കൊല്ലം: വീട്ടിലെത്തിയ അയല്വാസിയായ ഒന്പതുവയസ്സുകാരനെ ജനലില് കെട്ടിയിട്ട് പീഡിപ്പിക്കാന് ശ്രമിച്ചയാളെ അഞ്ചല് പോലീസ് പിടികൂടി. തടിക്കാട് തേവര്തോട്ടം കാണിക്കോണം ചരുവിള പുത്തന്വീട്ടില് മണിക്കുട്ടനെ(35)യാണ് അറസ്റ്റ് ചെയ്തത്.
പോലീസ് പറയുന്നത്: മണിക്കുട്ടന്റെ വീട്ടില് കൊതുകുതിരിവാങ്ങാന് എത്തിയ കുട്ടിയെ വീട്ടിനുള്ളിലേക്ക് കൂട്ടിക്കൊണ്ടുപോയി പ്രകൃതിവിരുദ്ധ ലൈംഗികപീഡനത്തിനിരയാക്കാന് ശ്രമിച്ചു. ഭയന്ന് ബഹളംവെച്ച കുട്ടിയെ കൊല്ലുമെന്ന് ഭീഷണിപ്പെടുത്തി. പുറത്തേക്ക് ഓടി രക്ഷപ്പെടാന് ശ്രമിച്ച കുട്ടിയെ പിടിച്ച് കെട്ടിയിട്ട് പീഡിപ്പിക്കാന് ശ്രമിച്ചു. ഇതിനിടെ വായകൊണ്ട് കൈയിലെ കെട്ടഴിച്ച് കുട്ടി രക്ഷപ്പെടുകയായിരുന്നു.
