വയനാട്: കേരള മത്സ്യതൊഴിലാളി ക്ഷേമനിധി ബോര്‍ഡ് ജില്ലയിലെ മത്സ്യ അനുബന്ധ തൊഴിലാളികളെ ക്ഷേമനിധിയില്‍ ഉള്‍പ്പെടുത്തുന്ന പ്രവര്‍ത്തനങ്ങള്‍ക്കായി കരാറടിസ്ഥാനത്തില്‍ കോ-ഓര്‍ഡിനേറ്ററെ നിയമിക്കുന്നു.
കൂടിക്കാഴ്ച്ച ഒക്ടോബര്‍ 10 ന് രാവിലെ 11 ന് വൈത്തിരി തളിപ്പുഴ ഫിഷറീസ് ട്രെയിനിംഗ് സെന്ററില്‍ നടക്കും. അപേക്ഷകര്‍ വയനാട് ജില്ലയില്‍ സ്ഥിര താമസക്കാരായിരിക്കണം.
യോഗ്യത അംഗീകൃത സര്‍വ്വകലാശാല ബിരുദം. പ്രായപരിധി 20 നും 36 നും ഇടയില്‍. താത്പര്യമുള്ളവര്‍ യോഗ്യത, പ്രായം, പ്രവര്‍ത്തി പരിചയം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ അസ്സലും പകര്‍പ്പും സഹിതം ഹാജരാകണം. കൂടുതല്‍ വിവരങ്ങള്‍ക്ക്: മേഖല എക്സിക്യൂട്ടീവ്, മത്സ്യബോര്‍ഡ്, കോഴിക്കോട്, ഫോണ്‍ : 9497715580, 9497715577
