Kerala
-
ഭൂട്ടാന് വണ്ടിതട്ടിപ്പ് വാര്ത്താ സമ്മേളനത്തിനിടയ്ക്കൊരു ഫോണ്കോള്; എല്ലാം പൂട്ടിക്കെട്ടി കസ്റ്റംസ് പ്രിവന്റീവ് കമ്മിഷണര് സ്ഥലംവിട്ടു; തട്ടിപ്പ് നടന്മാര്ക്ക് അറിയാമെങ്കില് കേസ് വരും; ആ ഫോണ് സമ്മര്ദ്ദം എത്തിയത് നടന് വഴി?
കൊച്ചി: കേരളത്തിലെ 5 ജില്ലകളിലായി നടത്തിയ റെയ്ഡിനു പിന്നാലെ 36 വാഹനങ്ങള് പിടികൂടിയ ശേഷം കസ്റ്റംസ് അന്വേഷണം പുതിയ തലത്തിലേക്ക്. തട്ടിപ്പിനെ കുറിച്ച് നടന്മാര്ക്ക് അറിയാമായിരുന്നു എന്നാണ് കണ്ടെത്തലെങ്കില് ക്രിമിനല് കേസുകള് ഉള്പ്പെടെ നേരിടേണ്ടി വരും. ഇടനിലക്കാരുടെ തട്ടിപ്പാണ് നടന്നതെങ്കില് നടന്മാര്ക്ക് രക്ഷപ്പെടാം. പക്ഷേ ഇടനിലക്കാരുടെ വിശദാംശങ്ങള് നല്കേണ്ടി വരും. പൃഥ്വിരാജും ഇത്തരമൊരു വാഹനം സ്വന്തമാക്കിയതായി കസ്റ്റംസിന് വിവരമുണ്ടെങ്കിലും കൊച്ചിയിലോ തിരുവനന്തപുരത്തോ ഇത് കണ്ടെത്താന് കഴിഞ്ഞിട്ടില്ല. അതുകൊണ്ടു തന്നെ ഈ വാഹനവും അതുമായി ബന്ധപ്പെട്ട രേഖകളും ഹാജരാക്കാന് പൃഥ്വിരാജിന് നോട്ടീസ് നല്കും. ഉന്നതരുടെ പേരടക്കം വാര്ത്താ സമ്മേളനം വിളിച്ച് കസ്റ്റംസ് പ്രിവന്റീവ് കമ്മിഷണര് ടി.ടിജു പ്രഖ്യാപിച്ചതും ശ്രദ്ധേയമാണ്. ആദ്യമായാണ് ഇത്തരത്തിലൊരു നീക്കം നടന്നത്. ഇതു കൊണ്ടു തന്നെ വസ്തുതകള് കൃത്യമായി പുറത്തെത്തി. അതിനിടെ, ഈ വിവരം പുറത്തു വിട്ട വാര്ത്താ സമ്മേളനത്തില് നാടകീയതകളും ഉണ്ടായി. വാര്ത്താ സമ്മേളനം മുക്കാല്ഭാഗം പൂര്ത്തിയായ സമയം കസ്റ്റംസ് പ്രിവന്റീവ് കമ്മിഷണര് ടി.ടിജുവിന് ഒരു ഫോണ് കോള്…
Read More » -
എന്എസ്എസ് നിലപാട് മരണവാറന്ഡോ? യുഡിഎഫിന് ആശങ്ക, സുകുമാരന് നായരെ കാണാന് കോണ്ഗ്രസ് നേതാക്കള്; അയ്യപ്പസംഗമം നടത്തണമെന്ന സമ്മര്ദവുമായി ഒരു വിഭാഗം
തിരുവനന്തപുരം: ശബരിമലയിലെ സര്ക്കാര് നിലപാടില് ആത്മാര്ത്ഥതയില്ലെന്ന് യുഡിഎഫ്. എല്ഡിഎഫ് രാഷ്ട്രീയ മുതലെടുപ്പിന് ശ്രമിക്കുന്നതായും ആഗോള അയ്യപ്പ സംഗമം ബിജെപിക്ക് അവസരമുണ്ടാക്കിയെന്നും യുഡിഎഫ് വിലയിരുത്തി. ശബരിമലയിലെ നിലപാട് കീഴ്ഘടകങ്ങളില് വിശദീകരിക്കാനാണ് യുഡിഎഫിന്റെ തീരുമാനം. ജില്ലാ യുഡിഎഫ് യോഗങ്ങളില് പ്രതിപക്ഷ നേതാവ് വി ഡി സതീശന് പങ്കെടുക്കും. അതേസമയം, ശബരിമല വിഷയത്തില് എന്എസ്എസ് എല്ഡിഎഫിനൊപ്പമാണെന്ന ജനറല് സെക്രട്ടറി ജി സുകുമാരന് നായരുടെ പ്രസ്താവനയില് യുഡിഎഫിന് ആശങ്കയുണ്ട്. എന്എസ്എസിനെ അനുനയിപ്പിക്കാനാണ് നേതാക്കളുടെ നീക്കം. ശബരിമലയിലെ യുഡിഎഫ് നിലപാട് എന്എസ്എസ് നേതൃത്വത്തെ ബോധ്യപ്പെടുത്തും. എന്എസ്എസ് ജനറല് സെക്രട്ടറിയെ കാണാനാണ് കോണ്ഗ്രസ് നേതാക്കളുടെ തീരുമാനം. ഒരു ദേശീയ ദിനപ്പത്രത്തിന് നല്കിയ അഭിമുഖത്തിലാണ് സുകുമാരന് നായര് തന്റെ നിലപാട് വ്യക്തമാക്കിയത്. അയ്യപ്പ സംഗമം ബഹിഷ്കരിച്ച കോണ്ഗ്രസിനെ വിമര്ശിച്ച സുകുമാരന് നായര് കോണ്ഗ്രസിന് ഹിന്ദു വോട്ട് വേണ്ടെന്നും ശബരിമലയില് ആചാരം സംരക്ഷിക്കാന് കേന്ദ്രം ഒന്നും ചെയ്യുന്നില്ലെന്നും ആരോപിച്ചിരുന്നു. എല്ഡിഎഫ് സര്ക്കാര് ആചാരം സംരക്ഷിക്കാന് നടപടി എടുക്കുകയാണ്. ശബരിമലയിലെ ആചാരം സംരക്ഷിക്കുക എന്നതാണ്…
Read More » -
‘വായ്പയെടുത്ത് തിരിച്ചടയ്ക്കാതെ അനിച്ചേട്ടന്റെ ഭൗതിക ശരീരത്തിനു മുന്നില്വന്ന് കരയാന് ഉളുപ്പില്ലാത്തവരും അവിടെയുണ്ടായിരുന്നു’; തിരുമല അനിലിന്റെ ആത്മഹത്യയില് പോസ്റ്റുമായി ബിജെപി കൗണ്സിലര്; നേതൃത്വം ഇടപെട്ടതോടെ മുക്കി; ബിജെപിയെ വലച്ച് സഹകരണ സംഘം ക്രമക്കേട്
തിരുവനന്തപുരം: ബിജെപി കൗണ്സിലര് തിരുമല അനിലിന്റെ ആത്മഹത്യയെത്തുടര്ന്ന് ആര്എസ്എസ്, ബിജെപി നേതൃത്വത്തിനെതിരെ ഫെയ്സ്ബുക്ക് കുറിപ്പിട്ട് വലിയവിള ഡിവിഷന് കൗണ്സിലറുടെ ഭര്ത്താവ്. നേതൃത്വത്തിന്റെ ശാസനയെത്തിയതോടെ കുറിപ്പ് മുക്കിയ ഇയാള് പിന്നീട് തിരുത്തലുമായും രംഗത്തുവന്നു. വലിയവിള കൗണ്സിലര് പി എസ് ദേവിമയുടെ ഭര്ത്താവ് സുനില്കുമാറാണ് നേതൃത്വത്തിനെതിരെ കുറിപ്പിട്ടത്. ‘വായ്പയെടുത്ത് വര്ഷങ്ങളോളം തിരിച്ചടയ്ക്കാതിരുന്നിട്ട് അനി ചേട്ടന്റെ ഭൗതികശരീരത്തിന് മുന്നില് വന്നുനിന്ന് കരയാന് ഉളുപ്പില്ലാത്തവരും അവിടെയുണ്ടായിരുന്നു’എന്നാണ് സുനില്കുമാര് ഫെയ്സ്ബുക്ക് പേജില് കുറിച്ചത്. ‘കാശിനുവേണ്ടി മനുഷ്യനെ മരണത്തിലേക്ക് തള്ളിവിട്ടവരെ പാര്ടിയും സംഘവും തിരിച്ചറിയണം. സംഘം എന്നുദ്ദേശിച്ചത് കേരളത്തിലെ സംഘത്തിനെയാണ്’ എന്നും കുറിച്ചിരുന്നു. കേരളത്തിലെ സംഘത്തേക്കാള് ഭേദമാണ് വടക്കരായ സംഘികളെന്നും ആദ്യത്തെ പോസ്റ്റില് പരാമര്ശിച്ചിരുന്നു. എന്നാലിത് ചൊവ്വാഴ്ച പിന്വലിച്ചു. തന്റെ വാചകങ്ങളെ വളച്ചൊടിച്ച് മുതലെടുപ്പ് നടത്തുകയാണെന്നും മരണവാര്ത്ത അറിഞ്ഞപ്പോഴുള്ള വികാരത്തിലാണ് കുറിപ്പിട്ടതെന്നുമായി വിശദീകരണം. മണിക്കൂറുകള്ക്കുശേഷം ഈ കുറിപ്പും സമൂഹമാധ്യമത്തില്നിന്ന് നീക്കി. വായ്പയെടുത്തവരുടെ രാഷ്ട്രീയം താന് പറഞ്ഞിട്ടില്ലെന്നും വ്യക്തിപരമായി ഇട്ട പോസ്റ്റിനെ രാഷ്ട്രീയമായി ഉപയോഗിക്കുകയാണെന്നും ചൂണ്ടിക്കാട്ടി വീണ്ടുമൊരു കുറിപ്പിട്ട് തടിതപ്പി. തിരുമല…
Read More » -
ഏകീകൃത സിവില് കോഡ് വരും, ശബരിമല കേന്ദ്രം ഏറ്റെടുക്കും; മോദിക്ക് വ്യക്തമായ കാഴ്ചപ്പാടുണ്ട്: സുരേഷ് ഗോപി
കോട്ടയം: ശബരിമല ക്ഷേത്രം കേന്ദ്രം ഏറ്റെടുക്കുമെന്ന് കേന്ദ്രമന്ത്രി സുരേഷ് ഗോപി. ഏകീകൃത സിവില് കോഡ് വരുന്നതോടെ ശബരിമല പ്രശ്നം തീരും. ശബരിമല വികസനത്തെക്കുറിച്ച് പ്രധാനമന്ത്രി നരേന്ദ്രമോദിക്ക് വ്യക്തമായ കാഴ്ചപ്പാടുണ്ട്. ഫെഡറലിസം മാനിച്ചു കൊണ്ടാണ് പ്രധാനമന്ത്രി ഇപ്പോള് വിഷയത്തില് ഇടപെടാത്തതെന്നും സുരേഷ് ഗോപി പറഞ്ഞു. കോട്ടയത്തെ പാലാ മേവട പുറക്കാട്ട് ദേവീക്ഷേത്രം ആല്ത്തറയില് കലുങ്ക് സംവാദത്തില് സംസാരിക്കുകയായിരുന്നു കേന്ദ്രമന്ത്രി. ഏകീകൃത സിവില് കോഡ് ഉടന്തന്നെ വരുമെന്ന് അമിത് ഷാ പറഞ്ഞിട്ടുണ്ട്. ഇതു വന്നു കഴിഞ്ഞാല് ക്ഷേത്രങ്ങള്ക്കായി പ്രത്യേക ബില്ല് പിന്നാലെ കൊണ്ടുവരും. ക്ഷേത്രങ്ങള്ക്കായി ദേശീയ സംവിധാനവും നിലവില് വരുന്നതാണ്. ഇതോടെ കേന്ദ്രത്തില് ദേവസ്വം വകുപ്പ് വരും. അതിന് കീഴിലാകും ക്ഷേത്രങ്ങള്. അത് വരാന് ആകില്ല എന്ന് ആര്ക്കും പറയാന് സാധിക്കില്ലെന്നും സുരേഷ് ഗോപി പറഞ്ഞു. കേന്ദ്രതലത്തില് ദേവസ്വം ബോര്ഡ് പോലൊരുസംവിധാനം വരുന്നതോടെ എല്ലാ ആരാധനാലയങ്ങളുടെയും പ്രവര്ത്തനം ഒരേ രീതിയിലാകും. കേന്ദ്രമന്ത്രി സുരേഷ് ഗോപി വ്യക്തമാക്കി. എയിംസ് വന്നാല് കേരളത്തിന്റെ തലയിലെഴുത്ത് മാറും. അതിനായി…
Read More » -
ബിജെപിക്ക് ആറ്റുനോറ്റ് കിട്ടിയ മണ്ഡലം കൈവെടിയുമോ? തൃശൂരിൽ സർവത്ര ക്രമക്കേട്!! ബിജെപി അങ്കലാപ്പിൽ, ഇങ്ങനെയാണോ ജയിച്ചത്?
രാഹുൽ ഗാന്ധിയുടെ ഒന്നാം പത്രസമ്മേളനം പോലെ തന്നെ വോട്ട് മോഷണത്തെ സംബന്ധിച്ചുള്ള രണ്ടാം പത്രസമ്മേളനവും രാജ്യവ്യാപകമായി ചർച്ച ചെയ്യപ്പെടുകയാണ്. ഇതോടൊപ്പം കൂട്ടി വായിക്കേണ്ട ഒന്നാണ് തൃശ്ശൂരിൽ 24,472 വോട്ടുകൾ ഡിലീറ്റ് ചെയ്യപ്പെട്ടുവെന്ന വാർത്ത. മാത്രമല്ല അലാൻഡിൽ സംഭവിച്ചതിന് സമാനമായി രാജ്യത്തുടനീളം വോട്ടർ പട്ടികയിൽ നിന്നും വോട്ടർമാരുടെ പേര് നീക്കം ചെയ്യപ്പെട്ടിട്ടുണ്ട് എന്ന പരാതികൾ ഇതിനോടകം ഉയർന്നുകഴിഞ്ഞു. പല വോട്ടർമാരും പോളിംഗ് ബൂത്തിൽ വോട്ട് ചെയ്യാൻ എത്തിയപ്പോൾ മാത്രമാണ് വോട്ടർ പട്ടികയിൽ നിന്നും തങ്ങളുടെ പേര് ഒഴിവാക്കപ്പെട്ടു എന്ന് തിരിച്ചറിഞ്ഞത് സോഷ്യൽ മീഡിയയിലും ക്യാമ്പസുകളിലും രാഹുലിന്റെ വോട്ടുചോരി പോരാട്ടത്തിന് വലിയ പിന്തുണയാണ് ലഭിക്കുന്നത്. ഒരുപക്ഷേ തിരഞ്ഞെടുപ്പ് കമ്മീഷൻ ഒഴികെ മറ്റെല്ലാവർക്കും ഈ വിഷയം അന്വേഷിക്കേണ്ടതിന്റെയും നിജസ്ഥിതി പുറത്തുകൊണ്ടുവരേണ്ടതിന്റെയും ആവശ്യകത ബോധ്യപ്പെട്ടിട്ടുണ്ട്. രാഹുൽ ഗാന്ധിയുടെ ആദ്യ പത്രസമ്മേളനം കഴിഞ്ഞപ്പോൾ തൃശ്ശൂർ ലോക്സഭ മണ്ഡലത്തിൽ സുരേഷ് ഗോപി വിജയിച്ചത് കള്ള വോട്ടുകൾ ചേർത്തതിലൂടെയാണ് എന്ന ആരോപണം ഉന്നയിച്ചവരിൽ പ്രതിപക്ഷ നേതാക്കൾ മുതൽ മുതിർന്ന മാധ്യമപ്രവർത്തകർ വരെ…
Read More » -
മണ്ഡലത്തില് 38 ദിവസങ്ങള്ക്ക് ശേഷം; രാഹുല് മാങ്കൂട്ടത്തില് പാലക്കാടെത്തി, എംഎല്എ ഓഫീസില് കനത്ത സുരക്ഷ
പാലക്കാട്: ലൈംഗികാരോപണങ്ങള്ക്കിടയില് ആദ്യമായി പാലക്കാടെത്തി രാഹുല് മാങ്കൂട്ടത്തില് എംഎല്എ. മുന് മണ്ഡലം പ്രസിഡന്റ് സേവ്യരുടെ വീട്ടിലാണ് രാഹുലെത്തിയത്. 38 ദിവസങ്ങള്ക്ക് ശേഷമാണ് എംഎല്എ മണ്ഡലത്തിലെത്തിയത്. ഇന്ന് രാവിലെ 10.30ന് മാധ്യമങ്ങളെ കാണുമെന്ന് രാഹുല് അറിയിച്ചു. ഇന്ന് പുലര്ച്ചെ രണ്ട് മണിയോട് കൂടിയാണ് അടൂരിലുള്ള വീട്ടില്നിന്ന് രാഹുല് പാലക്കാടേക്ക് തിരിച്ചത്. രാഹുലിന്റെ വരവ് കണക്കിലെടുത്ത് കോണ്ഗ്രസ് പ്രവര്ത്തകര് നേരത്തെ തന്നെ എംഎല്എ ഓഫീസിന് സമീപമെത്തിയിരുന്നു. അതേസമയം രാഹുല് മണ്ഡലത്തിലെത്തിയാല് പ്രതിഷേധമുണ്ടാകുമെന്ന സൂചന കണക്കിലെടുത്ത് എംഎല്എ ഓഫീസില് കനത്ത സുരക്ഷ ഒരുക്കിയിട്ടുണ്ട്.
Read More » -
ബീഹാറിന് പിന്നാലെ കേരളത്തിലും വോട്ട് അധികാര് സമ്മേളനം നടത്താനൊരുങ്ങി രാഹുല്ഗാന്ധി ; സംസ്ഥാനത്തെ പ്രവര്ത്തകര്ക്ക് വലിയ ആവേശം നല്കുമെന്നാണ് നേതൃത്വം കണക്കുകൂട്ടുന്നു
തിരുവനന്തപുരം: തെരഞ്ഞെടുപ്പ് നടക്കാനിരിക്കുന്ന ബീഹാറിന് പിന്നാലെ കേരളത്തിലും വോട്ട് അധികാര് സമ്മേളനം നടത്താനൊരുങ്ങി പ്രതിപക്ഷനേതാവ് രാഹുല്ഗാന്ധി. അടുത്ത മാസം സമ്മേളനം സംഘടിപ്പിക്കാനാണ് ആലോചിക്കുന്നത്. ബീഹാറില് 16 ദിവസങ്ങളിലായി നടത്തിയ വോട്ട് അധികാരയാത്ര ദേശീയ ശ്രദ്ധ പിടിച്ചു പറ്റിയ സാഹചര്യത്തിലാണ് ഇതുമായി ബന്ധപ്പെട്ട പരിപാടികള് മറ്റു സംസ്ഥാന ങ്ങളിലും നടത്താന് എഐസിസി തീരുമാനിച്ചത്. ‘വോട്ട് ചോരി’ വിഷയത്തില് ലോക്സഭാ പ്രതിപക്ഷ നേതാവ് രാഹുല് ഗാന്ധിയെ പങ്കെടുപ്പിച്ചുകൊണ്ട് വോട്ട് അധികാര് സമ്മേളനം നടത്താനൊ രുങ്ങുകയാണ് കെപിസിസി. തെരഞ്ഞെടുപ്പ് പ്രവര്ത്തനങ്ങളില് ക്രമക്കേട് ആരോപിച്ച് രാഹുല്ഗാന്ധി നടത്തിയ വാര് ത്താ സമ്മേളനങ്ങള് പാര്ട്ടിക്ക് വലിയ ഊര്ജ്ജം നല്കിയെന്നാണ് സംസ്ഥാനത്തെ കോണ് ഗ്രസ് വിലയിരുത്തുന്നത്. ആ രാഹുല്ഗാന്ധിയെ തന്നെ പങ്കെടുപ്പിച്ചുകൊണ്ട് സമ്മേളനം നടത്തിയാല് അത് സംസ്ഥാനത്തെ പ്രവര്ത്തകര്ക്ക് വലിയ ആവേശം നല്കുമെന്നാണ് നേതൃത്വം കണക്കുകൂട്ടുന്നത്. രാഹുല് ഗാന്ധിയെയും സോണിയ ഗാന്ധിയെയും പങ്കെടുപ്പിച്ചുകൊണ്ടുള്ള മറ്റു പരിപാടി കളും കെപിസിസി ആലോചിക്കുന്നുണ്ട്. വോട്ട് ചോര്ച്ച വിവാദം തൃശ്ശൂര് ലോക്സഭാ മണ്ഡല ത്തില്…
Read More » -
വാഹനക്കടത്ത് രാജ്യ സുരക്ഷയ്ക്ക് ഭീഷണി; നടന്മാരെ ചോദ്യം ചെയ്യും; യൂസ്ഡ് കാറുകളുടെ ഇറക്കുമതി നിയമ വിരുദ്ധം; പരിവാഹന് വെബ്സൈറ്റിലും കൃത്രിമം; ഇന്ത്യന്, അമേരിക്കന് എംബസികളുടെ വ്യാജ രേഖയുണ്ടാക്കി: കസ്റ്റംസിന്റേത് ഗുരുതര ആരോപണങ്ങള്
കൊച്ചി: ഓപ്പറേഷന് നുംഖൂറിന്റെ ഭാഗമായി 36 വണ്ടികള് പിടിച്ചെടുത്ത് കസ്റ്റംസ്. കഴിഞ്ഞ ആറുമാസമായി അന്വേഷണത്തിലായിരുന്നു. റജിസ്ട്രേഷന് വ്യാജരേഖകള് ഉപയോഗിച്ച് ഇന്ത്യന് ആര്മിയുടെവരെ രേഖകള് വ്യാജമായി നിര്മിച്ചു. പലതിനും ഇന്ഷൂറന്സും ഫിറ്റ്നസും ഇല്ലായിരുന്നു. രണ്ട് വര്ഷമായി തട്ടിപ്പ് നടക്കുന്നെന്നും കസ്റ്റംസ്. സെക്കന്ഡ് ഹാന്ഡ് കാറുകള് ഇറക്കുമതി പറ്റില്ല. പരിവാഹന് വെബ്സൈറ്റിലും വ്യാപക കൃത്രിമം നടന്നെന്നു കസ്റ്റംസ് പറഞ്ഞു. വാഹനക്കടത്ത് രാജ്യസുരക്ഷയ്ക്ക് ഭീഷണിയാണ്. ജിഎസ്ടി ഉള്പ്പെടെ വെട്ടിപ്പ് നടത്തി. ഇന്ത്യന്, അമേരിക്കന് എംബസികളുടെ കൃത്രിമ രേഖയുണ്ടാക്കി. നിയമ വിരുദ്ധമായാണ് വാഹനങ്ങളുടെ വില്പനയെന്നും കസ്റ്റംസ്. ദുല്ഖറും അമിത് ചക്കാലയ്ക്കലും അടക്കമുള്ളവര്ക്ക് സമന്സ് അയയ്ക്കും. നടന്മാരെ വിളിച്ചുവരുത്തി മൊഴിയെടുക്കും. അതേസമയം, കൊച്ചിയിലെ റെയ്ഡില് നടന്മാരായ ദുല്ഖര് സല്മാന്റെയും അമിത് ചക്കാലക്കലിന്റെയും കാറുകള് കസ്റ്റംസ് കസ്റ്റഡിയിലെടുത്തു. മമ്മൂട്ടിയുടെ പനമ്പള്ളിനഗറിലെ വീടിന് സമീപത്തെ ഗാരേജിലും പരിശോധന നടന്നു. പൃഥ്വിരാജിന്റെ തേവരയിലെ വീട്ടില് റെയ്ഡ് നടന്നങ്കിലും വാഹനങ്ങളൊന്നും പിടിച്ചെടുത്തില്ല. ഭൂട്ടാനില് നിന്നും നികുതി വെട്ടിച്ച് കാറുകള് ഇന്ത്യയിലെത്തിച്ചെന്ന വിവരത്തിന്റെ അടിസ്ഥാനത്തിലാണ് ഓപ്പറേഷന്…
Read More » -
മെഡിക്കല് കോളേജുകള് മാത്രം പോര, ചികിത്സിക്കാന് സീനിയര് ഡോക്ടര്മാരും വേണം ; തട്ടിക്കൂട്ട് സംവിധാനമാണെങ്കില് തട്ടിക്കൂട്ട് ഡോക്ടര്മാരും തട്ടിക്കൂട്ട് ചികിത്സയുമേ ജനങ്ങള്ക്ക് കിട്ടു
തിരുവനന്തപുരം: സംസ്ഥാനത്ത് മെഡിക്കല് കോളേജുകള് മാത്രം പോര അവിടെ ചികിത്സി ക്കാന് സീനിയര്ഡോക്ടര്മാരും വേണമെന്ന് ഡോക്ടര് ഹാരീസ് ചിറയ്ക്കല്. തട്ടിക്കൂട്ട് സംവി ധാനങ്ങളാണ് ഉണ്ടാകുന്നതെങ്കില് ഇവിടെ തട്ടിക്കൂട്ട് ഡോക്ടര്മാരാക്കും കൂടുതല് ഉണ്ടാവു കയെന്നും തട്ടിക്കൂട്ട് ചികിത്സയാകും ജനങ്ങള്ക്ക് ലഭിക്കുകയെന്നും ഹാരീസ് ചിറയ്ക്കല് വ്യക്ത മാക്കി. ആരോഗ്യസംവിധാനങ്ങള് മെച്ചപ്പെടാന് ജില്ലാ താലൂക്ക് ആശുപത്രികളാണ് പ്രധാനമായും വേണ്ടതെന്നും സംസ്ഥാനത്തെ പല മെഡിക്കല് കോളജുകളിലും സീനിയര് ഡോക്ടര്മാരി ല്ലെന്നും ഡോ. ഹാരിസ് ചിറക്കല് വ്യക്തമാക്കി. സംസ്ഥാനത്തെ ആശുപത്രികളില് ട്രോമ കെയര് സെന്ററുകള് അടക്കം ശക്തിപ്പെടുത്തേണ്ടതുണ്ടെന്നും പറഞ്ഞു. വിദേശത്ത്നിന്ന് പഠിച്ച് വരുന്ന വിദ്യാര്ത്ഥികളില് പലര്ക്കും നിലവാരം വളരെ മോശമാണെന്നും ഹാരിസ് പറഞ്ഞു. പരിശീലനത്തിന് എത്തുന്ന ഇവര്ക്ക് സ്റ്റിച്ച് ഇടാനോ മരുന്നിന്റെ ഡോസോ ബ്ലഡ് സാംപിള് എടുക്കാനോ അറിയില്ലെന്നാണ് മുതിര്ന്ന ഡോക്ടര്മാര് പറയുന്നതെന്നും ഹാരിസ് കൂട്ടിച്ചേര്ത്തു. പുതിയ മെഡിക്കല് കോളേജ് തുടങ്ങുമ്പോള് അവിടേക്ക് കൃത്യമായ നിയമനം നടത്തണം. നിലവിലെ സംവിധാനങ്ങളില് നിന്നും ഡോക്ടര്മാരെ വലിച്ച് നിയമിക്കുന്നത് ചതിയാണ്. ഈ…
Read More » -
കലയെ ഉള്ക്കാള്ച്ചയോടെയും സ്നേഹത്തോടെയും സ്വീകരിച്ച ബുദ്ധിയുള്ള മലയാള പ്രേക്ഷകര്ക്ക് ; ദാദാസാഹിബ് ഫാല്ക്കേ അവാര്ഡ് സ്വീകരിച്ച് മലയാളനടന് മോഹന്ലാല്
ന്യൂഡല്ഹി: ദാദാ സാഹേബ് ഫാല്കെ അവാര്ഡ് കലയെ ഉള്ക്കാള്ച്ചയോടെയും സ്നേഹത്തോടെയും സ്വീകരിച്ച ബുദ്ധിയുള്ള മലയാള പ്രേക്ഷകര്ക്ക് കൂടി അവാര്ഡ് സമര്പ്പിക്കുന്നതായി നടന് മോഹന്ലാല്. ഈ നിമിഷം തന്റേത് മാത്രമല്ലെന്നും ഇത് മലയാള സിനിമ കുടുംബത്തിന്റേതാകെയാണെന്നും പറഞ്ഞ മോഹന്ലാല് അവാര്ഡ് തന്റെ ഉത്തരവാദിത്തം വര്ധിപ്പിക്കുന്നുവെന്നും പറഞ്ഞു. ഈ അവാര്ഡ് ലഭിക്കുന്ന ഏറ്റവും പ്രായം കുറഞ്ഞ വ്യക്തിയാണ് താനെന്നും കേരളത്തില് നിന്നും ഈ പുരസ്കാരത്തിന് അര്ഹനായ രണ്ടാമത്തെ വ്യക്തിയാണ് താനെന്നും മോഹന്ലാല് പ്രസംഗത്തില് പറഞ്ഞു. ‘മലയാള സിനിമയുടെ പാരമ്പര്യത്തിനും ക്രിയാത്മക തയ്ക്കും ലഭിക്കുന്ന ബഹുമതിയാണിത്. ഏറ്റുവാങ്ങി മലയാളത്തിന്റെ മോഹന്ലാല്. എന്റെ ആത്മാവിന്റെ സ്പന്ദനമാണ് സിനിമയെന്നും പുരസ്കാരം മലയാള സിനിമയ്ക്കാകെ സമര്പ്പിക്കുന്നുവെന്നും മോഹന്ലാല് പറഞ്ഞു. പ്രസംഗം മുഴുവന് ഇംഗ്ലീഷിലായിരുന്നെങ്കിലും എന്റെ ആത്മാവിന്റെ സ്പന്ദനമാണ് സിനിമയെന്ന് അദ്ദേഹം മലയാളത്തില് പറഞ്ഞു. സിനിമാ ആരാധകരൊക്കെ നിറഞ്ഞ കൈയടിയോടെയാണ് ആ വാക്കുകള് സ്വീകരിച്ചത്. പുരസ്കാരം നന്ദിയിലും ഉത്തരവാദിത്ത ത്തിലും തന്നെ കൂടുതല് വേരൂന്നിക്കുന്നുവെന്ന് മോഹന്ലാല് പറഞ്ഞു. ഇത് അഭിമാനത്തിന്റേയും കൃതജ്ഞതയുടേയും…
Read More »