Crime
-
അടുക്കള അലമാരയിലെ മസാലടിന്നില് എംഡിഎംഎ; എത്തിച്ചത് ‘ഓണംവില്പന’യ്ക്ക്, വൈക്കത്ത് യുവാവ് പിടിയില്
കോട്ടയം: വിപണിയില് ലക്ഷങ്ങള് വിലയുള്ള എംഡിഎംഎയുമായി വൈക്കത്ത് യുവാവ് പിടിയില്. വൈക്കപ്രയാര് കൊച്ചുകണിയാംതറയില് വിഷ്ണു വി.ഗോപാല് (32)നെയാണ് ജില്ലാ പോലീസ് മേധാവിയുടെ ലഹരിവിരുദ്ധ സ്ക്വാഡും വൈക്കം പോലീസും ചേര്ന്ന് പിടികൂടിയത്. ഇയാളുടെ പക്കല്നിന്നും 32 ഗ്രാം എംഎഡിഎംഎ കണ്ടെടുത്തു. ജില്ലാ പോലീസ് മേധാവി എ. ഷാഹുല്ഹമീദിന് രഹസ്യവിവരത്തെ തുടര്ന്ന് ബുധനാഴ്ച ഉച്ചകഴിഞ്ഞ് 2.30-ഓടെയാണ് വിഷ്ണുവിനെ പോലീസ് പിടികൂടിയത്. വിഷ്ണുവിന്റെ വീടിന്റെ അടുക്കളയിലെ അലമാരയില് മസാലകള് സൂക്ഷിക്കുന്ന ടിന്നില് ഒളിപ്പിച്ചുവെച്ചനിലയിലാണ് എംഡിഎംഎ കണ്ടെടുത്തത്. ഓണത്തിന് വില്പ്പനയ്ക്കായാണ് ബെംഗളൂരുവില്നിന്ന് ലഹരിവസ്തു കൊണ്ടുവന്നത് എന്ന് ചോദ്യംചെയ്യലില് ഇയാള് പോലീസിനോട് പറഞ്ഞു. ബുധനാഴ്ച പുലര്ച്ചെയാണ് വിഷ്ണു ബെംഗളൂരുവില്നിന്ന് എത്തിയത്. തുടര്ന്ന് ഇയാള് ലഹരിവിരുദ്ധ സ്ക്വാഡിന്റെ നിരീക്ഷണത്തിലായിരുന്നു. പോലീസ് വീട്ടില് നടത്തിയ പരിശോധനയില് ലഹരി തൂക്കിവില്ക്കുന്ന ഡിജിറ്റല് ത്രാസ്, ലഹരി വിറ്റുകിട്ടിയ പണം, കഞ്ചാവ് ചുരുട്ടിവലിക്കുന്നതിനുള്ള പായ്ക്കുചെയ്ത കടലാസ് എന്നിവയും കണ്ടെത്തി. ഐടി മേഖലയുമായി ബന്ധപ്പെട്ട ജോലിക്കായി ആണ് വിഷ്ണു ബെംഗളൂരു യാത്ര നടത്തിയിരുന്നത്. മാസങ്ങള്ക്കുമുമ്പ് അച്ഛന് മരിച്ചതിനെത്തുടര്ന്ന്…
Read More » -
ഭാര്യയെ ഉപേക്ഷിച്ച് കാമുകിക്കൊപ്പം ജീവിക്കണം, സ്വന്തം മരണം ‘കെട്ടിച്ചമച്ച്’ മുങ്ങി; യുവാവ് പിടിയില്
വാഷിങ്ടണ്: സമൂഹമാദ്ധ്യമത്തിലൂടെ പരിചയപ്പെട്ട യുവതിക്കൊപ്പം ജീവിക്കാന് കുടുംബത്തെ ഉപേക്ഷിച്ച് മരണം വ്യാജമാക്കി യൂറോപ്പിലേക്ക് കടന്നു കളഞ്ഞ യുവാവ് പിടിയില്. യുഎസിലെ വിസ്കോണ്സ് സ്വദേശി റയാന് ബോര്ഗ്വാര്ഡിനെയാണ് (40) അധികൃതര് കൈയോടെ പിടികൂടിയത്. അതേസമയം പൊലീസ് അന്വേഷണം വഴിതിരിച്ച് വിട്ടതിനും തടസപ്പെടുത്തിയതിനും പ്രതിക്കെതിരെ കേസെടുത്തിട്ടുണ്ട്. ഉദ്യോഗസ്ഥര് അന്വേഷണത്തിന് വേണ്ടി ചെലവഴിച്ച ഇത്രയും സമയം റയാന് ജയില് വാസം അനുഭവിക്കണം. 89 ദിവസത്തെ ജയില് ശിക്ഷയാണ് ഇയാള്ക്കെതിരെ ചുമത്തിയിരിക്കുന്നത്. റയാന്റെ മരണത്തെക്കുറിച്ച് അന്വേഷിച്ച് സമയം പാഴാക്കിയതിനും ഗ്രീന് ലേക്ക് കൗണ്ടി ഷെരീഫിന്റെ ഓഫീസിനും വിസ്കോണ്സിന് ഡിപ്പാര്ട്ട്മെന്റ് ഓഫ് നാച്ചുറല് റിസോഴ്സസിനും 30,000 ഡോളര് നഷ്ടപരിഹാരം നല്കാനും കോടതി ഉത്തരവിട്ടു. റയാന്റെ പ്രവൃത്തി മുന്കൂട്ടി ആസൂത്രണം ചെയ്തതും സ്വാര്ത്ഥപരവുമാണെന്നും ഇയാളുടെ കുടുംബത്തിന് മാത്രമല്ല അധികൃതര്ക്കും നാശനഷ്ടം വരുത്തിവച്ചെന്നും കോടതി ചൂണ്ടികാണിച്ചു. 2024 ഓഗസ്റ്റ് 12ന് മില്വാക്കിയില് നിന്ന് ഏകദേശം 100 മൈല് വടക്കുപടിഞ്ഞാറായി ഗ്രീന് ലേക്കില് ഒരു കയാക്കിംഗ് യാത്രയ്ക്ക് ശേഷമായിരുന്നു റയാനെ കാണാതായതായി റിപ്പോര്ട്ട്…
Read More » -
ഇന്ത്യയ്ക്കും ഇസ്രയേലിനും ട്രംപിനും എതിര്! ആയുധങ്ങളില് മുദ്രാവാക്യം കൊത്തിവച്ച് അക്രമി; യു.എസില് വെടിയുതിര്ത്തത് ട്രാന്സ് വുമന്
വാഷിംഗ്ടണ്: യുഎസിലെ മിനിയാപോളിസില് രണ്ട് വിദ്യാര്ഥികളെ വെടിവെച്ച് കൊലപ്പെടുത്തിയ സംഭവത്തില് പ്രതിയെക്കുറിച്ചുള്ള കൂടുതല് വിവരങ്ങള് പുറത്ത്. 23 വയസ്സുള്ള റോബിന് വെസ്റ്റ്മാന് എന്ന ട്രാന്സ് വുമന് ആണ് മിനിയാപോളിസിലെ കാത്തലിക്ക് സ്കൂളിലെ വിദ്യാര്ഥികള്ക്ക് നേരേ വെടിയുതിര്ത്തതെന്നാണ് റിപ്പോര്ട്ട്. പ്രാര്ഥനാ ചടങ്ങിനിടെയായിരുന്നു ആക്രമണം. വെടിവെപ്പില് രണ്ട് വിദ്യാര്ഥികള് കൊല്ലപ്പെടുകയും 17 വിദ്യാര്ഥികള്ക്ക് പരിക്കേല്ക്കുകയുംചെയ്തു. ആക്രമണത്തിന് പിന്നാലെ സ്കൂളിന്റെ പാര്ക്കിങ്ങില് ഇയാളെ വെടിയേറ്റ് മരിച്ചനിലയില് കണ്ടെത്തിയതായും പ്രതി ആത്മഹത്യ ചെയ്തതാണെന്നാണ് നിഗമനമെന്നും റിപ്പോര്ട്ടുകളിലുണ്ട്. അതിനിടെ, റോബിന് വെസ്റ്റ്മാന്റെ യൂട്യൂബ് ചാനലില്നിന്ന് ചില സുപ്രധാനവിവരങ്ങളും ലഭ്യമായിട്ടുണ്ട്. തന്റെ കൈവശമുള്ള തോക്കുകളടക്കം പ്രദര്ശിപ്പിച്ചുള്ള വീഡിയോകളാണ് ഇയാള് യൂട്യൂബ് ചാനലില് അപ് ലോഡ് ചെയ്തിരുന്നത്. ഈ തോക്കുകളില് ‘ഡൊണാള്ഡ് ട്രംപിനെ കൊല്ലുക’ എന്നും ‘ഇന്ത്യയ്ക്ക് നേരേ അണുവായുധം പ്രയോഗിക്കുക’ എന്ന് അര്ഥംവരുന്ന ‘ന്യൂക്ക് ഇന്ത്യ’ എന്നും കൊത്തിവെച്ചിരുന്നതായി ഈ വീഡിയോകളില് കാണാം. ‘ഡൊണാള്ഡ് ട്രംപിനെ ഇപ്പോള് കൊല്ലണം’, ‘ഇസ്രയേല് തകരണം’, ‘ഇസ്രയേലിനെ ചാമ്പലാക്കണം’ എന്നീ വാക്കുകളും ഇയാളുടെ തോക്കുകളില്…
Read More » -
കാസര്കോട്ട് ആസിഡ് കുടിച്ച് ദമ്പതിമാരും മകനും മരിച്ചു; മറ്റൊരു മകന് ചികിത്സയില്, കടബാധ്യതയെന്നു നാട്ടുകാര്
കാസര്കോഡ്: കാഞ്ഞങ്ങാടിന് കിഴക്ക് പറക്കളായി ഗ്രാമത്തിലെ കര്ഷകനെയും ഭാര്യയെയും മകനെയും ആസിഡ് ഉള്ളില്ച്ചെന്ന് മരിച്ചനിലയില് കണ്ടെത്തി. ഗോപി(58), ഭാര്യ ഇന്ദിര(54), മകന് രഞ്ജേഷ്(34) എന്നിവരാണ് മരിച്ചത്. മറ്റൊരു മകന് രാകേഷ്(27) ഗുരുതരാവസ്ഥയില് ആസ്പത്രിയില് ചികിത്സയിലാണ്. കടബാധ്യതയെ തുടര്ന്ന് ജീവനൊടുക്കിയതാണെന്നു കരുതുന്നതായി നാട്ടുകാര് പറഞ്ഞു. കഴിഞ്ഞ ദിവസം ഇവര് ബന്ധു വീടുകളില് പോകുകയും ക്ഷേത്ര ദര്ശനം നടത്തുകയും ചെയ്തതായും അയല്വാസികള് പറഞ്ഞു. പുലര്ച്ചെ മൂന്നിന് ഗോപിയുടെ സഹോദരന്റെ ഭാര്യയ്ക്ക് വന്ന ഫോണ് കോളിലാണ് വിവരമറിയുന്നത്. ഫോണ് വിളിച്ചത് രഞ്ജേഷാണെന്ന് കരുതുന്നു. തീരെ വയ്യ ആസ്പത്രിയിലെത്തിക്കണം എന്നു മാത്രമാണ് പറഞ്ഞത്. ബന്ധുക്കളും നാട്ടുകാരും വീട്ടിലെത്തിയപ്പോള് മൂന്നുപേരും മരിച്ചുകിടക്കുന്നതാണ് കണ്ടത്. രാകേഷിനെ ഉടന് പരിയാരത്തെ കണ്ണൂര് ഗവ.മെഡിക്കല് കോളേജിലെത്തിച്ചു. സാമ്പത്തിക ബാധ്യതയാണ് മരണകാരണമെന്ന് ഉറപ്പു പറയാനാകില്ലെന്നും കൂടുതല് വിവരങ്ങള് ലഭ്യമായാലേ ഇക്കാര്യത്തില് വ്യക്തത വരികയുള്ളൂവെന്നും അമ്പലത്തറ ഇന്സ്പെക്ടര് കെ.പി.ഷൈന് പറഞ്ഞു. രഞ്ജേഷും രാകേഷും നേരത്തെ ദുബായിലായിരുന്നു. രണ്ടുവര്ഷം മുന്പ് ഇരുവരും നാട്ടിലേക്ക് തിരിച്ചെത്തി ബിസിനസ് തുടങ്ങി.…
Read More » -
കോട്ടയത്തുനിന്ന് 50 പവന് കവര്ന്ന് ഗുജറാത്തിലേക്ക് കടന്നു; അന്വേഷണത്തിനായി പരിശോധിച്ചത് 1000-ലേറെ നമ്പര്, അഞ്ചംഗസംഘത്തിലെ പ്രധാനി പിടിയില്
കോട്ടയം: മാങ്ങാനത്ത് വില്ലയില് വീട് കുത്തിത്തുറന്ന് 50 പവന് കവര്ന്ന സംഭവത്തില് മുഖ്യപ്രതി പിടിയില്. മധ്യപ്രദേശിലെ ഥാര് ജെംദാ സ്വദേശി ഗുരു സജനെ(41) ആണ് ജില്ലാ പോലീസ് മേധാവി എ. ഷാഹുല് ഹമീദിന്റെ നേതൃത്വത്തിലുള്ള സംഘം അറസ്റ്റുചെയ്തത്. ഗുജറാത്തിലെ മോര്ബിയില്നിന്നാണ് ഇയാളെ പിടികൂടിയത്. കവര്ച്ചാ സംഘത്തിലെ പ്രധാനിയാണ് പിടിയിലായതെന്നാണ് വിവരം. മാങ്ങാനം സ്കൈലൈന് വില്ലയിലെ അമ്പുങ്കയത്ത് അന്നമ്മ തോമസിന്റെ വീട്ടിലെ ഇരുമ്പ് അലമാരയുടെ പൂട്ടുപൊളിച്ച് 36 ലക്ഷം രൂപ വിലവരുന്ന സ്വര്ണാഭരണങ്ങളാണ് മോഷ്ടിച്ചത്. അഞ്ച് പേരാണ് ഇവിടെ കവര്ച്ച നടത്തിയത്. വിരലടയാളവും മൊബൈല് ഫോണും പിന്തുടര്ന്നായിരുന്നു അന്വേഷണം. സംഭവദിവസം രാത്രി വീടിന്റെ ലൊക്കഷനിലെത്തിയ ആയിരത്തിലേറെ മൊബൈല് നമ്പരുകള് ശേഖരിച്ച് പോലീസ് നടത്തിയ അന്വേഷണത്തില് പ്രതിയെക്കുറിച്ചുള്ള സൂചനകള് ലഭിച്ചിരുന്നു. 2016-ല് കര്ണാടകയില് രാമദുര്ഗ സ്റ്റേഷനില് നടന്ന സമാന സ്വഭാവമുള്ള കേസിലെ പ്രതികളെക്കുറിച്ചുള്ള അന്വേഷണത്തിലാണ് പ്രതി ഗുരു സജ്ജനിലേക്ക് അന്വേഷണസംഘമെത്തിയത്. തുടര്ന്ന് സൈബര് സെല്ലിന്റെ സഹായത്തോടെയാണ് ഇയാള് ഗുജറാത്തിലുണ്ടെന്ന് കണ്ടെത്തിയത്. മാങ്ങാനത്തുനിന്ന് ലഭിച്ച വിരലടയാളം,…
Read More » -
ഓട്ടോറിക്ഷാക്കൂലി തര്ക്കം: കളമശേരിയില് കത്തിക്കുത്ത്; യുവാവ് കൊല്ലപ്പെട്ടു, രണ്ടു പേര് പിടിയില്
കൊച്ചി: കളമശ്ശേരിയില് കത്തിക്കുത്തില് യുവാവ് കൊല്ലപ്പെട്ടു. കളമശ്ശേരി സുന്ദരഗിരിക്കു സമീപം ഇന്നലെ രാത്രി പതിനൊന്നരയ്ക്കാണ് ആക്രമണം ഉണ്ടായത്. ഞാറയ്ക്കല് നികത്തിത്തറ വീട്ടില് വിനോദിന്റെ മകന് വിവേക് (25) ആണ് കൊല്ലപ്പെട്ടത്. സാമ്പത്തിക തര്ക്കമാണ് കാരണം. ആക്രമണം നടത്തിയ രണ്ടുപേരും പിടിയിലായിട്ടുണ്ട്. തോപ്പുംപടി സ്വദേശികളായ സനോജും പ്രസാദുമാണ് പിടിയിലായത്. മൂവരും കളമശേരിയില് വാടകയ്ക്കു താമസിക്കുന്നവരാണ്. ഓട്ടോറിക്ഷാക്കൂലി കൊടുക്കാത്തതിലുള്ള തര്ക്കമാണ് ആക്രമണത്തിനു കാരണമെന്നു പറയുന്നു. ഇന്നലെ വൈകിട്ട് 2 പേര് വിവേകിന്റെ വീട്ടിലേക്ക് എത്തുകയും പണമിടപാടുമായി ബന്ധപ്പെട്ട കാര്യങ്ങള് സംസാരിച്ച് തിരികെ പോയിരുന്നു. പിന്നീട് രാത്രി പതിനൊന്നരയോടെ ഇവര് വീട്ടിലെത്തി വിവേകിനെ വിളിച്ചിറക്കി സംസാരിച്ചു. അതിനിടെയാണ് കൂട്ടത്തിലൊരാള് കത്തിയെടുത്ത് കുത്തുകയായിരുന്നു. യുവാവിന്റെ നെഞ്ചിലാണ് കുത്തേറ്റത്. രണ്ട് പേര് ഉടനെ ഓടിരക്ഷപ്പെടുകയും ചെയ്തു. നിലവിളി കേട്ടെത്തിയ മാതാപിതാക്കളാണ് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. കളമശ്ശേരി മെഡിക്കല് കോളേജില് ചികിത്സയിലിരിക്കേ പുലര്ച്ചെ ഒരു മണിയോടെയാണ് വിവേക് മരിച്ചത്.
Read More » -
നിക്കിയുടെ കുടുംബം തന്നെ സ്ത്രീധനത്തിന് വേണ്ടി പീഡിപ്പിച്ചിരുന്നെന്ന് നാത്തൂന്റെ വെളിപ്പെടുത്തല് ; ഗ്രേറ്റര് നോയിഡയില് യുവതിയെ തീകൊളുത്തി കൊന്ന സ്ത്രീധനപീഡനക്കേസില് പുതിയ ട്വിസ്റ്റ്
ലക്നൗ: ഗ്രേറ്റര് നോയിഡയിലെ സ്ത്രീധന മരണക്കേസില് പുതിയ ട്വിസ്റ്റ് സൃഷ്ടിച്ചുകൊണ്ട് കൊല്ലപ്പെട്ട യുവതിയുടെ കുടുംബത്തിനെതിരെയും ഗുരുതര ആരോപണങ്ങള്. നിക്കിയുടെ സഹോദരന്റെ ഭാര്യയാണ് ഇപ്പോള് നിക്കിയുടെ കുടുംബത്തിനെതിരേ ആരോപണം ഉന്നയിച്ചിരിക്കുന്നത്. തനിക്കെതിരേ നിക്കിയുടെ മാതാപിതാക്കളും ഭര്ത്താവും സ്ത്രീധനപീഡനം നടത്തിയിരുന്നതായിട്ടാണ് ആരോപണം. നിക്കിയുടെ സഹോദരന് രോഹിത്തിന്റെ ഭാര്യയാണ് മീനാക്ഷി. നിക്കിയുടെ അച്ഛനും സഹോദരനും തന്നോട് സ്ത്രീധന പീഡനം നടത്താറുണ്ടെന്ന് അവര് ആരോപണം ഉന്നയിച്ചു. 2016-ല് രോഹിത്തിനെ വിവാഹം കഴിച്ച മീനാക്ഷി, നിക്കിയുടെ കുടുംബം തന്നെ സ്ത്രീധന ത്തിന്റെ പേരില് ഉപദ്രവിച്ചിരുന്നുവെന്ന് ആരോപിച്ചു. തന്റെ വിവാഹ സമയത്ത് അച്ഛന് ഒരു മാരുതി സുസുക്കി സിയാസ് കാറും 31 പവന് സ്വര്ണ്ണവും നല്കിയിരുന്നു വെങ്കിലും, നിക്കി യുടെ കുടുംബം ഒരു സ്കോര്പിയോ എസ്.യു.വി ആവശ്യപ്പെട്ടിരുന്നുവെന്ന് മീനാക്ഷി പറഞ്ഞു. മീനാക്ഷിയുടെ വാക്കുകള് അനുസരിച്ച്, നിക്കിയും അവളുടെ സഹോദരി കാഞ്ചനും തന്നെ നിരന്തരം പീഡിപ്പിച്ചിരുന്നു. ‘നിക്കിയും കാഞ്ചനും എന്നെ അടിക്കാറുണ്ടായിരുന്നെന്നും മീനാക്ഷി പറഞ്ഞു. കൂടാതെ, ഭര്തൃമാതാവും നിക്കിയുടെ പിതാവ് ഭിഖാരി…
Read More » -
റേപ്പ് കേസില് റാപ്പര്ക്ക് മുന്കൂര് ജാമ്യം; 9ന് വേടന് അന്വേഷണ ഉദ്യോഗസ്ഥന് മുന്പാകെ ഹാജരാകണം
കൊച്ചി: വിവാഹ വാഗ്ദാനം നല്കി ലൈംഗികമായി ചൂഷണം ചെയ്തെന്ന കേസില് റാപ്പര് വേടന് എന്ന ഹിരണ്ദാസ് മുരളിക്ക് മുന്കൂര് ജാമ്യം. വ്യവസ്ഥകളോടെയാണ് വേടന് ഹൈക്കോടതി മുന്കൂര് ജാമ്യം അനുവദിച്ചത്. കേസില് സെപ്റ്റംബര് 9ന് അന്വേഷണ ഉദ്യോഗസ്ഥന് മുന്പാകെ ഹാജരാകണമെന്ന് ഹൈക്കോടതി നിര്ദേശിച്ചു. ജസ്റ്റിസ് ബെച്ചു കുര്യന് തോമസാണ് ഹര്ജി പരിഗണിച്ചത്. വിവാഹ വാഗ്ദാനം നല്കി ബലാത്സംഗം ചെയ്തെന്നായിരുന്നു പരാതി. തൃക്കാക്കര പൊലീസാണ് കേസെടുത്തത്. കേസെടുത്തതു മുതല് ഒളിവിലാണ് വേടന്. അന്തിമ ഉത്തരവ് വരും വരെ വേടനെ അറസ്റ്റ് ചെയ്യരുതെന്ന് കോടതി പൊലീസിനോട് കഴിഞ്ഞ ദിവസം നിര്ദേശിച്ചിരുന്നു. ഉഭയകക്ഷി സമ്മതപ്രകാരമുളള ബന്ധമാണുണ്ടായതെന്നും അഭിപ്രായ വ്യത്യാസങ്ങള് ഉണ്ടായപ്പോള് ആ ബന്ധത്തെ ബലാത്സംഗമെന്ന് വ്യാഖ്യാനിക്കുകയായിരുന്നുവെന്നുമാണ് വേടന് കോടതിയില് വാദിച്ചത്. ബന്ധത്തിന്റെ തുടക്കത്തില് യുവതിയെ വിവാഹം ചെയ്യാന് ഉദ്ദേശിച്ചിരുന്നു, പിന്നീട് ബന്ധം വഷളാവുകയായിരുന്നുവെന്നും വേടന്റെ അഭിഭാഷകന് കോടതിയില് വാദിച്ചു. അതുകൊണ്ടു തന്നെ അവര്ക്കിടയില് നടന്ന ലൈംഗിക ബന്ധം ബലാത്സംഗമാകുമോ എന്നായിരുന്നു പ്രതിഭാഗത്തിന്റെ ചോദ്യം. വിഷാദത്തിലായതിനാലാണ് പരാതി നല്കാന്…
Read More » -
ചാരപ്പണിയുടെ ആഴമേറുന്നു; സിആര്പിഎഫ് ജവാനു പിന്നാലെ 14 സൈനിക, അര്ധ സൈനിക ഉദ്യോഗസ്ഥരും പാകിസ്താന്റെ വലയില് വീണു; വിവരങ്ങള് കൈമാറിയത് തുച്ഛമായ തുകയ്ക്ക്; തുമ്പായി സാങ്കേതിക വിദഗ്ധര് നല്കിയ വിവരങ്ങള്
ന്യൂഡല്ഹി: സിആര്പിഎഫ് അസിസ്റ്റന്റ് സബ് ഇന്സ്പെക്ടര് മോത്തിറാം ജാട്ടിനു പുറമേ പതിനഞ്ചോളം സൈനിക ഉദ്യോഗസ്ഥര് പാകിസ്താനുവേണ്ടി ചാരപ്പണിയെടുത്തെന്നു കണ്ടെത്തല്. ഇന്ത്യന് ആര്മി, പാരാമിലിട്ടറി, സര്ക്കാര് ഉദ്യോഗസ്ഥര് എന്നിവരെ പാക് ഇന്റലിജന്സ് ഉദേ്യാഗസ്ഥര് സ്വാധീനിച്ചെന്നാണു കണ്ടെത്തല്. കഴിഞ്ഞ മേയ് 27ന് ആണ ജാട്ട് അറസ്റ്റിലായത്. 2023 മുതല് ഇയാള് പാകിസ്താന് ഇന്റലിജന്സിനു വിവരങ്ങള് ചോര്ത്തി നല്കി. സാങ്കേതിക വിദഗ്ധരുടെ സഹായത്തോടെ നടത്തിയ അന്വേഷണത്തില് കൂടുതല് ഉദ്യോഗസ്ഥര് കണ്ണികളാണെന്നു കണ്ടെത്തിയെന്നു ഉയര്ന്ന ഉദ്യോഗസ്ഥര് പറഞ്ഞു. സലിം അഹമ്മദ് എന്നു പേരുള്ള പാക് ഉദ്യോഗസ്ഥരുമായാണ് ഇവര് ആശയവിനിമയം നടത്തിയതെന്നും പറയുന്നു. കോള് വിവരങ്ങള്, കമ്പ്യൂട്ടറുകളുടെ ഐപി വിലാസങ്ങള് എന്നിവ പരിശോധിച്ചാണ് കൂടുതല് പേരിലേക്ക് അന്വേഷണം എത്തിയത്. നാലുപേര് പാരാമിലിട്ടറി ഉദ്യോഗസ്ഥരാണ്. മറ്റുള്ളവര് സൈന്യമടക്കം വിവിധ മേഖലകളിലുള്ളവരാണ്. കൊല്ക്കത്ത സ്വദേശിയായ വ്യക്തിയാണ് പാകിസ്താന് ഇന്റലിജന്സ് ഉദ്യോഗസ്ഥനുമായി സംസാരിക്കാനുള്ള സിം ആക്ടിവേറ്റ് ചെയ്തുകൊടുത്തത്. ഈ സിം കാര്ഡ് ഉപയോഗിച്ചാണ് ജാട്ട് ആശയവിനിമയം നടത്തിയത്. പാക് വനിതയെ വിവാഹം കഴിച്ച…
Read More » -
ഐടി ജീവനക്കാരനെ തട്ടിക്കൊണ്ടു പോയി മര്ദിച്ച കേസില് നടി ലക്ഷ്മി മേനോനെ ചോദ്യം ചെയ്യും; നടു റോഡില് കാര് തടഞ്ഞു നടത്തിയ പരാക്രമത്തിന്റെ വീഡിയോ ദൃശങ്ങളില് നടിയും; ഒളിവിലെന്നു സൂചന; പോലീസ് തെരച്ചില് തുടങ്ങി
കൊച്ചി: ഐടി ജീവനക്കാരനെ തട്ടിക്കൊണ്ടുപോയി മര്ദിച്ച കേസില് നടി ലക്ഷ്മി മേനോനെ പൊലീസ് ചോദ്യം ചെയ്യും. ബാറിലുണ്ടായ തര്ക്കത്തെ തുടര്ന്നാണ് ഐടി ജീവനക്കാരനെ തട്ടിക്കൊണ്ടുപോയതെന്നാണ് പരാതി. തട്ടിക്കൊണ്ടു പോയ സംഘത്തില് ലക്ഷ്മിയും ഉണ്ടായിരുന്നുവെന്ന മൊഴിയുടെ അടിസ്ഥാനത്തിലാണ് ചോദ്യം ചെയ്യല്. നടിക്കൊപ്പമുണ്ടായിരുന്ന മിഥുന്, അനീഷ്, സോനമോള് എന്നിവരെ പൊലീസ് അറസ്റ്റ് ചെയ്തിട്ടുണ്ട്. തൃപ്പൂണിത്തുറ സ്വദേശിയായ ലക്ഷ്മി 2011 ല് വിനയന് ചിത്രം രഘുവിന്റെ സ്വന്തം റസിയയിലൂടെയാണ് സിനിമയില് അരങ്ങേറ്റം കുറിച്ചത്. പിന്നാലെ കുംകിയില് വിക്രം പ്രഭുവിന്റെ നായികയായി. സുന്ദരപാണ്ഡ്യനിലടക്കം തമിഴില് ശ്രദ്ധേയമായ ചിത്രങ്ങളും അവര് ചെയ്തിട്ടുണ്ട്. സംഭവത്തില് ലക്ഷ്മി മേനോന് ഉള്പ്പെട്ടതിന്റെ വീഡിയോ തെളിവുകളടക്കം പോലീസിന് ലഭിച്ചിട്ടുണ്ട്. നടുറോഡില് കാര് തടഞ്ഞ് നടിയും സംഘവും പരാക്രമം കാട്ടിയതിന്റെ ദൃശ്യങ്ങളാണ് പുറത്തുവന്നിരിക്കുന്നത്. ഇതിനുപിന്നാലെയാണ് കാറില്നിന്ന് യുവാവിനെ വലിച്ചിറക്കി മറ്റൊരുവാഹനത്തില് തട്ടിക്കൊണ്ടുപോയത്. ഓഗസ്റ്റ് 24-ന് രാത്രിയായിരുന്നു സംഭവം. എറണാകുളം നോര്ത്ത് പാലത്തില്വെച്ച് ഐടി ജീവനക്കാരനായ യുവാവിനെ തട്ടിക്കൊണ്ടുപോയി മര്ദിച്ച കേസില് മൂന്നുപേരെയാണ് പോലീസ് പിടികൂടിയിട്ടുള്ളത്. മിഥുന്,…
Read More »