Lead News
-
ഒറ്റവോട്ട് മാത്രമേ ചെയ്തിട്ടുള്ളെന്ന് 75 കാരി ചരണ്ജിത് കൗര് ; 223 തവണ വോട്ട് ചെയ്തെന്ന ആരോപണത്തില് പ്രതികരണം ; 10 വര്ഷമായി ഫോട്ടോകള് ഇത്തരത്തിലാണ് വോട്ടര് പട്ടികയില് ഉള്ളത്
ന്യൂഡല്ഹി: ലോക്സഭാ പ്രതിപക്ഷ നേതാവ് രാഹുല് ഗാന്ധിയുടെ വോട്ടുമോഷണ ആരോപണത്തില് പ്രതികരണവുമായി 75കാരി ചരണ്ജിത് കൗര്. തന്റെ വോട്ട് മാത്രമാണ് ചെയ്തതെന്നും ഒരു തവണയേ ചെയ്തുള്ളുവെന്നും പറഞ്ഞു. ചിത്രം 223 തവണ ഉപയോഗിച്ചതായി വാര്ത്താസമ്മേളനത്തില് രാഹുല്ഗാന്ധി ആരോപണം ഉയര്ത്തിയതിന് പിന്നാലെയാണ് പ്രതികരണവുമാിയ കൗര് എത്തിയതും. വോട്ടര്മാരുടെ ചിത്രത്തിന്റെ സ്ഥാനത്ത് 100 ലധികം തവണ ചരണ്ജിത് കൗറിന്റെ ചിത്രം വന്നതായി രാഹുല് ആരോപിച്ചിരുന്നു. ഇവര് എത്ര തവണ വോട്ട് ചെയ്തെന്ന് തെരഞ്ഞെടുപ്പ് കമ്മീഷന് വ്യക്തമാക്കണമെന്നും രാഹുല് ഗാന്ധി പറഞ്ഞിരുന്നു. ഇതിനെതിരെയാണ് താന് ഒരു തവണ മാത്രമാണ് വോട്ട് ചെയ്തതെന്ന് ചരണ്ജിത് വ്യക്തമാക്കിയത്. 10 വര്ഷമായി ഫോട്ടോകള് ഇത്തരത്തിലാണ് വോട്ടര് പട്ടികയില് ഉള്ളതെന്നും മാറ്റാന് പലതവണ ശ്രമിച്ചിട്ടും മാറ്റം ഉണ്ടായില്ല എന്നും അവരുടെ കുടുംബം പറഞ്ഞു. കൗറിന്റെ ചിത്രം നല്കിയിരിക്കുന്നത് യഥാര്ത്ഥ വോട്ടര്മാരുടെ പേരിന് നേര്ക്കാണെന്നും വോട്ടര് ഐഡി കാണിച്ച് ഇവരില് പലരും വോട്ട് ചെയ്തെന്നും രാഹുല് ആരോപിച്ചിരുന്നു. വോട്ട് ക്രമക്കേടിനായി തന്റെ ചിത്രം…
Read More » -
തദ്ദേശ തെരഞ്ഞെടുപ്പ്: പണി തുടങ്ങുംമുമ്പേ യുഡിഎഫില് പൊട്ടിത്തെറി; തിരുവനന്തപുരത്ത് 32 വാര്ഡില് കേരള കോണ്ഗ്രസ് മത്സരിക്കും; കോണ്ഗ്രസിന്റെ ഏകപക്ഷീയ നീക്കമെന്ന് മോന്സ് ജോസഫ്; തൃശൂരില് സീറ്റ് കിട്ടിയില്ലെങ്കില് ബിജെപിയില് ചേരുമെന്ന് ഭീഷണി; സ്ഥാനാര്ഥി മോഹികളുടെ തള്ളിക്കയറ്റത്തില് ചര്ച്ച പൊളിഞ്ഞു
തിരുവനന്തപുരം/തൃശൂര്: സ്ഥാനാര്ഥികളെ പ്രഖ്യാപിച്ച പ്രചാരണം തുടങ്ങിയ തിരുവനന്തപുരം കോര്പറേഷനില് യുഡിഎഫില് കല്ലുകടിയായി കേരളാ കോണ്ഗ്രസ് ജോസഫ് വിഭാഗം. സീറ്റ് വിഭജനം ധാരണയാകാത്തതിനെത്തുടര്ന്ന് 32 വാര്ഡുകളില് മത്സരിക്കാന് കേരളാ കോണ്ഗ്രസ് തീരുമാനിച്ചു. യുഡിഎഫ് ജില്ലാ നേതൃത്വത്തിന്റെ ഭാഗത്ത് പാളിച്ചയുണ്ടായെന്നും സംസ്ഥാന നേതൃത്വത്തെ പരാതി അറിയിക്കുമെന്നും കേരളാ കോണ്ഗ്രസ് എക്സിക്യൂട്ടീവ് ചെയര്മാന് മോന്സ് ജോസഫ് പറഞ്ഞു. തലസ്ഥാന കോര്പ്പറേഷനിലെ 101 സീറ്റില് 86 സീറ്റിലാണ് കോണ്ഗ്രസ് മത്സരിക്കുന്നത്. അവശേഷിക്കുന്ന 15 എണ്ണം ഘടകക്ഷികള്ക്ക്. പൂന്തുറ ഉള്പ്പെടെ ഏഴ് സീറ്റ് വേണമെന്ന കേരളാ കോണ്ഗ്രസിന്റെ ആവശ്യം തള്ളി കോണ്ഗ്രസ് മുന്നോട്ടുപോയതോടെയാണ് മത്സരരംഗത്തിറങ്ങാന് യുഡിഎഫിലെ പ്രധാന ഘടകകക്ഷി തീരുമാനിച്ചത്. മേയര് സ്ഥാനാര്ഥിയായ കെ.എസ്. ശബരിനാഥന് മത്സരിക്കുന്ന കവടിയാര് ഉള്പ്പെടെ സ്ഥാനാര്ഥികളെയും പ്രഖ്യാപിച്ചു. ഇത് കാര്യമാക്കാതെ ജില്ലാ കോണ്ഗ്രസ് നേതൃത്വം മുന്നോട്ടുപോകുന്നതില് കേരളാ കോണ്ഗ്രസ് സംസ്ഥാന നേതൃത്വത്തിന് അമര്ഷമുണ്ട്. ദിവസങ്ങളായി കേരളാ കോണ്ഗ്രസ് നേതാക്കള് കോണ്ഗ്രസിന്റെ പിന്നാലെ നടക്കുകയാണെന്നും ഉഭയകക്ഷി ചര്ച്ചയ്ക്ക് തയാറാകണമെന്നും മോന്സ് ജോസഫ് ആവശ്യപ്പെട്ടു. പൂന്തുറയെ…
Read More » -
ഫിഫയുടെ പേരില് ഇനി സമാധാന പുരസ്കാരവും നല്കും; പ്രഥമ പുരസ്കാര ജേതാവ് ട്രംപ് ആണെന്ന അഭ്യൂഹം ശക്തം : പുരസ്കാര സമര്പണം 2026 ലോകകപ്പ് ഡ്രോ ചടങ്ങില്: ട്രംപിന് സമാധാന നോബല് പുരസ്കാരം ലഭിക്കാത്തതിനെ തുടര്ന്നാണ് ഫിഫയുടെ ഈ നീക്കമെന്ന് ആരോപണം: ഫുട്ബോളും സമാധാനത്തിനു വേണ്ടിയാണ് നിലകൊള്ളുന്നതെന്ന് ഫിഫ പ്രസിഡന്റ്
മയാമി : അന്താരാഷ്ട്ര ഫുട്ബോള് സംഘടനയായ ഫിഫയുടെ പേരില് ഇനി സമാധാന പുരസ്കാരം. ഡിസംബര് അഞ്ചിന് അമേരിക്കയില് വെച്ച് നടക്കുന്ന 2026 ലോകകപ്പ് ഡ്രോ ചടങ്ങില് വെച്ച് പ്രഥമ ഫിഫ സമാധാന പുരസ്കാരം സമ്മാനിക്കുമെന്ന് ഫിഫ പ്രസിഡന്റ് ജിയാനി ഇന്ഫന്റിനോ അറിയിച്ചു. കഴിഞ്ഞദിവസം അമേരിക്കന് പ്രസിഡന്റ് ഡൊണാള്ഡ് ട്രംപ്, ഫുട്ബോള് ഇതിഹാസ താരം ലയണല് മെസ്സി എന്നിവരുടെ കൂടെ മയാമിയില് ഒരു ചടങ്ങില് പങ്കിട്ടപ്പോഴായിരിന്നു ജിയാനി ഇന്ഫന്റിനോ സമാധാന പുരസ്കാരത്തെക്കുറിച്ച് അറിയിച്ചത്. പ്രഥമ ഫിഫ സമാധാന പുരസ്കാരം ട്രംപിന് ലഭിക്കുമെന്നും സമാധാന നോബല് പുരസ്കാരം ലഭിക്കാത്തതിനെ തുടര്ന്നാണ് ഫിഫയുടെ ഈ നീക്കമെന്ന് ആരോപണങ്ങള് ഉയരുന്നുണ്ട്. സമാധാനത്തിനായുള്ള അസാധാരണ പ്രവര്ത്തനങ്ങള്ക്ക് അംഗീകാരം നല്കുന്നതാണ് ഈ പുരസ്കാരമെന്ന് ഭരണസമിതി വ്യക്തമാക്കി. അസ്വസ്ഥകളും മറ്റു പ്രശ്നങ്ങളും വര്ദ്ധിച്ചുവരുന്ന ലോകത്ത് സംഘര്ഷങ്ങള് അവസാനിപ്പിച്ച് ജനങ്ങളെ സമാധാനത്തില് ഒരുമിപ്പിച്ച് പ്രവര്ത്തിക്കുന്നവരുടെ കഠിനാധ്വാനം തിരിച്ചറിയേണ്ടതാണ്. ഫുട്ബോളും സമാധാനത്തിനു വേണ്ടിയാണ് നിലകൊള്ളുന്നതെന്നും ഫിഫ പ്രസിഡന്റ് പറഞ്ഞു. ഇന്ഫാന്റിനോ ഈ വര്ഷം സമ്മാനിക്കുന്ന…
Read More » -
നൈറ്റില് അമിതജോലിഭാരം കൊണ്ട പണിയെളുപ്പമാക്കാന്, 10 രോഗികളെ നഴ്സ് കുത്തിവെച്ചു കൊന്നു ; 27 പേരെ കൊല്ലാന് ശ്രമിച്ചതിനും ജര്മ്മന്കാരി ഡോക്ടര്ക്ക് ജീവപര്യന്തം തടവ്
രാത്രി ഷിഫ്റ്റിലെ ജോലിഭാരം കുറയ്ക്കുന്നതിനായി മാരകമായ കുത്തിവയ്പ്പുകള് നല്കി 10 വൃദ്ധ രോഗികളെ കൊലപ്പെടുത്തിയതിനും 27 പേരെ കൊല്ലാന് ശ്രമിച്ചതിനും ജര്മ്മന്കാരന് നഴ്സിന് ജീവപര്യന്തം തടവ്. 15 വര്ഷമെങ്കിലും പരോള് പോലുമില്ലാതെ ജയിലില് കിടക്കേ ണ്ടി വരും. ബുധനാഴ്ച ഒരു പാലിയേറ്റീവ് കെയര് നഴ്സ് കുറ്റക്കാരനാണെന്ന് കണ്ടെത്തിയതിനെ ത്തുടര്ന്ന് ജര്മ്മനി ഞെട്ടലിലാണ്. ആച്ചനിലെ ഒരു കോടതിയാണ് ശിക്ഷ വിധിച്ചത്. പ്രോസിക്യൂട്ടര്മാരുടെ അഭിപ്രായത്തില്, പടിഞ്ഞാറന് ജര്മ്മനിയിലെ ആച്ചനിനടുത്തുള്ള ഒരു ക്ലിനിക്കില് ജോലി ചെയ്തിരുന്ന നഴ്സ് 2023 ഡിസംബറിനും 2024 മെയ് മാസത്തിനും ഇടയില് മനഃപൂര്വ്വം വേദനസംഹാരിക ളുടെ യും മയക്കമരുന്നുകളുടെയും അമിത അളവ് നല്കി. അദ്ദേഹത്തിന്റെ ഉദ്ദേശ്യം വളരെ ലളി തമാണെന്ന് അന്വേഷകര് വാദിക്കുന്നു: ബോധമുള്ള രോഗികള് കുറവാണെങ്കില് രാത്രി ഡ്യൂ ട്ടി സമയത്ത് ഉത്തരവാദിത്തങ്ങള് കുറവായിരിക്കും. അനുകമ്പയുടെയോ പശ്ചാത്താപ ത്തി ന്റെ യോ ധാര്മ്മിക സംഘര്ഷത്തിന്റെയോ ലക്ഷണങ്ങള് അദ്ദേഹം പ്രകടിപ്പിച്ചില്ലെന്ന് കോടതി സ്ഥിരീകരിച്ചു. മുന്കാല ജര്മ്മന് മെഡിക്കല് കൊലപാതക അഴിമതികളുമായി ഈ…
Read More » -
കിട്ടാനുള്ള കുടിശിക കിട്ടിയതില് ആഹ്ലാദിച്ച് പ്രവാസി തൊഴിലാളികള് ; സ്വകാര്യ മേഖലയിലെ 50 പ്രവാസി തൊഴിലാളികള്ക്ക് വേതന കുടിശികയായി ഒന്നര കോടി റിയാല് വിതരണം ചെയ്ത് സൗദി മന്ത്രാലയം:
ജിദ്ദ ; സെപ്റ്റംബറില് സ്വകാര്യ മേഖലയിലെ 50 പ്രവാസി തൊഴിലാളികള്ക്ക് വേതന കുടിശികയും സര്വീസ് ആനുകൂല്യങ്ങളുമായി ഒന്നര കോടിയിലേറെ റിയാല് മാനവവശേഷി, സാമൂഹിക വികസന മന്ത്രാലയം വിതരണം ചെയ്തു. സാമ്പത്തിക പ്രതിസന്ധിയിലായ കമ്പനികളിലെ തൊഴിലാളികളുടെ വേതന കുടിശികയും സര്വീസ് ആനുകൂല്യങ്ങളും തീര്ത്ത് നല്കാനുള്ള സംരംഭത്തിന്റെ ഭാഗമായാണ് 50 തൊഴിലാളികള്ക്ക് ഒന്നര കോടിയിലേറെ റിയാല് വിതരണം ചെയ്തത്. സാമ്പത്തിക പ്രതിസന്ധി നേരിടുന്ന സ്വകാര്യ മേഖലാ സ്ഥാപനങ്ങളിലെ പ്രവാസി തൊഴിലാളികളുടെ വേതന കുടിശികകളും സര്വീസ് ആനുകൂല്യങ്ങളും നല്കാനായി ഇന്ഷുറന്സ് അതോറിറ്റിയുമായി സഹകരിച്ച് മന്ത്രാലയം ഇന്ഷുറന്സ് പദ്ധതി ആരംഭിച്ചിട്ടുണ്ട്. തൊഴിലാളികളെ സംരക്ഷിക്കാനും ഒരു നിശ്ചിത കാലയളവിലേക്ക് വേതനം നല്കാന് സ്ഥാപനങ്ങള്ക്ക് കഴിയാതെ വരുമ്പോള് തൊഴിലാളികള്ക്ക് സാമ്പത്തിക അവകാശങ്ങള് ഉറപ്പ് വരുത്തുകയെന്നതാണ് ഇന്ഷുറന്സ് പദ്ധതിയിലൂടെ ലക്ഷ്യമിടുന്നത്. പ്രവാസി തൊഴിലാളികള്ക്ക് സ്വന്തം നാട്ടിലേക്ക് മടങ്ങാന് ആഗ്രഹിക്കുന്നുവെങ്കില് മടക്ക ടിക്കറ്റ് നല്കല് അടക്കമുള്ള ആനുകൂല്യങ്ങള് ഇന്ഷുറന്സ് ഉറപ്പുനല്കുന്നു. നയങ്ങളിലൂടെയും നിയമനിര്മ്മാണത്തിലൂടെയും സൗദി തൊഴില് വിപണി വികസിപ്പിക്കുക, തൊഴിലാളികളും…
Read More » -
സിറിയന് പ്രസിഡന്റിനെതിരായ ഉപരോധങ്ങള് പിന്വലിച്ച് യു.എന് രക്ഷാ സമിതി; അമേരിക്ക അവതരിപ്പിച്ച പ്രമേയത്തിന് അനുകൂലമായി വോട്ട് ചെയ്തത് 15 രാജ്യങ്ങളില് 14 രാജ്യങ്ങള് ; വിട്ടു നിന്നത് ചൈന:
ന്യൂയോര്ക്ക് : സിറിയന് പ്രസിഡന്റിനെതിരായ ഉപരോധങ്ങള് പിന്വലിച്ച് യു.എന് രക്ഷാ സമിതി. അമേരിക്ക അവതരിപ്പിച്ച പ്രമേയത്തിന് അനുകൂലമായി വോട്ട് ചെയ്തത് 15 രാജ്യങ്ങളില് 14 രാജ്യങ്ങള്. വിട്ടു നിന്നത് ചൈന. സിറിയന് പ്രസിഡന്റ് അഹ്മദ് അല്ശറഇയെ ഐ.എസ്, അല്ഖാഇദ ഉപരോധ പട്ടികയില് നിന്ന് നീക്കം ചെയ്ത് യു.എന് രക്ഷാ സമിതി. അമേരിക്ക അവതരിപ്പിച്ച പ്രമേയത്തിന് അനുകൂലമായി വോട്ട് ചെയ്തത് 15 രാജ്യങ്ങളില് 14 രാജ്യങ്ങളാണ്. ചൈന വോട്ടെടുപ്പില് നിന്ന് വിട്ടുനിന്നു. മുമ്പ് ഇതേ ഉപരോധ വ്യവസ്ഥയില് ഉള്പ്പെടുത്തിയിരുന്ന സിറിയന് ആഭ്യന്തര മന്ത്രി അനസ് ഹസന് ഖത്താബിനെയും ഉപരോധത്തില് നിന്ന് ഒഴിവാക്കിയിട്ടുണ്ട്. അതിനാല് തന്നെ യു.എന് ചാര്ട്ടറിന്റെ ഏഴാം അധ്യായം പ്രകാരം സിറിയന് പ്രസിഡന്റും ആഭ്യന്തര മന്ത്രിയും ആസ്തി മരവിപ്പിക്കലിനോ മുന് ഭീകരവിരുദ്ധ നടപടികള് പ്രകാരം ഏര്പ്പെടുത്തിയ യാത്രാ വിലക്കിനോ വിധേയരാകില്ലെന്ന് യു.എന് രക്ഷാ സമിതി പ്രഖ്യാപിച്ചു. 2025 ലെ യു.എന് കാലാവസ്ഥാ വ്യതിയാന സമ്മേളനം, സി.ഒ.പി 30 നായി സിറിയന് പ്രസിഡന്റ്…
Read More » -
‘ആ ഷോള് എടുത്തിട് മോളേ, നാട്ടുകാര് എന്തു പറയും?; മുടി ഇങ്ങനെ വെട്ടിയത് എന്തിനാ?’ ഇത് എന്റെ ഇഷ്ടമാണെന്നു പറയാന് മടിക്കരുത്; കൂടെയിരുന്ന ഒരുത്തനും അവള്ക്കുവേണ്ടി ഒരു വാക്ക് മിണ്ടാന് തോന്നിയില്ല
തിരുവനന്തപുരം: അദേഴ്സ് സിനിമയുടെ വാര്ത്താ സമ്മേളനത്തിനിടെ ബോഡി ഷെയ്മിങ് നടത്തിയ യൂട്യൂബ് മീഡിയക്ക് നടി ഗൗരി കിഷന് ചുട്ട മറുപടി നല്കിയ സംഭവമാണ് സോഷ്യല് മീഡിയയിലെങ്ങും ചര്ച്ചാവിഷയം. ചിത്രത്തിലെ നടനോട് ഗൗരിയുടെ ഭാരത്തെ പറ്റിയാണ് ഓണ്ലൈന് മാധ്യമപ്രവര്ത്തകന് ചോദിച്ചത്. ഇതോടെയാണ് ചോദ്യത്തെ വിമര്ശിച്ച് ഗൗരി രംഗത്തെത്തിയതും ആ വിഡിയോ വലിയ ചര്ച്ചയായതും. ഇന്ന് കേട്ട ഏറ്റവും ശക്തമായ വാക്കുകളാണ് ഗൗരിയുടേതെന്ന് കൊച്ചി മെഡിക്കല് ട്രസ്റ്റ് ഇന്സ്റ്റിറ്റ്യൂട്ട് ഓഫ് മെഡിക്കല് സയന്സിലെ മുന് അസോ. പ്രൊഫസര് ദീപ സെയ്റ ഫെയ്സ്ബുക്കില് കുറിച്ചു. അവള്ക്ക് വേണ്ടി സംസാരിക്കാന് അവള് മാത്രമേ ഉണ്ടായിരുന്നുള്ളു.. കൂടെ ഇരുന്ന പടത്തിന്റെ ക്രൂവില് ഒരുത്തനു പോലും അവള്ക്ക് വേണ്ടി ഒരു വാക്ക് മിണ്ടാന് തോന്നിയില്ല. സിനിമയുടെ പ്രൊമോഷന് വേദിയാണ്. യുട്യൂബര് കാര്ത്തിക്ക് പടത്തിലെ ഹീറോയോട് ചോദിക്കുകയാണ്, ഹീറോയിനെ എടുത്തു പൊക്കിയപ്പോള് അവളുടെ ഭാരം എത്രായുണ്ടായിരുന്നുവെന്ന്… പോരാത്തതിന് ഇത്ര തടിയുള്ള ഉയരം കുറഞ്ഞ നായികയെ എന്തിന് തിരഞ്ഞെടുത്തുവെന്നും ഗൗരിയെന്താണ് തടി കുറയ്ക്കാത്തതെന്നും…
Read More » -
മദ്യപിച്ചു ട്രെയിനില് കയറാനെത്തിയാല് പിടിവീഴും; ഓപ്പറേഷന് രക്ഷിതയില് കുടുങ്ങിയത് 72പേര്; യാത്രയും വിലക്കി
ട്രെയിനുകളിലെ അതിക്രമങ്ങള് തടയാന് പരിശോധന കര്ശനമാക്കുന്നു. മദ്യപാനികളെ പിടികൂടാനുളള ഓപ്പറേഷന് രക്ഷിതയില് തിരുവനന്തപുരത്ത് 72 പേര് പിടിയില്. മദ്യപിച്ച് ലക്ക്കെട്ട സഹയാത്രികന് ട്രെയിനില് നിന്ന് തളളിയിട്ട ശ്രീക്കുട്ടിയുടെ നില അതീവ ഗുരുതരമായി തുടരുന്നു. രണ്ടെണ്ണം വീശി ട്രെയിനില് കയാറാനെത്തുന്നവര് ജാഗ്രതൈ. ബ്രത്തലൈസറുമായി ആര്പിഎഫും റെയില്വേ പൊലീസും കാത്തു നില്പ്പുണ്ട്. മദ്യപിച്ച് ട്രെയിനില് കയറാനെത്തുന്നവര്ക്ക് പിടിവീണു തുടങ്ങി. ഇന്നലെ ആരംഭിച്ച ഓപ്പറേഷന് രക്ഷിതയില് ഇതുവരെ കുടുങ്ങിയത് 72 പേര്. ഇവര്ക്കെതിരെ കേസെടുത്തു. യാത്ര വിലക്കിയ ശേഷം വിട്ടയച്ചു. കുടിക്കാന് പാകത്തില് മിക്സ് ചെയ്ത് കൊണ്ടുവന്നവര്ക്കും പിടിവീണു. മദ്യപിച്ചെത്തുന്നവര്ക്കെതിരെ കര്ശന നടപടി എടുക്കുമെന്ന് റെയില്വേ അറിയിച്ചു. യാത്ര തുടരാനും അനുവദിക്കില്ല. കര്ശന പരിശോധന രണ്ടാഴ്ച തുടരും. സഹയാത്രികന്റെ ക്രൂരതയ്ക്കിരയായ ശ്രീക്കുട്ടി ഇപ്പോഴും അപകടനില തരണം ചെയ്തിട്ടില്ല. വെന്റിലേറ്റര് സപ്പോര്ട്ടില് ചികില്സയിലാണ്. വീഴ്ചയുടെ ആഘാതത്തില് തലച്ചോറിലുണ്ടായ ചതവുകള് സുഖപ്പെടാന് സമയമെടുക്കുമെന്നാണ് വിലയിരുത്തല്.
Read More » -
ഇവനെയൊക്കെ തൂക്കിക്കൊല്ലണം : ജീവപര്യന്തം തടവ് പോര: ജോലിഭാരം കുറയ്ക്കാന് പത്ത് രോഗികളെ കൊലപ്പെടുത്തിയ പുരുഷനേഴസിന് ജീവപര്യന്തം തടവ് ശിക്ഷ; സംഭവം ജര്മനിയില് :
ബെര്ലിന് : ജര്മനിയില് അഡോള്ഫ് ഹിറ്റ്ലര് പോലും ഇത്രയും കണ്ണില് ചോരയില്ലാത്ത ക്രൂരത ചെയ്തിട്ടുണ്ടാകില്ല. രാത്രി ഷിഫ്റ്റുകളിലെ ജോലിഭാരം കുറയ്ക്കാനായി ഒരു ആരോഗ്യപ്രവര്ത്തകന് നടത്തിയ രക്തം കട്ടിയാക്കുന്ന ക്രൂരകൃത്യത്തില് നടുങ്ങിയിരിക്കുകയാണ് ജര്മനി. പത്ത് രോഗികളെ ഇയാള് വിഷാംശമുള്ള മരുന്നുകള് കുത്തിവെച്ച് കൊലപ്പെടുത്തുകയും 27 പേരെ കൊല്ലാന് ശ്രമിക്കുകയും ചെയ്തു. ജര്മ്മനിയിലെ ആരോഗ്യമേഖലയെയും സമൂഹ മനസാക്ഷിയെയും ഒരുപോലെ ഞെട്ടിച്ച സംഭവമായിരുന്നു ഇത്. 44 വയസുള്ള പാലിയേറ്റീവ് കെയര് നഴ്സാണ് തന്റെ പരിചരണത്തിലുള്ള രോഗികളെ ക്രൂരമായി കൊലപ്പെടുത്തിയത്. സംഭവത്തില് പ്രതിക്ക് കോടതി ജീവപര്യന്തം ശിക്ഷ വിധിച്ചു. എന്നാല് ഈ പ്രതിക്ക് ജീവപര്യന്തം ശിക്ഷയല്ല വധശിക്ഷ തന്നെ നല്കണമെന്നാണ് കൊല്ലപ്പെട്ടവരുടെ ബന്ധുക്കളും മറ്റും ആവശ്യപ്പെട്ടുകൊണ്ടിരിക്കുന്നത്. പടിഞ്ഞാറന് ജര്മനിയിലെ വൂര്സെലെനിലെ ഒരു ആശുപത്രിയില് 2023 ഡിസംബറിനും 2024 മേയ് മാസത്തിനും ഇടയിലുള്ള ആറു മാസത്തിനിടെയാണ് ഇയാള് ഈ കൊലപാതകങ്ങളും കൊലപാതക ശ്രമങ്ങളും നടത്തിയത്. രാത്രി ഷിഫ്റ്റുകളില് ജോലിഭാരം കുറയ്ക്കുന്നതിനായി ഇയാള് പ്രായമായ രോഗികള്ക്ക് ഉള്പ്പെടെ മോര്ഫിനോ…
Read More » -
ശബരിമല ദേവസ്വം ബോര്ഡ് സര്ക്കാരിനുണ്ടാക്കിയത് വലിയ തലവേദന ; അഴിച്ചുപണിയാന് തന്നെ സര്ക്കാര് തീരുമാനം, പുതിയ സമിതിയില് വിവാദങ്ങളില് പെടാത്തയാള് വേണം ; എത്തിയിരിക്കുന്നത് കെ. ജയകുമാറില്
തിരുവനന്തപുരം: ശബരിമല വിവാദത്തില് പുതിയ ഭരണസമിതിയും ഉള്പ്പെട്ട സാഹചര്യത്തില് അഴിച്ചുപണിയാനിരിക്കുന്ന തിരുവിതാംകൂര് ദേവസ്വം ബോര്ഡ് പ്രസിഡന്റ് സ്ഥാനത്തേക്ക് സിപിഐഎം പരിഗണിക്കുന്നത് റിട്ട. ചീഫ് സെക്രട്ടറി കെ ജയകുമാറിനെ. നേരത്തേ എ സമ്പത്തിന്റെയും പേര് പറഞ്ഞുകേട്ടിരുന്നെങ്കിലും പരിചയസമ്പന്നതയ്ക്ക് മുന്തൂക്കം നല്കുമെന്നാണ് സൂചന. ദേവസ്വം ബോര്ഡിന്റെ അടുത്ത പ്രസിഡന്റാരെന്നതില് സിപിഐഎം സെക്രട്ടേറിയറ്റില് ചര്ച്ച ചൂടുപിടിക്കുകയും ജയകുമാറിന്റെ പേരിലേക്കാണ് നേതാക്കള് എത്തിച്ചേര്ന്നതെന്നാണ് സൂചന. ചീഫ് സെക്രട്ടറിക്ക് പുറമേ ടൂറിസം സെക്രട്ടറി, തുഞ്ചത്തെഴുത്തച്ഛന് മലയാള സര്വകലാശാല വൈസ് ചാന്സലര്, കേരള സ്റ്റേറ്റ് ഫിലിം ഡവലപ്മെന്റ് കോര്പറേഷന് എംഡി, എം ജി യൂണിവേഴ്സിറ്റി രജിസ്ട്രാര് തുടങ്ങി നിരവധി പദവികള് അദ്ദേഹം വഹിച്ചിട്ടുണ്ട്. കൂടാതെ പ്രശസ്ത എഴുത്തുകാരനും ചലച്ചിത്ര ഗാനരചയിതാവുമാണ്. മുഖ്യമന്ത്രിയുമായി കൂടിയാലോചനകള് നടത്തിയ ശേഷമായിരിക്കും ഇക്കാര്യത്തില് അന്തിമ തീരുമാനമെടുക്കുക. കെ ജയകുമാര് നിലവില് ഐഎംജി ഡയറക്ടറാണ്. സ്വര്ണക്കൊള്ള വിവാദക്കാലത്ത് ദേവസ്വം ബോര്ഡിനെ നയിക്കാന് പരിചയ സമ്പന്നനായ ഒരാള് വേണമെന്നത് സിപിഐഎമ്മില് വലിയ ചര്ച്ചയായി മാറിയിരുന്നു. പൊതുസമ്മതനായുള്ള വ്യക്തിത്വത്തിന് പുറമേ…
Read More »