മുംബൈ: വിദ്യാർത്ഥികള്‍ സഞ്ചരിച്ച ടെംമ്ബോയിൽ ട്രക്കിടിച്ച് നാല് പേർക്ക് ദാരുണാന്ത്യം.മഹാരാഷ്ട്രയിലെ നന്ദ്ഗാവ് ഖണ്ടേശ്വറിലാണ് സംഭവം.
പത്തു പേർക്ക് പരിക്കേറ്റു. രാവിലെ എട്ടുമണിയോടെയാണ് അപകടമുണ്ടായത്. അമരാവതിയില്‍ നിന്നുളള വിദ്യാർത്ഥികളായ ക്രിക്കറ്റ് ടീം അംഗങ്ങളടക്കം 21 പേരായിരുന്നു ടെമ്ബോ വാഹനത്തിലുണ്ടായിരുന്നത്. യവറ്റ്മലിലേക്ക് ക്രിക്കറ്റ് മത്സരത്തിനായി പോകുകയായിരുന്നു സംഘം.
വാഹനത്തിലുണ്ടായിരുന്ന 21 പേരില്‍ നാല് പേർ സംഭവ സ്ഥലത്ത് വെച്ച്‌ തന്നെ മരിച്ചു. പരിക്കേറ്റവരുടെ സ്ഥിതി ഗുരുതരമാണ്. ട്രക്ക് ഡ്രൈവറെ പൊലീസ് കസ്റ്റഡിയിലെടുത്തിട്ടുണ്ട്.ട്രക്കിന്റെ അമിതവേഗതയാണ് അപകടകാരണം എന്നാണ് സൂചന.
