![](https://newsthen.com/wp-content/uploads/2024/02/Screenshot_2024-02-10-16-48-20-67_a71c66a550bc09ef2792e9ddf4b16f7a2.jpg)
മലപ്പുറം: അവധി കഴിഞ്ഞ് കുവൈറ്റിലേക്ക് തിരിച്ചുപോവുന്ന പ്രവാസിക്ക് ഇറച്ചിയെന്ന് പറഞ്ഞ് കുപ്പിയില് കഞ്ചാവ് നല്കിയ സംഭവത്തില് പ്രതിയെ അറസ്റ്റ് ചെയ്ത് പോലീസ്.
ഓമാനൂർ പള്ളിപ്പുറായ പാറപള്ളിയാളി ഫൈസല് അവധി കഴിഞ്ഞ് തിരിച്ച് പോകുന്നതിനിടെയാണ് സുഹൃത്ത് ഷമീം ഇറച്ചിയും മറ്റും അടങ്ങിയ പെട്ടിയില് കഞ്ചാവ് വെച്ച് കൊടുത്തയക്കാൻ ശ്രമിച്ചത്. ഗള്ഫിലുള്ള മറ്റൊരു സുഹൃത്തിനെന്നാണ് ഷമീം പറഞ്ഞത്. യാത്രക്കുള്ള ലഗേജ് ഒരുക്കുന്നതിനിടെ ഷമീം നല്കിയ പെട്ടിയിലെ വസ്തുക്കള് മാറ്റി പായ്ക്ക് ചെയ്യാൻ അഴിച്ചപ്പോഴാണ് ഫൈസലിന് ചതി മനസ്സിലായത്. തുടർന്ന് വിശദമായി പരിശോധന നടത്തിയപ്പോഴാണ് പ്ലാസ്റ്റിക്ക് പായ്ക്കില് പ്ലാസ്റ്ററിട്ട് ഒട്ടിച്ച നിലയില് കഞ്ചാവടങ്ങിയ ബോട്ടില് കണ്ടെത്തിയത്.
![Signature-ad](https://newsthen.com/wp-content/uploads/2024/06/signature.jpg)
സംഭവം കേസായതോടെ കഴിഞ്ഞ ദിവസം പൗരസമിതി യോഗം ചേരുകയും നടപടിയെടുക്കണമെന്ന് ആവശ്യപ്പെടുകയും ചെയ്തിരുന്നു.