കൊച്ചി: തന്നെ ആക്രമിച്ച കേസില് നടന് ദിലീപിനെതിരെ തെളിവില്ലെന്ന മുന് ഡിജിപി ആര്.ശ്രീലേഖയുടെ പ്രസ്താവനയ്ക്കെതിരെ അതിജീവിത നിയമനടപടി സ്വീകരിച്ചു. ശ്രീലേഖയ്ക്കെതിരെ കോടതിയലക്ഷ്യ ഹര്ജി നല്കി. കേസില് ദിലീപിനെതിരെ തെളിവുകളില്ല എന്ന വിധത്തില് ശ്രീലേഖ ഒരു ഓണ്ലൈന് ചാനലിന് നല്കിയ അഭിമുഖത്തില് ആരോപണമുന്നയിച്ചിരുന്നെന്നും ഇത് കോടതിയലക്ഷ്യമാണെന്നുമാണ് അതിജീവിതയുടെ വാദം.
കേസില് ഇന്ന് അന്തിമവാദം എറണാകുളം പ്രിന്സിപ്പല് സെഷന്സ് കോടതിയില് ആരംഭിക്കാനിരിക്കെയാണു നടപടി. ചട്ടവിരുദ്ധമായി മെമ്മറി കാര്ഡ് തുറന്ന സംഭവത്തില് ഉത്തരവാദികള്ക്കെതിരെ നടപടിയുണ്ടായില്ലെന്നും നടപടി വേണമെന്നും ആവശ്യപ്പെട്ട് അതിജീവിത രാഷ്ട്രപതി ദ്രൗപദി മുര്മുവിന് ഇന്നലെ കത്ത് അയച്ചിരുന്നു.
2018 മാര്ച്ച് 8ന് ആരംഭിച്ച വിചാരണയാണ് അന്തിമ ഘട്ടത്തിലേക്കു കടക്കുന്നത്. വാദം പൂര്ത്തിയാക്കാന് രണ്ടാഴ്ച സമയം വേണമെന്ന് പ്രോസിക്യൂഷന് ആവശ്യപ്പെടും. അന്തിമ വാദത്തിന്റെ നടപടികള് ഒരു മാസം കൊണ്ടു പൂര്ത്തിയായേക്കും.
2017 ഫെബ്രുവരിയിലാണ് നടി ആക്രമിക്കപ്പെട്ടത്. വാദം പൂര്ത്തിയാക്കാന് രണ്ടാഴ്ച സമയം വേണമെന്ന് പ്രോസിക്യൂഷന് ആവശ്യപ്പെടും. അന്തിമവാദത്തിന്റെ നടപടി ക്രമങ്ങള് ഒരു മാസം കൊണ്ട് പൂര്ത്തിയാക്കാനാണ് സാധ്യത. വാദം പൂര്ത്തിയായാല് കേസ് വിധി പറയുന്നതിനായി മാറ്റും. 2018 മാര്ച്ച് എട്ടിനാണ് വിചാരണ നടപടികള് ആരംഭിച്ചത്. ഷൂട്ടിങ്ങിനുശേഷം തിരികെ വരികയായിരുന്ന നടിയുടെ കാറിനു പിന്നില് വാഹനമിടിപ്പിച്ച് നിര്ത്തുകയും അതിക്രമിച്ചു കയറി ലൈംഗികമായി ആക്രമിക്കുകയും ഇതിന്റെ ദൃശ്യങ്ങള് പകര്ത്തുകയും ചെയ്തു എന്നാണ് കേസ്. നടന് ദിലീപ് കേസില് എട്ടാം പ്രതിയാണ്.
