Lead News
-
അതി ദാരുണം ; കരള്പിളരും കാഴ്ചകള് ; സൗദി അപകടത്തില് മരിച്ച 42 പേരെയും തിരിച്ചറിയാനാവാത്ത അവസ്ഥ ; ജിദ്ദ ഇന്ത്യന് കോണ്സുലേറ്റ് കണ്ട്രോള് റൂം തുറന്നു
സൗദി: ഇന്ത്യന് തീര്ത്ഥാടകര് സഞ്ചരിച്ചിരുന്ന ബസ് അപകടത്തില് പെട്ട് മരിച്ച 42 പേരെയും തിരിച്ചറിയാനാവാത്ത അവസ്ഥ. എല്ലാ മൃതദേഹങ്ങളും കത്തിക്കരിഞ്ഞ് തിരിച്ചറിയാന് കഴിയാത്ത സ്ഥിതിയിലാണ്. ബസിലുണ്ടായിരുന്ന 43 പേരില് ഒരാളൊഴികെ ബാക്കിയെല്ലാവരും തല്ക്ഷണം മരിച്ചു. ജിദ്ദയില് ഇന്ത്യന് കോണ്സുലേറ്റ് കണ്ട്രോള് തുറന്നിട്ടുണ്ട്. 24 മണിക്കൂറും കണ്ട്രോള് റൂം പ്രവര്ത്തിക്കുമെന്ന് ജിദ്ദ ഇന്ത്യന് കോണ്സുലേറ്റ് അറിയിച്ചു. അപകടവിവരമറിഞ്ഞ് മലയാളികളടക്കം നിരവധി ഇന്ത്യക്കാര് സ്ഥലത്തെത്തി. 25 കാരനായ അബ്ദുല് ഷുഹൈബ് മുഹമ്മദ് മാത്രമാണ് രക്ഷപ്പെട്ടത്. ഇദ്ദേഹം മദീനയിലെ കിംഗ് ഫഹദ് ആശുപത്രിയില് ചികിത്സയിലാണ്. മക്കയില് നിന്നും ഉംറ നിര്വഹിച്ച ശേഷം പുറപ്പെട്ട ബസാണ് അപകടത്തില് പെട്ടത്. മരിച്ചവരില് 20 സ്ത്രീകളും 11 പേര് പത്ത് വയസിന് താഴെയുള്ള കുട്ടികളുമാണ്. ബസ് ഡീസല് ടാങ്കറുമായി കൂട്ടിയിടിച്ചതോടെ തല്ക്ഷണം തീപിടിക്കുകയായിരുന്നു. മൃതദേഹങ്ങളെല്ലാം മദീന കിംഗ് ഫഹദ് ആശുപത്രി മോര്ച്ചറിയിലാണുള്ളത്. സംഭവം നടന്ന ഉടന് സ്ഥലത്ത് കുതിച്ചെത്തിയ സുരക്ഷാവിഭാഗം ഉദ്യോഗസ്ഥര് ഏറെ പണിപ്പെട്ടാണ് മൃതദേഹങ്ങള് പുറത്തെടുത്തത്. ഒരാളെ…
Read More » -
സൗദിയില് ഇന്ത്യക്കാര് സഞ്ചരിച്ച ബസ് കത്തി വന് ദുരന്തം; സൗദിയില് ഇന്ത്യന് ഉംറ സംഘത്തിന്റെ ബസ് അപകടത്തില്പ്പെട്ട് 42 മരണം; മരിച്ചത് ഹൈദരാബാദ് സ്വദേശികള്ച അപകടം മക്കയില് നിന്ന് മദീനയിലേക്ക് പോകുമ്പോള്
സൗദി: സൗദിയില് ഇന്ത്യക്കാര് സഞ്ചരിച്ചിരുന്ന ബസ് അപകടത്തില് പെട്ട് വന് ദുരന്തംം. 42 പേര് മരിച്ചു. ഇന്ത്യന് ഉംറ സംഘം സഞ്ചരിച്ച ബസ് അപകടത്തില് പെട്ടാണ് 42 പേര് ദാരുണമായി കൊല്ലപ്പെട്ടത്. അപകടത്തില്പ്പെട്ട് പരിക്കേറ്റ ഒരാള് ഗുരുതര നിലയില് തുടരുകയാണ്. ഹൈദരാബാദ് സ്വദേശികളാണ് അപകടത്തില് പെട്ടത്. മക്കയില് നിന്ന് മദീനയിലേക്ക് പുറപ്പെട്ട ഇവരുടെ ബസ് ഇന്ന് പുലര്ച്ചെ ഇന്ത്യന് സമയം 1.30 ന് (സൗദി സമയം ഇന്നലെ രാത്രി 11) ഒരു പെട്രോള് ടാങ്കറുമായി കൂട്ടിയിടിച്ചു തീപിടിച്ചാണ് അപകടം. ബസില് ഉണ്ടായിരുന്നത് 43 പേരായിരുന്നു. എല്ലാവരും ഹൈദരാബാദ് സ്വദേശികളാണ്. അതില് 42 പേരും മരിച്ചു. മരിച്ചവരില് 20 സ്ത്രീകളും 11 കുട്ടികളും ആണ്. മക്കയിലെ തീര്ഥാടനം പൂര്ത്തിയാക്കി മദീനയിലേക്ക് പോകുന്ന വഴിയാണ് അപകടം നടന്നത്. ബദ്റിനും മദീനക്കും ഇടയില് മുഫറഹാത്ത് എന്ന സ്ഥലത്ത് വെച്ചാണ് അപകടം നടന്നത്. ബസിലുണ്ടായിരുന്നവര് തീര്ഥാടകര് മുഴുവന് ഹൈദരാബാദ് സ്വദേശികളാണെന്ന് ഉംറ കമ്പനി സ്ഥിരീകരിച്ചിട്ടുണ്ട്. അപകടത്തില് നിന്ന്…
Read More » -
ഞെട്ടിപ്പിക്കുന്ന വെളിപ്പെടുത്തലുകള്; അവയവ കച്ചവട മാഫിയ കേരളത്തില് പിടിമുറുക്കുന്നു ; ഇറാനിലേക്ക് നടത്തിയ മനുഷ്യക്കടത്ത് അവയവ കച്ചവടത്തിന് വേണ്ടി ; കേരളത്തിലെ സ്വകാര്യ ആശുപത്രികള്ക്ക് നേരെയും സംശയമുനകള് ; ഒരു റിക്രൂട്ട്്മെന്റിന് അക്കൗണ്ടിലെത്തുന്നത് ലക്ഷങ്ങളുടെ കമ്മീഷന് ; പിടിയിലായ തൃശൂര് സ്വദേശിയെ കൂടുതല് ചോദ്യം ചെയ്യും
കൊച്ചി : കേരളം അവയവ കച്ചവടം മാഫിയയുടെ കേന്ദ്രമാകുന്നു. കേരളത്തില്നിന്ന് നിരവധിപേരെ ഇറാന് അടക്കമുള്ള രാജ്യങ്ങളിലേക്ക് കടത്തിയത് അവയവ കച്ചവടത്തിന് വേണ്ടിയാണെന്ന് ദേശീയ അന്വേഷണ ഏജന്സികള് സ്ഥിരീകരിച്ചു. ഇറാനിലേക്കുള്ള മനുഷ്യക്കടത്ത് പ്രധാനമായും അവയവക്കച്ചവടത്തിന് വേണ്ടിയായിരുന്നു. ഇതുമായി ബന്ധപ്പെട്ട് പിടിയിലായ മലയാളികള് നല്കുന്ന വിവരങ്ങള് ഞെട്ടിപ്പിക്കുന്നതാണ്. കേരളത്തിലെ ജില്ലാ സ്വകാര്യ ആശുപത്രികള് വരെ ഈ അവയവ കച്ചവട – മനുഷ്യക്കടത്ത് റാക്കറ്റിലെ കണ്ണികള് ആണെന്നാണ് ഇപ്പോള് പുറത്തുവരുന്ന ഞെട്ടിപ്പിക്കുന്ന വിവരം. വിദേശരാജ്യങ്ങളുമായി ഡീല് ഉറപ്പിച്ച് മനുഷ്യക്കടത്തിലൂടെ അവയവം ലക്ഷ്യസ്ഥാനത്ത് എത്തിക്കുക എന്നതാണ് ഇവരുടെ ഓപ്പറേഷന് രീതി. ജോലിയും മറ്റും ഓഫര് ചെയ്താണ് മനുഷ്യക്കടത്ത് നടത്തുന്നത്. യാതൊരു സംശയവും തോന്നാതിരിക്കാന് ആവശ്യമായ വാഗ്ദാനം ഇവര് കൈക്കൊള്ളുന്നുണ്ട്.. പിടിയായ മലയാളിയില് നിന്ന് ലഭിച്ച സൂചനകളാണ് സ്വകാര്യ ആശുപത്രികളിലേക്ക് സംശയത്തിന്റെ മുന നീളാന് കാരണം. ദേശീയ അന്വേഷണ ഏജന്സിയായ എന്ഐഎ ഇത് അതീവ ഗൗരവത്തില് എടുത്താണ് അന്വേഷണവുമായി മുന്നോട്ടു പോകുന്നത്. പല രോഗികളുടെയും വിവരങ്ങള് ഇത്തരത്തില് അവയവ…
Read More » -
കേരളത്തിനു പിന്നാലെ രാജസ്ഥാനിലും എസ്.ഐ.ആര് ആത്മഹത്യ ; രാജസ്ഥാനില് ബി.എല്.ഒ ട്രെയിനിന് മുന്നില് ചാടി മരിച്ചു ; എസ്.ഐ.ആര് ജോലികള് പൂര്ത്തിയാക്കാന് കടുത്ത സമ്മര്ദ്ദമെന്ന് കുറിപ്പ് ; ജീവനൊടുക്കിയത് പ്രൈമറി സ്കൂള് അധ്യാപകന്
രാജസ്ഥാന്: കേരളത്തിനു പിന്നാലെ രാജസ്ഥാനിലും എസ്.ഐ.ആറിന്റെ പേരില് ആത്മഹത്യ. രാജസ്ഥാനിലെ പ്രൈമറി സ്കൂള് അധ്യാപകനാണ് എസ്.ഐ.ആര് ജോലികള് പൂര്ത്തിയാക്കാന് കടുത്ത സമ്മര്ദ്ദമെന്ന കുറിപ്പെഴുതി വെച്ചാണ് ബി.എല്.ഒ ആയ അധ്യാപകന് ട്രെയിനിനു മുന്നില് ചാടി ജീവനൊടുക്കിയത്. എസ്.ഐ.ആറുമായി ബന്ധപ്പെട്ട ജോലികള് പൂര്ത്തിയാക്കാന് കടുത്ത സമ്മര്ദ്ദം നേരിട്ടിരുന്നതായി കുടുംബം ആരോപിച്ചു. ജയ്പൂര് നഹ്രി കാ ബാസിലെ ഗവണ്മെന്റ് പ്രൈമറി സ്കൂളിലെ അധ്യാപകന് കൂടിയായ മുകേഷ് ജംഗിദ് ആണ് ആത്മഹത്യ ചെയ്തത്. മുകേഷിന്റെ ആത്മഹത്യ കുറിപ്പ് പോലീസ് കണ്ടെത്തി. എസ്ഐആര് ജോലികള് കാരണം താന് സമ്മര്ദ്ദത്തിലാണെന്നും സൂപ്പര്വൈസര് സമ്മര്ദ്ദം ചെലുത്തുന്നുണ്ടെന്നും കുറിപ്പില് പറയുന്നു.സസ്പെന്ഷന് ഭീഷണി ഉണ്ടെന്നും ആത്മഹത്യ കുറിപ്പിലുണ്ട്. കേരളത്തില് ഇതേ വിഷയവുമായി ബന്ധപ്പെട്ട് ബിഎല്ഒ ആത്മഹത്യ ചെയ്ത വിവാദങ്ങള് കൊടുമ്പിരി കൊണ്ടുനില്ക്കുന്നതിനിടെയാണ് സമാനമായ വിഷയം മറ്റൊരു മനുഷ്യജീവന് അപഹരിച്ചിരിക്കുന്നത്. ഏറ്റുകുടുക്കയില് ബിഎല്ഒ ആത്മഹത്യ ചെയ്ത സംഭവത്തില് പ്രതിഷേധിച്ച് ഇന്ന് കേരളത്തില് സംസ്ഥാന വ്യാപകമായി ബിഎല്ഒമാര് ജോലി ബഹിഷ്കരിക്കുകയാണ്. മുഖ്യ തെരഞ്ഞെടുപ്പ് ഓഫീസറുടെ ഓഫീസിലേക്കും ജില്ലാ…
Read More » -
ഇനി സൗദി കണ്ട് പനിക്കണ്ട! പ്രഫഷണലുകള്ക്കും നിര്മാണ- വ്യവസായ മേഖലകളിലെ സ്കില്ഡ് ജോലികള്ക്കും ശമ്പളം കുത്തനെ ഇടിയുന്നു; സൗദിയുടെ മള്ട്ടി ബില്യണ് പദ്ധതിയായ ‘വിഷന് 2030’ ഇഴയുന്നെന്നും റിപ്പോര്ട്ട്; ആളിടിക്കുന്നത് യുഎഇയിലേക്ക്
അബുദാബി: ചെലവുകള് നിയന്ത്രിക്കുന്നതിന്റെ ഭാഗമായി നിര്മാണ- വ്യവസായ മേഖലകളിലെ ശമ്പളം വെട്ടിക്കുറയ്ക്കാന് സൗദി കമ്പനികള്. വിദേശ രാജ്യങ്ങളില്നിന്ന് പ്രതിഭകളെ ആകര്ഷിക്കാനായി വാഗ്ദാനം ചെയ്തിരുന്ന ഉയര്ന്ന ശമ്പളം വെട്ടിക്കുറയ്ക്കുന്നതിനു പുറമേ, ആനുകൂല്യങ്ങളും കുറയ്ക്കുകയാണെന്നു നാല് റിക്രൂട്ടിംഗ് ഏജന്സികള് വ്യക്തമാക്കി. ലോകത്തിലെ ഏറ്റവും വലിയ എണ്ണ കയറ്റുമതിക്കാരായ സൗദി അറേബ്യ, ഹൈഡ്രോ കാര്ബണ് വരുമാനത്തെ ആശ്രയിക്കുന്നതില്നിന്നു മാറി തൊഴില് അവസരങ്ങള് സൃഷ്ടിച്ച്, ടൂറിസം, റിയല് എസ്റ്റേറ്റ്, ഖനനം, ധനകാര്യ സേവനങ്ങള് പോലുള്ള വ്യവസായങ്ങള് വികസിപ്പിക്കാനുള്ള ലക്ഷ്യത്തോടെ തയാറാക്കിയ സാമ്പത്തിക പുനര്നിര്മാണ പദ്ധതിയായ ‘വിഷന് 2030’ ന്റെ പാതയിലാണ്. ഇതിന്റെ ഭാഗമായി നിരവധി ബില്യണ് ഡോളറുകളുടെ നിക്ഷേപമാണ് രാജ്യം നടത്തയിരുന്നത്. പദ്ധതികള്ക്കായി ഉയര്ന്ന കഴിവുള്ള വിദേശ ജോലിക്കാരെ ആവശ്യമുണ്ടെങ്കിലും നിര്വഹണത്തില് വലിയ കാലതാമസമുണ്ടാകുന്നു. വിദേശത്തുനിന്ന് നിയമിക്കപ്പെടുന്നവര് ഇനി മുതല് 40 ശതമാനത്തിലധികമോ നിലവിലെ ശമ്പളത്തിന്റെ ഇരട്ടിയോളം അധിക പ്രീമിയം പ്രതീക്ഷിക്കേണ്ടതില്ല. മുമ്പ് കമ്പനികള് വന് തുക കൊടുത്ത് ആളുകളെ എത്തിച്ചിരുന്നെങ്കില് നിലവില് പിന്തിരിഞ്ഞു നില്ക്കുന്നു. മേഖലയിലെ…
Read More » -
എഫ് 35 യുദ്ധവിമാനം കൈമാറുന്നതില് ഉപാധിയുമായി ഇസ്രയേല്; നയതന്ത്രബന്ധം സ്ഥാപിക്കുന്നതില് തീരുമാനമെടുക്കണം; ചൊവ്വാഴ്ച ട്രംപ്- മുഹമ്മദ് ബിന് സല്മാന് കൂടിക്കാഴ്ച; അബ്രഹാം ഉടമ്പടിയില് ചേരുമെന്ന് പ്രതീക്ഷിക്കുന്നെന്ന് ട്രംപ്
ദുബായ്: സൗദി അറേബ്യയ്ക്ക് എഫ് 35 യുദ്ധവിമാനം കൈമാറുന്നതിന് ഉപാധിയുമായി ഇസ്രയേല്. തങ്ങളുമായി നയതന്ത്രബന്ധം സ്ഥാപിക്കുന്നതില് തീരുമാനമെടുക്കാന് സൗദിയെ പ്രേരിപ്പിക്കണമെന്ന് ഇസ്രയേല് യു.എസ് പ്രസിഡന്റ് ഡോണള്ഡ് ട്രംപിനോട് ആവശ്യപ്പെട്ടു. ചൊവ്വാഴ്ച സൗദി കിരീടാവകാശിയും ട്രംപുമായി വൈറ്റ് ഹൗസില് നടക്കുന്ന കൂടിക്കാഴ്ചയില് ഇസ്രയേല് ബന്ധം ചര്ച്ചയാകും. സൗദി അറേബ്യയ്ക്ക് എഫ് 35 കൈമാറുന്നത് ഇസ്രയേലുമായുള്ള സൗദിയുടെ നയതന്ത്ര ബന്ധം തുടങ്ങുന്നതിന് വിധേയമായിരിക്കണമെന്നു ട്രംപിനെ ഇസ്രയേല് അറിയിച്ചെന്നാണ് റിപ്പോര്ട്ട്. അബ്രഹാം ഉടമ്പടിയുടെ ഭാഗമായി പ്രാദേശിക സുരക്ഷാസഹകരണത്തിന്റെ ഭാഗമായി വേണം യുദ്ധവിമാനങ്ങളുടെ കൈമാറ്റമെന്നാണ് ഇസ്രയേലിന്റെ ആവശ്യം. എഫ് 35 കൈമാറ്റം, യുഎസ് സൗദി സുരക്ഷാ കരാര്, ഇസ്രയേലുമായുള്ള നയതന്ത്രബന്ധം എന്നിവയായിരിക്കും ചൊവ്വാഴ്ച വൈറ്റ്ഹൗസില് നടക്കുന്ന ട്രംപ്മുഹമ്മദ് ബിന് സല്മാന് കൂടിക്കാഴ്ചയുടെ പ്രധാന വിഷയങ്ങളെന്നാണ് റിപ്പോര്ട്ട്. ഗള്ഫില് യുഎഇക്കും ബഹ്റൈനും പിന്നാലെ സൗദി അറേബ്യയും അബ്രഹാം ഉടമ്പടിയില് ചേരുമെന്ന് പ്രതീക്ഷിക്കുന്നതായി യുഎസ് പ്രസിഡന്റ് ഡോണള്ഡ് ട്രംപ് പറഞ്ഞു. ഗാസ യുദ്ധം അവസാനിക്കുമ്പോള് ഇസ്രയേലുമായി നയതന്ത്രബന്ധം സ്ഥാപിക്കുമെന്ന് പ്രതീക്ഷിക്കുന്നതായി…
Read More » -
ചൂട് തട്ടിയാല് ഉഗ്ര സ്ഫോടനം; ഫ്യൂസായി ഉപയോഗിച്ചത് ട്രയാസെറ്റോണ് ട്രൈ പെറോക്സൈഡ്; ‘സാത്തന്റെ അമ്മ’യെന്ന് അന്വേഷണ സംഘം; ഭീകര സംഘടനയ്ക്കുള്ളില് വ്യാപക ഉപയോഗം
ഡല്ഹി: ചെങ്കോട്ടയിലെ സ്ഫോടനത്തിനായി ഡോക്ടര് ഉമര് നബി ഉപയോഗിച്ചത് ‘സാത്താന്റെ അമ്മ’ എന്ന് കുപ്രസിദ്ധിയാര്ജിച്ച ട്രയാസെറ്റോണ് ട്രൈ പെറോക്സൈഡ് രാസവസ്തുവെന്ന് ഫൊറന്സിക് വിദഗ്ധരുടെ അനുമാനം. കേവലം ചൂട് തട്ടിയാല് തന്നെ പൊട്ടിത്തെറിക്കുന്നതാണ് ഇതെന്നും അത്യുഗ്രശേഷിയാണ് ടിഎടിപിക്കുള്ളതെന്നും വിദഗ്ധര് പറയുന്നു. ടിഎടിപിയും അമോണിയം നൈട്രേറ്റും ചേര്ത്താണോ സ്ഫോടനത്തിന് ഉപയോഗിച്ചതെന്നതില് കൂടുതല് പരിശോധനകള് നടക്കുകയാണ്. അങ്ങേയറ്റം സെന്സിറ്റീവാണ് ടിഎടിപി എന്നാണ് വിദഗ്ധര് പറയുന്നത്. ഉരസല്, നേരിയ സമ്മര്ദം, ചൂട് എന്നിങ്ങനെ നിലവിലെ കാലാവസ്ഥയില് ഉണ്ടാകുന്ന ഏത് മാറ്റവും ഇത് പൊട്ടിത്തെറിക്കുന്നതിന് കാരണമാകും. അമോണിയം നൈട്രേറ്റിന് ഡിറ്റണേറ്റര് ആവശ്യമാണെങ്കില് സ്ഫോടനം നടത്തുന്നതിനായി ടിഎടിപിക്ക് അതുപോലും വേണ്ടെന്ന് സാരം. ലോകത്തെങ്ങുമുള്ള അനധികൃത ബോംബ് നിര്മാണ പ്രക്രിയയില് പ്രത്യേകിച്ചും ഭീകരസംഘങ്ങള്ക്കിടയില് വ്യാപക പ്രചാരമാണ് ടിഎടിപിക്കുള്ളത്. അതുതന്നെയാണ് ‘സാത്താന്റെ അമ്മ’യെന്ന പേരും ഇതിന് ചാര്ത്തിക്കിട്ടാന് കാരണവും. ബാഴ്സലോണ ആക്രമണം (2017), പാരിസ് ആക്രമണങ്ങള് (2015), മാഞ്ചസ്റ്റര് ബോംബാക്രമണം (2017), ബ്രസല്സ് ഭീകരാക്രമണം (2016) എന്നിവയ്ക്കായി ടിഎടിപിയാണ് ഉപയോഗിച്ചതെന്ന് കണ്ടെത്തിയിരുന്നു.…
Read More » -
ഡല്ഹി സ്ഫോടനം; ഡോ. ഉമര് നബി ചാവേര് തന്നെ; സ്ഥിരീകരിച്ച് എന്ഐഎ; കേസില് ഒരാള്കൂടി അറസ്റ്റില്; ബോംബ് നിര്മാണത്തിന് ഉമര് വീട്ടില് ലബോറട്ടറി നിര്മിച്ചെന്നും കണ്ടെത്തി
ന്യൂഡല്ഹി: ഡല്ഹി സ്ഫോടനത്തില് ഡോ. ഉമര് നബി ചാവേറെന്ന് സ്ഥിരീകരിച്ച് എന്ഐഎ. കേസില് ഒരാള് കൂടി അറസ്റ്റിലായി. ജമ്മു കശ്മീര് സ്വദേശി അമീര് റഷീദ് അലിയാണ് ഡല്ഹിയില് അറസ്റ്റിലായത് . ഇയാളുടെ പേരിലാണ് കാര് റജിസ്റ്റര് ചെയ്തിട്ടുള്ളത്. സ്ഫോടനം നടത്താനുള്ള IED നിര്മാണത്തിന് വൈറ്റ് കോളര് ഭീകരസംഘം ഉപയോഗിച്ചത് അപകടകാരിയായ TATP എന്ന് സൂചനയുണ്ട്. ബോംബ് നിര്മാണത്തിനായി ഉമര് നബി വീട്ടില് ലാബ് നിര്മിച്ചതായും കണ്ടെത്തി. നിര്ദേശങ്ങള് പാക്കിസ്ഥാനില് നിന്നാണ് ലഭിച്ചത്. സ്ഫോടനം നടന്ന ചെങ്കോട്ടയ്ക്കു സമീപത്തെ റോഡില്നിന്ന് വെടിയുണ്ടകള് കണ്ടെത്തി. അത്യന്തം അപകടകാരിയാണ് ‘സാത്താന്റെ അമ്മ’ എന്നറിയപ്പെടുന്ന ട്രയാസിടോണ് ട്രൈപെറോക്സൈഡ് എന്ന ടി.എ.ടി.പി. താപനിലയിലെ നേരിയ വ്യതിയാനമോ പ്രകമ്പനമോ ഘര്ഷണമോ പൊട്ടിത്തെറിക്ക് ഇടയാക്കാം. 2015 ലെ പാരീസ് ഭീകരാക്രമണത്തിലും 2017 ലെ മാഞ്ചസ്റ്റര് ആക്രമണത്തിലും ഇതേ വസ്തു ഉപയോഗിച്ചിരുന്നു. വിപണിയില് സുലഭമായ ലഭിക്കുന്ന ഏസ്ടോണും ഹൈഡ്രജന് പെറോക്സൈഡും ഉപയോഗിച്ചാണ് നിര്മാണം. സ്ഫോടനം നടത്തിയ ഭീകരന് ഉമര് നബി…
Read More » -
വോട്ടുകിട്ടാനായി മതേതരത്വത്തിൽ വെള്ളം ചേർക്കില്ല; വാക്ക് തരുന്നു, ശക്തമായ പ്രസ്താവനയുമായി വിഡി സതീശൻ
തിരുവനന്തപുരം; മതേതരത്വത്തിൽ വെള്ളം ചേർക്കില്ലെന്ന് പ്രതിപക്ഷ നേതാവ് വി ഡി സതീശൻ. കേവലം വോട്ടുകിട്ടാനായി മതേതരത്വത്തിൽ വെള്ളം ചേർക്കില്ലെന്ന് വാക്ക് തരുന്നു. വർഗീയതയ്ക്ക് തീപ്പിടിപ്പിക്കാൻ ഒരു തീപ്പൊരി വീഴാൻ കാത്തിരിക്കുകയാണ് ചിലർ. അവിടെ മതേതരത്വം ഉയർത്തിപിടിക്കുകയാണ് മുജാഹിദ് പ്രസ്ഥാനമെന്നും വി ഡി സതീശൻ പറഞ്ഞു. കേരള ജംഈയത്തുൽ ഉലമ 100ാം വാർഷിക ചടങ്ങിൽ പങ്കെടുത്ത് സംസാരിക്കുകയായിരുന്നു അദ്ദേഹം. ബിഎൽഓയുടെ ആത്മഹത്യ ഗൗരവമായി അന്വേഷിക്കണം. ബിഎൽഓമാർ നേരിടുന്നത് അമിതമായ ജോലി ഭാരം. സർക്കാരും തിരഞ്ഞെടുപ്പ് കമ്മീഷനും അന്വേഷിച്ച് മറുപടി പറയണം. കമ്മീഷൻ എടുക്കുന്നത് ഏകാധിപത്യ സമീപനം. രാഷ്ട്രീയ പാർട്ടികൾ എല്ലാം എതിർത്തിട്ടും കമ്മീഷൻ കേട്ടില്ലെന്നും വി ഡി സതീശൻ കുറ്റപ്പെടുത്തി. എസ്ഐആർ കേന്ദ്രം അടിച്ചേൽപ്പിച്ചതാണ്. നിയമസഭ തെരഞ്ഞെടുപ്പിനെക്കാൾ വലിയ പ്രക്രിയയാണ് ഇപ്പോൾ നടക്കുന്നത്. തിരഞ്ഞെടുപ്പ് കമ്മീഷൻ കൃത്യമായി അന്വേഷണം നടത്തണം. മുകളിൽ നിന്നുള്ള സമ്മർദത്തിലാണ് പല ബിഎൽഒമാരുമെന്നും വി ഡി സതീശൻ പറഞ്ഞു. അതേസമയം ബിഎൽഓ അനീഷ് ജോർജ് ജീവനൊടുക്കിയത് സിപിഐഎം ഭീഷണിയെ…
Read More » -
മണ്ഡല മകരവിളക്ക് ഉത്സവം; ദർശന പുണ്യത്തിൻറെ നാളുകൾക്ക് തുടക്കമായി, ശബരിമല നട തുറന്നു
പത്തനംതിട്ട: മണ്ഡല മകരവിളക്ക് ഉത്സവത്തിനായി ശബരിമല നട തുറന്നു. ക്ഷേത്രത്തിലെ നെയ്വിളക്കിൽ നിന്നുള്ള നാളവുമായി നിലവിലെ മേൽശാന്തിയായ അരുൺകുമാർ നമ്പൂതിരി പതിനെട്ടാം പടി ഇറങ്ങി നേരെ ആഴിക്ക് സമീപം എത്തി ആഴിയിലേക്ക് അഗ്നി പകർന്നു. നിയുക്ത ശബരിമല മേൽശാന്തി ഇ.ഡി. പ്രസാദ് നമ്പൂതിരി, മാളികപ്പുറം മേൽശാന്തി മനു നമ്പൂതിരി എന്നിവർ അരുൺകുമാർ നമ്പൂതിരിയുടെ കൈ പിടിച്ച് പതിനെട്ടാം പടി ചവിട്ടി സന്നിധാനത്തെത്തി. ശബരിമലയുമായി ബന്ധപ്പെട്ട പ്രധാനപ്പെട്ട ആചാരങ്ങളിൽ ഒന്നാണ് ആഴിയിൽ നാളികേരം അർപ്പിക്കുന്നത്. മനുഷ്യശരീരത്തിലുണ്ടാകുന്ന എല്ലാ അഹന്തകളെയും പ്രശ്നങ്ങളെയും നശിപ്പിക്കുന്ന ഒന്നാണ് ആഴി. ആഴിയിൽ ഒരു നാളികേരം അർപ്പിക്കുന്നതിലൂടെ എല്ലാ അഹന്തകളെയും ആഴിയിലേക്ക് എറിഞ്ഞ്, പുതിയൊരു മനുഷ്യനായി സ്വന്തം നാടുകളിലേക്ക് മടങ്ങുന്നു എന്ന വിശ്വാസമാണ് നിലനിൽക്കുന്നത്. ഈ ആഴി, മണ്ഡല മകരവിളക്ക് ഉത്സവം അവസാനിക്കുന്നത് വരെ കെടാതെ നിൽക്കും. താഴെ തിരുമുറ്റത്തും നടപ്പന്തലിലും നൂറുകണക്കിന് അയ്യപ്പ ഭക്തന്മാരാണ് കാത്തുനിൽക്കുന്നത്.ല
Read More »