LIFE
-
റെയില്പാളത്തില് മനുഷ്യന്റെ കാല്പാദം : സംഭവം ആലപ്പുഴ റെയില്വേ സ്റ്റേഷനില് ; കണ്ണൂര് സ്വദേശിയുടെ മൃതദേഹാവശിഷ്ടമെന്ന് നിഗമനം
ആലപ്പുഴ ആലപ്പുഴ റെയില്വെ സ്റ്റേഷനില് റെയില്വേ ട്രാക്കില് നിന്ന് കണ്ടെത്തിയ മനുഷ്യന്റെ കാല് കണ്ണൂര് സ്വദേശിയുടെ മൃതദേഹാവശിഷ്ടമാണെന്ന് സൂചന. തിങ്കളാഴ്ച കണ്ണൂരില് ട്രെയിന് തട്ടി മരിച്ച കണ്ണൂര് എടക്കാട് സ്വദേശി മനോഹരന്റെ കാല് വേര്പ്പെട്ടിരുന്നു നവംബര് 17ന് കണ്ണൂരില് നിന്നുള്ള സര്വീസ് പൂര്ത്തിയാക്കിയാണ് മെമു ട്രെയിന് ഇന്നലെ ആലപ്പുഴയിലേക്ക് തിരിച്ചത്. മെമു ട്രെയിനില് കുടുങ്ങിയ കാലിന്റെ ഭാഗം മനോഹരന്റേത് തന്നെയാകാമെന്നാണ് നിഗമനം. കൂടുതല് അന്വേഷണത്തിനായി കണ്ണൂരില് നിന്നുള്ള പൊലീസ് സംഘം ഇന്ന് ആലപ്പുഴയിലെത്തും. ഇന്നലെ രാവിലെ ഒമ്പതോടെ എറണാകുളം-ആലപ്പുഴ മെമു ട്രെയിന് ആലപ്പുഴ റെയില്വെ സ്റ്റേഷനില് എത്തിയപ്പോഴാണ് മനുഷ്യന്റെ കാല് കണ്ടെത്തിയത്. മെമു ട്രെയിന് ട്രാക്കില് നിന്ന് യാര്ഡിലേക്ക് മാറ്റിയശേഷം ശുചീകരണ തൊഴിലാളികളാണ് മനുഷ്യന്റെ കാലിന്റെ ഭാഗം ആദ്യം കണ്ടത്. മുട്ടിന് താഴോട്ടുള്ള ഭാഗം ട്രാക്കില് വീണുകിടക്കുന്ന നിലയില് ആയിരുന്നു. മൃതദേഹ അവശിഷ്ടം കണ്ട ശുചീകരണ തൊഴിലാളികള് റെയില്വേ പോലീസിനെ വിവരം അറിയിച്ചു. തുടര്ന്ന് പോലീസും ഫോറന്സിക് വിദഗ്ധരും സ്ഥലത്ത്…
Read More » -
ബിജെപി സ്ഥാനാര്ത്ഥിയുടെ വീടിന് തീയിടാന് ശ്രമം ; സംഭവം ഇന്നു പുലര്ച്ചെ ചിറയിന്കീഴില്
തിരുവനന്തപുരം: തിരുവനന്തപുരത്ത് ബിജെപി സ്ഥാനാര്ത്ഥിയുടെ വീടിന് തീയിടാന് ശ്രമം. ചിറയിന്കീഴ് പതിനാറാം വാര്ഡ് പുതുക്കരി വയലില് വീട്ടില് ടിന്റു ജി വിജയന്റെ വീടിനു നേരെയാണ് ആക്രമണം ഉണ്ടായത്. പുലര്ച്ചെ ഒരു മണിയോടെയായിരുന്നു സംഭവം. ടിന്റുവും രണ്ടു കുട്ടികളും അച്ഛനും അമ്മയും മാത്രമായിരുന്നു വീട്ടില് ഉണ്ടായിരുന്നത്. ഉറക്കത്തിലായിരുന്ന ഇവര് പുറത്തെ ശബ്ദം കേട്ട് ഉണരുകയായിരുന്നു. അപ്പോള് ഹെല്മറ്റും റെയിന് കോട്ടും ധരിച്ച് രണ്ടുപേര് വീടിന് പിന്വശത്തായി തീ ഇടുന്നതാണ് കണ്ടത്. വീട്ടിലെ കതകും ഫ്ലോര്മാറ്റും കത്തിക്കാന് ശ്രമിച്ചിട്ടുണ്ട്.
Read More » -
‘അന്നു മനോജ് കെ. ജയന്റെ കൈവിട്ടു പോയിരുന്നെങ്കില് രാധയായി മാറിയ ഞാന് ട്രെയിനിനു മുന്നില് ചാടുമായിരുന്നു; ഭയന്നുപോയ അദ്ദേഹം കരണത്തടിച്ചതു പോലും ഞാന് അറിഞ്ഞില്ല’; സല്ലാപം സിനിമയില് ജീവിതത്തിനും അഭിനയത്തിനും ഇടയിലെ നൂല്പാലത്തിലൂടെയുള്ള നിമിഷങ്ങളെക്കുറിച്ച് തുറന്നെഴുതി മഞ്ജു വാര്യര്
കൊച്ചി: സല്ലാപം സിനിമയുടെ സെറ്റില് രാധയെന്ന കഥാപാത്രമായി മാറിയതിനെക്കുറിച്ചുള്ള നടുക്കുന്ന ഓര്മകള് പങ്കുവച്ച് നടി മഞ്ജു വാര്യര്. ലോഹിതദാസിന്റെ സിനിമയുടെ ക്ലൈമാക്സ് രംഗത്തില് മനോജ് കെ. ജയനുമൊത്തുള്ള ആത്മഹത്യാ രംഗത്തിന്റെ ഷൂട്ടിംഗിനിടെയാണ് മനസ് കൈവിട്ടുപോയതിനെക്കുറിച്ച് ഓണ്ലൈന് മാധ്യമത്തില് പ്രസിദ്ധീകരിക്കുന്ന ആത്മകഥയില് വിവരിക്കുന്നത്. കഥാപാത്രമെന്ന നിലയില് പൂര്ണമായും ലയിച്ചുകഴിഞ്ഞ തന്നെ യാഥാര്ഥ്യത്തിലേക്കു തിരിച്ചെത്തിക്കാന് മനോജ് കെ. ജയന് കരണത്തടിച്ചിട്ടു പോലും താന് അറിഞ്ഞില്ലെന്ന് മഞ്ജു പറയുന്നു. ട്രെയിനിനു മുന്നില് ചാടി ആത്മഹ്യ ചെയ്യാന് ഓടുന്ന കഥാപാത്രത്തെ നിയന്ത്രിക്കാന് മനോജ് പാടുപെട്ടെന്നും അദ്ദേഹത്തിന്റെ കൈവിട്ടുപോയിരുന്നെങ്കില് താനിന്നുണ്ടാകില്ലെന്നും മഞ്ജു ഓര്ക്കുന്നു. മഞ്ജുവിന്റെ വാക്കുകള് ‘ലോഹി സാര് പറഞ്ഞുതരുന്നതിനെ മനസ്സിലിട്ട് ആലോചിച്ചു പെരുക്കിയെടുക്കുന്നതായിരുന്നു ‘സല്ലാപ’ത്തില് എന്റെ രീതി. ആദ്യ ദിവസങ്ങളില് തന്നെ ഇങ്ങനെ രാധയായി മെല്ലെ മാറിത്തുടങ്ങിയിരുന്നു. അഭിനയിച്ചുതുടങ്ങി ഇത്രവര്ഷമായിട്ടും എനിക്ക് നേരത്തെ പറഞ്ഞ പരിമിതികളുണ്ട്. അപ്പോള് പിന്നെ ഒന്നുമറിയാത്ത ഒരു പ്രായത്തില് എന്താകും ചിന്തകളും അഭിനയരീതിയുമെന്ന് പറയേണ്ടതില്ലല്ലോ. ഷൂട്ട് തുടങ്ങി കുറച്ചുദിവസം കഴിഞ്ഞപ്പോള് ക്ലൈമാക്സ് എടുക്കുന്ന…
Read More » -
ശബരിമല തീര്ത്ഥാടകരുടെ ബസും ലോറിയും കൂട്ടിയിടിച്ചു ; നാലുപേര്ക്ക് പരിക്ക് ; ലോറി ഡ്രൈവറുടെ നില ഗുരുതരം ; അപകടം മൂവാറ്റുപുഴ തൃക്കളത്തൂരില്
കൊച്ചി: ശബരിമല തീര്ഥാടകര് സഞ്ചരിച്ചിരുന്ന ബസും ലോറിയും കൂട്ടിയിടിച്ച് അപകടം. മൂവാറ്റുപുഴയ്ക്ക് സമീപം തൃക്കളത്തൂരില് വെച്ചാണ് ഇന്ന് പുലര്ച്ചെയോടെ അപകടമുണ്ടായത്. അപകടത്തില് നാലുപേര്ക്ക് പരിക്കേറ്റു. ഗുരുതരമായി പരിക്കേറ്റ ലോറി ഡ്രൈവറെ എറണാകുളം രാജഗിരി ആശുപത്രിയിലേക്ക് മാറ്റി. ആന്ധ്രയില് നിന്ന് ശബരിമലയിലേക്ക് വന്ന തീര്ഥാടക സംഘം സഞ്ചരിച്ച ബസാണ് അപകടത്തില്പ്പെട്ടത്. പരിക്കേറ്റ തീര്ഥാടകരുടെ നില ഗുരുതരമല്ല.
Read More » -
ശബരിമല സ്വര്ണക്കൊള്ളക്കേസ് ; സ്വര്ണപ്പാളികളുടെ സാമ്പിളുകള് ഇന്ന് കോടതിയില് ഹാജരാക്കും ; സാമ്പിള് ശേഖരിച്ചത് പത്തുമണിക്കൂറിലേറെ സമയമെടുത്ത് ; വാസുവിനെ കസ്റ്റഡിയില് വിട്ടുകിട്ടാന് അപേക്ഷ നല്കും
തിരുവനന്തപുരം: ശബരിമല സ്വര്ണക്കൊള്ള കേസുമായി ബന്ധപ്പെട്ട് ശേഖരിച്ച സ്വര്ണപ്പാളികളുടെ സാമ്പിളുകള് ഫോറന്സിക് പരിശോധനക്കായി എസ്ഐടി ഇന്ന് കോടതിയില് ഹാജരാക്കും. ചൊവ്വാഴ്ച പുലര്ച്ചെയാണ് സന്നിധാനത്തെ ശാസ്ത്രീയ പരിശോധന പൂര്ത്തിയാക്കി സാമ്പിളുകള് ശേഖരിച്ചത്. കട്ടിളപ്പാളികളിലും ശ്രീകോവിലിന് ചുറ്റുമുള്ള സ്വര്ണം പൂശിയ പാളികളില് നിന്നും സാമ്പിളുകള് ശേഖരിച്ചു. സോപാനത്തെ പാളികള് തിരികെ സ്ഥാപിച്ചു. ഏകദേശം പത്ത് മണിക്കൂറോളമാണ് പരിശോധന നടത്തിയത്. കാലപ്പഴക്കം പരിശോധിക്കുന്നത് പാളികള് വ്യാജമാണോ എന്ന് അറിയുന്നതില് നിര്ണായകമാണ്. അതേസമയം, കേസില് റിമാന്ഡിലുള്ള മുന് ദേവസ്വം ബോര്ഡ് പ്രസിഡന്റ് എന്. വാസുവിനെ ചോദ്യംചെയ്യലിനായി കസ്റ്റഡിയില് വിട്ടുകിട്ടുന്നതിനായി എസ്ഐടി കൊല്ലം വിജിലന്സ് കോടതിയില് അപേക്ഷ നല്കും.
Read More » -
ആനന്ദ് തമ്പിയുടെ മരണം ; വീട്ടുകാരുടേയും കൂട്ടുകാരുടേയും മൊഴിയെടുത്തു ; ആനന്ദിന് മത്സരിക്കാന് താത്പര്യമുണ്ടായിരുന്നെന്ന് കുടുംബം ; ബിസിനസ് മതി രാഷ്ട്രീയം വേണ്ടെന്ന് ആനന്ദിനോടു പറഞ്ഞതായി വീട്ടുകാര്
തിരുവനന്തപുരം : ബിജെപി സംസ്ഥാന നേതൃത്വത്തേയും ആര്.എസ്.എസിനേയും പ്രതിക്കൂട്ടില് നിര്ത്തിയ ആനന്ദ് തമ്പിയുടെ മരണം സംബന്ധിച്ച് പോലീസ് ആനന്ദിന്റെ വീട്ടുകാരുടേയും കൂട്ടുകാരുടേയും മൊഴിയെടുത്തു. ആനന്ദിന് മത്സരിക്കാന് താത്പര്യമുണ്ടായിരുന്നുവെന്നും എന്നാല് വീട്ടുകാര്ക്ക് രാഷ്ട്രീയത്തേക്കാള് ആനന്ദ് ബിസിനസ നോക്കി നടത്തുന്നതായിരുന്നു താത്പര്യമെന്നും മൊഴിയില് പറയുന്നു. ആനന്ദ് തമ്പിയുടെ മരണത്തില് അച്ഛന്, ഭാര്യാപിതാവ്, സുഹൃത്ത് രാജേഷ് എന്നിവരുടെ മൊഴിയാണ് പോലീസ്് രേഖപ്പെടുത്തിയത്. ആനന്ദിന് തൃക്കണ്ണാപുരം വാര്ഡില് മത്സരിക്കാന് താത്പര്യമുണ്ടായിരുന്നു എന്നാണ് ബന്ധുക്കളുടെ മൊഴി.എന്നാല് മത്സരിക്കുന്നതില് കുടുംബത്തിന് താത്പര്യമുണ്ടായിരുന്നില്ല. ബിസിസസ് നോക്കിനടത്താനാണ് കുടുംബം ആവശ്യപ്പെട്ടത്. അതേസമയം മത്സരിക്കാനുള്ള താല്പര്യം പാര്ട്ടി നേതാക്കളോട് പറഞ്ഞതായി അറിയില്ലെന്നാണ് സുഹൃത്തിന്റെ മൊഴി. കമ്മിറ്റിയില് പങ്കെടുത്തപ്പോഴും ഇക്കാര്യം ആനന്ദ് പറഞ്ഞിരുന്നില്ലെന്നും മൊഴിയുണ്ട്. ആരോഗ്യപ്രശ്നങ്ങള് ഉള്ളതിനാല് ഭാര്യയുടെ മൊഴി എടുക്കാന് കഴിഞ്ഞിട്ടില്ല.
Read More » -
‘എന്റെ കഥാപാത്രം മനോഹരമായത് മഞ്ജു വാര്യര് എന്ന അഭിനേത്രി എതിരേ നിന്നതുകൊണ്ടുമാത്രം’; ഭാര്യയുടെ മരണത്തിനുശേഷം ഞാന് അനുഭവിക്കുന്ന ഏകാന്തതകൂടിയാണ് ആ കഥാപാത്രം: മമ്മൂട്ടി സംശയിച്ചിട്ടും രഞ്ജിത്ത് ആണ് എന്നിലേക്ക് എത്തിച്ചത്: ‘ആരോ’ എന്ന ഹ്രസ്വചിത്രത്തെക്കുറിച്ച് ശ്യാമപ്രസാദ്
കൊച്ചി: ഭാര്യയുടെ മരണത്തിനുശേഷം തന്റെ ജീവിതത്തിലുണ്ടായ തീവ്രമായ ഏകാന്തതയാണു ‘ആരോ’ എന്ന സിനിമയെ ഹൃദയത്തില് ഉള്ക്കൊള്ളാന് സഹായിച്ചതെന്നു സംവിധായകന് ശ്യാമപ്രസാദ്. മമ്മൂട്ടി കമ്പനി നിര്മിച്ചു രഞ്ജിത്ത് സംവിധാനം ചെയ്തു ശ്യാമപ്രസാദും മഞ്ജു വാര്യരും മുഖ്യ വേഷത്തില് അഭിനയിച്ച ‘ആരോ’ എന്ന ഹ്രസ്വചിത്രം വ്യാപകമായി സ്വീകരിക്കപ്പെട്ടതിനുശേഷം നല്കിയ അഭിമുഖത്തില് സംസാരിക്കുകയായിരുന്നു അദ്ദേഹം. ‘അടുത്ത കാലത്തായി ഏറ്റവും തീവ്രമായിട്ടുള്ള ഏകാന്തത അനുഭവിച്ചിട്ടുള്ള ആളാണ് ഞാന്. രണ്ടുവര്ഷം മുന്പാണ് എന്റെ പത്നി വിട പറഞ്ഞത്. ‘ബീയിംഗ് എലോണ്’ എന്നൊരു അവസ്ഥയെ എനിക്ക് ഏറ്റവും നന്നായി മനസിലാക്കാനാകും . ആ അനുഭവങ്ങളെക്കൂടിയാണ് ആരോയിലെ അഭിനയവേളയില് ഞാന് ഊര്ജ്ജമാക്കിയത്. ഒരു പക്ഷെ അങ്ങിനെ സ്വന്ത അനുഭവങ്ങളില് നിന്നല്ലെങ്കില് പോലും ഒരു കലാകാരന് പരകീയമായ അനുഭാവങ്ങളെ സഹഭാവത്തോടെ ഉള്ക്കൊള്ളാന് സാധിക്കും, സാധിക്കണം എന്നാണ് എന്റെ വിശ്വാസം. അതാണ് അഭിനേതാവിന്റെ കല’യെന്നു ശ്യാമപ്രസാദ് മനോരമ ന്യൂസിനു നല്കിയ അഭിമുഖത്തില് പറഞ്ഞു. ‘മഞ്ജുവാര്യര് തനിക്കെതിരേ നിന്നതുകൊണ്ടാണു തന്റെ കഥാപാത്രവും മനോഹരമായത്. ‘മഞ്ജു വാര്യര്…
Read More » -
ചെങ്കോട്ട സ്ഫോടനം: ഉമര് നബിയുടെ മൊബൈല് ഫോണ് കണ്ടെത്തി; വിവരങ്ങള് വീണ്ടെടുത്തു; രേഖകളില്ലാതെ താമസിച്ചതിന് ഡല്ഹിയില് 172 പേര്ക്കെതിരേ കേസ്; തലസ്ഥാനം അരിച്ചുപെറുക്കി അന്വേഷണ ഏജന്സികള്
ന്യൂഡല്ഹി: ചെങ്കോട്ട ചാവേർ സ്ഫോടനം നടത്തിയ ഉമർ നബിയുടെ ഒരു മൊബൈൽഫോൺ അന്വേഷണസംഘം കണ്ടെത്തി. ആകെ രണ്ട് മൊബൈൽഫോൺ ഇയാളുടെ പേരിലുണ്ടെന്നാണ് നിഗമനം. കശ്മീർ താഴ്വരയിലെ ഒരു നദിയിൽനിന്നാണ് മൊബൈൽഫോൺ വീണ്ടെടുത്തത്. കഴിഞ്ഞമാസം അവസാനം ഉമർ നബി വീട്ടിലെത്തിയിരുന്നു. ചെങ്കോട്ട സ്ഫോടനത്തിന് ദിവസങ്ങൾക്ക് മുൻപുള്ള ഈ സന്ദർശനത്തിൽ ഉമർ നബി മൊബൈൽഫോൺ സഹോദരന് നൽകി. സ്ഫോടനത്തിനുശേഷം ഉമറിന്റെ സഹോദരങ്ങളായ സഹൂർ ഇല്ലാഹി, ആഷിഖ് ഹുസൈൻ എന്നിവരെ പൊലീസ് ചോദ്യം ചെയ്യാൻ കസ്റ്റഡിയിൽ എടുത്തിരുന്നു. ഇല്ലാഹിയാണു മൊബൈൽ ഉപേക്ഷിച്ച നദിയിലേക്ക് അന്വേഷണ സംഘത്തെ എത്തിച്ചത്. ഫൊറൻസിക് സംഘത്തിന്റെ സഹായത്തോടയാണു വിവരങ്ങൾ വീണ്ടെടുത്തത്. ഈ മൊബൈൽഫോണിലെ വിഡിയോയാണ് ഇന്നലെ പുറത്തുവന്നത്. അതിനിടെ, ED അറസ്റ്റ് ചെയ്ത അൽ ഫലാഹ് സർവകലാശാല ചെയർമാൻ ജാവേദ് അഹമ്മദ് സിദ്ധിക്കിയെ ഇന്ന് കോടതിയിൽ ഹാജരാക്കും. അതേസമയം ഡല്ഹിയില് രേഖകളില്ലാതെ താമസിച്ചതിന് 175 പേര്ക്കെതിരെ പൊലീസ് കേസ്. ചെങ്കോട്ട സ്ഫോടനത്തിന് പിന്നാലെ അനധികൃത താമസക്കാരെ കണ്ടെത്താന് ഡല്ഹിയില്…
Read More » -
ചൈന തള്ളിയ 12 മണിക്കൂര് ജോലി ഇന്ത്യയില് നടപ്പാക്കണമെന്ന് ആവശ്യപ്പെട്ട് ഇന്ഫോസിസ് സ്ഥാപകന് നാരായണമൂര്ത്തി; ആഴ്ചയില് 72 മണിക്കൂര്; പ്രധാനമന്ത്രി 100 മണിക്കൂര് ജോലി ചെയ്യുന്നെന്ന് ന്യായീകരണം; സോഷ്യല് മീഡിയയില് വ്യാപക വിമര്ശനം
ന്യൂഡല്ഹി: ഇന്ത്യയിലെ യുവതലമുറ രാജ്യത്തിനായി ആഴ്ചയില് 72 മണിക്കൂര് ജോലി ചെയ്യണമെന്ന് ആവശ്യപ്പെട്ട് ഇന്ഫോസിസ് ഇന്ഫോസിസ് സ്ഥാപകന് എന്.ആര്. നാരായണ മൂര്ത്തി. തൊഴില് മാനദണ്ഡങ്ങള്ക്കു വിരുദ്ധമെന്നു ചൂണ്ടിക്കാട്ടി ചൈനയടക്കം നിരോധിച്ച 9-9-6 മണിക്കൂര് ജോലിയെന്ന മോഡല് ഇന്ത്യയില് നടപ്പാക്കണമെന്ന ആവശ്യത്തിനെതിരേ വന് പ്രതിഷേധമാണ് ഉയരുന്നത്. കഠിനാധ്വാനത്തിനായി ചൈനീസ് കമ്പനികള് മുന്പ് പിന്തുടര്ന്നിരുന്ന ‘9-9-6’ തൊഴില് സംസ്കാരമാണ് മൂര്ത്തി വന് സംഭവമായി ഉയര്ത്തിക്കാട്ടിയത്. രാവിലെ 9 മണി മുതല് രാത്രി 9 മണി വരെ ആഴ്ചയില് ആറു ദിവസം ജോലി ചെയ്യുന്ന രീതിയാണ് ‘9-9-6’ എന്ന് അറിയപ്പെടുന്നത്. അതായത് 72 മണിക്കൂര് ജോലി തന്നെ. റിപ്പബ്ലിക് ടിവിക്ക് നല്കിയ അഭിമുഖത്തിലാണ് മൂര്ത്തി ഈ ചൈനീസ് മോഡല് ഇന്ത്യയിലെ യുവജനങ്ങള് അനുകരിക്കണമെന്ന് ആവശ്യപ്പെട്ടത്. രാജ്യത്തിന് വലിയ കാര്യങ്ങള് ചെയ്യാനുണ്ടെന്നും അതിന് യുവജനങ്ങളുടെ കഠിനാധ്വാനം അനിവാര്യമാണെന്നുമാണ് 79-കാരനായ നാരായണ മൂര്ത്തി പറയുന്നത്. ആദ്യം നിങ്ങള് ഒരുജീവിതം ഉണ്ടാക്കൂ, എന്നിട്ട് വര്ക്ക്-ലൈഫ് ബാലന്സിനെക്കുറിച്ച് ചിന്തിക്കുക എന്നാണ് അദ്ദേഹത്തിന്റെ…
Read More » -
ക്രിപ്റ്റോ കറന്സിയില് കൂട്ടത്തകര്ച്ച; ആറാഴ്ചയ്ക്കിടെ നഷ്ടമായത് ശതകോടികള്; വ്യാപക വിറ്റഴിക്കലുമായി നിക്ഷേപകര്; ബിറ്റ്കോയിനും ഇടിഞ്ഞു; കമ്പനി പൂട്ടിക്കെട്ടി
ബീജിംഗ്: ബിറ്റ്കോയിന് അടക്കമുള്ള ക്രിപ്റ്റോകറന്സികള് നേരിടുന്നത് സമാനതകളില്ലാത്ത തകര്ച്ച. പ്രമുഖ ക്രിപ്റ്റോകറന്സിയായ ബിറ്റ്കോയിന് മൂല്യം ഒരുമാസത്തിനിടെ 25-30 ശതമാനത്തിനടുത്താണ് ഇടിഞ്ഞത്. 1,26,000 ഡോളര് വരെ ഉയര്ന്ന ബിറ്റ്കോയിന് വില നിലവില് 91,040 ഡോളറിലാണ്. നിക്ഷേപകരുടെ ക്രിപ്റ്റോ മൂല്യത്തില് കഴിഞ്ഞ ആറാഴ്ച്ചയ്ക്കിടെ 1.2 ട്രില്യണ് ഡോളറിന്റെ നഷ്ടമാണ് രേഖപ്പെടുത്തിയത്. ക്രിപ്റ്റോകറന്സികളിലെല്ലാം വീഴ്ച്ച പ്രകടമാണെങ്കിലും സ്ഥിതിഗതികള് ഇത്രത്തോളം രൂക്ഷമാക്കിയത് ബിറ്റ്കോയിന്റെ ഇടിവാണ്. ഇപ്പോഴത്തേത് സമ്പൂര്ണ വീഴ്ച്ചയല്ലെന്നും വിപണിയില് തിരുത്തലാണ് നടക്കുന്നതെന്നാണ് ക്രിപ്റ്റോ വിദഗ്ധരുടെ വാദം. എന്നാല് ക്രിപ്റ്റോ കറന്സികള് അസ്ഥിരമാണെന്നതിന്റെ മറ്റൊരു ഉദാഹരണം കൂടിയാണിതെന്നാണ് ഒരുകൂട്ടര് പറയുന്നത്. തകര്ച്ച നീണ്ടുനില്ക്കുമെന്ന ഭയത്തില് വന്കിട നിക്ഷേപകരില് പലരും ക്രിപ്റ്റോ നിക്ഷേപം വിറ്റഴിക്കുന്നുണ്ട്. ഇതും വിപണിയിലെ അനിശ്ചിതത്വം വര്ധിപ്പിച്ചിട്ടുണ്ട്. റോയിട്ടേഴ്സ് റിപ്പോര്ട്ട് അനുസരിച്ച് ദീര്ഘകാല നിക്ഷേപകരില് പലരും അനിശ്ചിതത്വം മുന്നില് കണ്ട് ലാഭമെടുക്കലിലേക്ക് തിരിഞ്ഞിട്ടുണ്ട്. ഇത് വീഴ്ച്ചയുടെ ആഴം വര്ധിപ്പിക്കുമെന്ന് റിപ്പോര്ട്ടില് പറയുന്നു. കഴിഞ്ഞ 30 ദിവസത്തിനിടെ ദീര്ഘകാല നിക്ഷേപകര് 8,15,000 ബിറ്റ്കോയിനാണ് വിറ്റഴിച്ചത്. 2024 ജനുവരിക്ക്…
Read More »