കൊല്ലം: ഉത്സവത്തിനിടെ ആന വിരണ്ടോടി. കൊല്ലം ചിറക്കരയിലാണ് സംഭവം. ചിറക്കര ദേവീക്ഷേത്രത്തില്‍ എഴുന്നള്ളത്തിന് കൊണ്ടുവന്ന ചിറക്കര ദേവനാരായണനാണ് വിരണ്ടോടിയത്.ഒടുവില്‍ ഉടമയുടെ വീട്ടിലെത്തിയാണ് ആന നിന്നത്.
കഴിഞ്ഞ ദിവസം ചങ്ങരംകുളം ചിറവല്ലൂർ ചന്ദനക്കുടം നേർച്ചയ്‌ക്കിടെ ആന ഇടഞ്ഞിരുന്നു. ചിറവല്ലൂർ സെന്ററില്‍ വച്ചായിരുന്നു സംഭവം.
നേർച്ചയുടെ ഭാഗമായി വിവിധ പ്രദേശങ്ങളില്‍ നിന്നുള്ള കാഴ്ച വരവിനിടയിലാണ് ആന ഇടഞ്ഞത്. പുലർച്ചെ ഒരു മണിയോടെയാണ് പുള്ളൂട്ട് കണ്ണൻ എന്ന ആന ഇടഞ്ഞത്. പുറത്തുണ്ടായിരുന്ന മൂന്നുപേരെയും ആന കുടഞ്ഞിട്ടു.വീഴ്ചയിൽ ഒരാള്‍ക്ക് നിസാര പരിക്കേറ്റു.
