Crime
-
മാറാട് യുവതി ഭര്ത്താവിന്റെ വീട്ടില് തൂങ്ങി മരിച്ച നിലയില്
കോഴിക്കോട്: മാറാട് യുവതിയെ ഭര്ത്താവിന്റെ വീട്ടില് മരിച്ച നിലയില് കണ്ടെത്തി. ഗോതീശ്വരം സ്വദേശി ഷിംന (31) ആണ് മരിച്ചത്. കുടുംബ വഴക്കിനെത്തുടര്ന്ന് യുവതി ആത്മഹത്യ ചെയ്യുകയായിരുന്നുവെന്നാണ് പോലീസിന്റെ പ്രാഥമിക നിഗമനം. വെള്ളിയാഴ്ച രാത്രിയാണ് സംഭവം.രാത്രി 8.30 ഓടെ നാട്ടുകാരാണ് യുവതിയെ തൂങ്ങിയ നിലയില് കണ്ടെത്തുന്നത്. ഉടന് തന്നെ കോഴിക്കോട് മെഡിക്കല് കോളേജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.
Read More » -
‘കോയിന്ദച്ചാമി’ ചതിച്ചാശാനേ! പരിശോധന കടുപ്പിച്ച് പൊലീസ്, ചുരത്തില്നിന്ന് ചാടിയ യുവാവ് പിടിയില്; എംഡിഎംഎ പിടിച്ചു
വയനാട്: കണ്ണൂര് സെന്ട്രല് ജയിലില്നിന്നു ചാടിയ കൊടുംകുറ്റവാളി ഗോവിന്ദച്ചാമിക്കായി വെള്ളിയാഴ്ച നടത്തിയ വാഹനപരിശോധനയ്ക്കിടെ താമരശ്ശേരി ചുരത്തിലെ ഒന്പതാം വളവിന് സമീപം കാറില്നിന്ന് ഇറങ്ങിയോടി ചുരത്തില്നിന്നു താഴേക്കു ചാടിയ യുവാവ് പിടിയില്. ലക്കിടിയില് വച്ച് വൈത്തിരി പൊലീസാണ് മലപ്പുറം തിരൂരങ്ങാടി സ്വദേശി ഷഫീഖിനെ കസ്റ്റഡിയിലെടുത്തത്. വെള്ളിയാഴ്ച രാവിലെ 11 മണിയോടെയാണ് വയനാട്ടിലേക്കുള്ള പ്രവേശനകവാടത്തിനു സമീപം പൊലീസ് നടത്തിയ വാഹനപരിശോധനക്കിടെ ഇയാള് ചുരത്തിലെ ഒന്പതാം വളവിലെ വ്യൂ പോയിന്റില്നിന്നു താഴേക്ക് ചാടിയത്. ഇയാളുടെ വാഹനത്തില്നിന്ന് 16 ഗ്രാം എംഡിഎംഎ കണ്ടെത്തിയിരുന്നു. വണ്ടിയുടെ താക്കോല് എടുത്തതിനു ശേഷമാണ് യുവാവ് കടന്നു കളഞ്ഞത്. അതുകൊണ്ട് തന്നെ യന്ത്രസഹായത്തോടെ വലിച്ചാണ് കാര് വൈത്തിരി പൊലീസ് സ്റ്റേഷനിലേക്കു മാറ്റിയത്. പൊലീസും ഫയര്ഫോഴ്സും ഡ്രോണ് ഉള്പ്പെടെ എത്തിച്ച് മേഖലയില് തിരച്ചില് നടത്തിയെങ്കിലും രാത്രി വൈകിയും ഇയാളെ കണ്ടെത്താനായില്ല. ശനിയാഴ്ച രാവിലെയോടെ ലക്കിടി ഓറിയന്റല് കോളജ് പരിസരത്ത് വച്ച് ഇയാളെ കണ്ടതായി ചിലര് വിവരം നല്കി. ഇതിന്റെ അടിസ്ഥാനത്തില് പൊലീസ് നടത്തിയ തിരച്ചിലിലാണ്…
Read More » -
ഞെട്ടാതെ കേരളം!!! കണ്ണൂര് ജയിലില് കഞ്ചാവും ലഹരിയും സുലഭം, മൊബൈലും ഉപയോഗിക്കാം; വെളിപ്പെടുത്തലുമായി ഗോവിന്ദച്ചാമി
കണ്ണൂര്: സെന്ട്രല് ജയിലില് തടവു പുള്ളികള്ക്ക് എല്ലാ സൗകര്യവും ലഭിക്കുമെന്ന് ജയില് ചാടി പിടിക്കപ്പെട്ട കുറ്റവാളി ഗോവിന്ദച്ചാമി. കഞ്ചാവും മറ്റ് ലഹരി വസ്തുക്കളും സുലഭമാണ്. ഇത് എത്തിച്ചു നല്കുന്നതിന് ആളുകളുണ്ട്. മൊബൈല് ഉപയോഗിക്കാനും ജയിലില് സൗകര്യമുണ്ടെന്നും ഗോവിന്ദച്ചാമി പൊലീസിന് മൊഴി നല്കി. കണ്ണൂരില് തടവുകാര്ക്ക് യഥേഷ്ടം ലഹരി വസ്തുക്കള് ലഭിക്കുന്നുണ്ടെന്ന വിവരം നേരത്തെ തന്നെ പുറത്തു വന്നതാണ്. ഇക്കാര്യം സ്ഥിരീകരിക്കുന്നതാണ് ഗോവിന്ദച്ചാമിയുടെ മൊഴി. എല്ലാത്തിനും പണം നല്കണമെന്നും ഗോവിന്ദച്ചാമി പൊലീസിനോട് വെളിപ്പെടുത്തി. ലഹരി വസ്തുക്കള് വിതരണം ചെയ്യുന്നവരുടെ വിവരങ്ങള് പൊലീസ് ശേഖരിച്ചിട്ടുണ്ട്. പ്രതികളാണ് ജയില് നിയന്ത്രിക്കുന്നതെന്ന് നേരത്തെ തന്നെ ആരോപണമുണ്ടായിരുന്നു. അത് ശരിവയ്ക്കുന്നതാണ് ഗോവിന്ദച്ചാമിയുടെ ജയില് ചാട്ടവും നല്കിയ മൊഴിയും. ജയിലിലാകുന്ന സിപിഎം പ്രവര്ത്തകര്ക്ക് വഴിവിട്ട സഹായങ്ങള് ലഭിക്കുന്നെന്ന ആക്ഷേപം നേരത്തേയുണ്ട്. സിപിഎം നേതാക്കളായ ജയില് ഉപദേശക സമിതി അംഗങ്ങളുടെ ഇടപെടലിലാണ് ജയിലില് വഴിവിട്ട കാര്യങ്ങള് നടക്കുന്നതെന്നാണ് പ്രതിപക്ഷ ആരോപണം. ടി.പി. ചന്ദ്രശേഖരന് വധക്കേസ് പ്രതി കൊടി സുനി കണ്ണൂര് ജയിലിനുള്ളിലിരുന്ന്…
Read More » -
മാലപൊട്ടിച്ചു ബൈക്കില് പറക്കുന്നതിനിടെ ലോറിക്ക് അടിപ്പെടാതിരിക്കാന് കൈപ്പത്തി അടവച്ച ഗോവിന്ദച്ചാമി! ഒറ്റക്കൈയനായതിനു പിന്നിലെ കഥ തമിഴ്നാട്ടുകാര് പറഞ്ഞതറിഞ്ഞ് ഞെട്ടി പോലീസും; 14 വര്ഷം മുമ്പ് നടത്തിയ അന്വേഷണത്തിന്റെ വഴികള് ഇങ്ങനെ
തൃശൂര്: ജയില്ചാട്ടത്തോടെ മലയാളികള് മറവിയിലേക്കു വിട്ട ഗോവിന്ദച്ചാമിയെക്കുറിച്ചുള്ള കഥകളും പുറത്തേക്കു വന്നുകൊണ്ടിരിക്കുകയാണ്. 2011 ഫെബ്രുവരി ഒന്നിനായിരുന്നു ഗോവിന്ദച്ചാമി ജീവിതാവസാനം വരെ ജയിലില് കഴിയാന് ഇടയാക്കിയ ക്രൂരകൃത്യം. അന്ന് രാത്രിയാണ് ഇയാള് ട്രെയിനില് നിന്ന് തള്ളിയിട്ട പെണ്കുട്ടിയെ മൃതപ്രായയാക്കി ബലാത്സംഗം ചെയ്തത്. ദൃക്സാക്ഷികളില്ലാത്ത കേസായിരുന്നു അത്. ഷൊര്ണൂര് പാസഞ്ചറില് തൊട്ടടുത്ത കോച്ചില് യാത്ര ചെയ്തിരുന്നയാളുടെ മൊഴിയാണ് നിര്ണായകമായത്. ട്രെയിന് തൃശൂര് വള്ളത്തോള് നഗറിലൂടെ കടന്നുപോകവേ ഒരു കരച്ചില് കേട്ടാണ് ഇദ്ദേഹം വാതില്ക്കല് എത്തി നോക്കിയത്. ഒറ്റക്കയ്യനായ ഒരാള് പൂച്ചയേപ്പോലെ ചാടി നിവരുന്നത് മാത്രം കണ്ടു. സാക്ഷിയായ വ്യക്തി അപായച്ചങ്ങല വലിക്കാന് തുനിഞ്ഞെങ്കിലും, എല്ലാവരുടേയും യാത്ര മുടങ്ങുമെന്ന് പറഞ്ഞ് തടഞ്ഞു. ട്രെയിന് ഷൊര്ണൂരില് എത്തിയ ശേഷമാണ് സംഭവം പൊലീസില് റിപ്പോര്ട്ട് ചെയ്തത്. ഇതിനിടെ അവശനിലയിലായ പെണ്കുട്ടിയെ നാട്ടുകാര് ട്രാക്കില് കണ്ടെത്തി. പൊലീസിനെ അറിയിച്ച് ആശുപത്രിയിലാക്കി. പീഡനം നടന്നതായി പിന്നീടാണ് വ്യക്തമാകുന്നത്. യാത്രക്കാരനായ സാക്ഷി പറഞ്ഞതുമായി കൂട്ടിച്ചേര്ത്ത് ക്രൈം സീന് തയ്യാറാക്കി. ഒറ്റക്കയ്യനായി അന്വേഷണം തുടങ്ങി.…
Read More » -
ശമ്പളബില്ലുകളില് തിരിമറി നടത്തി 2.31 ലക്ഷം തട്ടി; യുഡി ക്ലാര്ക്കിന് 32 വര്ഷം കഠിനതടവ്
മലപ്പുറം: പ്രാഥമികാരോഗ്യകേന്ദ്രത്തിലെ ശമ്പളബില്ലുകളിലും മറ്റും തിരിമറി നടത്തി 2.31 ലക്ഷം രൂപ തട്ടിയ കേസില് യുഡി ക്ലാര്ക്കിന് 32 വര്ഷം കഠിനതടവും 1.40 ലക്ഷം രൂപ പിഴയും. നെടിയിരുപ്പ് പ്രാഥമികാരോഗ്യകേന്ദ്രത്തില് ജോലിചെയ്തിരുന്ന യുഡി ക്ലാര്ക്ക് സി. നാസിറിനെയാണ് കോഴിക്കോട് വിജിലന്സ് കോടതി ജഡ്ജി ഷിബു തോമസ് ശിക്ഷിച്ചത്. മലപ്പുറം മൊറയൂര് സ്വദേശിയാണിയാള്. നെടിയിരുപ്പില് ജോലിചെയ്തിരുന്ന 2004-2006 കാലത്താണ് ക്രമക്കേട് നടത്തിയത്. ആരോഗ്യകേന്ദ്രത്തിലെ ജീവനക്കാരുടെ ശമ്പളം, മറ്റ് ആനുകൂല്യങ്ങള് എന്നിവയുടെ ബില്ലുകള് തയ്യാറാക്കല്, തുക വിതരണം തുടങ്ങിയവയുമായി ബന്ധപ്പെട്ട ചുമതലകള് ഇദ്ദേഹം വഹിച്ചിരുന്നു. അതിനിടയില് ശമ്പളബില്ലുകളില് ക്രമക്കേടുകള് നടത്തിയും രേഖകള് കൃത്രിമമായുണ്ടാക്കിയും 2,31,767 രൂപ തട്ടിയെടുത്തതിന് മലപ്പുറം വിജിലന്സ് യൂണിറ്റാണ് കേസ് രജിസ്റ്റര്ചെയ്തത്. വിജിലന്സിനുവേണ്ടി പബ്ലിക് പ്രോസിക്യൂട്ടര് കെ. അരുണ്നാഥ് ഹാജരായി.
Read More » -
മറ്റൊരാളുമായി ബന്ധമെന്ന് സംശയം; പിറന്നാള് ആഘോഷത്തിനിടെ രണ്ടാം ഭാര്യയെ കുത്തിക്കൊലപ്പെടുത്തി, ഭര്ത്താവ് പിടിയില്
ഹൈദരാബാദ്: പിറന്നാള് ആഘോഷത്തിനിടെ ഭാര്യയെ കുത്തിക്കൊലപ്പെടുത്തി ഭര്ത്താവ്. അകന്ന് കഴിയുകയായിരുന്ന ഭാര്യയെ ബന്ധുവിന്റെ വീട്ടില് പിറന്നാള് ആഘോഷത്തിനെത്തിയപ്പോഴാണ് പ്രതി കുത്തിക്കൊലപ്പെടുത്തിയത്. അബ്ദുല്ലപൂര്മെട്ട് സ്വദേശി സമ്മക്ക (35)യുടെ കൊലപാതകവുമായി ബന്ധപ്പെട്ട് ഭര്ത്താവ് ശ്രീനുവിനെ (50) പൊലീസ് പിടികൂടി. അബ്ദുല്ലപൂര്മെട്ടിലുള്ള ശ്രീനുവിന്റെ അനന്തരവളായ രാജേശ്വരിയുടെ വീട്ടില് വച്ചായിരുന്നു സംഭവം. രാജേശ്വരിയുടെ മകളുടെ പിറന്നാള് ആഘോഷമായിരുന്നു വീട്ടില് വച്ച് നടന്നത്. ഇതിനിടെയായിരുന്നു കൊലപാതകം. വിവാഹ ജീവിതത്തിലെ പ്രശ്നങ്ങള് കാരണം ശ്രീനുവും സമ്മക്കയും അകന്നാണ് കഴിഞ്ഞിരുന്നത്. ദാമ്പത്യപ്രശ്നങ്ങളുണ്ടായതിനു പിന്നാലെ സമ്മക്ക അബ്ദുല്ലപൂര്മെട്ടില്നിന്ന് സൂര്യപട്ടിലേക്ക് താമസം മാറിയിരുന്നു. എന്നാല് പിറന്നാള് ആഘോഷത്തിന് സമ്മക്കയെയും ക്ഷണിച്ചിരുന്നു. ഏതാണ്ട് 7.15ഓടെയാണ് ശ്രീനു പിറന്നാള് ആഘോഷത്തിനെത്തിയത്. കേക്ക് മുറിക്കുന്നതിനുള്ള തയാറെടുപ്പിലായിരുന്നു എല്ലാവരും. ചടങ്ങിന്റെ വിഡിയോ ചിത്രീകരിക്കുകയായിരുന്നു സമ്മക്ക. ഈ സമയത്ത് ശ്രീനു സമ്മക്കയുടെ കഴുത്തില് കത്തി കുത്തിയിറക്കുകയായിരുന്നു. സമ്മക്കയുടെ കഴുത്തിന് മൂന്നുതവണ കുത്തേറ്റിട്ടുണ്ട്. വിവാഹേതര ബന്ധമുണ്ടെന്ന് ആരോപിച്ചാണ് കൊലപാതകമെന്നാണ് സൂചന. സമ്മക്കയ്ക്ക് മറ്റൊരാളുമായി ബന്ധമുണ്ടെന്ന സംശയം നേരത്തെ തന്നെ ശ്രീനുവിനുണ്ടായിരുന്നു. ഇതിന്റെ പേരില്…
Read More » -
വേണാട് എക്സ്പ്രസില് വിദ്യാര്ഥിനിക്ക് നേരെ അതിക്രമം, വട്ടിയൂര്ക്കാവ് സ്വദേശി പിടിയില്
തിരുവനന്തപുരം: ട്രെയിനില് വിദ്യാര്ത്ഥിനിയെ കടന്നു പിടിക്കാന് ശ്രമിച്ച വ്യക്തി പിടിയില്. തിരുവനന്തപുരം സ്വദേശിനിയും തൃശ്ശൂര് ലോ കോളേജിലെ വിദ്യാര്ത്ഥിനിയുമായ പെണ്കുട്ടിക്ക് നേരെയാണ് അതിക്രമം ഉണ്ടായത്. സംഭവത്തില് വട്ടിയൂര്ക്കാവ് സ്വദേശി സതീഷിനെ പൊലീസ് കസ്റ്റഡിയിലെടുത്തു. വെള്ളിയാഴ്ച രാത്രി വേണാട് എക്സ്പ്രസ്സിലാണ് സംഭവം. എറണാകുളത്തുനിന്ന് തിരുവനന്തപുരത്തേക്കുള്ള യാത്രാമധ്യേ വര്ക്കലയില് വെച്ചാണ് അതിക്രമ ശ്രമം ഉണ്ടാതെന്നാണ് പെണ്കുട്ടിയുടെ പരാതി. സംഭവം റെയില്വെ പൊലീസിനെ അറിയിച്ചതിന് പിന്നാലെ ട്രെയിന് തമ്പാനൂര് സ്റ്റേഷനില് എത്തിയപ്പോള് ഉദ്യോഗസ്ഥരെത്തി പ്രതിയെ പിടികൂടുകയായിരുന്നു. യുവതിയെ കടന്നുപിടിക്കാന് ശ്രമിച്ചെന്നും അപമര്യാദയായി പെരുമാറിയെന്നുമാണ് പരാതി.
Read More » -
ഗോവിന്ദച്ചാമി മൂന്നു മണിക്കൂര് ജയില് വളപ്പില് ഒളിച്ചിരുന്നു; സെല്ലിനുള്ളില് ഡമ്മിയും തയാറാക്കി; തുണികള് കൂട്ടിവച്ചശേഷം പുതപ്പുകൊണ്ട് മൂടി; രാത്രിയില് ടോര്ച്ച് അടിച്ചിട്ടും പിടികിട്ടിയില്ലെന്ന് പോലീസ് ഉദ്യോഗസ്ഥരുടെ മൊഴി
സൗമ്യ ബലാല്സംഗ– കൊലക്കേസ് പ്രതി ഗോവിന്ദച്ചാമി കണ്ണൂര് സെന്ട്രല് ജയിലില് നിന്ന് ചാടാന് നടത്തിയത് വന് ആസൂത്രണമെന്ന് റിപ്പോര്ട്ട്. ജയില് ചാടുമ്പോള് സെല്ലിനുള്ളില് ഒരാള് കിടന്നുറങ്ങുന്ന തരത്തില് ഡമ്മി തയ്യാറാക്കി വച്ചുവെന്നാണ് കണ്ടെത്തല്. തുണികള് കൂട്ടിവച്ച ശേഷം പുതപ്പ് കൊണ്ട് മൂടുകയാണ് ചെയ്തത്. രാത്രിയില് സെല്ലിനുള്ളിലേക്ക് ടോർച്ച് അടിച്ച് നോക്കിയപ്പോൾ ഗോവിന്ദച്ചാമി ഉൾപ്പടെ രണ്ട് തടവുകാരും ഉറങ്ങുന്നതായി തോന്നിയെന്നും ഇതാണ് ജയിൽ ചാടിയ വിവരം അറിയാൻ വൈകാൻ കാരണം എന്നുമാണ് ഉദ്ദോഗസ്ഥരുടെ മൊഴി. പുലർച്ചെ 1.10 നാണ് ഗോവിന്ദച്ചാമി സെല്ലിൽ നിന്ന് പുറത്ത് കടന്നത്. മതിൽ ചാടാനുള്ളെ അവസരം കാത്ത് മൂന്ന് മണിക്കൂറോളം ജയിൽ വളപ്പിൽ ഒളിച്ചിരുന്നു. 4. 20 നാണ് ജയിൽ ചാടിയതെന്നും ഉത്തരമേഖല ജയിൽ ഡി ഐ ജിയുടെ അന്വേഷണത്തിൽ കണ്ടെത്തി. രാത്രിയിൽ ഡ്യൂട്ടിയിലുണ്ടായിരുന്ന നാല് ഉദ്യോസ്ഥർക്ക് മാത്രമാണ് വീഴ്ചയെന്ന് പറയുന്ന റിപ്പോർട്ടിൽ ഉദ്യോഗസ്ഥ ക്ഷാമവും അക്കമിട്ട് നിരത്തുന്നുണ്ട്. ആകെ 212 ജീവനക്കാരുള്ള കണ്ണൂർ സെൻടൽ ജയിലിൽ 21…
Read More » -
‘കുറച്ചു ദിവസങ്ങളായി ആസൂത്രണം, പിടികൂടിയപ്പോള് കൈയില് ടൂളുകള്; വിവരം നല്കിയത് മൂന്നുപേര്’
കണ്ണൂര്: ജയില് ചാടാനായി ഗോവിന്ദച്ചാമി കഴിഞ്ഞ കുറച്ചു ദിവസങ്ങളായി ആസൂത്രണം നടത്തിയതായി പോലീസ്. ജയില് ചാടാനായി ഉപയോഗിച്ചെന്ന് കരുതുന്ന ടൂളുകള് പിടികൂടിയപ്പോള് ഗോവിന്ദച്ചാമിയില്നിന്ന് കണ്ടെത്തിയിട്ടുണ്ടെന്നും കണ്ണൂര് സിറ്റി പോലീസ് കമ്മിഷണര് നിധിന്രാജ് ഐപിഎസ് പറഞ്ഞു. പോലീസിനൊപ്പം വളരെ കൃത്യമായി ജനങ്ങളും ജാഗ്രത പുലര്ത്തിയതാണ് പ്രതിയെ പിടികൂടാന് നിര്ണായകമായത്. മൂന്ന് പേരാണ് വളരെ കൃത്യമായ വിവരം നല്കിയത്. അവരോടും ജനങ്ങളിലേക്ക് വിവരങ്ങളെത്തിച്ച മാധ്യമങ്ങളോടും നന്ദി പറയുന്നതായും കമ്മിഷണര് പറഞ്ഞു. ഗോവിന്ദച്ചാമി ജയില് ചാടിയ വിവരം പോലീസിന് ലഭിക്കുന്നത് ആറര കഴിഞ്ഞിട്ടാണ്. ഇതിന് ശേഷം മൂന്നര മണിക്കൂറുകള്ക്കകം പ്രതിയെ പിടികൂടാനായെന്നും കമ്മിഷണര് പറഞ്ഞു. ‘ഗോവിന്ദച്ചാമി ജയില് ചാടിയ വിവരം പോലീസിന് ലഭിക്കുന്നത് ആറര കഴിഞ്ഞിട്ടാണ്. അപ്പോള് മുതല് ജാഗ്രതയോടെയുള്ള പ്രവര്ത്തനം പോലീസ് നടത്തി വരികയായിരുന്നു. സംസ്ഥാനത്തുടനീളം സമയബന്ധിതമായി വിവരം കൈമാറി. ജനങ്ങളുടെ ഭാഗത്ത് നിന്നും ജാഗ്രതയുണ്ടാക്കാന് മാധ്യമങ്ങളുടെ ഭാഗത്ത് നിന്നും സഹായമുണ്ടായി. 4:15നും അഞ്ചു മണിക്കും ഇടയിലാണ് പ്രതി ജയില് ചാടിയതെന്നാണ് മനസ്സിലാക്കുന്നത്. അതിന്…
Read More » -
കാമുകനൊപ്പം ജീവിക്കാന് മക്കളെ വിഷം കൊടുത്തു കൊന്നു, തലനാരിഴയ്ക്ക് രക്ഷപ്പെട്ട് ഭര്ത്താവ്; ഇത് ഡബ്സ്മാഷ് ‘റാണി’യുടെ കഥ
ചെന്നൈ: മാതൃത്വത്തിന്റെ മഹത്വത്തിനു കളങ്കം വരുത്തുന്ന ഹീനകൃത്യത്തില് ഏര്പ്പെട്ട യുവതിയും കാമുകനും മരണം വരെ ശിക്ഷ അനുഭവിക്കണമെന്നു നിര്ദേശിച്ചാണ് കോടതി ആ ശിക്ഷ വിധിച്ചത്. കാമുകനോടൊപ്പം ജീവിക്കാന് മക്കളെ കൊലപ്പെടുത്തിയ യുവതിക്കും കൊലപാതകത്തിനു കൂട്ടുനിന്ന കാമുകനുമാണ് ജീവപര്യന്തം ശിക്ഷ വിധിച്ച് കാഞ്ചീപുരം ജില്ലാ കോടതി ഉത്തരവായത്. കുണ്ട്രത്തൂരില് താമസിച്ചു വന്ന വിജയ്യുടെ ഭാര്യ അഭിരാമിയാണു 2018 ല് 7 വയസ്സുള്ള മകനെയും 4 വയസ്സുള്ള മകളെയും പാലില് അമിത അളവില് ഉറക്കഗുളിക ചേര്ത്തു നല്കി കൊലപ്പെടുത്തിയത്. വീടിനടുത്തുള്ള ബിരിയാണികടയിലെ ജീവനക്കാരനായ കാമുകനൊപ്പം ജീവിക്കാനാണ് നൊന്തുപെറ്റ രണ്ട് മക്കളെയും കൊലപ്പെടുത്തിയത്. തമിഴ്നാട് കുണ്ട്രത്തൂരിലാണ് അഭിരാമിയുടെ വീട്. ഭര്ത്താവ് വിജയ് കുമാര് ബാങ്ക് ഉദ്യോഗസ്ഥന്. ഭര്ത്താവിന്റെ ജന്മദിവസം തന്നെയാണ് അഭിരാമി ഇവരെ കൊലപ്പെടുത്താന് തിരഞ്ഞെടുത്തത്. 2018 ഓഗസ്റ്റ് 30 വ്യാഴാഴ്ച രാത്രി മുതല് കുണ്ട്രത്തൂരില് സംഭവിച്ചകാര്യങ്ങള് ഇങ്ങനെ. രാത്രിയിലെ ജന്മദിനാഘോഷങ്ങള് കഴിഞ്ഞതിന് പിന്നാലെയാണ് അഭിരാമി നേരത്തെ ആസൂത്രണം ചെയ്ത പദ്ധതികള് നടപ്പിലാക്കിതുടങ്ങിയത്. വ്യാഴാഴ്ച രാത്രി…
Read More »