ചെന്നൈ: ചെന്നൈയില്‍ നിന്ന് ഇന്ന് കേരളത്തിലേക്ക് പുറപ്പെടേണ്ട 3 ട്രെയിനുകള്‍ റദ്ദാക്കി. മംഗളൂരു എക്‌സ്പ്രസ് (12685), തിരുവനന്തപുരം എക്‌സ്പ്രസ് (12695), മംഗളൂരു വെസ്റ്റ് കോസ്റ്റ് എക്‌സ്പ്രസ് (22637) എന്നീ വണ്ടികളാണ് റദ്ദാക്കിയത്. ആര്‍ക്കോണം കാട്പാടി റെയില്‍വേ സെക്ഷനില്‍ മുകുന്ദരായപുരം-തിരുവലം ഭാഗത്ത് റെയില്‍വേ പാലത്തിന് കേടുപാട് സംഭവിച്ചതാണ് റദ്ദാക്കാന്‍ കാരണം.
ശനിയാഴ്ച മംഗളൂരുവില്‍നിന്ന് ചെന്നൈയിലേക്കുള്ള ചെന്നൈ എക്‌സ്പ്രസ് (12686), ആലപ്പുഴയില്‍ നിന്നുള്ള ആലപ്പി എക്‌സ്പ്രസ് (22640) എന്നീ തീവണ്ടികളും റദ്ദാക്കി. കേരളത്തിലേക്കും തിരിച്ച് ചെന്നൈയിലേക്കുമുള്ള മറ്റുതീവണ്ടി സര്‍വീസുകളെക്കുറിച്ചും അനശ്ചിതത്വം നിലനില്‍ക്കുന്നുണ്ട്.
