Crime
-
ഇന്ത്യന്‍ കുബേരന്റെ മകള്‍ ഉഗാണ്ടയില്‍ ‘കള്ളത്തടവില്‍’! പരാതിയുമായി കുടുംബം
ന്യൂയോര്‍ക്ക്: ഇന്ത്യന്‍ വംശജനായ ശതകോടീശ്വരന്‍ പങ്കജ് ഓസ്വാളിന്റെ മകള്‍ വസുന്ധരയെ (26) അനധികൃതമായി ഉഗാണ്ടയില്‍ തടവിലിട്ടിരിക്കുകയാണെന്നു പരാതി. പങ്കജ് ഓസ്വാളാണ് ഐക്യരാഷ്ട്ര സംഘടനയ്ക്ക് അപ്പീല്‍ നല്‍കിയത്. ലോ എന്‍ഫോഴ്‌സ്‌മെന്റുകാര്‍ എന്നവകാശപ്പെട്ട് 20 ആയുധധാരികളാണു വസുന്ധരയെയും മറ്റു ചില ജീവനക്കാരെയും യുഗാണ്ടയിലുള്ള ഓസ്വാള്‍ കുടുംബത്തിന്റെ സ്പിരിറ്റ് ഫാക്ടറിയില്‍ നിന്നു പിടിച്ചുകൊണ്ടു പോയത്. ഒക്ടോബര്‍ 1 മുതല്‍ വസുന്ധര തടവിലാണ്. ഓസ്വാള്‍ കുടുംബത്തിനു കീഴിലെ ബിസിനസ് സംരംഭങ്ങളിലൊന്നില്‍ ജീവനക്കാരനായ മുകേഷ് മെനാരിയയെ കൊലപ്പെടുത്താന്‍ ശ്രമിച്ചെന്ന കേസിലാണ് അറസ്റ്റ്. എന്നാല്‍ മെനാരിയ ടാന്‍സാനിയയില്‍ ജീവനോടെയുണ്ടെന്നും തങ്ങള്‍ക്കനുകൂലമായി മൊഴി നല്‍കിയിട്ടുണ്ടെന്നും ഓസ്വാള്‍ കുടുംബം പറയുന്നു. പങ്കജ് ഉഗാണ്ടന്‍ പ്രസിഡന്റിന് പരാതി നല്‍കിയിട്ടുണ്ട്. വൃത്തിഹീനമായ ചുറ്റുപാടിലാണ് വസുന്ധരയെന്ന് ഓസ്വാള്‍ കുടുംബം ആരോപിച്ചു. ഓസ്‌ട്രേലിയയിലും സ്വിറ്റ്‌സര്‍ലന്‍ഡിലുമായി തട്ടകമുറപ്പിച്ചിട്ടുള്ള പങ്കജ് ഓസ്വാള്‍ ലോകത്തെ ഏറ്റവും വലിയ അമോണിയ ഉത്പാദന കമ്പനികളിലൊന്നിന്റെ സ്ഥാപകനാണ്.
Read More » -
ആഡംബര ജീവിതം നയിക്കണം; ബന്ധുക്കളുടേയും സുഹൃത്തുക്കളുടെയും വീടുകളില്‍ മോഷണം നടത്തിയ യുവതി പിടിയില്‍
കൊല്ലം: ചിതറയില്‍ ബന്ധുക്കളുടേയും സുഹൃത്തുക്കളുടെയും വീടുകളില്‍ മോഷണം നടത്തിയ യുവതി പിടിയില്‍. ഭജനമഠം സ്വദേശി മുബീനയാണ് പിടിയിലായത്. 17 പവന്‍ സ്വര്‍ണമാണ് പ്രതി മോഷ്ടിച്ചത്. രണ്ടിടങ്ങളില്‍ മോഷണം നടത്തിയ മുബീനയെ കുടുക്കിയത് ഈ ദൃശ്യങ്ങള്‍ ആണ്. സെപ്തംബര്‍ 30ന് കിഴിനിലയിലെ ബന്ധുവിന്റെ വീട്ടില്‍ മോഷണം നടത്തി മടങ്ങി പോകുന്ന ദൃശ്യങ്ങള്‍ ആണിത്. തെളിവുകള്‍ നിരത്തിയുള്ള പൊലീസിന്റെ ചോദ്യം ചെയ്യലില്‍ പ്രതി കുറ്റം സമ്മതിച്ചു. സമാനമായ രീതിയില്‍ സുഹൃത്തിന്റെ വീട്ടിലും മുബീന മോഷണം നടത്തി. ജനുവരിയില്‍ ചിതറ സ്വദേശിനി അമാനിയുടെ വീട്ടില്‍ നിന്ന് ഏഴ് പവന്‍ സ്വര്‍ണാഭരണങ്ങളാണ് കവര്‍ന്നത്. മോഷ്ടിച്ച സ്വര്‍ണാഭരണങ്ങള്‍ സ്വര്‍ണക്കടയില്‍ വിറ്റതിന്റെ വിവരങ്ങളും പോലീസിന് ലഭിച്ചു. ആഡംബര ജീവിതം നയിക്കാനാണ് മോഷണം നടത്തിയതെന്നാണ് മുബീനയുടെ മൊഴി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Read More » -
നവാസ് ഓടിയെത്തിയത് സഹോദരനെ അക്രമിച്ചതറിഞ്ഞ്, കുത്തേറ്റത് കഴുത്തിന് പിറകില്‍; നാലുപേര്‍ പിടിയില്‍
കൊല്ലം: കൊട്ടിയം വെളിച്ചിക്കാലയില്‍ യുവാവിനെ കുത്തിക്കൊന്ന പ്രതികള്‍ പിടിയില്‍. വെളിച്ചക്കാല ശാന്തിപുരം സ്വദേശി സദ്ദാം അടക്കം നാലു പ്രതികളാണ് പിടിയിലായത്. കണ്ണനല്ലൂര്‍ മുട്ടയ്ക്കാവ് ചാത്തന്റഴികത്തു വീട്ടില്‍ നവാസാ(35)ണ് കഴിഞ്ഞ ദിവസം രാത്രി കൊല്ലപ്പെട്ടത്. അന്‍സാരി, നൂറുദ്ദീന്‍, സദ്ദാം അടക്കം നാലുപേരാണ് പിടിയിലായത്. നാലുപേര്‍ ചേര്‍ന്ന് നവാസിനെ കുത്തിക്കൊലപ്പെടുത്തുകയായിരുന്നുവെന്നാണ് എഫ്.ഐ.ആറില്‍ പറയുന്നത്. ഇതില്‍ ഒന്നാം പ്രതി സദ്ദാം ആണ്. ഇയാള്‍ കത്തി ഉപയോഗിച്ച് നവാസിന്റെ കഴുത്തിന്റെ പിന്‍ഭാഗത്ത് കുത്തിയത്. കൊല്ലത്തെ വിവിധയിടങ്ങളില്‍ നിന്നാണ് പ്രതികളെ പിടികൂടിയത്. നവാസിന്റെ സഹോദരന്‍ കഴിഞ്ഞ ദിവസം തന്നെ പ്രതികളെക്കുറിച്ച് പോലീസിന് മൊഴി നല്‍കിയിരുന്നു. ഇതിന്റെ അടിസ്ഥാനത്തഇല്‍ പ്രതികളുടെ മൊബൈല്‍ ഫോണ്‍ ലൊക്കേഷന്‍ കേന്ദ്രീകരിച്ച് നടത്തിയ അന്വേഷണത്തിലായിരുന്നു പ്രതികളെ പിടികൂടിയത്. ഇവരെ സംഭവസ്ഥലത്ത് എത്തിച്ച് തെളിവെടുപ്പ് നടത്തും. നവാസിന്റെ സഹോദരന്‍ നബീലും സുഹൃത്ത് അനസും മുട്ടയ്ക്കാവിലെ ഓട്ടോ ഡ്രൈവറായ മറ്റൊരു സുഹൃത്തിന്റെ വീടിന്റെ ഗൃഹപ്രവേശനച്ചടങ്ങില്‍ പങ്കെടുത്തശേഷം മടങ്ങിവരുമ്പോള്‍ ഒരുസംഘം വഴിയില്‍ തടഞ്ഞുനിര്‍ത്തി അക്രമിച്ചിരുന്നു. ഇതുസംബന്ധിച്ച് രാത്രിതന്നെ ഇവര്‍ കണ്ണനല്ലൂര്‍…
Read More » -
8 കോടിക്കു വേണ്ടി ഭര്‍ത്താവിനെ ക്രൂരമായി കൊലപ്പെടുത്തി: 800 കിലോമീറ്റര്‍ അകലെ എത്തിച്ച് മൃതദേഹം കത്തിച്ചു, ഭാര്യയും കാമുകനും സഹായിയും അറസ്റ്റിൽ
കുടക് സുണ്ടിക്കുപ്പയിലെ കാപ്പിത്തോട്ടത്തിൽ നിന്നും പകുതി കത്തിയ നിലയിൽ തെലങ്കാനയിലെ വ്യവസായിയായ രമേഷ്കുമാറിൻ്റെ മൃതദേഹം കണ്ടെത്തിയത് ഒക്ടോബര്‍ 8നാണ്. കൊലപ്പെടുത്തിയ ശേഷം രമേഷ്കുമാറിനെ പെട്രോൾ ഒഴിച്ചു കത്തിച്ചതാണെന് പൊലീസ് സ്ഥിരീകരിച്ചു. മൃതദേഹം കത്തിക്കരിഞ്ഞ നിലയിലായതിനാലും കൊലപാതകത്തിന്റെ ഒരു തെളിവും സംഭവസ്ഥലത്ത് ഇല്ലാത്തതിനാലും പ്രതികളെ കണ്ടെത്തുകയെന്നത് കുടക് പൊലീസിന് ഏറെ ദുഷ്‌കരമായിരുന്നു. 500ലധികം സിസിടിവി ദൃശ്യങ്ങള്‍ പരിശോധിച്ചതിനിടെ ഒരു റെഡ് ബെന്‍സ് കാര്‍ കണ്ടെത്തിയതാണ് അന്വേഷണത്തില്‍ നിര്‍ണായകമായത്. മൂന്നാഴ്ചകള്‍ക്ക് മുന്‍പാണ് തെലങ്കാന വ്യവസായിയായ രമേഷിനെ കാണാതാവുന്നത്. തുടര്‍ന്ന് ഭര്‍ത്താവിനെ കാണാനില്ലെന്ന് കാണിച്ച് നിഹാരിക പൊലീസില്‍ പരാതി നല്‍കുകയും ചെയ്തിരുന്നു. അതിനിടെയാണ് കുടകിലെ കാപ്പിത്തോട്ടത്തില്‍ നിന്ന് കത്തിക്കരിഞ്ഞ അജ്ഞാത മൃതദേഹം പൊലീസ് കണ്ടെത്തിയത്. മൃതേദേഹം തിരിച്ചറിയാനുള്ള ശ്രമം പരാജയപ്പെട്ടതോടെ പൊലിസ് അതുവഴി കടന്നുപോയ വാഹനങ്ങള്‍ പരിശോധിക്കാന്‍ തുടങ്ങി. അതിനിടെ ഒരു ചുവന്ന മെഴ്സിഡസ് ബെന്‍സ് അവരുടെ ശ്രദ്ധയില്‍പ്പെട്ടു. തുടര്‍ന്ന് നടത്തിയ അന്വേഷണത്തില്‍ ഈ കാര്‍ രമേഷ് എന്നയാളുടെ പേരിലാണ് രജിസ്റ്റര്‍ ചെയ്തതെന്ന്…
Read More » -
മണര്‍കാട്ട് വീട്ടമ്മയെ ഷെഡില്‍ മരിച്ചനിലയില്‍ കണ്ടെത്തി; മകന്റെ വിവാഹം അടുത്ത മാസം
കോട്ടയം: വിജനമായ കൃഷിയിടത്തിലെ ഷെഡില്‍ വീട്ടമ്മയെ തൂങ്ങിമരിച്ച നിലയില്‍ കണ്ടെത്തിയതില്‍ പൊലീസ് അന്വേഷണം. സാമ്പത്തിക ബാധ്യതയെ തുടര്‍ന്ന് ജീവനൊടുക്കിയതാണെന്നാണ് നിഗമനം. മണര്‍കാട് കുറ്റിയേക്കുന്ന് ഉമ്പക്കാട്ട് വി.ബിന്ദുവിനെയാണ് (44) മൂലേപ്പീടികയില്‍ ഭര്‍തൃസഹോദരന്റെ വാടകവീടിനു സമീപം മരിച്ച നിലയില്‍ കണ്ടെത്തിയത്. മകന്റെ വിവാഹം അടുത്ത മാസം മൂന്നിനു നടക്കാനിരിക്കെയാണ് സംഭവം. പൊലീസ് പറയുന്നത് ഇങ്ങനെ: വെള്ളിയാഴ്ച വൈകിട്ട്, മൂലേപ്പീടികയില്‍ താമസിക്കുന്ന ഭര്‍തൃസഹോദരന്റെ വീട്ടില്‍ ഭര്‍ത്താവ് കെ.പി.പ്രമോദിനൊപ്പം ബിന്ദു എത്തിയിരുന്നു. തുടര്‍ന്ന് വൈകിട്ട് 5ന് വീടിനു പുറത്തേക്കു പോയ ബിന്ദുവിനെ കാണാതാവുകയിരുന്നു. ഏറെ വൈകിയിട്ടും കാണാതെ വന്നതോടെ പൊലീസില്‍ അറിയിച്ചു. മണര്‍കാട് പൊലീസ് കേസെടുത്ത് അന്വേഷണം ആരംഭിച്ചു. തുടര്‍ന്ന് ഇന്നലെ രാവിലെയാണു ഭര്‍തൃസഹോദരന്റെ വീട്ടില്‍ നിന്ന് 200 മീറ്റര്‍ അകലെയുള്ള കൃഷിത്തോട്ടത്തിലെ പണിയായുധങ്ങള്‍ സൂക്ഷിക്കുന്ന ഷെഡ്ഡില്‍ ജീവനൊടുക്കിയ നിലയില്‍ കണ്ടെത്തിയത്. മക്കള്‍: പ്രണവ്, പ്രണവിക.
Read More » -
ജിം ട്രെയിനറുമായി ബന്ധം, വേറെ വിവാഹമുറപ്പിച്ചത് എതിര്‍ത്ത് വീട്ടമ്മ; ‘ദൃശ്യം’ മോഡലില്‍ കൊന്നു കുഴിച്ചുമൂടി
ലഖ്‌നൗ: ഉത്തര്‍പ്രദേശിലെ കാന്‍പുരില്‍നിന്ന് നാലു മാസം മുന്‍പ് കാണാതായ യുവതിയെ ജിം പരിശീലകന്‍ കൊലപ്പെടുത്തിയത് ‘ദൃശ്യം’ സിനിമയെ അനുകരിച്ച്. മൃതദേഹം കുഴിച്ചിട്ടത് ഡിസ്ട്രിക് മജിസ്‌ട്രേട്ടിന്റെ ഔദ്യോഗിക വസതിക്കടുത്ത് ഉന്നതര്‍ താമസിക്കുന്ന മേഖലയില്‍. ജിം പരിശീലകനായ വിമല്‍ സോണിയാണ് ബിസിനസുകാരന്റെ ഭാര്യയായ ഏക്ത ഗുപ്തയെ (32) കൊലപ്പെടുത്തിയതിന് അറസ്റ്റിലായത്. ഫോണ്‍ രേഖകളില്‍നിന്ന് ലഭിച്ച തെളിവുകളാണ് അറസ്റ്റിലേക്ക് നയിച്ചത്. വിഐപി മേഖലയില്‍ ആരും അറിയാതെ മൃതദേഹം കുഴിച്ചിട്ടത് പൊലീസിനെയും അതിശയിപ്പിച്ചു. യുവതിയെ കാണാനില്ലെന്ന ഭര്‍ത്താവിന്റെ പരാതിയില്‍ ജൂണ്‍ 24 മുതല്‍ അന്വേഷണം നടക്കുകയായിരുന്നു. ജിം പരിശീലകനായ വിമല്‍ സോണിയുമായി യുവതി അടുപ്പത്തിലായിരുന്നു. ജിമ്മിലെ പരിശീലനത്തിനിടെയാണ് ഇരുവരും അടുത്തത്. വിമലിന്റെ വിവാഹം നിശ്ചയിച്ചതുമായി ബന്ധപ്പെട്ട് ഇരുവരും തമ്മില്‍ തര്‍ക്കമുണ്ടായി. ഒരു ദിവസം ജിമ്മിലെത്തിയ ഏക്തയുമായി വിമല്‍ കാറില്‍ പുറത്തേക്ക് പോയി. തര്‍ക്കത്തിനിടെ യുവതിയെ കഴുത്തു ഞെരിച്ച് കൊലപ്പെടുത്തി. മൊബൈല്‍ ഫോണ്‍ ഉപയോഗിക്കാത്തതിനാല്‍ വിമലിനെ കണ്ടെത്താന്‍ ഏറെ പ്രയാസപ്പെട്ടതായി പൊലീസ് പറഞ്ഞു. പൊലീസ് പിടിക്കാതിരിക്കാനാണ് വിഐപി മേഖലയില്‍…
Read More » -
മരുന്ന് വാങ്ങാനെത്തിയ ഉമ്മയുടെ ചുമലില്‍ കിടന്ന കുഞ്ഞിന്റെ സ്വര്‍ണ മാല കവര്‍ന്നു; സിസിടിവി ദൃശ്യം കേന്ദ്രീകരിച്ച് അന്വേഷണം
കണ്ണൂര്‍: ഉമ്മയുടെ ചുമലില്‍ കിടന്ന കുഞ്ഞിന്റെ കഴുത്തില്‍ നിന്ന് സ്വര്‍ണമാല കവര്‍ന്നു. തളിപ്പറമ്പ് സൈദ് നഗര്‍ സ്വദേശിയുടെ ഒരു വയസ്സുള്ള മകള്‍ സെല്ലയുടെ ഒരു പവന്റെ മാലയാണ് മോഷ്ടിച്ചത്. മരുന്ന് വാങ്ങാന്‍ എന്ന വ്യാജേന മെഡിക്കല്‍ ഷോപ്പിലെത്തിയ രണ്ടു സ്ത്രീകളിലൊരാള്‍ കുട്ടിയുടെ കഴുത്തില്‍ നിന്നും മാല പൊട്ടിച്ചെടുക്കുന്ന സിസിടിവി ദൃശ്യം പുറത്തുവന്നിട്ടുണ്ട്. കഴിഞ്ഞ വ്യാഴാഴ്ച ഉച്ചയോടെയാണ് സംഭവം. രണ്ടു സ്ത്രീകളാണ് ഉദ്യോഗസ്ഥകളെന്ന വ്യാജേന മെഡിക്കല്‍ ഷോപ്പിലെത്തിയത്.തളിപ്പറമ്പ് സഹകരണ ആശുപത്രിയിലെ ഡോക്ടറെ കാണിച്ച് മരുന്ന് വാങ്ങാന്‍ എതിര്‍ വശത്തുള്ള മെഡിക്കല്‍ ഷോപ്പിലെത്തിയതായിരുന്നു ഉമ്മയും കുഞ്ഞും.മരുന്നിനായുള്ള ചീട്ട് കൊടുത്ത് കാത്തുനില്‍ക്കുമ്പോഴാണ് പിന്നില്‍ നിന്നും കുട്ടിയുടെ കഴുത്തിലെ മാല രണ്ട് സ്ത്രീകളിലൊരാള്‍ പൊട്ടിച്ചെടുത്തത്. പൊലീസില്‍ പരാതി നല്‍കിയതിനെ തുടര്‍ന്ന് സിസിടിവി ദൃശ്യങ്ങള്‍ പരിശോധിച്ചപ്പോഴാണ് മോഷണ ദൃശ്യങ്ങള്‍ ലഭിച്ചത്. തളിപ്പറമ്പ് പൊലിസ് കേസെടുത്ത് അന്വേഷണം ഊര്‍ജ്ജിതമാക്കിയിട്ടുണ്ട്.
Read More » -
പോലീസുകാരനൊപ്പം ഉറങ്ങാന്‍ കിടന്ന ഭാര്യ മരിച്ചനിലയില്‍; അസ്വാഭാവിക മരണത്തിന് കേസ്
ആലപ്പുഴ: യുവതിയെ കിടപ്പുമുറിയില്‍ മരിച്ചനിലയില്‍ കണ്ടെത്തി. മണ്ണഞ്ചേരി പഞ്ചായത്ത് 2-ാം വാര്‍ഡ് കാവുങ്കല്‍ കണ്ണാട്ടു ജംക്ഷനു സമീപം പൂജപറമ്പ് വീട്ടില്‍ ജ്യോതിഷിന്റെ ഭാര്യ ശ്രുതിദേവി (32) ആണ് മരിച്ചത്. ഇന്നു രാവിലെ ശ്രുതി ഉറക്കമുണാരാത്തതിനെ തുടര്‍ന്നു നടത്തിയ പരിശോധനയിലാണ് മരിച്ചനിലയില്‍ കണ്ടെത്തിയത്. പാമ്പു കടിയേറ്റതാണെന്നു സംശയമുണ്ട് രാത്രി ഭര്‍ത്താവിനൊപ്പമാണ് ശ്രുതി കിടന്നിരുന്നത്. സിവില്‍ പൊലീസ് ഓഫിസറാണ് ജ്യോതിഷ്. അസ്വാഭാവിക മരണത്തിനു പൊലീസ് കേസെടുത്തു. മൃതദേഹം പോസ്റ്റ്‌മോര്‍ട്ടത്തിനായി മെഡിക്കല്‍ കോളജ് ആശുപത്രിയില്‍ മരിച്ചു.
Read More » -
മൊബൈല്‍ കടയിലെ ജീവനക്കാര്‍ക്ക് നേരെ ഗുണ്ടാ ആക്രമണം; എത്തിയത് പതിനഞ്ചോളം പേര്‍, മൂന്ന് പേര്‍ക്ക് പരിക്ക്
തൃശൂര്‍: കുന്നംകുളത്ത് മൊബൈല്‍ കടയിലെ ജീവനക്കാര്‍ക്ക് നേരെ ഗുണ്ടാ ആക്രമണം. മൂന്ന് പേര്‍ക്ക് പരിക്കേറ്റു. പോര്‍ക്കുളം സ്വദേശികളായ ബ്രില്ലോ, സിജോ, കല്ലഴി സ്വദേശി ഷാരൂഖ് എന്നവര്‍ക്കാണ് പരിക്കേറ്റത്. ഇന്നലെ രാത്രിയായിരുന്നു സംഭവം. പതിനഞ്ചോളം പേരടങ്ങുന്ന ഗുണ്ടാ സംഘം കടയിലെത്തി ജീവനക്കാരെ മര്‍ദിക്കുകയായിരുന്നുവെന്നാണ് വിവരം. പരിക്കേറ്റവര്‍ കുന്നംകുളത്തെ സ്വകാര്യ ആശുപത്രിയില്‍ ചികിത്സയിലാണ്. മൊബൈല്‍ കടയിലെ ജീവനക്കാരനായ യുവാവും ഗുണ്ടകളിലൊരാളും തമ്മില്‍ കുറച്ചുനാളുകള്‍ക്ക് മുമ്പ് ബാറില്‍ വച്ച് തര്‍ക്കമുണ്ടായിരുന്നു. അന്ന് ഗുണ്ട യുവാവിന് നേരെ കത്തിവീശുകയും ചെയ്തിരുന്നു. ഇതോടെ ബാര്‍ ജീവനക്കാര്‍ ഇടപെട്ട് അയാളെ പൊലീസില്‍ ഏല്‍പ്പിച്ചു. ഇതേ വ്യക്തി ഇന്നലെ രാവിലെ മൊബൈല്‍ ഫോണ്‍ വാങ്ങാനായി അമ്മയ്ക്കൊപ്പം കടയിലെത്തിയിരുന്നു. ഈ സമയം തന്നെ ഓര്‍മയുണ്ടോ എന്ന് ചോദിച്ച ജീവനക്കാരന്‍ ബാറിലെ സംഭവങ്ങള്‍ ഓര്‍മിപ്പിച്ചു. ഇതോടെ ഇയാള്‍ അമ്മയ്ക്കൊപ്പം മടങ്ങിപ്പോയി. തുടര്‍ന്ന് രാത്രി പതിനഞ്ചംഗ സംഘത്തിനൊപ്പമെത്തുകയായിരുന്നു. അമ്മയുടെ മുന്നില്‍വച്ച് നാണം കെടുത്തി എന്ന് പറഞ്ഞുകൊണ്ടാണ് യുവാവിനെയും സഹപ്രവര്‍ത്തകരെയും ആക്രമിച്ചത്.
Read More » -
ജ്യൂസില്‍ മദ്യം കലര്‍ത്തിനല്‍കി പീഡനം, പിന്നാലെ തീര്‍ഥാടനം; കൊച്ചിയിലെ റിട്ട. ഉന്നതന്‍ ഒളിവില്‍
കൊച്ചി: വൈറ്റിലയില്‍ വീട്ടുജോലിക്കാരിയെ ഗൃഹനാഥന്‍ മദ്യം നല്‍കി ബലാത്സംഗം ചെയ്ത സംഭവത്തില്‍ പ്രതി ഒളിവില്‍. സര്‍ക്കാര്‍ പൊതുമേഖലാ സ്ഥാപനങ്ങളില്‍ ഉയര്‍ന്ന പദവിയില്‍ ജോലി ചെയ്ത വൈറ്റില സില്‍വര്‍സാന്‍ഡ് ഐലന്‍ഡില്‍ ശിവപ്രസാദാണ് (74) പ്രതി. പീഡനത്തിനുശേഷം കുടുംബത്തോടൊപ്പം തീര്‍ത്ഥാടനത്തിന് പോയ ഇയാള്‍ ഇപ്പോള്‍ ഒളിവിലാണ്. 22 വയസുകാരിയായ ഒഡിഷ സ്വദേശിയായ യുവതിയെ വീട്ടില്‍ ആരുമില്ലാത്ത സമയത്ത് ജ്യൂസില്‍ മദ്യം കലര്‍ത്തി നല്‍കി പീഡിപ്പിക്കുകയായിരുന്നു. ഒഡിഷയിലെ ഗജപതി ജില്ല സ്വദേശിയായ ഇരുപത്തി രണ്ടുകാരിയായ ആദിവാസി യുവതിയാണ് പീഡനത്തിന് ഇരയായത്. അമ്മ മരിച്ച യുവതി രണ്ടാനമ്മയുടെ നിര്‍ബന്ധത്തെ തുടര്‍ന്ന് 12 വയസ്സ് മുതല്‍ വീട്ടു ജോലി ചെയ്യുകയായിരുന്നു. ഇതിനിടെയാണ് ഇക്കഴിഞ്ഞ ഒക്ടോബര്‍ 4-ന് കൊച്ചി വൈറ്റിലയിലെ ശിവപ്രസാദിന്റെ വീട്ടില്‍ 15,000 രൂപ മാസശമ്പളത്തില്‍ ജോലിക്കായി എത്തിയത്. 15-ാം തീയതി വീട്ടില്‍ ആരുമില്ലാത്ത സമയത്ത് ജ്യൂസില്‍ മദ്യം കലര്‍ത്തി നല്‍കിയായിരുന്നു ശിവപ്രസാദ് പെണ്‍കുട്ടിയെ അക്രമിച്ചത്. തുടര്‍ന്ന് പിറ്റേ ദിവസം ഇയാള്‍ യുവതിയെ വീട്ടില്‍ തനിച്ചാക്കി കുടുംബത്തോടൊപ്പം തീര്‍ത്ഥാടനത്തിന്…
Read More »