കുമ്പോള് സംസ്ഥാനത്ത് നിരന്തരമായി പാലങ്ങള് തകര്ന്നു വീഴുകയാണെന്നും പറഞ്ഞു. അടുത്തിടെ സംസ്ഥാനത്ത് മൂന്നു പാലങ്ങളാണ് തകര്ന്നു വീണത്. മുന്മന്ത്രി വി.കെ ഇബ്രാഹിംകുഞ്ഞിനെതിരെ കേസെടുത്തവര് ഇപ്പോഴത്തെ പൊതുമരാമത്ത് മന്ത്രിക്കെതിരെ കേസെടുക്കാന് തയാറുണ്ടോയെന്നും ചോദിച്ചു. നേരത്തെ മലപ്പുറം-കോഴിക്കോട് ജില്ലകളെ ബന്ധിപ്പിക്കുന്ന കൂളിമാട് പാലവും തകര്ന്നു വീണിരുന്നതായി വി ഡി സതീശന് കുറ്റപ്പെടുത്തി. കൊയിലാണ്ടി ചേമഞ്ചേരിയില് നിര്മ്മാണത്തിലിരിക്കുന്ന തോരായിക്കടവ് പാലമാണ് ഇന്ന് തകര്ന്നത്. ഭാഗ്യത്തിന് ആളപായമുണ്ടായില്ല. ദിവസങ്ങള്ക്ക് മുമ്പാണ് മാവേലിക്കരയില് കീച്ചേരികടവ് പാലം തകര്ന്നു വീണ് രണ്ടു തൊഴിലാളികള് മരിച്ചതെന്നും വിഡി സതീശന് പറഞ്ഞു. യുഡിഎഫ് ഭരണകാലത്ത് പാലം തകരാതെ തന്നെ കേസെടുക്കണമെന്ന് പറഞ്ഞ കേസെടുക്കാനാണ് പിണറായി വിജയന് സര്ക്കാര് ശ്രമിച്ചത്. അതേ പിണറായി വിജയന് സര്ക്കാരിന്റെ കാലത്താണ്…
Read More » -
തൃശൂരിലെ വോട്ടര് പട്ടിക ക്രമക്കേട്: പരാതികള് ലഭിച്ചില്ലെന്ന തെരഞ്ഞെടുപ്പു കമ്മീഷന് നിലപാട് പൊളിച്ചടുക്കി കെ.പി. രാജേന്ദ്രന്; പ്രാഥമിക പട്ടിക വന്നപ്പോള് മുതല് നല്കിയത് അഞ്ചിലേറെ പരാതികള്; എല്ലാം വാങ്ങിവച്ചു; ബിജെപി ജില്ലാ കമ്മിറ്റി ഓഫീസിന്റെ പേരിലും ചേര്ത്തു 10 വോട്ട്
തൃശൂര്: പാര്ലമെന്റ് തെരഞ്ഞെടുപ്പിലെ വോട്ടര്പട്ടിക ക്രമക്കേടിനെക്കുറിച്ചു തൃശൂരില്നിന്നു പരാതികള് ലഭിച്ചില്ലെന്ന തെരഞ്ഞെടുപ്പു കമ്മീഷന്റെ നിലപാട് വസ്തുതാവിരുദ്ധമെന്നു സിപിഐ ദേശീയ എക്സിക്യുട്ടീവ് അംഗം കെ.പി. രാജേന്ദ്രന്. കമ്മീഷന് പരാതികള് കൈപ്പറ്റിയതിന്റെ രേഖകള് കൈയിലുണ്ട്. ഫ്ലാറ്റുകളും വീടുകളും കേന്ദ്രീകരിച്ചു വ്യാജവോട്ടുകള് ചേര്ക്കുന്നെന്ന സൂചന കിട്ടിയപ്പോള്തന്നെ 2024 മാര്ച്ച് 25ന് പരാതി നല്കി. ക്രമക്കേടുകളെക്കുറിച്ചു ഫ്ളാറ്റുകളിലെത്തി നേരിട്ടു പരിശോധിച്ചു. ബൂത്ത് ലെവല് ഉദ്യോഗസ്ഥരെ വിളിച്ചുവരുത്തി ചൂണ്ടിക്കാട്ടി. 2024 ഏപ്രില് 25ന് വീണ്ടും പരാതി നല്കി. വോട്ടെടുപ്പു ദിനമായ 26ന് ക്രമവിരുദ്ധമായ വോട്ടുകള് ഉള്പ്പെടുത്തിയ പട്ടികയാണ് ഉദ്യോഗസ്ഥര് കൊണ്ടുവന്നത്. പാര്ട്ടിയുടെ പോളിംഗ് ഏജന്റുമാര് ചോദ്യം ചെയ്തതിനെ തുടര്ന്നു ഹരിശ്രീ സ്കൂളിലെ ബൂത്തുകളില് വോട്ടു ചെയ്യാനെത്തിയവര്ക്കു മടങ്ങിപ്പോകേണ്ടിവന്നു. ക്രമക്കേടിനെക്കുറിച്ച് അന്നു വൈകീട്ട് തെരഞ്ഞെടുപ്പു കമ്മീഷനും വരണാധികാരിയായ ജില്ലാ കളക്ടര്ക്കും പരാതി നല്കി. 27നു കേന്ദ്ര തെരഞ്ഞെടുപ്പു കമ്മീഷന്റെ മുഖ്യ നിരീക്ഷക വിളിച്ചുകൂട്ടിയ യോഗത്തിലും ക്രമക്കേടിനെക്കുറിച്ചു ബോധ്യപ്പെടുത്തി. ഇടയ്ക്കു നടന്ന നാലഞ്ചു യോഗങ്ങളിലും ക്രമക്കേടുകള് ചൂണ്ടിക്കാട്ടിയതിനു രേഖയുണ്ട്. ക്രമക്കേടുകളെക്കുറിച്ച് മേയ്…
Read More » -
തൃശൂര് കോണ്ഗ്രസിലെ അടി തീരുന്നില്ല; ഡിസിസി പ്രസിഡന്റിനെ ക്ഷണിച്ചില്ല; ഐഎന്ടിയുസി പരിപാടിയില് പങ്കെടുക്കാതെ വി.ഡി. സതീശന് മടങ്ങി; തുമ്മിയാല് തെറിക്കുന്ന മൂക്കെങ്കില് പോകട്ടെന്ന് തുറന്നടിച്ച് നേതാക്കള്; വിമര്ശനവുമായി ആര്. ചന്ദ്രശേഖറും
തൃശൂര്: ഐ എന്ടിയുസിയുടെ ജനറല് കൗണ്സില് യോഗം ഉദ്ഘാടനം ചെയ്യാനെത്തിയ പ്രതിപക്ഷ നേതാവ് വി.ഡി. സതീശന് അവസാന നിമിഷം പരിപാടിയില് പങ്കെടുക്കാതെ മടങ്ങി. ടൗണ്ഹാളിലെ സമ്മേളന സ്ഥലത്തേക്കുള്ള യാത്രാ മധ്യേയാണു മടക്കം. ചടങ്ങിലേക്കു ഡിസിസി പ്രസിഡന്റിനെ ക്ഷണിച്ചില്ലെന്നതാണു കാരണമെന്നാണു വിവരം. ഐ എന്ടിയുസി സംസ്ഥാന പ്രസിഡന്റ് ആര്. ചന്ദ്രശേഖര് അധ്യക്ഷത വഹിക്കുന്ന ചടങ്ങ് ബഹിഷ്കരിച്ചത് വരും ദിവസങ്ങളിലും വിവാദമായേക്കും. ഡിസിസി പ്രസിഡന്റ് വിലക്കിയതുകൊണ്ടാണു പ്രതിപക്ഷ നേതാവ് പരിപാടിയില് നിന്ന് വിട്ടുനിന്നതെന്ന് ഐഎന്ടിയുസി ജില്ല പ്രസിഡന്റ് സുന്ദര കുന്നത്തുള്ളി യോഗത്തില് തുറന്നടിച്ചു. -ഇത് ഐ എന്ടിയുസിയുടെ പരിപാടിയാണ്. മറ്റാളുകളെ കോലംകെട്ടി കൊണ്ടിരുത്തേണ്ട വേദിയല്ല. നാട്ടിലെ ഒരുപാടാളുകളെ വേദിയിലിരുത്തി മാലയിട്ടു സ്വീകരിക്കാന് സൗകര്യമില്ല. കോണ്ഗ്രസിന്റെ പരിപാടിയില് ഞങ്ങളൊക്കെ സദസിലാണ് ഇരുന്നത്. ഇവിടെയിരിക്കുന്നത് ചുമട്ടു തൊഴിലാളികളാണ്. ഓട്ടോറിക്ഷക്കാരുടെ പരിപാടി അവര്ക്കു മാത്രമായി നടത്തുന്നതാണ്. ഇതാണു സംഘടനാ രീതി. കോണ്ഗ്രസിന്റെ ഏറ്റവും വലിയ പരിപാടി ഇതേ വേദിയില് നടന്നു. അന്നും തനിക്കും മുന് ഡിസിസി പ്രസിഡന്റ് ജോസ്…
Read More » -
അനുരാഗ് ഠാക്കൂറിന്റെ ആരോപണം പൊളിയുന്നു; വയനാട് പട്ടികയില് ക്രമക്കേടില്ലെന്ന് വോട്ടര്മാര്; ചൗണ്ടേരി എന്നതു വീട്ടുപേരല്ല, സ്ഥലപ്പേര്; വള്ളിയമ്മയും മറിയവും രണ്ടു വീട്ടിലെ വോട്ടര്മാര്
കല്പറ്റ: വയനാട് ലോക്സഭാ മണ്ഡലത്തില് ബിജെപി ഉയര്ത്തിയ വോട്ടര് പട്ടികയിലെ ക്രമക്കേട് ആരോപണം പൊളിയുന്നു. കല്പ്പറ്റ മണ്ഡലത്തിലെ ചൗണ്ടേരി എന്നത് വീട്ടുപേരല്ലന്നും ഇത് സ്ഥലപ്പേരായി ചേര്ക്കുന്നതാണെന്നും വോട്ടര്മാര് പ്രതികരിച്ചു. തിരുവമ്പാടി മണ്ഡലത്തിലും വീട്ടുപേര് ചൂണ്ടിക്കാണിച്ചുള്ള പ്രചാരണം വോട്ടര്മാര് തള്ളി. വയനാട് ലോക്സഭാ മണ്ഡലത്തില് ഉള്പ്പെട്ട കല്പ്പറ്റയില് ഒരേവീട്ടുപേരില് ഹിന്ദുമുസ്ലിം നാമധാരികള്ക്ക് വോട്ടുണ്ടെന്ന ആരോപണമാണ് ബിജെപി നേതാവും മുന് കേന്ദ്രമന്ത്രിയുമായ അനുരാഗ് ഠാക്കൂര് ഉയര്ത്തിയത്. എന്നാല് ഇതിനെ പൂര്ണമായി തള്ളുകയാണ് വോട്ടര്മാര്. ചൗണ്ടേരി എന്നുള്ളത് വരദൂര് ഭാഗത്തെ ഒരു സ്ഥലപ്പേരാണ്. ഹിന്ദു മുസ്ലിം നാമധാരികളായ പലരും ഈ സ്ഥലപ്പേരിലുണ്ട്. വള്ളിയമ്മയും മറിയവും രണ്ടും രണ്ട് വീട്ടിലെ ആളുകളാണെന്ന് മറിയുമ്മ തന്നെ പ്രതികരിച്ചു. തിരുവമ്പാടി മണ്ഡലത്തിലും ഇതേ ആരോപണം പൊളിക്കുന്നതാണ് വോട്ടര്മാരുടെ വാക്കുകള്. വള്ളിക്കട്ടുമ്മല് എന്ന വീട്ടുപേരില് ഷാഹിനയും മാധവനും താമസിക്കുന്നുവെന്ന വാദം ഇവര് തള്ളുന്നു. വള്ളിക്കട്ടുമ്മല് വീട്ടുപേരല്ല സ്ഥലപ്പേരെന്ന് വോട്ടര്മാര്. വര്ഗീയമായി വോട്ടര്മാരെ ചേരിതിരിക്കുന്ന ബിജെപി ആരോപണം കൂടിയാണ് പൊളിഞ്ഞുവീഴുന്നതെന്ന് വയനാട് ജില്ലാ…
Read More » -
സംഘപരിവാരത്തിലെ മറ്റു സംഘടനകളെ പരിഗണിക്കാന് കൂട്ടാക്കിയില്ല ; സംസ്ഥാനനേതൃത്വം കാട്ടിയത് അമിതാവേശം ; കന്യാസ്ത്രീകളുടെ വിഷയത്തില് കോര്കമ്മറ്റിയില് രാജീവ്ചന്ദ്രശേഖര്ക്ക് വിമര്ശനം
കൊച്ചി: ഛത്തീസ്ഗഡിലെ മലയാളി കന്യാസ്ത്രീകളുടെ വിഷയം കൈകാര്യം ചെയ്യുന്നതില് നേതൃത്വം അമിതാവേശം കാണിച്ചെന്ന് ബിജെപി സംസ്ഥാനകമ്മറ്റിയില് രാജീവ് ചന്ദ്രശേഖറിന് വിമര്ശനം. സംഘപരിവാറിലെ മറ്റ് സംഘടനകളെ വിശ്വാസത്തില് എടുക്കാതെ എടുത്തുചാടിയെന്നാണ് ആക്ഷേപം. മറ്റു സംഘടനകളെ കൂടി പരിഗണിച്ച് വേണമായിരുന്നു വിഷയത്തില് ഇടപെടേണ്ടിയിരുന്നതെന്നും കോര്കമ്മറ്റിയില് ഉയര്ന്ന ചര്ച്ചയിലാണ് വിമര്ശനം. സംഭവം കൈകാര്യം ചെയ്തതില് സംസ്ഥാന നേതൃത്വത്തിന് വീഴ്ച പറ്റിയെന്ന് ഒരു ഭാഗം വിമര്ശിച്ചു. യോഗത്തില് ഛത്തീസ്ഗഡിലെ മലയാളി കന്യാസ്ത്രീകളുടെ മോചനം കൈകാര്യം ചെയ്ത രീതിയും അവലോകനം ചെയ്തു. എന്നാല് ഈ വിമര്ശനത്തെ സംസ്ഥാന നേതൃത്വം പ്രതിരോധിക്കുകയും ചെയ്തു. വിഷയത്തില് ഇടപെട്ടത് നേട്ടമായി എന്നാണ് സംസ്ഥാന നേതൃത്വത്തിന്റെ വിശദീകരണം. പരിവാര് സംഘടനകളോട് കാര്യങ്ങള് വിശദീകരിച്ചിട്ടുണ്ട്. അവര്ക്ക് കാര്യങ്ങള് ബോധ്യപ്പെട്ടെന്നും നേതൃത്വം വിശദീകരിച്ചു. ഹിന്ദുസന്യാസിമാരുടെയും സംഘപരിവാര് സംഘടനകളുടെയും എതിര്പ്പ് മറികടന്നാണ് കന്യാസ്ത്രീകളുടെ മോചനത്തില് പ്രധാനമന്ത്രിയുടെ ഓഫീസിന്റെ ഉള്പ്പെടെ ഇടപെടല് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് ഉറപ്പാക്കിയത്. ബിജെപി പുനഃസംഘടന നടന്നതിന് ശേഷമുള്ള ആദ്യ കോര് കമ്മിറ്റി…
Read More » -
കോടികളുടെ സ്വത്തും കോടിക്കണക്കിന് രൂപയും കൈകളിലുണ്ടായിരുന്ന ജയദേവന് റെയില്വേട്രാക്കില് മരിച്ചു കിടന്നു ; പണം എവിടെപോയെന്നും അറിയില്ല, അടുത്തസുഹൃത്ത് ആലപ്പുഴയിലെ സെബാസ്റ്റിയന്
ചേര്ത്തല: മൂന്ന് സ്ത്രീകളുടെ തിരോധാനവുമായി ബന്ധപ്പെട്ട കേസില് പോലീസ് സംശയിക്കുന്ന സെബാസ്റ്റിയന് അടുത്ത സുഹൃത്ത് ജയദേവന്റെ കൊല്ലപ്പെട്ട കേസിലും പോലീസിന്റെ സംശയ നിഴലില്. തിരുനെല്ലൂര് സ്വദേശി ജയദേവന്റെ മരണത്തിന് പിന്നിലും സെബാസ്റ്റിയനെ സംശയിക്കുകയാണ് പോലീസ്. 2008 ഏപ്രില് ഏഴിനാണ് എഫ്സിഐ ഉദ്യോഗസ്ഥനായ ജയദേവന് മരിച്ചത്. ജയദേവനും സെബാസ്റ്റിയനും അടുത്ത സുഹൃത്തുക്കളായിരുന്നെന്ന കണ്ടെത്തലാണ് ഈ ഊഹാപോഹത്തിന് പിന്നില്. റെയില്വേ ട്രാക്കില് ദുരൂഹ സാഹചര്യത്തിലായിരുന്നു ജയദേവന്റെ മൃതദേഹം കണ്ടെത്തിയത്. ജയദേവന്റെ മനസാക്ഷി സൂക്ഷിപ്പുകാരനായിരുന്നു സെബാസ്റ്റിയനെന്ന വെളിപ്പെടുത്തല് ബന്ധു റെജിമോന് നടത്തിയതാണ് പുതിയ സംശയം ഉയരാന് കാരണമായിരിക്കുന്നത്. നിലവില് നാല് സ്ത്രീകളുടെ തിരോധാനവും മരണവും സംബന്ധിച്ചുള്ള കേസുകളില് സെബാസ്റ്റ്യന് പ്രതിസ്ഥാനത്ത് നില്ക്കുമ്പോഴാണ് ജയദേവനെ കൊന്നോയെന്ന സംശയം ഉയരുന്നത്. മരിക്കുമ്പോള് ചിട്ടിനടത്തിയ തുക അടക്കം കോടികള് ജയദേവന്റെ കയ്യില് ഉണ്ടായിരുന്നുവെന്നും കോടികളുടെ ആസ്തിയുണ്ടായിരുന്നുവെന്നും റെജി മോന് പറഞ്ഞു. പണം എങ്ങോട്ട് പോയെന്നതും ദുരൂഹമാണ്. തിരുനെല്ലൂര് ശ്രീ വിശാഖപുരം ക്ഷേത്ര കമ്മിറ്റി ഖജാന്ജിയായിരുന്നു. ക്ഷേത്രത്തിന്റെ പണം ഉള്പ്പടെ കൈകാര്യം…
Read More » -
കോഴിക്ക് തീറ്റ കൊടുക്കാന് പോയപ്പോള് കാലിലെന്തോ… പാമ്പ് കടിയേറ്റ കൊടുങ്ങല്ലൂരിലെ കര്ഷക മരിച്ചു; ജെസ്ന യാത്രയായത് പുരസ്കാരം വാങ്ങാന് കാക്കാതെ
തൃശൂര്: അംഗീകാരത്തിനും അവാര്ഡിനും അനുമോദനങ്ങള്ക്കും കാത്തു നില്ക്കാതെ ജെസ്ന യാത്രയായി. കൊടുങ്ങല്ലൂര് നഗരസഭയിലെ മികച്ച വനിത കര്ഷക അവാര്ഡ് ജേതാവായ ജസ്നക്ക് പക്ഷേ അവാര്ഡ് സ്വീകരിക്കാനുള്ള ഭാഗ്യമുണ്ടായില്ല. വിധി അണലിയുടെ രൂപത്തില് ജീവന് കവരുകയായിരുന്നു. അവാര്ഡ് ദാനത്തിന് ദിവസങ്ങള് മാത്രം ബാക്കി നില്ക്കെയാണ് ജെസ്നയുടെ വിയോഗം. അണലിയുടെ കടിയേറ്റാണ് ഇവര് മരിച്ചത്. ലോകമലേശ്വരം വെസ്റ്റ് കൊടുങ്ങല്ലൂര് പൊടിയന് ബസാറില് കൊല്ലിയില് നിയാസിന്റെ ഭാര്യയും വട്ടപറമ്പില് പരേതനായ അബുവിന്റെ മകളാണ് ജസ്ന. വീടിന്റെ ചുറ്റുപാടും വിവിധ കൃഷികള് ചെയ്തിരുന്നു. കോഴികളെയും വളര്ത്തിയിരുന്നു. ഇത്തവണ മട്ടുപ്പാവില് ചെണ്ടുമല്ലിയും കൃഷി ചെയ്തിരുന്നു. ഏതാനും ദിവസം മുമ്പാണ് ഫീല്ഡ് പരിശോധനകള്ക്ക് ശേഷം കൃഷിഭവന് അധികൃതര് ജസ്നയെ മികച്ച വനിത കര്ഷകയായി തെരഞ്ഞെടുത്തത്. 17ന് അവാര്ഡ് സമ്മാനിക്കാനും തീരുമാനിച്ചു. വിവരം കൈമാറും മുമ്പേ അവര് പാമ്പുകടിയേറ്റ് ഗുരുതരാവസ്ഥയിലേക്ക് മാറിയിരുന്നു. കഴിഞ്ഞ ഞായറാഴ്ച രാവിലെ കോഴികള്ക്ക് തീറ്റ നല്കാനെത്തിയപ്പോഴാണ് ജസ്നയെ പാമ്പുകടിച്ചത്. എറണാകുളം ആസ്റ്റര് മെഡിസിറ്റിയില് ചികിത്സയിലിരിക്കെയായിരുന്നു മരണം. അമ്മയുടെ…
Read More » -
‘വിഭജനഭീതി’ ദിനാചരണം: കാസര്കോട് ഗവ. കോളേജില് എബിവിപി-എസ്എഫ്ഐ സംഘര്ഷം
കാസര്കോട്: ഗവണ്മെന്റ് കോളേജില് സംഘര്ഷാന്തരീക്ഷം. എസ്എഫ്ഐ-എബിവിപി പ്രവര്ത്തകര് തമ്മില് ഉന്തുതള്ളുമുണ്ടായി. വിഭജനഭീതി ദിനാചരണത്തിന്റെ ഭാഗമായി എബിവിപി പ്രവര്ത്തകര് പ്ലക്കാര്ഡുകള് ഉയര്ത്തുകയും പിന്നാലെ എസ്എഫ്ഐ പ്രതിഷേധവുമായി രംഗത്തെത്തുകയുമായിരുന്നു. വന് പോലീസ് വിന്യാസം കോളേജിലുണ്ട്. എബിവിപി പ്രവര്ത്തകര് പതിപ്പിച്ച പോസ്റ്ററുകളും പ്ലക്കാര്ഡുകളും എസ്എഫ്ഐ പ്രവര്ത്തകര് കീറിക്കളഞ്ഞിരുന്നു. എസ്എഫ്ഐ പ്രവര്ത്തകര് ഗവര്ണര് രാജേന്ദ്ര ആര്ലേക്കറുടെ കോലം കത്തിച്ചു. ഓഗസ്റ്റ് 14-ാം തീയതി വിഭജനഭീതി ദിനാചരണം നടത്തണമെന്ന് ഗവര്ണര് രാജേന്ദ്ര ആര്ലേക്കര് കഴിഞ്ഞ ദിവസം സര്ക്കുലര് പുറപ്പെടുവിച്ചിരുന്നു.
Read More » -
അനധികൃത സ്വത്ത് സമ്പാദന കേസ്: എഡിജിപി അജിത് കുമാറിന് തിരിച്ചടി; വിജിലന്സിന്റെ ക്ലീന് ചിറ്റ് റിപ്പോര്ട്ട് കോടതി തള്ളി
തിരുവനന്തപുരം: അനധികൃത സ്വത്തു സമ്പാദനക്കേസില് എഡിജിപി എം.ആര്.അജിത്കുമാറിന് തിരിച്ചടി. എഡിജിപിക്ക് ക്ലീന് ചിറ്റ് നല്കി വിജിലന്സ് സമര്പ്പിച്ച റിപ്പോര്ട്ട് പ്രത്യേക വിജിലന്സ് കോടതി തള്ളി. സര്ക്കാര് നേരത്തേ അംഗീകരിച്ച റിപ്പോര്ട്ടാണ് കോടതി തള്ളിയത്. കേസ് ഡയറിയും അന്വേഷണ റിപ്പോര്ട്ടിന്റെ ഒറിജിനല് പകര്പ്പും അന്വേഷണം സംബന്ധിച്ച സര്ക്കാര് ഉത്തരവിന്റെ പകര്പ്പും സാക്ഷിമൊഴികളും പരിശോധിച്ചതിനു ശേഷമാണ് കോടതിയുടെ നടപടി. വിജിലന്സ് ഡിവൈഎസ്പി: ഷിബു പാപ്പച്ചന്റെ നേതൃത്വത്തിലുള്ള വിജിലന്സ് പ്രത്യേക യൂണിറ്റാണ് അന്വേഷണം നടത്തി റിപ്പോര്ട്ട് സമര്പ്പിച്ചത്. വിജിലന്സ് സമര്പ്പിച്ച ക്ലീന് ചിറ്റ് റിപ്പോര്ട്ട് അംഗീകരിക്കാന് കഴിയില്ലെന്നു പറഞ്ഞ കോടതി ഈ മാസം 30ന് പരാതിക്കാരന്റെ മൊഴി നേരിട്ട് രേഖപ്പെടുത്തും. കോടതിയുടെ നേരിട്ടുള്ള നിയന്ത്രണത്തിലാവും ഇനി തുടര്നടപടികള്. സാക്ഷിമൊഴികളും മറ്റും കോടതി നേരിട്ടാവും രേഖപ്പെടുത്തുക. എഡിജിപിയുടെ കീഴില് ജോലി ചെയ്യുന്ന ഉദ്യോഗസ്ഥര് അന്വേഷണം നടത്തിയതുകൊണ്ടാണ് ക്ലീന് ചിറ്റ് റിപ്പോര്ട്ട് നല്കിയതെന്നായിരുന്നു ഹര്ജിക്കാരന്റെ വാദം. പട്ടം സബ് രജിസ്റ്റാര് ഓഫിസ് പരിധിയിലുള്ള ഭൂമി 33 ലക്ഷം രൂപയ്ക്ക്…
Read More »