Breaking NewsIndiaLead NewsNEWS
പ്രവര്ത്തകരെ നിയന്ത്രിക്കണം, പൊതുമുതല് നശിപ്പിച്ചതില് ഇടപെടും; വിജയ്ക്കെതിരെ കോടതി
ചെന്നൈ: നടന് വിജയ്യുടെ രാഷ്ട്രീയ പാര്ട്ടി തമിഴക വെട്രി കഴകത്തിനു (ടിവികെ) മദ്രാസ് ഹൈക്കോടതിയുടെ വിമര്ശനം. സമ്മേളനങ്ങള് നടത്തുമ്പോള് പ്രവര്ത്തകരെ നിയന്ത്രിക്കേണ്ടത് നേതാവാണ്. പൊതുമുതല് നശിപ്പിച്ച സംഭവത്തില് വേണ്ടിവന്നാല് ഇടപെടും. എന്തെങ്കിലും അനിഷ്ടസംഭവങ്ങളുണ്ടായാല് ആര് ഉത്തരവാദിത്തമേറ്റെടുക്കുമെന്നും കോടതി ചോദിച്ചു. തിരുച്ചിറപ്പള്ളിയില് നടന്ന യോഗത്തിലുണ്ടായ സംഭവങ്ങളുടെ പശ്ചാത്തലത്തിലാണു കോടതിയുടെ വിമര്ശനം.
എല്ലാ രാഷ്ട്രീയ പാര്ട്ടികള്ക്കും ബാധകമായ ചട്ടങ്ങള് രൂപീകരിക്കണമെന്നും പൊലീസിനോട് കോടതി നിര്ദേശിച്ചു. സമ്മേളനങ്ങള്ക്ക് അനുമതി തേടിയുള്ള അപേക്ഷകളില് വൈകാതെ തീരുമാനമെടുക്കാന് പൊലീസിന് നിര്ദേശം നല്കണമെന്ന് ആവശ്യപ്പെട്ടുള്ള ടിവികെയുടെ ഹര്ജി പരിഗണിക്കവേയാണു കോടതിയുടെ വിമര്ശനങ്ങള്.
